Kabanata 3: Client Meeting

"Mr. Anderson."

Tumayo si Kaizer at sinalubong ang lalaking kararating lang. Medyo may katandaan na ang ka-meeting niya ngayon kumpara sa kanya, kasama nito ang isa pang babae na sa pakiwari niya'y sekretarya ng lalaki.

"Mr. Cua," ani Kaizer at nakipagkamay sa lalaki. Pagkatapos ay iminuwestra rito na maupo.

"Tingin ko ay may balita ka na sa balak naming gawin," pauna ni Mr. Cua. "Ayaw ko ng pahabain ito at sayangin pa ang oras mo. I know how important time is for you, Mr. Anderson."

Tumango si Kaizer. Naitawag na sa kanya kanina na umatras na ang mga Cua sa deal nila at ang tatanggapin na nito ay ang kontratang ino-offer ng mga Cruz. Napag-alaman niyang dinoble rin ng mga ito ang offer price niya.

Pero importante sa kanya ang project na iyon, maganda rin ang location at maganda ang benefits no'n lalo sa mga susunod na taon. But as a businessman, he can't just make a counter offer with the same as much. May budget lang silang inilaan para roon.

"Nandito na lang din naman tayo, why not hear me first, Sir?" anito at ngumiti sa lalaki.

Tinignan ni Mr. Cua ang secretary niya at may inilabas na folder ang babae, ibinaba niya iyon sa mesa at itinulak nang kaunti patungo kay Kaizer.

"Here's our contract terms and condition with the Cruz," sabi ni Mr. Cua. "Can you offer that much? Huwag mo sanang masamain ito, Mr. Anderson, pareho tayong businessman dito. At kung ikaw ang nasa posisyon ko, I'm sure you also know which one is the better choice."

Kinuha ni Kaizer ang folder at binuklat iyon. Hindi na niya kailangan pang basahin ng buo, alam niya kung saan agad dapat pumunta ang mga mata niya.

The amount and the conditions.

Totoong matanda ang offer ng mga Cruz, pero maganda rin naman ang offer niya. Mas mataas nga lang ang perang involve sa kabila.

Napatingin si Kaizer sa kanyang relo, wala pa ang secretary niya, nasa lalaki kasi ang draft contract na ginawa nila.

"Bakit pala mag-isa ka lang? Where's your secretary?" kuryosong tanong ng ka-meeting niya.

Ilang segundo lang matapos sabihin iyon ni Mr. Cua ay may isang babaeng lumapit sa table nila, nagbaba ng folder doon, at nakuha ang atensyon nilang tatlo.

"I have a better offer, Mr. Cua."

Namilog ang mga mata ng matanda nang makilala ang babae. Nagpalipat-lipat ang mata nito kay Solanna at kay Kaizer.

Ngumiti si Solanna sa nagtatakang mga tingin ni Kaizer, pasimple rin siyang tinignan ng masama ng lalaki sa takot na baka mas lalong mawala ang project sa kanila.

"P'wede ka bang lumipat ng upuan, Mr. Anderson?" nanunuyang wika ni Solanna.

Walang nagawa ang lalaki kundi lumipat sa upuan sa kanyang tabi upang makaupo si Solanna.

"Miss Tiu," gulat pa ring sambit ng matanda. "Anong ginagawa mo rito?"

"Mrs. Anderson," she corrected. "Hindi pa po pala ako nakapagpakilala. I'm Solanna Tiu-Anderson, executive assistant of Mr. Kaizer Anderson."

Halos malaglag ang panga ni Mr. Cua sa gulat.

Alam niyang kasal ang dalawa pero ngayon niya lang nakita na personal na magkasama ang mga ito. At hindi niya alam na executive assistant na pala ni Kaizer ang babae.

"Same contract amount," sabi ni Solanna. "But I changed the condition. You can have ten percent shares in this specific project and in addition, I'll offer another partnership project under the Tius." Ngumiti si Solanna na tila sigurado siyang kanyang-kanya na ang deal na iyon. "Hindi mo makukuha ang mga benefits na iyan kung ang mga Cruz ang pipiliin mo, Mr. Cua."

"O-ofcourse," kabadong sabi ng matanda. Kinuha nito ang contract at mabilisang binasa ang mga importanteng detalye. "I'll sign this right now, is that okay?"

Tumaas ang kilay ni Kaizer sa pagtataka. Napatingin din siya kay Solanna.

Hindi nito pinalitan ang presyo? Ten percent of shares is nothing compared to the amount offered by the Cruz.

Ayaw niya man aminin ay may kaunting pagkamangha siyang naramdaman sa kanyang asawa. Hindi niya akalaing kayang gawin iyon ni Solanna.

"Ayos na ba sa'yo ang new contract terms natin, Sir?" nakangiti siyang hinarap ni Solanna.

He look away. Kinuha niya ang kopya niya at binasa iyon ng mabuti. Walang kakaiba. Pareho lang sa sinabi ni Solanna, at ang isang partnership project lang under sa mga Tiu.

"Hindi ko alam na nagtatrabaho ka na rin pala sa mga Anderson, hija," sabi ni Mr. Cua na tila personal niyang kilala si Solanna. Pagkatapos ay tumingin ito kay Kaizer. "You really have an amazing employee over here, Mr. Anderson, she's an ace in her previous company."

Hindi niya alam.

Hindi siya nagsagawa ng research o ano pa man sa dating trabaho ni Solanna. Ang alam niya lang ay nagtatrabaho ito sa kumpanya nila kaya malamang ay hindi naman ganoon kahirap ang trabaho niya.

Muli siyang napatingin sa kontrata. Alam niya ang format ng dating ginawa ng secretary niya at alam niyang napalitan ang karamihan doon. It's more formal.

Nagsalubong ang kilay niya at hindi pa rin makapaniwala sa mga nangyayari.

"Mr. Anderson?" pagkuha ni Mr. Cua ng atensyon niya. "Ayos na ba tayo rito?"

"O-oh..." Nalilito man ay tumango pa rin siya. "Yes, I'm fine with this."

Inabutan siya ng sign pen ni Solanna at tumingin muna siya sa babae bago tinanggap ang pen at pinirmahan ang kontrata. Pagkatapos ay nagpalitan sila ng kopya ni Mr. Cua.

Matapos ma-finalize ang contract ay tumayo ang mga ito at nakipagkamay sa isa't isa bago tuluyang nagpaalam.

"Congratulations," masayang sabi ni Solanna sa kanya nang makaalis na sila Mr. Cua.

Tumingin siya sa babae na tila binabasa ang nasa isip nito.

"Why are you here?"

Nagkibit ng balikat ang babae.

"We have a deal, remember?" Kinuha ni Solanna ang shoulder bag niya at bumulong kay Kaizer. "Dinner date after your work later, hmm? Huwag kang male-late."

Sinundan ng tingin ni Kaizer ang kanyang asawa na palabas na ng restaurant kung saan sila nag-meeting. Pagkatapos ay bumaba ang tingin niya sa kontrata.

She got the deal that easily?

Siguro'y swinerte lang ito ngayon.