Chapter 87

Aleya's Pov

"Uhmm..." ungol ko habang unti-unti akong pinagbabalikan ng aking malay. Kasabay ng pagbabalik ng aking malay ay ang pagbabalik din ng mga nakalimutan kong alaala. "Uhmm..." muli akong umungol at kahit nakapikit ang aking mga mata ay napakunot ang aking noo. Medyo nakaramdam kasi ako ng pagsakit ng aking ulo ngunit sa pagkakataong ito ay saglit lamang. Mabilis na nawala ang sakit kaya naging maayos na ang pakiramdam ko.

"Aleya! Thank God, you're finally awake," boses ng nag-aalalang si Enrique sa aking tagiliran. Kilalang-kilala ko na talaga ang boses niya kahit na hindi ko pa man siya nakikita. Ang bilis siyang nakilala ng puso ko.

"Enrique," mahinang sambit ko sa pangalan niya nang imulat ko ang aking mga mata.

"I'm glad you're awake. Kumusta na ang pakiramdam mo? Masakit pa ba ang ulo mo?" nakangiting tanong niya sa akin habang marahang hinahaplos ng kanyang palad ang aking noo.

"Maayos na ang pakiramdam ko," sagot ko sa kanya habang may nakapaskil na munting ngiti sa