로그인공유
هدوء العواصف
게시일:
2026-06-24 04:26:57روايه أحببت سيدي
الفصل العاشر في المساء الجميل في أحد افخم المناطق في القاهرة الجميلة تزينت إحدى البنايات لتبدو كالعروس يوم زفافها بين أصحابها لقد بذل العمال و الموظفين الكثير والكثير من الجهد ليبدو هذا المكان بهذا الجمال لإرضاء السيدة لقاء صعبة الارضاء من الأساس جاءوا الضيوف من الطبقات الراقية أبناء مجتمع نراه جميعاً من بعيد يسمح لنا بالنظر فقط لا بالاقتراب و اللمس جاءوا جميعاً لتهنئة السيدة لقاء الحديدي و كذلك لتودد للسيد محمد فهكذا تسيير مصالح و امور هذا المجتمع يبدو مبهر من الخارج لكنه صعب و عميق و كاذب جدا من الداخل و هذا أيضاً كان رأي كريم الذي دخل يجر قدمه الي الداخل يحمل لقب صديق السيد الشاب شادي الحديدي يسمعها بإذنه و يراها بعيونه فكانت تزيد من داخله رغبه في التخلص من شادي بأسرع وقت ممكن كريم :- اي برنس شادي :- وطي صوتك متفضحناش اي ملقتش حاجه انضف من كدا تيجي بيها تفضحنا اكتر شويه جبت الزفت اللي قولت عليه كريم يكتم غيظه :- جبت يا كريم بيه اطلعهم لحضرتك دلوقتي ولا فين زي حضرتك يا باشا تحب شادي محاولآ اصلاح الأمور:- ياض انت صحبي بس علشان الوجهة الاعلانيه للمجتمعات الراقية المخملية بتاعت لقاء هانم بس متزعلش يسطا عيب عليك بعدين احلي طقمايه جديده ليك من افخم ماركت العتبه علي حسابي فك بقا فين الحاجه و غير كدا انا دماغي هتتفرك و انت قولت معاك اللي هيمشي الصداع و قولت متتاخرش و شوف جاي بعدها بخمس ست ستات اكلمك العصر تيجي ليا بعد العشاء خدت مسكنات و حاجات للصداع و مفيش فايده باي حاجه كريم :- ماشي يا عم هخليها عليا و كله بحسابه قولتلك معايا تاخدهم هنا ولا بلاش علشان الوجهة الاعلانيه بتاعت لقاء هانم ذهب شادي مع كريم الي غرفة داخليه فارغه و اخرج كريم له تلك السموم ليتناولها و ينسي بفضلها عالمه و نفسه و أمه و أبيه في اللحظة التي كان يبحث والده عنه ليعلنوا سويا عن مشروعهم الجديد محمد :- لقاء لقاء لقاء :- أوف يا محمد في أي واقفه مع صحابي في أي محمد :- ابنك فين بدور عليه اختفي فص ملح و دأب مش لاقي ليه اثر لقاء:- هيروح فين هتلاقيه هنا او هنا دلوقتي هيظهر سبني بقا لو سمحت مع ضيوفي و من فضلك متفضحناش بعد انتهاء شادي من تلك السموم خرج الي صالة الاحتفال ليجده والده و يتجهان الي منصه أمام الناس و معهم لقاء محمد :- ضيوفي الغاليين حابب اشكركم انا و عائلتي الجميله علي تشريفكم اليوم انهارده يوم مهم لشركه الحديدي اولا لأن لقاء انهارده مبسوطه يعني الدنيا كلها مبسوطه انهارده احنا بنعلن عن افتتاح اكبر و اشمل بيوتي سنتر في الوطن العربي كله مجهز بالكامل باحدث التقنيات مبروك يا لقاء و كمان بنعلن انا و لقاء هانم و شادي أننا هنعمل اكبر مدينة سياحية في الوطن العربي مدينة في قلب صحراء مصر هتبقي الجنه و الواحة اللي وسط الصحراء هتبقي مقصد سياحي فندقي لكل العالم كل دا هيبقي تحت إشراف و تنفيذ شركة الحديدي شادي :- طبعاً احلي ما في الموضوع أن شركة الحديدي هي اللي هتنفذ المشروع دا المدينة دي هيتم توصيلها بالنيل من إتجاه و بالبحر من إتجاه تاني علشان تبقي واحة فعلا وسط الصحراء احنا و المستثمرين اللي معانا هدفنا أننا نوفر ليكم مكان من الخيال اول ما تلمحوه في وسط رمال الصحراء من بعيد تنسوا الزعل و تنسوا المشاكل و تنسوا الحياه نفسها محمد :- المدينة دي هتبقي هدية مني للقاء حبيبتي هي اللي تختار اسمها و هي اللي هتشرف معانا عليها ليصدي صوت