LOGINShare
ظلال الماضي
publish date:
2026-06-11 21:33:14روايه أحببت سيدي
الفصل السادس في شركة الحديدي في مكتب محمد الحديدي كان معاه شادي محمد :- شادي عملت ايه في الصفقه مضيت الورق ولا لسه شادي :- مضيت و هتخرج الشحنه من الميناء بكره محمد :- تمام كويس جدا علي ما توصل تكون البضاعة اللي في المخازن اتوزعت شادي :- انت قديم اوي يا محمد بيه كل البضاعة اتوزعت و فلوسها في البنك محمد :- شاطر شكلك هتاخد مكاني قريب .. بس قولي مالك مش علي بعضك في حاجه شاغلك شادي :- مش تشغل بالك موضوع و هخلصه محمد :- جرأ اي يا شادي من أمتي في مواضيع بتخلص من ورايا شادي :- الموضوع مش مستاهل و لما يظبط هعرفك علي طول محمد :- شادي شادي :- لارا سكرتيرة خالد محمد :- اها عارفها شوفتها معاه في مؤتمر صحفي قبل كدا شادي:- اهي البت دي معاها كل اسرار خالد و كل شغله معاها تخيل لو قدرنا نوصل ليها هيبقا معانا كل اسرار خالد و كل خطوه بيعملها و كدا احنا هنكون سابقينه بخطواه دائما و نقدر نخلص منه كل اللي عمله معانا محمد :- فكره حلوه بس هنوصل ليها ازي بقا يا ابن لقاء شادي :- عيب عليك انا شادي الحديدي يومين و هتبقي في جيبي محمد :- لو كان الموضوع سهل زي ما بتقول مش كان زمانك قاعد بتفكر كل دا معايا شادي انا بعت ليها بوكيه ورد مستني ردت فعلها علشان ننتقل للخطواه الجايه محمد :- طايب اما نشوف بس خلي بالك من خالد دا عامل زي التعبان و انا مش مستعد اني اخسرك أو اخسر حاجه تانيه شادي :- مش تقلق عليا انا تربيتك عن اذنك هكلم كريم اشوفه عمل اي محمد :- بردو الواد الصايع دا انا مش قولتلك ابعد عنه شادي :- هو صايع بس جدع و صحبي مش تقلق .... اي يا كيمو عملت ايه ..... تسلم يا برنس كدا تمام اروح انا الحقها ..... ماشي يا كيمو سلام محمد :- ضحكتك كدا ليه شادي :- مش قولتلك يومين يا محمد بيه عن اذنك في فيلا محمد الحديدي لقاء قاعده في الاوضه لوحدها من ساعة مكالمة حكيم قدامها صندوق قديم فيه صور و و شوية مجوهرات و حاجات قديمه لقاء :- السبب يا حكيم في كل اللي حصل انت اللي حبتني و طلبتني من ابويا اللي فرح اوي أنه هيناسب الصياد انت السبب في كل حاجه انت اللي خلتني خاينه و قاتله و كل حاجه وحشه عملتها انت السبب فيها ( من اكتر من ٣٠ سنه في بيت أهل لقاء ) والد لقاء :- لقاء لقاء تعالي هنا لقاء :- افندم يا بابا والدها :- انهارده جالك عريس و انا وفقت مبروك يا لقاء لقاء :- لا يا بابا انا مش موافقة لا والدها :- لما تعرفي العريس هتوافقي علي طول لقاء :- لا حتي لو كان مين انا مش بفكر في الجواز دلوقتي والدها :- بقا في حد عاقل يرفض حكيم الصياد ابن اغني عائلات البلد و الواريث الوحيد لا كمان رجل اعمال شاطر في شغله و محترم مفيش عريس احلي من كدا لقاء :- لا مش موافقة انا مستحيل اتجوزه والدها :- انا مش باخد رايك فاهمه انا خلاص وافقت عليه و الفرح الخميس الجاي انا اصلا عارف من البداية انك هترفضي علشان الواد الجربوع اللي كان معاكي في الجامعه بس احب اقولك ان طول ما انا علي وش الارض انتي مش هتتجوزي غير حكيم يا كدا ياما اتفضلي برا زي ما انتي كدا من غير لا فيلا و لا عربيه ولا فلوس روحي للجربوع و اتجوزيه دا لو رضي بعد ما يعرف اني هحرمك من فلوسي و من كل حاجه لقاء :- بابا انت بتعمل معايا كدا ليه صدقني محمد بيحبني و مش طمعان في فلوسي زي ما حضرتك شايف انت ظالمه والله والدها :- الكلام خلص و الموضوع اتقفل و اللي عندي قولته ليكي و انتي حره يا تبقي مرات اغني واحد في البلد لتعيشي في الشارع تشحتي اللقمه فاهمه ( في آلوقت الحالي فيلا الحديدي ) لقاء :- مش كان قدامي حل غير اللي عملته انا كنت مجبورة انت السبب يا حكيم فاهم انا بكرهك و بكره حبك ليا و بكره ابنك لأنه منك لو كان من محمد كان زماني بحبه اوي زي شادي و اكتر بس علشان هو ابنك انا بكرهه مهما حاولت أحبه مش كنت بقدر و انت السبب امام شركه الصياد نزلت لارا بعد ما خلصت شغلها و وقفت قدام عربيتها و قبل ما تركب لقت حد واقف في وشها شادي :- هاي اذيك يا لارا ....