CHAPTER 34: Her good side

Nang imulat ni Seraphina ang kanyang mga mata, medyo nahilo siya. Ramdam niya ang sakit ng kanyang ulo. Magugulat sana siya kung bakit siya nakahiga sa kama nila, pero naalala rin nito na kasama pala niya si Hailey at Carol kanina. Napatingin ito sa kanyang tabi ng maramdaman niya ang isang bagay na matigas. Parang nakahiga siya sa matigas na bagay, pero komportable naman siya. Nang tignan niya ito, agad din naman nawala ang sakit ng kanyang ulo at napangiti.

"Devon," masayang sabi ni Seraphina, kasunod no'n ang pagmulat ng mga mata ni Devon. Bumungad sa kanya ang anghel na masayang nakangiti at hindi maiwasan ni Devon na halikan ito sa mga labi. 

"How's your day?" tanong nito habang nilalaro ang mga buhok ng asawa at yakap-yakap ang beywang.

"Kanina ay nahihilo ako, pero okay naman na ako. Sabi ni Hailey baka raw maselan ako magbuntis." Naging malungkot ang mukha ni Seraphina ng banggitin niya ang mga salita. Naiinis kasi ito sa tuwing naiisip niyang masel