التصفيق الحار و المباركات و التهنئة لهم علي تلك الأخبار الساره و الخطوات العظيمة التي تخطيها شركة الحديدي و لكن هل خالد سيتركهم سعداء هكذا ام أن له رأي آخر لتصل إجابة لسؤالنا سريعة خلال الافتتاح و قبل نهاية السهره السعيده وصلت هديه من شخص مجهول لمحمد و عليها رساله مباركة و الي جانبها عبارة افتحها ضروريا ليتحرك بعيد عن الضيوف و يبدا في فتحها ليجد بداخلها اوراق مختومه من لجنه جولوجيه فرنسيه بتثبت الاوراق دي ان الارض اللي اشتراها محمد الحديدي من المحافظه وكان المفروض انه يبني عليها المشروع الخاص بي ارض غير صالحه للبناء عليها بسبب وجود مياه جوفيه بكميات كبيرة مما يسبب انهيار اي مبنى سيقوم على هذه الارض محمد بغضب :- مستحيل مستحيل اكيد لعبه من احد اكيد مستحيل لا لا اكيد هو خالد إبن حكيم بيلعب لعبة كبيرة اوي لعبة بعمره شادي قادماً نحو والده متعجب شكله :- في ايه يا بابا مالك شكلك اتغير ليه كدا في أي الناس بتبص عليك ايه الورق ده ايه الموجود فيه محمد :- شوف بنفسك شادي :- يا نهار اسود ايه المصيبه دي ايه الكلام دا مستحيل الورق دا اكيد مزور انا مش هسكت انا هتاكد من الكلام دا اهدي يا بابا اهدي لقاء :- في ايه يا محمد انت و شادي فضحتونا والناس كلها بتبص عليكم انتم مش واخدين بالكم انتم فين ولا اي شادي :- ماما بعد اذنك سيبنا دلوقتي احنا لازم نسيطر علي نفسنا يا بابا مينفعش يظهر أي حاجه علينا لحد ما نتأكد و نلاقي حل وقبل ما يكمل شادي كلامه كان وصل صوت تليفون محمد الحديدي ليقطع كلامه اتصال من خالد الصياد محمد :- انت اللي وراها خالد :- انا لسه مش عملت حاجه يا محمد علشان صوتك يبقي حزين كدا اللي جاي لسه اقوي واكتر من كده انت فاكر انت ومراتك لما تسرقوا حكيم بيه الصياد وتهربوا هتقدروا تعيشوا في سلام انت يوم ما سرقته مشيتوا غلطتوا اكبر غلطه في حياتكم ولسه هتشوف من سواد الصياد كل يوم وراء يوم هتقابل مصيبه تقطتم وسطك مش هتقدر عليها خليك جاهز يا محمد الحديدي اه انا اتصلت عشان اقولك مش خالد الصياد اللي تقدر تاخد منه صفقه انا سبتها لك بمزاجي عشان خاطر عارف من البدايه أن الارض مش يصلح ان يتعمل عليها المشروع بس لما لقيتك عمال تلف وتدور عاوز تسرقني وعاوز انك توقف في وشي و تخليني افلس حبيت اعلمك الادب اه بالمناسبه لو احتاجت فلوس كلمني عادي ما انت طول عمرك عايش في فلوسي و فلوس ابويا فيها ايه يعني لما تاخذ فلوس تاني المره دي محمد :- انت اللي فتحت على نفسك باب جهنم يا خالد يا صياد انت مش تعرف انت بتلعب مع مين انا محمد الحديدي انا اللي مابتكسرش ولا بتهزم خليك فاكر ان انت اللي بدات اللعبه خالد بشماته و استهزاء :- عاوز اشوف هتعمل ايه مع السلامه يا محمد يا حديدي اه بالمناسبة انا كلمت المستثمرين واحد واحد و عرفتهم و بعت ليهم نسخه من الورق اللي في ايدك و زمانهم لموا بعض و جايين يطربقوا الليله دي علي دماغك دلوقتي سلاااام لقاء :- محمد فيه اي محمد :- ابن الصياد بليعب بيا عاوز يدمرني و يخليني اشحت لم يستطع محمد اكمال كلامه فقد فجاه المستثمرين وهم غاضبون وبشده وكل واحد منهم يطلب امواله احد المستثمرين :- محمد بيه اظن ان حضرتك دلوقت عرفت أن المشروع مش هيتعمل وان كل حاجه وقفت احنا مفروض دلوقتي أننا ناخذ فلوسنا انت لما خليتنا نسيب خالد ونيجي نستثمر في المشروع معاك وعدتنا اننا مش هنخسر اي حاجه او اي مشاكل هتحصل في الموضوع انت اللي تتحملها لوحدك و دلوقت احنا عايزين فلوسنا يا اما هنرفع عليك وعلى شركتك قضيه وانت مش هتعرف تقف قصادنا في المحاكم لان احنا معنا عقود بالكلام اللي احنا بنقوله ده في هذه اللحظه لم يتحمل محمد الحديدي اي كلمه اخرى وفورا سقط مغشيا عليه وتم نقله الى احدى المستشفيات لتنتهي حفلة السيدة لقاء بفضيحة عارمة وسط عيون متفرجه منها الفضولي و منها الشامت ........ في المستشفى لقاء :- في ايه يا شادي انا مش فاهم اي حاجه خالص من اللي حصلت فهمني وايه اللي حصل لبابا ده احنا اتفضحنا يا شادي اتفضحنا شادي :- كله بسبب خالد كله بسببه هو سبب كل المشاكل اللي بتحصل معنا دلوقت احنا قربنا نفلس بسببه ده غير المستثمرين اللي كمان عايزين فلوسهم اكيد احنا مش معانا سيولة تكفي نديهم فلوسهم لقاء :- انا مش فاهمه اي حاجه من اللي انت بتقوله ايه علاقه خالد بالكلام اللي انت بتقوله ده اتكلم براحه و فهمني شادي :- هفهمك كل حاجه ياماما بعدين بس الاول نطمئن على بابا في الحي الذي تسكن فيه سالي كان العزاء خلص و كان احمد و خالد واقفين بياخدوا العزاء مع جوزها و اللي طلعوا فوق علشان ياخدوا فاطمه و يروحوا عاطف :- اظن العزاء خلص والجثه ادفنت يبقى كل واحد بقى يروح علي بيته اصل انا بقيت حاسس ان بيتي بقى عامل زي بيت الضيافه سالي :- عيب يا عمو دول ضيوف عندنا و موجودين معايا من ساعة ما ماما تعبت دي كلمه شكرا اللي نقولها ليهم خالد:- ما فيش داعي يا انسه سالي احنا كده كده ماشيين يلا يا فاطمه ايات :- انا هافضل هنا مع سالي يا ماما عشان ما تبقاش لوحدها عاطف :- تباتي معاها فين ولا مؤاخذه سالي :- هتبات معايا هنا اومال فين عاطف :- لا ما خلاص الفندق اتقفل انتي هتلمي هدومك و تمشي من هنا سالي :- همشي من هنا واروح فين يا عمو عاطف :- انا مليش دعوه انا كنت سايبك هنا علشان امك و اهي ماتت و غارت في داهيه يبقي انتي يلا تغوري وراها ايات :- انت اوطى انسان شفته في حياتي راجل زباله بتطردها و تمشيه من بيتها عاطف :- لا مش بيتها انا اشتريت الشقه دي من امها ومعايا عقد متسجل بكده يعني البيت ده بيتي واقعد في اللي انا عاوزه و امشي منه اللي انا عاوزه وانا الصراحه مش عايز اي حد منكم هنا يلا كله بره و اسمعي يا بت يا ملونه انتي انا مش طايقك و انا عادي بمد ايدي علي نسوان احمد :- انا ساكت ليك بالعافيه و لو سبت نفسي عليك هاكلك بسناني انت فاهم وريني هتمد ايدك ازي خالد :- احمد اهدي بعدين اظن ان الوقت دا مش وقت الكلام دا فاطمه هاتيهم و يلا من هنا سالي :- لا انا مش هخرج من هنا دا بيت بابا الله يرحمه انا مستحيل اسيبه ياخده مني عاطف :- ما تروحي مع الرجاله ما انتي تلاقيكي مرافقه واحد فيهم يا شمال و التاني البت الملونه هي اللي مرافقه و الحجه دي مدورها لكن لما يكمل حديثه في لحظه وجد نفسه معلق علي اقرب حائط ارتفعت قدمه عن الأرض ليفتح عينه ليجد يد خالد تلتف حول رقبته تخنقه وجه عابس مرعب عيون بيضاء خاليه من كل شئ بدأ و كأنه وحش مرعب خرج من إحدى القصص الخيالية متشوق للذبح فاطمه و احمد من خلفه يمسكون بخالد محاولين إقناعه بأن يتركه ولا يضر نفسه بسبب هذا الحقير خالد بفحيح الافعي خاصته :- انا اديتك فرصة انك تسكت و تقفل بوقك متطلعش صوت لكنك مستغلتش الفرصة دي انا هكون موجود هنا لخمس دقائق لو سمعت صوت نفسك هقضي عليك و محدش هيلاقي ليك شهادة وفاة علشان اصلا مش هسيبك ليك شهادة ميلاد هز عاطف رأسه برعب شديد و هو يختنق كاد أن يتبول علي نفسه من الرعب فقام خالد بافلات يديه ليسقط علي الارض كالتمثال دون حراك ثم نظر خالد الي