Chapter 9

Nakangiti ako habang nakatingin sa kisame nang marinig kong tumunog ang aking cellphone kaya agad kong kinuha at mas lumawak ang aking ngiti nang makita kung sino 'yong caller.

            

"Hello," wika ko pagkasagot na pagkasagot ko sa tawag.

            

"Magtungo ka sa balkonahe," wika nito at napakunot noo naman ako pero kahit gano'n ay nagtungo pa rin ako sa balkonahe at nakita siyang nakatingala sa kinaroroonan ng aking kwarto.

            

"Good morning." Bati nito sa akin mula sa kabilang linya. Hindi ko naman maitago ang aking ngiti dahil kumaway-kaway pa si Allen sa akin mula sa baba.

            

"Good morning." Pabalik kong bati ko nang hindi binababa ang tawag. Mayamaya'y biglang pumasok ng kwarto si Celestine at lumapit sa aking kinaroroonan.

            

"Oh Allen. Anong ginagawa mo diyan? At saka bakit magka-usap kayo? Wait. Bati na kayo?" sunod-sunod na tanong sa amin ni Celestine.

            

"Yes and actually, I have something to tell you cousin," wika ko.

            

"What is it?"

            

"Uhm me and Allen were in a relationship." 

            

"WHAT???" Nanlalaki ang mga mata ni Celestine habang papalit-palit nang tingin sa amin ni Allen.

   

"Really?"

            

"Yes," sagot ko at niyakap naman niya ako.

            

"Wow. Congrats to the both of you. Ikaw ha kailan pa naging kayo?" 

            

"2 days ago. Sorry Celestine kung ngayon ko lang sinabi sayo."

            

"No that's okay. I'm happy for the both of you especially you Diana. Fight for your love. Mabuti pa ay bumaba ka na at puntahan siya para makapaglibot-libot pa kayo rito sa resort dahil huling araw na natin dito," wika ni Celestine. Oo nga pala. Pangatlong araw na namin rito sa resort. Actually, dalawang araw lang sana kami magi-stay rito pero na extend dahil 'yong iba naming mga kasama ay ayaw pang umuwi kahapon kaya ayun na extend.

            

"Sige," wika ko at lumabas na ng kwarto.

            

"Good morning." Bati ulit sa akin ni Allen nang makalapit na ako sa kanya at hinalikan ako sa aking noo habang yakap-yakap ako.

            

"Binati mo na ako nang good morning kanina ah." 

            

"Eh gusto kitang batiin ulit eh," wika nito at mas hinigpitan ang pagkakayakap sa akin.

            

"Nagugutom na ako. Tara na sa restaurant," wika ko at hinila si Allen sa restaurant ng resort. Pagdating namin ay nadatnan namin sina Fiyonah na kumakain na at nandoon na rin si Celestine. Mas nauna pa akong bumaba pero mas nauna pa siyang nakarating dito. Marahil hindi ko siya napansin kanina nang daanan niya kami ni Allen.

            

"Diana, Allen dito na kayo." tawag nila sa amin kaya nagtungo kami sa kinaroroonan nina Fiyonah.

         

"The love birds are already here," wika ni Celestine at may nakakalokong ngiti.

            

"Sorry cousin kung nasabi ko sa kanila 'yong tungkol sa inyong dalawa ni Allen." 

            

"It's okay," wika ko naman.

            

"Hayy naku kahit hindi sinabi sa amin ni Celestine 'yong tungkol sa inyong dalawa eh nahahalata naman namin na may something talaga kayo dahil sa mga galawan niyo," wika ni Lynjel na siyang sinang-ayunan naman ng aming mga kasama at syempre inasar nila kami ni Allen. Pagkatapos naming kumain ay nagkayayaan kaming lahat na magswimming.

            

"Wahhh" sigaw ni Fiyonah nang mag-slide ito pababa sa swimming pool.

            

"Tara sa slide," wika ni Allen at hinawakan ang aking kamay. Umahon kaming dalawa sa pool at nagtungo sa mala-kweba na may hagdan kung saan doon kami aakyat patungo sa slide.