ااااااا قبل ما تقولي انا عارف هتقولي اي حضرتك مين علشان تيجي توقف قدام عربيتي و تمد ايدك علشان تسلم عليا و فاتح بوق علي الاخر كدا لارا :- هههههه😂😂😂 شادي :- الله هو في كدا اي الجمال دا لارا :- نعم شادي :- انا قصدي علي الورد اللي انتي شايله دا مين اللي ذوقه حلو اوي كدا يجنن لارا :- واحد كدا و كويس أنه قصادي دلوقتي علشان ياخده مش كنت عارفه ارجعه ازي شادي :- و يهون عليكي قلبي يتكسر لارا :- انت عاوز اي يا شادي بيه شادي :- ممكن تيجي معايا نشرب فنجان قهوه و اقولك عاوز اي و انتي قرري لارا :- امممممم موافقة شادي :- اتفضلي معايا يا احلي ورده في الدنيا ..بقولك ايه ما تسيبي شغلك مع خالد و تيجي تشتغلي معايا دا انا حتي هبات في الشركه مش هسبها ليل نهار لارا :- مش للدرجاي يا شادي بيه في عربيه خالد أثناء طريقه للقصر وصله اتصال من شخص خالد :- هاا وصلت لفين الشخص :- كله تمام يا باشا و كل حاجه ماشيه زي ما رتبت خالد :- هههه كنت عارف علشان تصطاد الكلب مش محتاج انك تجري وراه ولا تتعب نفسك كل اللي لازم تعلمه ترمي ليه حته عضمه وهو هيجري وراك لوحده الشخص:- تؤمر بايه يا ريس خالد :- خليك ماشي زي ما انت و بلغني بالتطورات اول باول الشخص:- تحت امرك سلام يا ريس خالد وهو بيتصل علي حد تاني :- اي يا عصام عرفت اي عصام :- البنت دي حضرتك في كليه اداب سنه تانيه مش ليها صحاب غير بنت غلبانه اسمها سالي هما الاتنين دائما مع بعض و البنت متفوقه جدا في الكليه و الدكاترة بيحبوها و هي و صحبتها من البيت للكليه و من الكليه للبيت مفيش عليها غلطه ولا حركه مش كويسه خالد :- هو انا هخطبها معقول مش لقيت عليها غلطه مفيش اي حاجه اكيد في حاجه مستخبيه انا عارف الصنف دا كويس غدار و خاين دور وراها كويس فاهم عصام :- فاهم سعتك خالد :- طب و القصر بتعمل ايه عصام :- اللي عرفته أنه طول ما حضرتك برا القصر هي موجوده مع حكيم بيه طول الوقت مش بتفارقه و لما انت بترجع بتكون قاعده في البيت اللي وراء القصر أو في الاسطبل بتلعب مع الخيل خالد :- مع حكيم بيه ... اسمع خليك وراها و اعرف دبة النمله سلام عند احمد و سالي كانوا في طريقهم لبيت سالي و كان احمد طول الوقت باصص علي سالي و اللي فعلا سحرته من غير ما يحس احمد :- قوليلي يا سالي انتي ليه بتشتغلي قبل ما تخلصي دراستك سالي مش ردت لكن لفت وشها لناحية برا و حاولت تتحكم في دموعها احمد :- انسه سالي انا شكلي ضايقتك انا اسف سالي :- لا حضرتك مش ليك ذنب كل الحكايه أن اللي بيكون عايش في وجع بيحاول دائما أنه يهرب منه علشان يرتاح احمد :- مفيش راحه في الهروب بالعكس انتي بتبذلي مجهود علي الفاضي لانك مش هتفضلي طول العمر هربانه الافضل من الهروب انك تخرجي من جواكي و تواجهي علشان ترتاحي بجد سالي :- أوجه صعبه عليا اوي دي احمد :- مفيش حاجه صعبه و بعدين الناس اللي في ضهرك بيقوكي و يحموكي دول سبب انك تواجهي سالي :- مليش غير امي و هي أضعف من أنها تقويني و ايات و اللي مش ينفع ادخلها في الموضوع ده احمد :- مالك