فاطمه فهمت كالعادة و اخذت سالي و ايات لجمع ثياب سالي ..... دخلت سالي علي اوضتها و فضلت تعيط سالي :- يارب هو انا عملت ذنب و بتعاقبني عليه بس انا طول عمري عايشه و راضيه و عمري ما عملت حاجه تغضبك عليا ليه يارب بتعمل فيا كدا انا غلطت في أي يارب ليه بتعذب كدا انا عملت ايه عملت ايه ايات :- خلاص يا قلبي دا ابتلاء من الله و ان شاء الله هيعوضك علي قد صبرك و رضاكي و بإذن الله هيفرح قلبك فاطمه :- ايات معاها حق يا بنتى مفيش احلى من الصبر علي الابتلاء ايات :- و بعدين بتعيطي علي اي انتي كنتي عاوزه تعيشي مع الراجل ده تاني علشان يضربك كل يوم و يبهدلك انتي ربنا رحمك منه والله العظيم قومي خلينا نمشي و نسيب ليه البيت سالي :- هروح علي فين يا ايات فاطمه :- دا سؤال يا بنتي معقول الكلام دا انتي هتيجي تعيشي عندي بيتي هو بيتك زيك زي ايات بالظبط سالي :- بس يا طنط انا مش .. فاطمه :- ولا مش ولا بتاع و بعدين انا مش قولتلك تقوليلي يا ماما اي طنط دي يلا من هنا قدامي خلينا نمشي من وش الراجل ده سالي :- بس والله انا ... ايات :- يلا انا حطيت الهدوم في الشنطه اسحبيها يا ماما زي الجاموسه في ايدك خلينا نمشي فاطمه :- اخص عليكي قطع لسانك يا قرده انتي دي جاموسه دي ست البنات ياريتك في حلاوتها ايات :- اي حاجه مش كانت كلمه قولتله مسحتي بيا البلاط اي الافتراء دا فاطمه :- هو انا قولت حاجه يا بت انتي بتتبلي عليا سالي :- مش هتخلصي منها دي مفيش حد يقدر عليها دي فاطمه :- و النبي عندك حق في الكلمه دي ايات :- شكل الحفله عليا انهارده تمام ماشي انا هسكت يلا خلينا نمشي خرجت فاطمة مع البنات من اوضة سالي ليتحركوا ناحية الباب ثم نظرت سالي نظرة اخيره الي بيتها تودعه و خرجوا نظر خالد و أحمد كل منهم يتوعد ذلك الحقير الملقي علي الارض و قبل أن يخرج خالد القي إليه رزمه من الأموال و غادر في صمت زحف عاطف إلي تلك الأموال اخذها بسرعه في حضنه عاطف بغضب :- و رحمة عزيزه يا بنت عزيزه لاربيك مبقاش عاطف لو مش حسيبتك علي كل الضرب دا اااه دول كام دول ميكفوش انا عاوز تاني و انا عارف هجيب منهم تاني ازي احمد :- هاتي يا ايات الشنطه ايات :- يا احمد عاوزين نروح الصيدلة نجيب دواء سالي علشان تاخد لما نروح فاطمه :- احنا لسه هنروح الصيدلة سالي تعبانه خالد :- خلاص هاتي انا هجيب الدواء و ابعته ليكم علي البيت لتنظر إليه ايات في تعجب لما كل هذه الطيبة هل هذا خالد الصياد المخيف هل هذا هو نفس الشخص الذي كان يحاول الاعتداء عليها بالأمس و هل هو نفسه الذي طلب الزواج منها ايات:- لا شكرا انا هروح اجيبه خالد:- هتروحي تجبيه ازي و صحبتك تعبانه و هتروح علشان ترتاح انا هروح بعربيتي الموضوع مش محتاج خناق فاطمه :- خالد معاه حق اديله الورقه اللي فيها الدواء و اركبي علشان نمشي بدل ما احنا واقفين في الشارع قصاد الناس احمد :- ايات اسمعي الكلام احنا كلنا تعبانين مش قادرين على النقاش و المناقرة ايات :- انا عاوزه اروح علشان اغير علي الجرح بالمره و انا بجيب الدواء احمد :- خلاص اركبي مع خالد و روحي هقولك ايه يعني ايات :- لا انا هاخد تاكسي احمد :- بصي يا ايات ياما تدي خالد الروشته علشان يروح يجيب الدواء و تركبي علشان نروح ياما تركبي مع خالد من سكات علشان بجد احنا تعبانين خالد وهو لا يدري لماذا يشعر بالغضب علي احمد و كأنه هو الوحيد الذي لديه الحق في الغضب علي ايات :- احمد مش تزعق و اسكت الموضوع مش مستاهل و يلا اركبوا العربيات علشان نمشي لأن وقفتنا في