            

"Wow." Bulalas ko habang umaakyat kami dahil napakalamig dito sa mala-kwebang ito at siguro masarap ding magtambay dito dahil maraming mga nakatambay dito na nadadaanan namin eh.

            

Pagkarating namin sa taas kung saan ka magi-slide ay nauna nang nag-slide si Allen. Itinaas pa nito ang kanyang mga kamay.

            

"Diana slide na," wika ni Celestine. Umupo na ako sa dulo ng slide at nakahawak ako sa may gilid dahil sa totoo lang natatakot ako kase mataas 'tong slide. May fear of heights kase ako. Huminga ako nang malalim at nilakasan ang loob. Binitawan ko na ang pagkakahawak sa may gilid at nag-slide na. Pagkabagsak ko sa tubig ay agad akong nilapitan ni Allen at niyakap.

            

"Ayos ka lang ba?," tanong nito at hinawi ang ilang hibla ng aking buhok na nasa aking mukha.

            

"Oo naman. Ang saya palang mag-slide." 

            

"Bakit ngayon mo lang ba naranasan?"

            

"Oo. Takot kase ako sa matataas na lugar eh."

            

"Huwag kang mag-alala kase sasamahan kitang harapin ang mga bagay na kinakatakutan mo," wika nito kaya mabilis ko siyang hinalikan sa kanyang pisngi. I never imagined na gagawin ko ang mga ganitong bagay.

            

"Oh tama na muna 'yang lambingan," wika ni Fiyonah kaya napailing-iling na lang kami ni Allen.

            

Mayamaya'y napagdesisyonan nina Lynjel na mag-banana boat kase hindi natuloy kahapon kaya umahon kami sa swimming pool at nagtungo sa dagat pero sina Lynjel at Clifford ay may kinausap muna.

            

"Here, wear this," wika ni Lynjel at binigyan kami isa-isa ng life vest. Nakaayos na rin yung jetski at banana boat.

            

I'm so excited," wika ng iba naming mga kasama at halata nga na excited na sila. Nang masuot na namin ang life vest namin ay sumakay na kami sa banana boat.

            

"Kumapit ka ng maayos ha." Paalala sa akin ni Allen na nasa aking likuran. Nilingon ko siya at nginitian.

            

"Waahhhhhhhhhhhhhhhh"

            

"Yoooohooooooooo" Kanya-kanyang sigaw namin dahil sa bilis ng takbo ng banana boat at medyo malayo na rin kami sa dalampasigan.

            

"Wahhhhhhhhhhh" sigaw muli namin ng bumaliktad ang sinasakyan naming banana boat.

            

Mabuti na lang at may suot kaming life vest dahil nahulog kami sa malalim. Sumakay ulit kami sa banana boat ng ilang beses at syempre maraming beses din kaming nahulog. 

            

Pagkatapos ay naglaro pa kami ng volleyball kaya heto kami ngayon sa isang cottage dito sa resort nagpapahinga at kumakain dahil lunch time na. Pero dahil nararamdaman kong bumibigat ang talukap ng aking mga mata ay napagdesisyonan kong sa room na lang namin nina Celestine ako magpapahinga kaya agad akong umalis sa cottage.

            

Pagdating ko sa room namin ay agad akong nagtungo sa bathroom para maligo. Pagkatapos ay nagbihis na ako at tinuyo ang aking buhok gamit ang blower. At ibinagsak ko ang katawan ko sa kama at ipinikit ang aking mga mata dahil inaantok na talaga ako. Pero nagising ako makalipas siguro ang ilang oras dahil naramdaman kong may nakatitig sa akin kaya napamulat ako ng mata at napangiti na lang nang makitang si Allen lang pala. Nakahiga ito sa aking tabi. Nakaharap sa akin at tinititigan ako.

            

"Kanina ka pa diyan?" tanong ko.

            

"Hindi naman. Mga limang minuto palang ako rito." Hinaplos ko ang kanyang pisngi at ngumiti.

