Unlucky In Love With My Half-sister's Fiance(Filipino)

Raina

Walang tigil ang pagdaloy ng mga luha sa aking mga mata habang buong panunumbat na nakatingin sa boyfriend ko si Greg na nasa ibabaw ng kama. Tanging kumot lamang ang tumatakip sa kalahati ng hubad nitong katawan kasama ang isang babaeng nakangiti na walang iba kundi ang isa sa mga itinuturing kong malapit na kaibigan.

"Bakit, Greg? Bakit nagawa mo ito sa akin?" garalgal ang boses na tanong ko sa kanya. Hindi ko matanggap na magagawa niya akong lokohin. Hindi ko matanggap na niloko ako ng dalawang taong malapit sa puso ko. Ang sakit at bigat ng dibdib ko. Sobrang sakit.

"Huwag mo akong sisihin kung bakit nagawa kong maghanap ng ibang babae, Raina. Lalaki lamang ako. Malakas at may pangangailangan bilang isang lalaki. Hindi mo kayang ibigay ang gusti ko kaya natural na naghanap ako ng babaeng kayang ibigay ang nais ko," sagot ni Greg, walang pagsisisi ang mukha nito sa halip ay paninisi ang nakikita kong nakalarawan sa mukha niya. Sinisisi niya ako kung bakit niya ako nagawang lokohin.

"Alam mo na gusto kong malinis at buo ang pagkababae ko kapag ikinasal na tayo. Bakit ba hindi mo nahintay ang araw na iyon?" puno ng pait na tanong ko sa kanya. All these years ay inalagaan ko ang sarili ko para sa kanya. Hindi man siya ang una kong naging boyfriend ngunit tanging siya lamang ang hinayaan ko na halikan at yakapin ako.

Lately ay ilang beses tinangka ni Greg na lumagpas kami sa boundary na sinet ko para sa aming dalawa. At ang panghuling beses na tinangka niyang may mangyari sa amin ay nauwi sa away. Hindi siya nagpakita sa akin ng ilang araw at kahit tawag o text ay wala akong natanggap sa kanya kaya naman nagpasya akong puntahan siya sa condo niya para humingi ng tawad at suyuin siya. Hindi ko akalain na makikita ko siya na kasiping ang kaibigan kong si Bridget.

"Huwag ka nang magdrama na nasaktan ka, Raina. Dahil wala kang pakiramdam. You're a frigid queen. Kung talagang mahal mo ako ay ibibigay mo sa akin ang gusto ko at ang magpapasaya sa akin. At alam mo kung ano iyon."

Masakit na marinig ang mga salitang iyon mula sa lalaking mahal ko na inakala kong nakakaintindi sa akin. Akala ko ay iba siya sa dalawang nauna kong boyfriend dahil siya lamang ang umabot ng tatlong taon na naging karelasyon ko. Hindi ko alam na ang basehan pala niya ng pagmamahal ay ang ibigay ko ang katawan ko sa kanya. Napakababaw niya.

"Hindi ko alam na ganyang klaseng tao ka pala, Greg. Siguro nakabuti ang pangyayaring ito dahil natuklasan ko ang totoo mong ugali at pati na rin ang ahas kong kaibigan. Well, bagay naman kayo sa isa't isa. Isang lalaking ang pinapahalagahan lamang ay ang makamundong pagnanasa at isang babaeng cheap." Mariing pinahid ko ang mga luha sa aking mata. Tama na ang nakita nilang umiyak at nasaktan ako ng ilang minuto. Kailangan na ibangon ko ang pride na inapakan nilang dalawa. Binalingan ko si Bridget na bagama't hindi nagsasalita ay nakikita ko sa kanyang mga mata ang pagmamalaki na nagawa niyang maagaw sa akin ang lalaking minahal ko. Tila hindi naman ito nasaktan sa sinabi ko patungkol sa kanya. "Sana magtagal ang pagsasama niyo ngayong nakuha na niya ang gusto niya sa'yo, Bridget. Ang lalaking katulad niya ay natitiyak kong hindi makukuntento sa isang babae lamang. Kaya good luck na lang sa'yo."

Taas ang noo na naglakad ako palabas sa condo unit ng ngayon ay ex-boyfriend ko. Nang makita ko sa sahig ang panty na pula na nakakalat sa daraanan ko ay malakas ko itong sinipa palayo sa akin bago tuluyang lumabas sa condominium unit ng ex-boyfriend ko.

Sa loob ng isang bar ako humantong pagkaalis ko sa condo ni Greg. Agad akong dumiretso sa bar counter at naupo sa bakanteng upuan.

"One shot of tequila, please," sabi ko sa bartender. Hindi agad ibinigay sa akin ng bar tender ang hinihingi kong tequila sa halip ay tumitig lamang sa mukha ko na halatadong katatapos pa lang umiyak. "Huwag kang mag-alala dahil may pambayad ako, okay?" angil ko sa kanya. Mukha siguro akong walang pambayad kaya tila nagdadalawang isip ang bartender na ibigay ang order ko. Simple lang naman kasi akong manamit kahit na may pambili naman ako.

Bahagyang umiling ang bartender bago inabot sa akin ang isang shot ng tequila.

