1-Isabel

“Hon… gising na!,” untag ko kay Irven.

“Hmnnp.. mmm.. ang sarap pa matulog, Hon!,” nakapikit pa ang mga mata na sagot nito.

“Okay, hon… sleep ka muna, ako na bahala!,” h******n ko siya sa kanyang labi at hindi na ako nag-intay na gantihan niya rin ako, agad na akong tumalikod at bumaba ng kama.

“Mmmm… uhmnn… love…!,” rinig kong wika ng asawa ko sa likod ko pero hindi ko na pinagkaabalahan pang lingunin siya.

As usual, kailangan ko ng magmadali dahil magluluto pa ako ng almusal namin. Pero bago ako tumungo sa kusina ay inayos ko muna ang pampaligo ng aking pinakamamahal na mister.

Naayos ko naman noong weekend pa ang susuoting niyang pang- opisina sa buong linggo. Biyernes ngayon at huling araw na may pasok si Irven sa opisina.

Mag- lilimang buwan pa lang umuupo bilang presidente ng colleges si Irven. Alam kong nangangapa pa ito at naninibago sa bagong posisyon nito. Nag-iisa at tagapagmanang anak ang aking mahal na mister sa Ledesma Colleges na may mga branches sa iba’t- ibang panig ng Pilipinas.

Inihanda ko na ang mga ingredients para sa lulutuin kong breakfast naming mag- asawa. I see to it na healthy ang kinakain ng aking mahal na asawa. Kaya’t pati lunch nito ay ako ang naghahanda at nagluluto.

I quit teaching just to be a plain and full- time wife to Irven. Hindi naman niya ako pinagbabawalaan sa ano ang gusto kong gawin. Mas pinili kong pagsilbihan at supprtahan si Irven sa pag- abot ng mga pangarap niya sa buhay.

Bukas na nga ang ikaapat na taong wedding anniversary naming mag-asawa. Sa nakalipas na taon, palagi ang mister ko ang sumusupresa sa akin pero ngayon gusto ko siyang unahan. Gusto kong maging special at intimate ang araw na iyon sa aming mag-asawa.

Tamang- tama dahil sabado bukas at walang pasok sa opisina si Irven. Excited at napapangiti na lang ako sa naiisip na surpresa ko sa kanya. Alam kong matutuwa siya sa ibibigay ko sa kanya.

Hindi naman ako natagalan sa pagluluto dahil gamay ko na ang proseso at pasikot- sikot sa araw- araw na ito lang ang parati kong routine. Hinding- hindi ako magsasawang pagsilbihan si Irven habang ako ay nabubuhay.

Mahal na mahal ko ang aking asawa. Siya lamang ang kaisa- isang lalakeng nagmahal din sa akin ng tunay sa nakalipas na taon. Hinamak niya ang kanyang mga magulang upang makasama lang ako na siyang patunay sa totoo ang pag-ibig niya sa akin.

Sa awa ng Diyos, mag-aapat na taon na kami bukas pero ni minsan hindi pa kami nag- aaway ng matindi ni Irven. Pareho kasi naming iniintindi ang isa’t isa. I am a submissive wife and Irven is a loving husband. What can I ask for?

Kontento na ako sa kanya at kita ko naman na responsable at mapagmahal na asawa sa akin si Irven. May tiwala ako sa aming pag- iibigan. Wala akong hindi kayang tiisin para sa kanya. I love him so much and I felt his love for me too.

Tinanggal ko na ang apron na isinuot ko matapos kong maihanda na ang pagkaing niluto ko sa lamesa. Hindi ko na naggawang maghilamos o mag-ayos paggising ko dahil mas mahalaga sa akin na lahat ng needs at kailangan ni Irven ay pulidong nakahanda na.

Huli kong ginawa ang brewed coffee niya na ako laging nagtitimpla. Napapangiti na lang ako dahil isa sa minahal raw sa akin ng mister ko ang aking secret ingredient sa pagtimpla ng kape noong nililgawan niya pa ako kaya’t hanggang ngayon na mag- asawa na kami ay hindi pa rin nawawala ang kape tuwing umaga.

“Hon… good morning… where is my shoes?,” bungad sa kanya ni Irven sa hapag.

“Ah… sandali lang hon… kukunin ko… kain ka muna, breakfast is ready!,” malapad ang ngiti kong sumalubong sa kanya para ayusin ang kurbata niya.

“Thanks hon… but I am sorry… I am gonna be late with my flight… Oh… I am sorry I forgot to tell you, I have to visit Cebu College for some inspection with the new buildings,” saad pa nito nakatunghay ang mukha sa maliit na salamin hindi man lang siya tiningnan nito.

Medyo natigilan siya sa sinabi ni Irven. Kailanman ay hindi ito nakakalimot sa pag-update sa kanya ng mga whereabouts at coming meetings or activities nito. Pero agad naman niyang pinalawak ang isipan niya, baka nga nakalimutan lang nga nito sa dami ng gawain nito bilang bagong presidente.