The Forbidden Desires 43

(TFD) Chapter 43

Spg and very sensitive scenes!

Read at your own risk!

Nakapikit si Silas at parang nahilo sa unang pinatikim sa kanya. Tuyo na dahon na nasa makinang na papel. Isang beses pa lang na hinigop niya iyon, napapikit na siya.

"Wala! Mahina pala itong isang ito! Bigyan mo pa!"

Maliit ang bukas ng mga mata ni Silas nang nilingon niya ako. Halos hindi niya mabuksan ang mga mata pero pinipilit niya pa rin akong makita.

"Huwag niyo siyang gagalawin," paos na ang boses niya sa pangalawang hithit niya.

"Oo nga! Isa pa!" Nagtatawanan silang lahat at pakiramdam ko'y may binabalak silang masama.

Sinunod sila ni Silas. Nasa isang gilid na ako dahil pinalayo nila ako kay Silas. Pinalibutan siya ng mga lalaki para mapaglaruan.

Ilang beses pa na sinindihan nila para kay Silas ang tuyong dahon bago inilapit sa kanya ang isa pa. Iyon yung makinis na papel na nilamanan nang lalaki kanina ng powder na parang asukal.

"Ito naman! Bilisan mo at para mapaglaruan na natin sila!"

Tumawa ng malaka