يا سالي ممكن تحكيلي سالي :- ابويا مات و انا عندي ٣ سنين و ماما اتجوزت جوز امي بيتفنن في أذيتي و ذلي و اهانتي و امي غلبانه علي قدها انا بشتغل من و انا في ثانوي مش من و انا في الكليه لاني لازم اصرف علي نفسي جوز امي بيصرف علي مراته وهو مش ملزم أنه يصرف عليا علشان كدا بصرف علي نفسي احمد :- مفيش اي حد تروحي تعيشي عنده و تسيبي جوز امك اللي مبهدلك دا يا سالي سالي :- مليش حد قولتلك غير امي و ايات احمد :- اسمعي يا سالي ركزي في دراستك و ايام اللي هتكوني فيها في الكليه مش تيجي الشغل أو خلصتي بدري ممكن تيجي و المرتب هيكون كويس جدا مش هتحتاجي حاجه ولا اي حد انا موجود في أي وقت سالي :- شكرا لحضرتك يا احمد بيه بس انا احمد :- مفيش بس اشوفك في الشغل بكره أظن أننا وصلنا سالي :- اها وصلنا مش خدت بالي احمد :- عم عوض شكله حافظ السكه عوض :- ايات هانم مش ليها غير الانسه سالي دائما مع بعض احمد :- دي احلي حاجه عند ايات ابتسمت سالي بخجل شديد و غادرت :- عن اذنكم يا جماعه احمد :- اطلع يا عم عوض عوض :- علي فين يا احمد بيه احمد :- علي القصر نشوف الست ايات ... الا قولي يا عوض انت تعرف سالي عوض :- معرفتي بيها بس الفتره اللي بتقضيها في العربيه و انا جاي أخدها و اروحها احمد :- وانت اي رايك فيها عوض :- مفيش اطيب من قلبها و هادئه جدا و غلبانه ديما جوز امها مبهدله انا فاكر مره قلبي اتقطع عليها كانت نازله الكليه وشها كله مورم و ايديها زراقه و شكلها يصعب على الكافر جوز امها كان ضربها علشان مرتبها كان ناقص يومها الست ايات اتنرفزت و الا كانت عاوزه تطلع تضربه انا حوشتها بالعافيه احمد :- معاها حق المفروض كنت تسبها تقطعه باسنانها علشان مش يضرب البنت الغلبانه دي تاني في شقه سالي اول ما طلعت و فتحت باب الشقه لقت جوز امها هجم عليها و ضربها سالي :- و النبي كفايا حرام عليك انا عملت اي دلوقتي جوز امها :- والله العظيم لموتك يا فاجرة يا صايعه مين الراجل اللي انتي جايه معاه دا هاا قولي بقيتي فاجرة لدرجه انك مخليه جايبك لحد هنا سالي :- والله العظيم دا اخو ايات انت مش شوفت العربية و شوفت عم عوض جوز امها :- هو اخو ايات مش راجل غريب برده وليه هو اللي موصلك هااا ردي يا فاجره ايات طلبت منه أنه يشغلني عنده بدل المحل اللي انا شاغله فيه وهو وافق و قالي هيدني مرتب كبير اوي جوز امها :- و هتشتغلي ايه بقا أن شاء الله علشان تاخدي المرتب الكبير اوي سالي :- هشتغل مساعده ليه يعني هنظم مواعيد و هرد علي تليفوناته و كدا جوز امها :- وهو جه يوصلك ليه سالي :- ايات تعبت و روحت و طلبت منه أنه يوصلني علشان مش اتبهدل في الموصلات في قصر الصياد وصل خالد فورا طلع لاوضة حكيم كان طالع و مقرر أنه لازم يهين ايات باي طريقه معتبر أن دي هتبقى بداية دمارها وصل الاوضه و دخل فورا بس مش لاقي أبوه ولا ايات خالد :- بابا انت فين حكيم :- خالد ..ايات خليكي هنا انا هطلع ليه اوعي تعملي اي حركه ايات :- مفيش داعي خلاص يلا نطلع حكيم :- بتقولي خالد :- بابا بتعمل ايه في البلكونه صعق حكيم مما يحدث ايات الذي كانوا يحاولون دائما اخفاءه عن خالد الان هي و خالد أمام بعضهم البعض وجه لوجه ايات :- حكيم تحب ندخل جوا خالد :- اسمه حكيم بيه يا حيوانه انتي فاهمه حكيم بيه مش تنسي نفسك يا خدامه انتي ايات :- حكيم هتحتاج مني حاجه انا همشي خالد :- انتي غبيه ولا مش بتسمعي اسمه حكيم بيه و بعدين انتي دورك هنا خدمة حكيم بيه مش تسيبه و تمشي ايات :- اولا كدا انا مش خدامه ولا عمري كنت خدامه انا بعتبر