CHAPTER 18

"Don't worry, 'lo. Ilang araw lang ho akong mawawala. I'll be back after two days," saad ni Romano sa kanyang Lolo Julio na ngayon ay kausap niya sa kabilang linya.

Pasado alas-sais pa lang ng umaga at kahit nahirapan siyang matulog kagabi ay napakaaga niya pa ring nagising. Nakapaligo na siya at tanging underwear at boxer shorts ang kanyang suot na sadyang pinatungan niya lamang ng puting roba. Basa pa nga ang kanyang maikling buhok tanda na kalalabas niya lang ng banyo kanina.

Dumiretso nga siya sa malawak na verandah sa ikatlong palapag ng kanyang bahay at doon ay tinawagan ng kanyang abuelo.

"I thought you've changed, Romano. Ang sabi mo, pagkatapos ng bakasyon mo sa Davao ay tuluyan mo nang pamamahalaan ang JGCC. Bakit ngayon ay hihingi ka na naman ng dalawang araw na liban?"

"May importante lang akong kailangan asikasuhin, 'lo," katwiran niya pa sa panenermon nito.

Hawak niya ang cell phone sa kanyang kanang kamay at nakatapat iyon sa kanyang tainga. Ang isang kamay niya naman a