الشارع دي زفت احمد :- يلا اركبوا اتجه خالد الي سيارته و سالي و فاطمه الي سيارة احمد الا ايات التي كانت واقفه مكانها و بغضب ضربت الارض بقدامها و ذهبت الي سيارة خالد و ركبت احمد :- ايات ركبت مع خالد يا مسهل الحال يارب فاطمه :- ربنا يستر انا مش عارفه دماغها فيها أي عند خالد كان فعلا عاوز يضحك علي تصرف ايات واللي فعلا اتصدم منه هو كان فاكر أن بعد اللي حصل عنده ايات عمرها ما هتقرب منه و أنها هتخاف منه لكن هي دلوقتي معاه في عربيته و بإرادتها ... اما في تفكير ايات لقد فعلت ذلك لتخبره بأنها لا تخاف منه و ان هذه بداية الحرب بينهم استعد ايها الصياد فأنت لا تصطاد غزال صغير بل تحاول اصطياد نمرة شراسه ايات :- اي الطيبة اللي حلت عليك مره واحده انا قربت احس انك مش خالد الصياد خالد :- آيات :- معندكش رد ولا مش من مقامك ترد علي بنت الخدامه معانا ليه من امبارح لازق لينا ليه احنا مش شبهك ولا انت شبهنا انت مش طول عمرك لوحدك بعيد عننا بتكره تشوف حد مبتتعاملش غير مع حكيم و ماما و احمد مالك فاجأه بقيت اجتماعي خالد :- حكيم بيه يا شاطره ايات :- بالنسبة ليك أما ليا فهو صاحب طفولتي و ونسي في الوحده اللي انت فرضتها عليا بسبب اضطرينا نعيش في قصرك و بسببك كانت اخر حدودي السجن اللي بنيته لينا ممنوع أخرج منه حتي اخويا كنت بتاخده ليك و انا مفيش حد معايا مكنش حد بيشوفني غير حكيم خالد :- و انتي كنتي ملتزمة بحدودك اوي هاااا لتعود آيات إلي الماضي لتتذكر في يوم من الايام في عمر الثامنه عادت من المدرسة استقبلتها أحدي الخادمات أدخلتها بيتها الخلفي غيرت ثيابها و اطعمتها و تركتها و ذهبت كانت فاطمة في القصر مع أحمد عند خالد و والده ظلت الطفله آيات تجلس وحيدة حتي قررت انها ستخرج خرجت من الشباك و ظلت تركض في حديقة القصر الواسعة حتي وصلت إلي الاسطبل ظلت تنظر من بعيد إلي الاحصنه حتي رفس حصان فاجأه لتسقط علي الارض برعب تجرح رأسها و يديها ظلت تبكي و هي خائفة ليظهر فاجأه خالد ذو التسعة عشر ينحني امامها دون أي كلمة أو تعبير في وجه لا يوجد سوى البرودة و الجمود حملها خالد بين يديه و ذهب بها الي فاطمة و احمد تركها بين يديهم دون أن ينطق كلمة واحدة و اختفي أثره من عيون آيات التي كانت معلقه عليه لتكتشف أنها ليس بسئ و ليس بحجر بل ليس بشبح تلك الحادثه كانت تجعلها فضولية بشائنه طول الوقت لكن في الحاضر لما تعد آيات ذات الثامنه من العمر آيات:- أنا بسالك انت بتعمل معانا اي بتخطط ليه انا هقول لاحمد علي كل حاجه هقوله انك حاولت تعتدي عليا و هفضحك يا خالد يا صياد خالد :- لاني حاسس بكل اللي سالي بتمر فيه لاني انا كمان امي ماتت و انا عندي عشر سنين وعارف يعني اي الإنسان يخسر امه .... تفتكري سالي امها سابتها لانها زباله و محدش يسحتمل يعيش معاها علشان كدا امها مشيت و سبتها لتتذكر ايات تلك الكلمات القاسية التي القتها علي مسامع خالد :- علي فكره انت اللي خلتني اقول الكلام دا لما قولتلي اني خدامه بنت خدامه انا امي مش خدامه خالد :- فاطمه عمرها ما كانت خدامه ولا هتكون فاطمه عملت معايا اللي امي الحقيقة عمرها ما هتعمله انا احيانا كنت بحس انها بتعملني احسن ما بتعاملك انتي وأحمد و عمري ما هنسي كل جمايلها عليا ..