Kabanata 15

Pinasadahan niya ng tingin ang buo kong katawan habang naroroon pa rin ang ngising aso sa kanyang labi. Suot ko'y manipis na puting dress na agad dumikit sa katawan ko dulot ng pagkakabasa. Iyon marahil ang dahilan kaya nauulol itong lalaking ito ngayon.

Naupo siya sa aking harapan. Sinubukan ko pa ring umatras kahit pa wala na akong maaatrasan dahil sa mga trosong nasa aking likuran. Inilabas niya ang dila niya't dahan-dahang binasa ang kanyang mga labi. Naging malalim ang bawat paghinga ko dahil sa kamanyakang nakikita ko.

"A-anong k-kailangan niyo sa akin?"

"Pera . . . Sana," sabay ngisi na naman niya. "Pero kung ganito naman kaganda ang magiging katabi ko gabi-gabi, ayos lang kahit hindi mo na bayaran ang utang ng tatay mo sa akin."

"Pasensya na. Hindi ako pumapatol sa asong ulol!" buong tapang kong sabi. Pilit na nagtatapang-tapangan kahit na sa loob loob ko'y labis-labis na ang takot na nararamdaman ko.

Humalakhak siya na siyang agad na sinabayan ng mga kasama niya. Ngunit agad ring huminto sa paghalakhak ang lahat nang galit niyang lingunin ang mga ito.

Umangat ang palad niya at akmang sasampalin ako. Napapikit ako ng mariin, hinahanda ang sarili sa paparating na sakit. Pero mas lalo lamang akong napapikit nang imbis na sampal ay marahang haplos ang naramdaman ko sa pisngi ko.

"Mas malaki ang utang sa amin ng daddy mo kumpara sa utang niya kay Spike Guillermo. Pero bakit sa kanya ka nagbabayad? Hindi ba ay dapat sa amin?"

Bumaba ang haplos niya patungo sa aking dibdib. Hindi ko magawang alisin ang kamay niya dahil nakagapos ang mga kamay ko sa aking likuran.

"Ang laki," komento niya matapos hawakan ng isa niyang kamay ang dibdib ko.

"Ohhh!" Agad na nagsipagungulan ang mga lalaki sa kanyang likuran.

"Sabi ko naman sa 'yo, tumatanggap kami ng katawan bilang kabayaran, e. Ano, game ka?" Muli niyang pinisil ang dibdib ko. Sunod-sunod na tumulo ang mga luha ko.

"Ang bababoy niyo!"

Humalakhak siyang muli at nilingon ang mga kasamahan niya. "Baboy daw?!" Muli niya akong nilingon. "Hindi naman pwedeng kay Guillermo ka lang magbabayad ng utang, Miss Madrigal. Paano naman kami?"

Ibinaba niya ang kamay niya sa aking hita at ito naman ang hinahaplos. Dahan-dahang inaangat ang laylayan ng damit ko, inilalantad ang aking hita. Sinubukan kong ilayo ang mga hita ko, pero mabilis na sinusundan iyon ng kanyang kamay.

"HOY, ANONG GINAGAWA NIYO D'YAN?!" May biglang sumigaw sa pintuan kaya agad na nagsipaglingunan ang lahat doon. Kinuha ko agad ang oportunidad na iyon para sipain ang lalaking nasa aking harapan. Mas lalo lang hindi umayos ang damit ko. Pati suot kong cycling shorts ay lumantad na sa kanilang harapan.

"Aray! Gago ka ah!" bulyaw nito sa akin. Sinamaan ko siya ng tingin.

"Yoko, Ano 'yan?"

Tumayo ang lalaki at umalis sa harapan ko. Nagbigay daan iyon upang makita ko kung sino ang lalaking sumasaway sa kanila. Parehong nanlaki ang mga mata namin nang magtagpo ang aming mga tingin.

Kuya ni Terese!

Nag iwas siya ng tingin sa akin at marahas na bumuga ng hangin.

"Sabi ko naman sa inyo, huwag niyo siyang gagalawin 'di ba?!" bakas ang galit sa kanyang boses nang ibulyaw niya 'yon.

Teka . . .

Magkakasama sila? Isa din ba siya sa nagpa-kidnap sa akin? May utang ang daddy ko sa kanila? Hindi kaya kasabwat din nila si Terese? Hindi kaya . . . Sinadya talagang banggain ni Terese si daddy? At planado ang lahat?

Ang dami kong gustong itanong at isigaw sa kanya pero tila napipi ako at hindi ako makapagsalita.

"Ilang linggo na kasi tayong naghihintay, Welvorn! Hanggang ngayon ay wala pa ring ipinapadala iyong tauhan ni Guillermo. Kaya ipina-kidnap ko na. Pwede na rin nating paghatian ito! Siguro naman ay papayag din si Herrex."