            

"Bangon na. Malapit na ang takipsilim," Bumangon na ako at syempre agad akong tumungo sa bathroom para ayusin ang sarili.

            

"Tara sa restaurant. Nagugutom ako," wika ni Allen pagkalabas ko sa bathroom.

            

"Sige." wika ko at lumabas na kami ng kwarto patungo sa restaurant.

            

Nang makarating na kami sa restaurant dito sa resort ay agad kaming naghanap ng mauupuan.

            

"Here's the list of menu ma'am/sir," wika ng isang babae at iniabot iyon sa amin. Nag-order na kami at makalipas lang ang ilang minuto ay dumating na ang orders naming pagkain. Kumain lang kami nang kumain ni Allen at pagkatapos ay napagdesisyonan naming magtungo sa dalampasigan para maglakad-lakad at saka para na rin pagmasdan ang paglubog ng araw.

            

Pagdating namin sa dalampasigan ay nadatnan namin ang ilang tao na naglalakad-lakad din. Mayamaya ay tumigil kami sa paglalakad. Nakayakap sa akin si Allen mula sa aking likod. Nakasandal naman ang kanyang baba sa aking balikat kaya damang-dama ko ang kanyang hininga sa aking leeg samantalang ako ay nakasandal sa matikas nitong dibdib.

            

"Sana palagi na lang tayong ganito. 'Yong masaya tayo palagi."

            

"Sana nga ngunit alam nating pareho na ang buhay ay hindi laging masaya pero nasa sa atin pa rin kung pipiliin nating maging masaya o malugmok na lang sa lungkot."

            

Nanatili kami sa ganoong posisyon hanggang sa mapagdesisyonan namin na magtungo sa cottage kung saan naroon ang aming mga kasama.

         

"Oh Diana and Allen baka pwedeng patulong sa pagbubuhat nitong mga pagkain doon sa malapit sa dagat," wika ng isa sa mga pinsan ni Lynjel na si Kayeshel.

            

"Sige po." Sabay naming bulalas ni Allen at sinimulan na namin ang pagbubuhat ng mga pagkain.

            

Makalipas ang ilang oras ay heto kami ngayon sa malapit sa dagat at nagkakasiyahan. Lahat kami ay nakapalibot sa bonfire at may kanya-kanyang hawak na inumin. Mayamaya ay tumunog ang cellphone ko at nakitang tumatawag si mommy.

            

"Guys excuse lang ha. Sagutin ko lang 'tong tawag," wika ko at tumango naman sila kaya lumayo muna ako para marinig 'yong sasabihin ni mommy kase maingay 'yong iba naming kasama.

            

"Hello mommy."

            

[What are you doing right now?] Tanong nito mula sa kabilang linya. Napatingin naman ako sa kinaroroonan nina Celestine at sa mga kasamahan namin.

            

"I'm at a resort and I'm just having fun with my friends here mommy. Why?"

            

[Mabuti pa umalis ka na diyan sa resort na 'yan at mag-empake ka na dahil gusto kong bumalik ka na agad dito.]

            

"What? Pero mommy I still have 2 days left to stay here."

            

[No buts Diana. Pinagbigyan na kita sa gusto mong magbakasyon. Ngayon gusto kong ayusin mo na 'yang mga gamit mo at umuwi ka na dito. Bukas ay magpapahatid ka sa driver ni Celestine pabalik dito.]

            

"But mom—"

            

[Huwag ng magmatigas Diana,] wika nito at ibinaba na ang telepono. Ayoko pang bumalik sa Manila. Nakakainis naman si mommy eh. Napasabunot na lang ako sa aking buhok at huminga nang malalim para kalmahin ang sarili. Bumalik na ako sa kinaroroonan nina Celestine at umupo sa pwesto ko kanina.

            

"Guys," wika ko at napatingin naman sila sa akin.

            

"I need to go now. Pinapabalik na kase ako ni mommy at bukas na ang alis ko. So, kailangan ko nang umuwi sa bahay nina Celestine para makapag-empake." Para namang tumamlay ang kanilang mukha dahil sa sinabi ko lalo na si Allen.

