Kabanata 16

"Hayop ka! Ibaba mo ako! Ano ba ang kasalanan ko sa'yo? Bakit mo ba ako ginaganito? Bakit mo ba ako pinahihirapan?" pasigaw nitong tanong kasabay pa rin ang paghampas sa mukha ko.

"Gusto mong ibaba kita? Tapos ano ang gagawin mo? Gagapang ka pabalik sa kubo o palayo sa lugar na 'to?" Nginisihan ko na naman siya. "Tingin mo magagawa mo 'yon? Hindi mo nga nagawa noong nakakalakad ka pa ng maayos, ngayon pa kaya?"

"Wala kang pakialam! Wala kang pakialam kung ano man ang paraan na gagawin ko makalayo lang sa'yo," hagulgol pa rin niya. Pero bakas na ang medyo panghihina sa boses niya, at ang mga suntok at hampas niya ay hindi na rin ganoon ka lakas.

Habang ako humigpit pa lalo ang paghawak ko sa kanya dahil kaunti na lang ay mababagsak ko na talaga siya, mabibitiwan ko na siya. Hindi dahil sa galit ako, at gusto ko siyang saktan, kung hindi dahil sa pagpupumiglas at paghampas niya sa akin kanina pa. Unti-unti na siyang dumaosdos sa mga bisig ko.

Idagdag pa ang sigaw niya na parang bumaba