Kabanata 14

"O-okay po . . . M-mama," alanganing saad ko.

"Ilang araw na lang at ikakasal na kayo ng anak ko. And after the wedding, I'll make sure na makakapagbonding tayo ng bonggang bongga! That's if hindi ka maselan magbuntis."

Umiling ako. "Hin. . .di naman po."

Marahan siyang bumuntonghininga. "Serra, if you need anything, you can call me, okay? I am so willing to take care of you. Kung pwede nga lang na sa bahay na kayo tumira para matutukan namin ang pagbubuntis mo."

Agad akong ngumiti ng pilit at umiling ng sunod sunod. "I am perfectly fine, tit— mama. Inaalagaan din naman po ako ni Spike. At saka hindi naman po ako maselan magbuntis."

Nilingon ko si Rynette sa likuran ko na tahimik lang kaming pinapanood. Agad siyang ngumiti sa akin nang napansin ang pagljngon ko.

"Sige na, isukat mo na 'to." Ibinigay sa akin ng mama ni Spike ang wedge na kanina niya pang hawak-hawak.

Naupo ako sa maliit na stool na naroroon at doon isinukat ang sapatos. Agad akong napangiti nang naramdaman ang gaan niyon sa aking paa. Napakakomportableng suotin at bagay na bagay sa maputla kong mga paa.

"Very beautiful," narinig kong komento ni Tita Rosella. Ay! Mama na pala.

Napabuntonghininga ako habang nakatitig sa aking mga paa. Matagal na mula no'ng huli kong nabanggit ang salitang mama. Ilang taon rin 'yong nawala sa bokabularyo ko. Hindi na ako sanay na bigkasin 'yon. Siyempre at pinangarap ko din naman na maranasan ulit na magkaroon ng mama pero hindi sa ganitong sitwasyon. At pinangarap ko lang naman. Hindi ko sinabing sana magkatotoo. May mga pangarap naman kasing mas' gusto natin na hanggang pangarap lang talaga. Alam ko naman kasing hindi na babalik si mommy. Dahil kung may plano man siyang bumalik, edi sana noon pa. At kung bumalik man siya ay hindi ko rin siguro siya matatanggap.

"Serra, are you okay?"

Tila nabalik ako sa sarili nang ilapat ni Mama Rosella ang palad niya sa balikat ko.

"A-ah, opo."

"Nagugutom ka na ba? Gusto mong kumain? Let's go, I'm sure nagugutom na ang apo ko d'yan sa tiyan mo," sabay ngiti nito sa akin.

Sobrang bait ng mama ni Spike. Kahit na hindi niya pa ako masyadong nakikilala ay tinanggap niya na agad ako ng buong puso. Akala ko ay magiging madali para sa akin ang sitwasyong ito, hindi pala. Ngayon ko lang naiintindihan kung bakit nasa kontrata na bawal akong makipag-close sa pamilya ni Spike. Isa ito sa mga factors niyon. Maaaring masira ang mga plano niya.

Mag a-alas singko na ng hapon nang lumabas kami ng mall. Tinulungan ko na si Rynette na dalhin ang mga paperbags na dala niya upang hindi siya mabigatan.

"Hija, that's heavy!" Agad na naibulalas ni Mama Rosella matapos akong makitang binitbit ang walong paperbags na magaan lang naman.

Parang ang exxagerated naman yata nitong magiging biyenan ko!

"Just let her carry that," dagdag pa nito.

Nilingon ko si Rynette. Mas marami pa ang bitbit niya kesa sa akin. Ni hindi nga ako nangalahati sa dami ng dala niya. And to think na buntis siya.

Ito talagang si Spike. Hindi nag iisip. Sana hindi na lang niya idinamay itong si Rynette. Napagod pa tuloy itong buntis.

"Akin na po, Ma'am Serra."

Sinubukan pang kunin ni Rynette ang paperbags na dala ko peeo agad ko rin 'yong inilayo mula sa kanya.

"It's okay, Rynette. Hindi naman ito mabigat," sabay ngiti ko sa kanya.

"Are you sure, Serra?" paniniguro ni Mama Rosella. Nilingon ko siya at nakangiti kong tinanguan. May pagdududa pa akong nakikita sa kanyang mga mata kaya nilawakan ko ang pagkakangiti ko.

"Oh no! I forgot something!" bigla ay naibulalas ni Mama Rosella.

"A-ano po 'yon?" tanong ko.

"Dito muna kayo, okay? May babalikan lang ako sa loob," pagpapaalam niya saka kami tinalikuran at pumasok ulit sa loob ng mall.

"Ibaba mo na muna 'yan, Rynette. Maupo muna tayo doon," sabi ko kay Rynette sabay turo sa bench malapit sa entrada ng mall.

Nagtungo kami roon at naupo. Ilang sandali kaming tahimik bago ako nagpasyang magpaalam sa kanya upang magtungo sa powder room.

Habang naglalakad ay palinga-linga ako dahil baka makita ko ang mama ni Spike. Magpapaalam na lang din ako if ever. Pero nagulat ako nang biglang may humawak sa braso ko at marahas akong hinila. Hindi ko pa man nalilingon at nakikita kung sino ang nagmamay-ari ng kamay na humila sa akin ay may matapang na amoy na akong nalanghap na agad na nagpaikot sa paningin ko.

**

Nagising akong tahimik ang paligid ko. Pero amoy na amoy ko naman ang pinaghalong amoy ng sigarilyo at alak. Agad akong nagpalinga-linga nang napagtantong nasa abandonadong lugar yata ako. May mga troso akong nakikita sa aking likuran na siyang sinasandalan ko. Sa aking harapan ay isang malaking pintuan na gawa sa bakal at makapal na yero.

"Ang tagal naman yatang magising? Kanina pa 'yang natutulog! Ano bang pinaamoy niyo d'yan? Hindi kaya nalason na 'yan?!"

Agad akong pumikit nang narinig ang boses na nanggagaling sa labas. Bumukas ang pintuan at agad na naging maingay ang paligid ko dahil sa mga yapak ng sapatos nila.

"Woah! Si Sleeping beauty ba 'yan? Grabe! Ang puti!"

Parang gusto kong maiyak sa narinig. Minamanyak pa yata ako ng kung sino.

"Kaya pala agad na papakasalan ni Guillermo dahil talaga namang sobrang ganda ng anak nitong si Madrigal," sabay halakhak nito na siyang nagpatayo sa mga balahibo ko.

Damn it! Nasaan ba ako? At sino itong mga lalaking 'to?

"Gisingin niyo nga nang makita ko naman kung gaano siya kaganda kapag gising!"

Napigil ko ang hininga ko. Ilang sandali lang bago ko naramdaman ang lamig ng tubig na agad bumasa sa buo kong katawan. Fuck!

Agad akong napamulat ng mga mata. Nagdiretso agad ang mga tingin ko sa anim na lalaking nasa aking harapan. Ang nasa pinakaunahan ay unti-unting ngumisi sa akin. Nakakakilabot ang ngising pinakawalan nito.

"Hi, Miss Beautiful. Wanna have some fun with me?" At muli itong ngumisi. Agad na tumulo ang mga luha ko. Namayani ang takot sa dibdib ko.