بس انتي اللي بدائتي و غلطتي انا مش كنت بتكلم معاكي خالص ولا كنت هتكلم انتي اللي جيتي و بدأت المشاكل غلطتي غلطه مستحيل انساها ليكي ايات :- طيب و انت تفتكر اني هقدر انسي انك حاولت تعتدي عليا و كل دا علشان تذلني بس مش اكتر هنسي انك ضربتني و اني بسببك كدبت علي اخويا و ماما و قولت اني اتعورت في الحمام انا اول مره اكدب عليهم لحد دلوقتي بكلمهم و عيني في الأرض خالد وهو يشعر بالألم من جملة انك حاولت تعتدي عليا :- انا مش كنت هعمل ليكي حاجه انا كنت عاوزك تحسي الوجع بس مش اكتر كنت عاوز اعقبك علي غلطتك بس مش اكتر بعدين انتي بتهدديني انك تقولي لاحمد مقولتيش ليه اتفضلي مين اللي منعنك انتي عمرك ما هتقدري تقولي حاجه و لو قولتي هقول انك انتي اللي كنتي بتحولي تغويني و انتي اللي طلبتي اني اقول ليهم انك هتطلعي ليا الغداء فوق علشان تكملي لعبتك و لما لقيتيني برفضك و مفيش جواز عملتي الشويتين دول علي حكيم صحبك الاول و بعدين كملتي علي احمد و فاطمه و علشان كدا حكيم جابني بالعافيه و طلب ايدك لتنزل صفعه مدوية علي وجة خالد من آيات لتحمر عيناه و يسود وجه فاجأه باقصي سرعة يموج بالسيارة ثم يوقفها لتهتز أرجاء آيات كلها خالد و يمسك ذراع آيات بقوة :- انتي عارفه انتي عملتي ايه انتي سطرتي بايدك نهايتك من انهارده العد التنازلي لحياتك بدأ ............. عند حكيم وصله اتصال من شخص معين طلب منه انه يتقابلوا ضروري وفعلا خرج حكيم من القصر من وراء خالد اللي مانع تماما خروجه عوض السائق :- حكيم بيه راجع نفسك خالد بيه لو عرف هيقلب الدنيا فوق دماغنا حكيم :- مشوار لابد منه يا عوض مش تقلق من خالد طول ما انا موجود عوض :- تحت امرك يا حكيم بيه انا هنزل علشان انزلك ساعد عوض حكيم أنه ينزل من العربية وصله لحد الشخص اللي حكيم جاي يقابله و سابه ورجع العربيه حكيم :- عاوزه اي # بقلم ليل
최신 챕터
أحببت سيدي تثبيت هدوء بعد عاصفة
روايه أحببت سيدي الفصل الثاني عشر في احدى المستشفيات الاستثمارية وصل خالد و ايات لهناك و دخلوا فورا خالد :-في مريض لسه داخل عندكم اسمه حكيم الصياد فين موظفه الاستقبال :- لحظه واحده يا افندم خالد :- اخلصي مفيش وقت ايات :- ممكن تهدي موظفه الاستقبال :- في غرفة العناية الدور الثاني طلع خالد و ايات طلعوا علي فوق و اول ما وصلوا لاقوا عوض واقف مع الدكتور خالد :- بابا فين يا عوض عوض :- في العنايه يا خالد بيه خالد :- ليه هو فيه الدكتور :- ازمه قلبيه لكن مش خطيره هو موجود في العنايه للاطمئنان بس مش اكتر لانه وصل في الوقت المناسب بالتالي مفيش اي قلق عليه ايات :- الحمد لله يارب الحمدلله خالد :- هيخرج امتي من العنايه انا عاوز اشوفه الدكتور :- لو مش حصل اي حاجه جديده ممكن يخرج من المستشفى خالص مش من العنايه بس خالد :- شكرا يا دكتور الدكتور :- عن اذنكم خالد :- عوض خد ايات و راحوا و بلاش تبلغوا اي حد عن حاجه هما تعبانين بما فيه الكفاية ايات :- انا مش هروح في مكان و اسيب حكيم هنا مش هروح علي البيت من غير حكيم خالد :- انا مش باخد رايك اصلا انا بأمرك ايات :- و ان
أحببت سيدي ذكرى ماضية
روايه أحببت سيدي الفصل الحادي عشر لقاء :- طيب قول سلام اهلا اي حاجه ولا إللي فيه عيب مش بيبطله حكيم :- السلام بيتقال للناس اللي تستاهل مش واحده ذيك لقاء بغيظ:- ابعد ابنك عن حبيبي و ابني يا حكيم حكيم :- اقصدك ابعد خالد ابنك عن الخدام بتاعي اللي كنتي بتخونيني معاه و ابنك اللي خلفتيه في الحرام منه لقاء :- اي الجنان اللي بتقوله ده انت خلاص كبرت و خرفت حكيم :- دي الحقيقه اللي انتي فاكرة انك مخبيها هي و فضايح كتير بقولك اي يا لقاء مش قولتي اللي انتي عايزاه يلا غوري اصل المكان بقا خنيق اوي في وجودك لقاء :- مش تلعب معايا يا حكيم علشان