"Pakawalan niyo siya."

"Pero, Welvorn!"

"PAKAWALAN NIYO SIYA SABI!"

Marahas na napabuga ng hangin iyong lalaki kanina, Yoko yata ang pangalan.

"Pakawalan niyo," utos niya sa mga tauhan niya. Agad namang tumalima ang mga ito at inalis ang pagkakagapos ng mga kamay at paa ko.

Agad akong tumayo at tumakbo papalabas pero nakalimutan kong nakaharang pala iyong Welvorn sa pintuan. Mabilis niyang hinawakan ang braso ko, dahilan upang mapahinto ako sa pagtakbo.

"Huwag niyo ng uulitin ito," malamig niyang sabi sa mga kasama niya bago niya ako hinila paalis sa lugar na 'yon.

"PUTANGINA! LAGI NA LANG IKAW ANG NASUSUNOD!" Narinig ko pang sigaw ni Yoko bago ako isinakay ni Welvorn sa sasakyan niya.

"Ihahatid na kita," aniya nang nakasakay sa driver's seat.

Nanatili akong tahimik. Basang-basa ako at mukhang wala siyang pakialam kahit na mabasa ko ang sasakyan niya. Nakita ko sa gilid ng mga mata ko na ilang sandali siyang nanatiling nakatitig sa akin bago niya dinungaw ang likuran at may kinuha roon.

"Isuot mo." Inilapag niya sa kandungan ko ang itim at makapal na jacket. Nagbaba ako ng tingin doon.

Binuhay niya ang makina ng kanyang sasakyan at agad iyong minaniobra palayo sa lugar na pinagdalhan sa akin ng mga lalaking 'yon. Sunod-sunod na tumulo ulit ang mga luha ko habang nakatitig sa jacket. Ngayon pa lang tuluyang nagsink-in sa akin ang takot ko. Ngayon ko palang tuluyang naiiyak ang kahalayang ginawa sa akin ng lalaki kanina.

"Stop crying. Ligtas ka nang makakauwi," aniya. Agad ko siyang nilingon.

"Kasabwat ka nila!"

"Hindi. Business partners ko si Yoko at Herrex."

"Magkakakasama pa rin kayo. At ano ito? May utang sa inyo ang daddy ko? Kayo ba ang pumatay sa kanya? Kasabwat niyo rin ba si Terese? PLANADO NIYO ANG LAHAT NG ITO!"

Inihinto niya ang sasakyan sa gilid ng kalsada. Marahan siyang bumuntonghininga bago ako nilingon. Kinuha niya ang jacket na kanina ay inilapag niya sa kandungan ko at siya na ang nagkusang magpasuot niyon sa akin.

"Magkakasakit ka."

"SAGUTIN MO ANG TANONG KO! PLANO NIYO BA TALAGANG PATAYIN ANG DADDY KO?"

"Iyong kamay mo," utos niya sa akin, binabalewala ang pagsisisigaw ko dito.

Marahas akong napabuga ng hangin. "ANO BA!"

Tila wala siyang naririnig at kinuha pa ang kamay ko upang isuot ng maayos sa akin ang jacket. Nang natapos ay doon lang siya umayos ng upo at humarap sa kalsada. Pinanatiling patay ang makina.

"Malaki ang utang ng daddy mo sa amin. Pinangakuan kami ng tauhan ni Spike Guillermo na sila ang magbabayad ng utang ng daddy mo. Marahil ay hindi na nahintay nina Yoko kaya ka nila nagawang kidnapin. Herrex and I are patiently waiting for the money. Wala kaming planong galawin ka. At walang kinalaman si Terese dito, Serra."

Nag iwas ako ng tingin at nilingon ang labas. Walang kahit ni isang salita na lumabas sa bibig ko. Hindi ko alam kung anong sasabihin ko. Sa sobrang kalmado ng boses niya, pati ako yata kumalma.

"Your accounts are blocked. I can't send you the money. Ilang beses din akong nagpunta sa bahay niyo pero wala ka na doon. You're marrying Spike Guillermo? Tell me, Serra . . . Mahal mo ba siya o papakasalan mo lang siya dahil sa utang ng daddy mo sa kanya?"

Lumingon akong muli sa kanya. "Alin man sa dalawa ang sagot ko, ano namang pakialam mo?"

Ilang sandali siyang nakatitig sa akin. Malamlam ang kanyang mga mata. Naaawa ba siya sa akin o ano? Hirap akong pangalanan ang nakikita ko sa mga matang iyon.

"Babalik ako ng Las Vegas, gusto mong sumama?" pagkaraan ng ilang sandali ay sabi niya.