"Drink slowly. Masyadong nakakalasing ang tequila," paalala nito sa akin na para bang kilala niya ako.

Hindi ko pinansin ang sinabi nito sa halip ay nakalimang shot  ng tequila ako hanggang sa naramdaman ko na lamang na parang lumulutang na ang pakiramdam ko. Nakaramdam na rin ako ng init sa katawan sanhi ng nainom kong hard drinks.

Habang umiinom ako ay nakatitig sa akin ang bartender na para bang binabantayan niya ako. Dala ng alak ay lumakas ang aking loob at sinalubong ko ang kanyang mga tingin. The man is very charming and attractive. Makapal ang mga kilay nito na bumagay sa mga mata nitong tila nais basahin ang kaloob-looban ng isip ko. Perfect ang tangos ng ilong nito at ang lips nito ay—oh my! Napakaganda pala ng shape ng lips nito na medyo makapal at mapula. Bakit ngayon ko lang napansin ang taglay good looks?

Hindi ko alam kung dahil sa nakikipagtitigan ako sa kanya kaya siya lumabas sa counter at lumapit sa akin.

"Do you find me attractive? Sa tingin mo ba ay karapat-dapat akong iharap sa altar ng malinis? Ano ba ang babaeng gusto mong mapangasawa? Isang virgin o hindi na dahil naisuko na niya sa'yo ang kanyang sarili?" tanong ko sa lalaki. Dala yata sa tequila kaya parang hindi ko maramdaman ang hiya sa katawan ko.

"Lady—"

Naudlot ang sasabihin ng lalaki nang hinila ko ang kuwelyo niya at basta na lamang siyang hinalikan sa mga labi. Bahagya akong nagulat nang agad itong tumugon sa halik ko. Ang inaasahan ko pa namang reaksiyon niya ay itutulak ako at ipapahila sa bouncer palabas ng bar.

May bahagi ng utak ko ang sumisigaw at nagsasabing ihinto ko ang ginagawa ko dahil pagsisisihan ko ito sa oras na bumalik na sa tamang katinuan ang isip ko. Ngunit hindi ko magawang huminto. Ang malambot na labi ng lalaki ay nagbibigay ng kakaibang init na dumadaloy sa buong katawan ko at hindi ko ito kayang kontrolin. Init na ngayon ko lang naramdaman.

"So soft," wala sa sariling sambit ko nang pakawalan ko ang kanyang mga labi. Ngumiti ako sa kanya habang nang-aakit ang aking mga mata. "Do you want me? Then make me yours tonight. Make me forget the pain in my heart because of that bastard," nakikiusap ang boses na sabi ko sa kanya.

"Don't tempt me, Lady. Kapag binuhat kita ngayon palabas sa bar na ito ay hindi ka na puwedeng umurong," paos ang boses na sagot nito.

Sa halip na sumagot ay hinila ko siya at muling pinagtagpo ang aming mga labi para sa isang maalab at mainit na halik.

Sa gabing ito ay naibigay ko sa isang estranghero ang aking pagkababae na hindi ko nagawang maibigay kay Greg at pinakaingatan ko ng matagal. Nang gabing ito ay pakiramdam ko isa akong ibon na biglang nakawala sa rehas kong kulungan at nagpalipad-lipad sa himpapawid.

Nang magising ako kinabukasan ay natuklasan ko na nasa loob ako ng isang kotse at katabi ang guwapong bartender na nakaulayaw ko kagabi. Ngayon na nasa tamang huwisyo na ang aking pag-iisip ay himala na wala akong makapang pagsisisi sa aking didbib dahil sa nagawa ko sa halip ay masaya ako na sa kanya ko ibinigay ang aking kalinisan kahit na hindi ko naman siya kilala.

Maingat na isinuot ko ang mga nahubad kong damit maliban sa panty ko. Hindi ko kasi mahanap sa loob ng kotse ang panty ko. Hindi ko napigilan ang bahagyang matawa nang maisip ko na baka sa labas pa lang ng kotse ay naalis na ng lalaki ang panty ko at basta na lamang itinapon sa kung saan. Tiyak masa-shock ang sinumang tao na makakadampot sa panty ko. Mabuti na lang walang pangalan na nakasulat sa panty na magti-trace papunta sa akin bilang may-ari niyon.

Matapos kong magbihis ay tinitigan ko ang mukha ng lalaking natutulog. Ngayong mas maliwanag na ang paligid ay mas nabistahan ko ang mukha nito. No doubt he is handsome. Tiyak na maraming mga kababaihan ang naghahabol sa kanya.

Sumilay ang isang pilyang ngiti sa aking mga labi dahil kahit na gumalaw na ako sa tabi niya ay hindi pa rin siya nagising. Mukhang napagod yata siya kagabi dahil hindi lamang isang beses na dinala niya ako sa langit ng kaligayahan kundi dalawang beses pa.

"Thank you for the wonderful experience," mahina ang boses na kausap ko sa kanya kahit na hindi niya naririnig. Bumaba ang aking mukha at binigyan siya ng magaan na halik sa labi. A good bye kiss. Dahil alam ko na hindi na kami magkikita pang muli.