انا ممكن في لحظه أخفيك من علي وش الدنيا حكيم :- مش بعيد علي واحدة قتلت ابوها انها تعمل اي حاجه لقاء :- انت بتقول ايه انت اتجننت كدب اللي بتقوله كدب حكيم :- غريب الحب دا يا لقاء بيخليك اعمي عن كل حاجه وحشه في اللي بتحبه دا حتي بيخليك تحب الوحش دا كمان وانا من كتر ما كنت بحبك كنت الاعمى اللي مش بيشوف اي غلطه كنتي تعمليه مع اني لو فتحت عيني شوية صغيرين كنت هشوفك علي حقيقتك بسهولة لقاء :- انا عملت كدا علشان حبي و هو اللي جبرني اني اتجوزك و لما عرف عني و
أحببت سيدي هدوء العواصف
روايه أحببت سيدي الفصل العاشر في المساء الجميل في أحد افخم المناطق في القاهرة الجميلة تزينت إحدى البنايات لتبدو كالعروس يوم زفافها بين أصحابها لقد بذل العمال و الموظفين الكثير والكثير من الجهد ليبدو هذا المكان بهذا الجمال لإرضاء السيدة لقاء صعبة الارضاء من الأساس جاءوا الضيوف من الطبقات الراقية أبناء مجتمع نراه جميعاً من بعيد يسمح لنا بالنظر فقط لا بالاقتراب و اللمس جاءوا جميعاً لتهنئة السيدة لقاء الحديدي و كذلك لتودد للسيد محمد فهكذا تسيير مصالح و امور هذا المجتمع يبدو مبهر من الخارج لكنه صعب و عميق و كاذب جدا من الداخل و هذا أيضاً كان رأي كريم الذي دخل يجر قدمه الي الداخل يحمل لقب صديق السيد الشاب شادي الحديدي يسمعها بإذنه و يراها بعيونه فكانت تزيد من داخله رغبه في التخلص من شادي بأسرع وقت ممكن كريم :- اي برنس شادي :- وطي صوتك متفضحناش اي ملقتش حاجه انضف من كدا تيجي بيها تفضحنا اكتر شويه جبت الزفت اللي قولت عليه كريم يكتم غيظه :- جبت يا كريم بيه اطلعهم لحضرتك دلوقتي ولا فين زي حضرتك يا باشا تحب شادي محاولآ اصلاح الأمور:- ياض انت صحبي بس علشان الوجهة الاعلانيه للمجتمعات الراقية
أحببت سيدي لا تحزني
روايه أحببت سيدي الفصل التاسع سالي :- ماما .... ماما ... ايات ماما مش بترد عليا مش عارفه مش بترد عليا ليه ايات وهي تحتضنها :- حبيبتي انتي مؤمنه بالله و بقضاءه و دا نصيبها خلاص هي راحت لربنا قولي اللهم أجرني في مصيبتي و اخلفني خير منها سالي :- لا لا لا آيات مينفعش لا انا هعيش لمين بعدها يا ايات مينفعش انا مليش غيرها لا مااااااااااما مااااااااااااااما ردي علياااا انتي طلبتي مني اني اسامحك علشان تمشي طب انا مسمحتش انا زعلانه خليكي متمشيش مااااااااماااااااااايات :- حرام انتي بتقولي ايه الروح دي امانه ربنا بيديها لينا وقت ما يجي معادها ربنا بيسترد امنته ربنا يرحمها يا روحي و يغفر لها ادعي ليها يا حبيبتي هي دلوقتي محتاجه دعواتكسالي :- هي راحت خلاص مبقتش معايا مش هشوفها خلاص ايات :- اهدي يا سالي اهدي سالي :- ............ايات :- سالي سالي سالي احمد :- سالي سالي ردي علياخالد :- دي أغمي عليها يا احمد انا هنادي علي الدكتور شليها و تعالي نشوف اوضة فاضيه احمد شال سالي اللي غابت عن الوعي أو خلينا نقول اللي هربت من الواقع المؤلم بالنوم هي لو كانت مستحلمه كل حاجه بس علشان وجود امها طب ازي
أحببت سيدي مدوية
