The Forsaken Billionaire ( Del Valle Series 2 )

"Sha... Ano ba, tumigil ka sa kakalakad, pwede ba?" Sigaw ni Berting.

"Ano? Bakit ako titigil?Pag tumigil ba ako, mahal mo na ako? Pag hininto ko ang paglayo, magugustuhan mo na ako? Kapag sinunod ba kita, pakakasalan mo na ba ako ? Ha ? Sagot...!! Sigaw din ni Akesha.

"Ano ba? Seryosong usapan nga.Tumigil ka, sabi ng kakalakad, magkakaloslos na ako kakahabol sa'yo, eh. Pwede ba itigil mo na yung kalokohan mo? Hindi ka na nakakatuwa, eh. Kahit saan na lang, puro ka biro," sabi ni Berting.

"Sino bang nagbibiro ha?" Luminga-linga si Akesha.

"Wala naman dito si Dolphy o si Babalo ah. Saka mabuti ngang magkaloslos ka nang hindi ka na maghabol pa ng iba. Habol ka ng Habol sa taong di naman tumatakbo yun nga lang di sayo patungo ang lakad"

"Ano? May tililing ka na naman ba? Sinusumpong ka ba ng pagkalukaret mo? Sabi kase sa'yo, huwag kang kumain ng hilaw na bayabas, eh," sabi ni Berting.

"Tse! Dyan ka magaling mang inis at mang asar. Kaya ka hindi nagustuhan ni Teng, eh puro ka ganyan," sabi ni Akesha.

"Hoy, Sha… foul na ’yan ha, ’di mo na territory ’yan.Umayos ka. Hindi porke't magkaibigan tayo, may karapatan kang pasukin ang mundong yun. Stop right there! o english yan alam ko maiintindihan ng mga konyong tulad mo yan"

Nasaktan na naman si Akesha sa sinabi ni Berting. Limang buwan na, limang buwan na niyang sinusubukang pasukin ang mundo ng binata, pero sarado ito, nakandado, at na kay Athena ang susi. Muling lumakad si Akesha palayo sa binata .

"Kita mo 'tong babaeng ito, saksakan ng tigas ng ulo. Ano ba Sha? Huminto ka nga mag-usap nga tayo?"

"Usap..Usap na naman? Bakit ka ba pigil nang pigil? Hindi mo naman masagot ang tanong ko. Ano ba? May bayag ka ba o bubot na okra lang 'yan ha?" sigaw ni Akesha.

"Hoy! Sha... Teka, bakit nauwi sa okra?"

"Huling tanong na lang, Roberto Dela Cruz. Kapag huminto ba akong maglakad, mamahalin mo na ba ako?" Muling tanong ni Akesha.

"Sha naman eh, ano bang biro ito? Hindi mo alam ang sinasabi mo, eh.Pakaisipin mo nga. Milyonarya ka. Ako ay hamak na mangingisda lang, Sha. Nabibilang ka sa pedestal ako sa buhanginan. Isa kang talang dapat ay tinitingala lang, samantalang ako ay isang pirasong sea shell lamang na naliligaw sa dalampasigan," sabi ni Berting.

"Putcha naman, Ting, sasagot ka lang kung gusto mo ako o hindi, tapos na ang usapan, eh kung saan-saan kalangitan at bituin mo pa ako hinalintulad. Anak ng pating naman"

"Kase siya, kase ang hirap paniwalaan, eh mahirap maging biktima ng kapritso mo lang," naliitong sabi ni Berting.

"Milyonarya? Saan sa salapi na hindi ko alam kung sa malinis nagmula. At kailan ko ipinangmalaki ’yan? Nabibilang sa kalangitan at sa pedestal, saan? Sa mga lugar na mag-isa  lang ako at malungkot. Maigi ng nasa lupa o buhanginan, Berting, marami kang kasama, minsan nga may etchas pa, di ba?" sabi ni Akesha.

Pagkatapos ay biglang sumeryoso ang dalaga. Ito na ata ang ikasampong rejection niya kay Berting at ito na rin ang huling sabi ng dalaga sa sarili. Naubos na ang tapang niya, nalagas na ang determinasyon niya.

"Pang-sampo na ito, Ting, at ang sakit-sakit na. Mayaman man ako, maluho at palagay mo ay hindi bagay sa'yo.Pakatandaan mo lang sana, Ting…

"I'm also just a girl, standing in front of a boy asking him to love her," sabi ni Akesha, na naalala ang linya ni Julia Roberts sa pelikulang Notting Hill. Ganun kase ang eksena nila, eh hadlang ang katayuan sa buhay.

"Huling tanong na ito, Berting. Paano mo ako gustong humakbang? Palayo ba sa'yo o palapit?" Sabi ni Akesha na binigyan na rin ng ultimatom ang sariling katangahan. Ang sakit-sakit na kase.

Pero hindi siya nagawang sagutin ni Berting.....