Kabanata 50

Dumapo agad sa wall clock ang paningin ko pagkagising ko. Alas siyete na ng gabi at napahaba na naman ang afternoon nap ko. Inabot na naman ako ng evening. Hindi na naman pumasok si Spike sa opisina. So, I wonder kung anong ginagawa niya ngayon.

Bumaba ako upang alamin kung anong pinagkakaabalahan ni Spike at para na rin makakain ako. Kung hindi pa kasi nag ingay itong tiyan ko ay siguradong hindi pa ako magigising.

Agad na kumunot ang noo ko nang nakita si Spike sa likod ng bahay. Nakabukas kasi ang glass door ng dining area papuntang backyard kung nasaan ang isa pang malawak na garden at ang swimming pool ng bahay. Hindi ko masyadong napagtutuunan ng pansin itong garden at pool sa likuran kasi hindi naman kasi talaga siya pansinin. Sa gabi ay walang mga ilaw dito kaya laging nakasarado ang glass door pati na ang mga kurtina. Iba kasi ang pakiramdam ko kapag nadadapuan ko ito ng tingin. Lalo na ang pool. Feeling ko may nakatingin din sa akin.

"A-anong ginagawa mo diyan?"

Agad na napalingon sa akin si Spike nang narinig ang boses ko.

"Ah," sabay ngiti niya. "Inaayos ko lang itong fountain. Wala naman kasi akong ginagawa."

Doon ko lang napansin na sobrang basa pala ng tshirt niyang fit na fit sa katawan niya. Bumabakat tuloy ang abs niya. Agad akong napaiwas ng tingin. Nakita ko naman na siyang n*******d pero ewan ko ba! Hindi ko maintindihan itong sarili ko kung bakit parang nahihiya na ako sa kanya. Ganito ba talaga kapag buntis? O dahil matagal na kaming hindi nag sex?

Nakagat ko ang labi ko. Ano ba itong mga pinagiiisip ko? Ang dami ko nang napapansing kakaiba sa akin nitong nakaraan. Marahil ay dahil buntis ako?

"Kung makaiwas ka naman ng tingin. Nakita mo na ito 'di ba?"

"Ang alin-" Agad akong nahinto sa pagsasalita nang bigla ay may dumapong tela sa mukha ko. At agad kong naamoy ang pinaghalonng amoy ng gamit na perfume ni Spike at ang natural na amoy ng katawan niya. Sobrang bango! Shit!

"Ano ba!" kunwaring reklamo ko pero hindi ko naman inalis ang damit niya sa ilong ko. Ibinaba ko lang iyon para lang makita siyang n*******d.

He smirked. "Patulong na nga lang ako. Paabot naman ng lagayan ng turnilyo. Nandyan sa likuran mo."

Matagal bago ako nag iwas ng tingin sa kanya saka huminga ng malalim at nilingon ang pinaglagyan niya ng mga turnilyo.

"Bakit kasi ikaw ang nag aayos niyan? Pwede mo namang ipagawa 'yan sa iba," sabi ko habang inaabot sa kanya ang mga turnilyong inilapag ko sa palad ko.

"I don't like another man entering this house, Serra. Isa pa, I got bored so..."

Kumunot ang noo ko. "Ano namang meron kung may ibang lalaking pumasok dito?"

Kunot noo niya akong nilingon bigla. As-in 'yong kunot na kunot talaga na para bang napikon siya sa sinabi ko. Ano namang nakakapikon sa sinabi ko?

"Mag aayos lang naman ng..."

Hindi ko matuloy-tuloy ang sinasabi ko dahil sa kaba. E, sa paraan kasi ng pagkakatitig niya sa akin ay para bang kakainin na niya ako ng buhay. Bumaba siya mula sa stool at lumapit sa akin.

"Ayaw kong may ibang lalaking nakakakita sa 'yo dito sa loob ng pamamahay ko, Serra. Ayaw kong nasasalisihan ako."

