ESCAPE

Ilang araw nang nananatili si Vegee sa hotel. Pinatila niya muna ang mainit na balita ukol sa kanya. Hindi niya napuntahan si Anna sa punerarya at hindi man lang siya nakapagpaalam sa kaibigan. Hindi tumuloy sina Dhalia dahil natakot ang mga ito masundan ng mga media. Sobrang intresado ang mga ito na makausap siya kaya may ibang new reporter ang hindi umaalis sa kanilang lugar.

Ang buong akala ni Vegee ay makabubuti sa kanya ang manatili sa Baguio ng ilang araw ngunit pinapatay siya ng malamig na panahon at hindi siya makakain ng maayos dahil sa stress. Ngayon lang talaga naga-absorb sa kanyang isipan ang mga nangyari.

Mas nawindang pa siya nang makita niya sa isang pahayagan ng hotel na patay na si Gabriel Quiros. Nagpakamatay ito kagabi dala ng depresyon at ang tinuturo nitong dahilan ay si Vegee. Nandoon ang mukha niya sa pahayagan. Sa sobrang takot ay tinawagan niya si Dhalia. Sumagot naman ang babae, alam na rin ng mga ito ang pagkamatay ni Gabriel.

“Dhalia, gusto ko nang umuwi m