04

Naiinis pa rin talaga ako sa nangyari kanina. Hindi ako makapaniwala na sa unang paghaharap namin ay ganong ugali ang ipapakita niya.

Kinagwapo niya ba iyon!?

Nasa harapan na ako ng pinto niya ngayon at Nagdadalawang isip tuloy ako kung papasok pa ba ako sa kwarto niya o wag nalang.

Kabadtrip kasi. Kung ihagis ko kaya mga gamit niya palabas? Joke. Baka ihagis rin ako ni ma'am Tarah...

Natigil ako sa pag iisip nang makitang hindi normal ang pinto niya. May kulay gray kasi itong panel sa gilid kung saan may numerong pipindutin para magbukas.

Pinindot ko ang apat na digit na sinabi sa akin kanina ni Tita. Nang matapos ay tumunog ito kasabay nang pag ilaw ng kulay berde. Nang mag click ito ay tsaka ko hinila ang handle ng pinto.

Ibang klase ang seguridad ng lalaking iyon.

“Ang... Ganda!” nagliwanag ang mata ko nang makapasok.

Parang nalimutan ko saglit ang kaninang inis na nararamdaman.

Pinagmamasdan ko ang silid nito.

Gray at white ang theme ng silid na mahahalata mong lalaking lalaki ang may ari. Masydo ring malawak ito para sa iisang tao. Feeling ko nga mas malaki pa ito sa apartment na tinuluyan namin dati.

May king size bed din ito na kasya ang ilang tao. May lamp rin sa gilid. Isang walk in closet na parang artistahin ang peg. At ang banyo niya na may sariling bathub at shower.

Ngumuso ako. Hindi naman ganun karumi. Kung tutusin nga parang mas masinop pa siya kaysa sa akin.

Nagsimula na akong magwalis sa bawat sulok. Halos wala ngang makuhang alikabok sa sahig, s***a. Sinunod ko naman ang pagpunas sa mga gamit. At masasabi ko talagang parang mas makinis pa ito kaysa akin.

Inferness, malinis siyang tao. Hindi mo talaga ine-expect na ganun siya dahil sa sama ng ugali. Tsk!

Kahit na ganun ay pinagpatuloy ko pa rin ang paglilinis. Kumbaga double work kasi baka may natira pang germs sa paligid.

Safe guard nga hindi napapatay lahat ng bacteria. Siya pa kaya?

Nang matapos sa pag m-mop ay naupo muna ako sa malambot niyang couch. Hinihingal ako habang pinupunasan ang pawis sa noo.

Feeling ko nilinis ko buong bahay sa lawak nito.

Naging alerto naman ang katawan ko nang makarinig nang sunod sunod na pag b-beep sa labas ng pinto.

Patay! Andyan na ata siya!

Dali-dali akong naghanap ng matataguan. Nang maisip ang higaan ay dali-dali akong pumailalim doon.

Nag click ang pinto tanda na bumukas na talaga ito.

Kumalabog ang dibdib ko habang naririnig ang tunog ng mga yapak niya.

Bilin sa akin ni Tita na dalian ko ang paglilinis para ‘di ako maabutan ng anak niya pero pambihira, nasisigurado kong trenta minuto palang ang nakalipas nang matapos ako, kaya nakapagtataka lang na nakabalik sila agad!?

Hindi kaya, naudlot iyong pag-m-mall nila!?

Halos manginig ang kamay ko nang papalapit na ito sa pwesto ko. Kamalas-malasan naman oh!

Nakatakip na ngayon ang kamay ko sa bibig para pigilan ang anomang ingay na makapagapahamak sa akin. Para na nga akong estatwa sa kinalalagyan ko.

Nasa harap ko na ngayon ang kumikintab na itim niyang sapatos. Hindi ako mapakali, feeling ko bigla siyang bubulagta sa harapan ko.

Peste naman!

Biglang namang may nag ring sa kung saan, na tingin ko ay ang cellphone niya. Buti nalang talaga naisip ko na kaninang iwan iyong akin dahil tingin ko ikakapahamak ko rin iyon.

“ Yeah, I did.” malalim at malamig na sagot nito sa kausap.

Hindi naka speaker ang phone niya kaya tanging sagot niya lang ang naririnig ko.

“Are you serious about it, Dad?”

Dumiin ang pagtakip ko sa labi nang marinig iyon. Dad? Hindi ko pa man nakikita ang Ama nila pero malakas ang kutob kong magkasing aura sila ng anak niyang ito.

Casual kasi silang mag-usap... Pero malay ko pa rin diba?

“ I don't like her.” may diin nitong usal.

Napalunok ako. Ako ba iyan!?

“I won't marry a girl like her, Never.”

Nanlalaki naman ang mata kong natuptop sa pwesto. Confirmed, hindi ako. Pero... Sino? At bakit ayaw niyang pakasalan?

Pinalig palig ko ng may pag iingat ang ulo ko dahil sa iniisip. Don't be curious, Reña!

Nasa kalagitnaan na sila ng pag uusap nang may bigla na namang gumawa ng tunog. Hindi iyon babasagin panigurado dahil hindi naman ganun kalakas.

Umalis siya sa harapan ko at nasilip kong nasa harapan na siya ng walk in closet niya. May nahagip ang mata ko. May pinulot ito sa lapag.

Tuluyan na ngang nanginig ang kamay ko sa kaba nang makumpirma iyon. Shit, iyong feather duster!

Nalimutan ko palang kunin kanina!