Nasasalisihan?

"A-anong ibig mong sabi-"

Inilapat niya ang hintuturo niya sa labi ko, dahilan upang matigil ako sa pagsasalita.

"I don't want you to make the same mistake again, woman."

Gamit ang kanyang hinlalaki ay hinaplos niya ang pang ibaba kong labi. Gusto ko man siyang tanungin tungkol sa mga pinagsasabi niyang hindi ko naman naiintindihan ay hindi ko magawa. Kung magsasalita man ako ay marahil hindi ko pa rin maririnig ang boses ko dahil sa lakas ng kabog ng dibdib ko na para bang may nag da-drums sa loob ko.

Hinawakan niya ang baba ko. And then the next thing I knew? Nakalapat na ang labi niya sa labi ko.

Napapikit ako. Lalo pa nang marahan niyang sinipsip ang pang ibaba kong labi bago iyon kinagat.

"Shit!" Umiling-iling ako. "I don't want to remember it. So please, Miles! Huwag mo na kasing ipaalala sa akin!"

Napanganga pa si Miles bago tuluyang humagalpak ng tawa. "Hindi ko pinaalala sa iyo, Serra. Ikaw mismo ang hindi makalimot. My gosh!"

"What?"

"Yieee... Aminin mo na kasing ikaw 'yong nafa-fall! Naku!"

"Hindi ah! Wala sa plano ko ang mainlove sa kanya no!"

"May mga bagay naman kasing wala sa plano, Serra."

"Tss..."

Hindi na ako sumagot pa. Ayaw ko na ng topic na ito. Kinakabahan ako, e!

"So, what if you'll fall? Anong mangyayari?" tanong niya. Ibinaba ko na lamang ang hawak kong kubyertos upang matitigan siya. Hindi ko din alam ang sagot.

"What if kayong dalawa ang mahulog sa isa't-isa? Because according to you parang ayaw ka nang i-share ni Spike sa iba. Wala na bang bisa ang kontrata kapag ganoon? Hindi na ba kayo maghihiwalay at magiging happy family na with your kids?"

Bahagya akong natawa. "Imposible."

"What if nga lang 'di ba? Ikaw naman nag assume bigla!"

My eyebrows furrowed. Anong nag assume? Hindi naman ako nag a-assume ah! Sinagot ko lang naman ng imposible ang what ifs niya. Tss!

"E kayo? What if mag kwento ka tungkol sa inyo ni Sebastian?"

"Walang kami," diretsahan niyang sagot sa akin.

"Hindi pa kayo?"

She sighed deeply. "Hindi kami. At hindi magiging kami kasi hindi naman siya marunong manligaw."

Napapikit ako kasabay ng pagpipigil ko ng tawa. "So umaasa ka? May something nga sa inyo?" may panunukso sa boses na tanong ko.

Muli siyang marahas na napabuga ng hangin. "We had a one night stand noong unang bumisita ako dito sa Pilipinas. Noong kasal niyo ni Mr. Guillermo. And then we lost contact kasi nga binigay ko 'yong phone ko sa iyo, remember? Tapos ngayong bumalik ulit ako ay may nangyari na naman ulit sa amin. Pero mukhang wala siyang balak manligaw, Serra. We fucked each other pero I think hanggang doon lang 'yon. Kahit cuddle nga hindi niya magawa, manligaw pa kaya? At sa tingin ko naman hindi niya ako gusto. He just love fucking me, and that's it."

Napapalunok ako at hindi ko alam kung anong isasagot ko ngayon kay Miles pagkatapos niyang diretsahang ikwento sa akin ang lahat. Sa bilis niyang magsalita ay parang hindi ko agad na proseso ang mga kaganapan. They had sex? Hindi na virgin si Miles? At si Sebastian ang una? Tapos hindi pala sila at mukhang malabo pa. Edi lagot si Miles kapag nakarating ito sa conservative niyang kuya?