            

"Pero gabi na. Mabuti pa magpalipas ka na lang ng gabi rito." 

            

"No. Maaga akong aalis bukas. Sorry talaga." Paumanhin ko sa kanilang lahat.

            

"Eh pakiusapan mo na lang muna 'yong mommy mo na sa susunod na araw ka na lang umuwi," wika ni Fiyonah na agad kong ikinailing.

            

"Tita won't let her," wika naman ni Celestine.

            

"Hayy mami- miss ka namin," wika nilang lahat at nag-group hug kami.

Nagtungo ako sa room namin sa hotel ng resort kasama ko sina Celestine at Allen. Pagdating namin sa kwarto ay inayos ko ' yong mga gamit ko na dinala ko dito sa resort.

            

"Cousin. Hindi kita masasamahan pabalik ng Manila. Sorry talaga." 

"No it's okay. Mami-miss kita," wika ko at niyakap si Celestine.

            

"Ako rin. Basta kapag may problema ka tawagan mo lang ako ha," wika niya at tumango naman ako. Lumabas na kami sa kwarto at nagtungo sa parking lot.

            

"Sige. Allen, Diana mag-ingat kayo sa daan," wika ni Celestine. Napatingin naman ako kay Allen na matamlay ang mukha.

           

 "Sige. Bye." Sumakay na kami ni Allen sa sasakyan at habang nasa biyahe kami ay tahimik lang kami pareho. Pagdating namin sa bahay nina Celestine ay akala ko babalik siya agad sa resort pero hindi.

            

"Allen bumalik ka na sa resort." 

            

"Ayoko. Gusto kong sulitin ang mga natitirang oras na kasama kita dahil aalis ka na pabalik ng Manila bukas. Sana hayaan mo akong manatili."

            

"Sige," wika ko at ngumiti siya pero may bahid iyon nang lungkot. Nagtungo kami sa kwarto at nakatingin lang siya sa akin habang nag-eempake.

            

"Hindi ba talaga pwedeng mag-stay ka pa rito kahit dalawang araw lang?" tanong nito nang tapos ko akong mag-empake. Bumuntong hininga ako at umupo sa tabi niya.

            

"Gustuhin ko man pero wala akong magawa eh."

            

"Paano na tayo kapag nasa Manila ka na? Ano nang mangyayari sa relasyon natin?"

            

"Allen hindi ko alam pero ayokong maputol 'yong kung ano man ang meron tayo."

     

"Pero paano eh ikakasal ka na?"

            

"I don't know but don't worry. I'll make sure na hindi matutuloy 'yong kasal. Hindi ko nga lang alam kung paano pero please magtiwala ka lang sa'kin," wika ko at hinawakan ang kanyang kamay.

            

"Magtitiwala ka ba sa akin?" tanong ko sa kanya habang nakatingin nang diretso sa kanyang mga mata.

            

"May tiwala ako sayo Diana," wika naman niya at niyakap ako. I'm sorry Allen kung masasaktan ka na naman ng dahil sa'kin pero huwag kang mag-alala dahil gagawin ko ang lahat matupad lang ang mga binitawan kong salita sayo. 

                                    ~~~

            

"Diana mag-iingat ka. Tatawagan natin palagi ang isa't-isa. Kapag may pagkakataon na makakapunta ako ng Manila ay hahanapin kita pangako."

            

"Sige hihintayin kita," wika ko naman at niyakap siya. May tumulong mga luha sa aking pisngi pero agad ko itong pinunasan at kumalas na sa pagkakayakap. 

            

"Palagi mong tatandaan na mahal na mahal kita Diana."

            

"Ako din. Mahal na mahal din kita allen." Papasok na sana ako sa sasakyan nang niyakap niya akong muli at hinalikan sa aking noo. Pagkatapos ay tuluyan na akong sumakay sa sasakyan at umalis. I hope to see you soon Allen.