روايه أحببت سيدي الفصل الثامن احمد :- يلا اخرجي اخلصي ايات :- اااااااااااه احمد :- ايات مالك حصل اي فاطمه :- مالك يا بنتي حصلك اي يا ايات ايات :- الحقيني يا ماما الحقيني دخلت فاطمه الحمام لي ايات و احمد فضل مستني برا و اول ما دخلت لقت ايات مرميه علي الارض و المرايا واقعه و متكسرة و جسم ايات بينزف و دماغها فاطمه :- يا حبيبتي يا بنتي اي اللي حصلك يا ايات ايات انا كنت واقفه علشان البس هدومي و اخرج لقيت المرايا وقعت لوحدها و انا بجري بعيد اتزحلقت و الازاز دخل جسمي الحقيني يا ماما فاطمه :- قومي اما اغسلك و حطلك حاجه علي جمسك احمد :- يا ماما قوليلي في أي بدل ما ادخل واللهفاطمه :- اهدي يا بني خمس دقائق ألبسها اطلب انت الدكتور احمد :- دكتور ليه مالها ايات فاطمه :- يا بني مش تتعب قلبي اطلب الدكتور و خلاص احمد :- حاضر هطلبه غسلت فاطمه جسم ايات و طهرته كله و حطت ليه دهان و خدتها و خرجت من الحمام وسط سيول من دموع ايات احمد :- ايات اي اللي حصل مالك ليه الدم اللي نازل من دماغك دا فاطمه :- مرايا الحمام اتكسرت وهي من الخضه بتجري اتزحلقت علي الازاز و دخل في جسمها احمد :- معقول في ل
أحببت سيدي وحش و فرسية
روايه أحببت سيديالفصل السابع نتقل الي قصر الصياد و بالتحديد في الطابق الاخير من القصر و كما يقال المنطقة المحرمه أنه الطابق الخاص بخالد قام خالد بتصميم هذا الطابق بنفسه أنه مخيف فعلا يعمه الصمت و اللون الاسود الذي يسكن كل شئ إضاءة هادئه يتكون هذا الطابق من صاله رياضيه واسعه و متكاملة و غرفه خالد و غرفه خاصه هذا الطابق محرم لا يصعد إليه سوا خالد و احيانا احمد فقط لا غير كان خالد قد أمر ان آيات تصعد اليه الغداء و توجه إلي غرفة التمرين و بالفعل صعدت ايات و معاها الغداء و كل خطوه كانت تقربها من طابق خالد كانت تزرع بداخلها الخوف و الرعب كانت تشعر أيات و كأنها تدخل كهف لأحد مصاصين الدماء أنه كهف الصياد الذي كان ينتظر الضحية ايات وهي بتبلع رايقها :- بسم الله الرحمن الرحيم اشهد ان لا اله الا الله و ان سيدنا محمد عبده و رسوله ... ايات انتي قوية انتي شجاعة انتي مبتكسريش انتي أيات فاهمه اوعي تخافي أو تعيطي أو تخليه يذلك لو قال كلمه قوليله عشرة و لو مد ايده مدي ايدك و رجلك و اي حاجه بتتمدد فاهمه ......بس انا خايفه اوي دا مجنون و ممكن يقتلني بدم بارد انا اي اللي خلاني اسمع كلامه و اطلع الغداء
أحببت سيدي ظلال الماضي
روايه أحببت سيدي الفصل السادس في شركة الحديدي في مكتب محمد الحديدي كان معاه شادي محمد :- شادي عملت ايه في الصفقه مضيت الورق ولا لسه شادي :- مضيت و هتخرج الشحنه من الميناء بكره محمد :- تمام كويس جدا علي ما توصل تكون البضاعة اللي في المخازن اتوزعت شادي :- انت قديم اوي يا محمد بيه كل البضاعة اتو
أحببت سيدي عاصفة من الماضي
روايه أحببت سيدي الفصل الخامس جمع القدر ايات و خالد مجدداً ليضرب بقرار كل واحد منهم بنسيان الآخر عرض الحائط ... شعرت ايات بالخوف الشديد لكنها حاولت اخفاء ذلك و إظهار بأنها قويه لا تخاف منه اما خالد فقد اتخذ قرار أنه سيمحي ايات من ذاكرته و سيفعل تحرك خالد باتجاه ايات بهدوء شديد ينظر أمامه ولا ينظر
أحببت سيدي لن ألتقي به مجددا
روايه أحببت سيدي الفصل الرابع في صباح يوم جديد علي ابطالنا كل واحد قضي ليلته بشكل مختلف نبدأ من ايات اللي مش قدرت تنام بسبب العفريت اللي فاجأ خلي قلبها يدق و فكرت انه سيدها و ليس أكثر .. أما خالد اللي كان مقتنع بأنه خالد الصياد و أنه بيكره كل الستات و أنه هيقدر يتخلص من الجنية القصيرة زي ما سماها
أحببت سيدي لقاء جديد
روايه أحببت سيدي الفصل الثالث في غرفة المكتب الخاصة بخالد دخل احمد الي المكتب و كان باين عليه القلق هو فعلا من جواه خايف من لقاء خالد و ايات بس كان بيحاول ديما أنه يطمن نفسه بأنه اقرب حد لخالد و إن خالد مستحيل هيرضي أنه ياذي أخته خالد وهو ينظر إلي ساعته بقالك ٣ دقائق و نص واقف مكانك و سرحان اي
