VI- Isabel

“Ate, ang baho muna, maligo ka na nga!,” angal sa akin ni Nica matapos kong magluto ng mga putaheng ihahain ko mamaya sa surprise anniversary dinner date namin ni Irven.

“Oo mamaya na, tatapusin ko munang linisin ang mga kalat ko rito,” saad ko pa sa bunsong kapatid.

“Hay, naku, ate… ako na bahala rito—- magpahinga ka na at magpaganda, sige ka mamukha kang haggard mamaya pagdating ni kuya Irven,” dagdag pa nito.

“Ikaw talaga Nic— kapatid ba talaga kita? okay lang naman na eremind ako eh, may dagdag pang negatibong patutsada!!!,” balik ko sa kanya.

“Haist—- ate, nagrereal- talk lang naman ako. Oo na, ang haba na ng hair mo kasi sa dami- daming babae diyan pero ikaw ang pinakasalan ni kuya Irven. Pero ate dapat magself- care ka rin kasi dagdag ganda iyon para sa mga kalalakihan!,” parang sinong may malawak na karanasan at kaalaman sa pakikipagrelasyon na pangaral pa ni Nica.

“Ai—- nagsalita ang matanda!!! Sige na nga— ate— hahaah!!,” sabi ko sabay amoy sa magkabilaang kiliki- kili ko na totoo ngang nangangamoy maasim na ako.

“Sige na ate ako na tatapos niyan, alis na, baka magbago pa ang isip ko at pabayaan kitang maabutan ni kuya Irven—- yakkksss kadiri ka!,” pananakot pa ni Nica kaya naman binigay ko na sa kanya ang hawak kong basahan.

Malapit na ring magdapit- hapon at tiyak kong darating na si Irven. Nangako siya sa akin na uuwi siya dahil anibersaryo namin ngayon. Wala pa naman siyang ipinangako sa akin na hindi niya ginawa.

Nagmadali na akong nagshower. Hindi naman ako maraming ritwal kung maligo. Shampoo sa buhok at sabon sa katawan ay sapat na sa akin. Wala pang sampung minuto ay lumabas na ako ng banyo namin ngayon nakatapis ng tuwalya.

Nagpatuyo lang ako ng katawan at buhok bago nagpahid ng baby oil sa buo kong katawan. Hindi ako gumagamit ng lotion simula sa noon pa ay hindi nagbago ang gamit ko.

Kahit ang rami ng lotion at pabango na nireregalo sa akin ni Irven ay hindi ko halos nagagamit at ibinibigay ko lang kay Nica at Jerry. Sadya lang talagang low maintenance na babae lang talaga ako.

“Wow—- ate ang fresh muna pero parang may kulang—- wait may kukunin lang ako!,” bungad sa akin ni Nica ng makalabas ako ng silid naming mag-asawa.

Ilang sandali pa ay bumalik si Nica na may bitbit ng pouch bag. Dali- dali nitong inilabas ang mga laman ng pouch at tumambad sa akin ang mga iba’t ibang klaseng kolorote sa mukha.

“Oi, Nic—- huwag na huwag mo akong pagagamitan ng mga iyan, hindi iyan bagay sa akin. Ibalik mo na iyan sa loob, okay na ako sa hitsura ko!,” awat ko sa kapatid ng kumuha ito ng lipstick at inuwestra na sanang ipahid sa aking labi.

“Eh— ate, konti lang naman para namang magkakulau iyang mukha mo para kasing dull at walang kabuhay- buhay, lagyan natin ng glow ate!,” mungkahi pa sa kanya ni Nica.

“Tigilan muna ako Nica, hindi naman hitsura ko ang minahal ni Irven. Sanay siyang ganito na ang mukha ko, simple at walang kaarte- arte!,” sukwahi ko.

“Iyon na nga ate, you’re too simple kaya’t nasanay na si kuya Irven. Lagyan naman natin ng a little bit of excitement para bang a dash of curiosity—- malay mo mas lalo pang mainlove sa iyo si Irven!,” minsan napapaisip ako kung sino ba ang mas matanda sa amin ni Nica, ako ba o siya dahil ang dami nitong alam.

“Ganun? Hindi ba masisira ang mukha ko diyan sa mga make- up mo. Imbes na pagandahin mo lalo lang akong magmukhang clown niyan!,” diskumpiyado kong saad sa aking kapatid.

“Trust me ate. Akong bahala sa iyo. Tonight is the night. Mas lalo pang maaakit sa iyo si kuya Irven. At isa pa ate, palitan natin iyang damit mo, napakamanang—- hmp, napakaold school ang datingan!,” komento pa nito,

“O siya sige na! Matigil ka lang basta ba hindi ako pagtatawanan ni Irven mamaya— lagot ka sa akin pagnagkataon!,” babala ko kay Nica.

Iginiya na ako ni Nica papasok sa silid niya at doon niya pinagbihis at inayusan. Hindi rin naman nagtagal ang pagpapaganda niya sa akin. Maaga pa ng natapos kami.

“Wow— perfect!!!,” nakangiting turan ni Nica sa aking harapan na mula ulo hanggang paa paglabas ko ng silid niya.

Nauna na itong lumabas matapos niyang lagyan ng make-up ang mukha ko. Nagbihis pa ako ng dress na pinasuot niya sa akin. Hindi ko alam kong saan niya ito.

Off- shoulder dress na kulay pula na bodycon kaya’t hapit na hapit sa aking balingkinitan na katawan. Tenernuhan pa ng black wedge sandal. Ngayon lang talaga ako nakasuot ng ganito kaya’t nanibago ako.

“Sure ka, Nic—- hindi over ang hitsura ko, dito lang naman sa bahay ang dinner baka nasobrahan na itong ayos ko!,” untag ko sa kapatid.

“Hindi ate!!! Maniwala ka sa akin, luluwa ang mga mata ni Irven kapag nakita ka! Ibang- iba ang ayos mo ngayon ate, as in—- to the highest level ang transformation mo ate!,” grabeng papupuri sa akin ni Nica siyempre kapatid ko siya pero sa sarili ko hindi ako sigurado.

“Talaga- talaga ha???,” hindi ko pa ring mapigilang magduda sa hitsura ko.

“Haist, ang ate Bel talaga, walang bilib sa sarili. Sige na ate goodluck sa iyo, doon lang ako sa loob ng kuwarto kakain, ha? mag- enjoy kayo—- alam muna?!,” kumundat at ngumiti pa ito sa akin ng nakakaloko bago umalis sa harapan ko.

Hinintay ko na lang ang pagdating ni Irven sa sala. Alas sais na ng gabi. Baka mamaya- maya ay narito na iyon. Handa na ang mga ulam at drinks namin doon sa hardin. Mamaya kapag dumilim na ang buong kapaligiran ay kusang sisindi ang mga fairy lights doon na aking senet- up.

Hindi ko maintindahan ang aking nararamdaman. Excited akong makita ang reaksiyon ni Irven sa lahat ng inihanda ko para sa aming anibersaryo. At the same time para akong maiiyak na hindi ko mawari dahil parang may mangyayaring hindi maganda. Huwag naman sana!