حكيم زي ابويا علشان كده انا بفضل معاه و جمبه و مش بخلي اي خدامه تيجي جمبه ولو بعمل حاجه فانا بعملها احتراما ليه خالد :- انتي ..... حكيم :- خالد ايات مش خدامه ايات هانم ولو كلمتها بالشكل دا تاني هيبقي اخر يوم بيني و بينك ... بعد اذنك يا بنتي ممكن تساعديني لحد السرير ايات :- حاضر يا حكيم حركت ايات الكرسي المتحرك بتاع حكيم و ساعدته لحد ما نام علي السرير عدلت ليه هدومه و قاست درجه حرارته و اديته علاجه ايات :- عاوز مني حاجه تانيه حكيم :- لا حبيبتي مش محتاج حاجه تسلميلي اتفضلي انتي خرجت ايات فورا من اوضة حكيم و بسرعة خرج وراها خالد خالد :- انتي ايات :- نعم خالد :- كنت عاوز اقولك اجهزي للي هيحصلك اسوء كوابيسك بدأت تتحقق وصل احمد البيت في الوقت و اتصدم لما لقي ايات واقفه مع خالد في نفس الوقت اللي كانت خارجه فيه فاطمه من المطبخ احمد :- ايات بتعملي اي عندك خالد :- مش تخاف يا صحبي كانت عند بابا بتاخد باله منه فاطمه :- ايات يلا فورا علي البيت خالد :- قبل ما تروح البيت ممكن يا فاطمه تبعتلي الغداء بتاعي معاها علي اوضه الرياضه احمد :- اي اللي بتقوله ده يا خالد خالد :- انت عارف الاومر مفيش خادمه موجوده في البيت تطلع ليا الاكل و اكيد فاطمه مش هتقدر تطلع بالاكل ليا علي فوق و المفروض اننا اخوات و ايات اختك زي ما هي اختي و انت لو محتاج حاجه مش هتجبها ليك احمد :- انا هجيلك يا خالد و ايات هتروح علشان تذاكر ايات :- مش مشكله يا احمد انا هطلع الاكل لخالد بيه و هنزل علي طول علشان اذاكر خالد:- شكرا عن اذنكم مش تتاخري يا ايات هموت من الجوع فاطمه :- اي اللي بتقوليه دا يا ايات انتي اتجننتي و ازي كنتي واقفه مع خالد كدا احمد:- ايات انتي انهارده مالك و اي التصرفات دي ايات :- خالد شافني و انا في الشركة و كان عارف اني ايات احمد :- وحصل اي ايات :- مش حصل حاجه انا اللي خلاني اروح اني كنت خايفه منه مش اكتر بس هو مش كلمني و كمان شافني هنا مع حكيم و مش كلمني فاطمه :- معقولة احمد :- انا عاوزك في كلمتين يا ايات انا هروح اغير هدومي و استناكي علشان نتغدي سوا ايات :- حاضر يا احمد نرجع لشادي و لارا اللي وصلوا مطعم شيك و فخم جدا شادي :- هااا هناكل اي لارا :- احنا مش قولنا قهوه شادي :- دلوقتي معاد غداء يبقا لازم نتغدي اومال عاوزه تقولي عليا بخيل لارا :- ازي طبعا يا شادي بيه شادي :- اه وصلنا للنقطه اللي مش بحبها بصي يا لارا هانم انا مش شادي بيه انا شادي وبس من فضلك من فضلك بلاش شادي بيه اتفقنا طبعا اتفقنا لارا :- انت مجنون فعلا شادي :- انا فعلا مجنون دا اللي خلاني اجيبك هنا مبديا كدا انا صايع و فاشل و بتاع بنات و كل يوم سهران في حته شكل مع وأحده شكل بس من ساعة ما شوفتك و انا مش عارف اي حصلي انتي عارفه انتي لما مشيتي امبارح بعد ما هزائتني والله العظيم روحت وراكي انتي متخيله شادي الحديدي يروح البيت الساعه 9 لا و أيديه فاضيه للدرجه أن الأمن بتاع المكان وقفني وقالي هو في حاجه يا شادي بيه من الاخر كدا انا من ساعة ما شوفتك امبارح حبيتك اها والله زي ما بقولك كدا و انا شايف انك لو اديتني فرصة هتحبيني والله هتحبيني جربي مش هتخسري لارا :- خلصت طبعا أنا المفروض اقولك و قولت الكلام دا لكام واحدة قبلي و كل الحوارات اللي اتحفظت في الافلام العربي بس انا مش هقولك كدا شادي :- اومال هتقولي اي اوعي ترفصي لغز نفسي بالشوكه دي و ابقي شهيد حبك و ذنبي في رقبتك لارا :- ههههه لا هقولك جرب تخليني احبك عاوزه اشوفك و انت بتحاول و اشوف هتعمل ايه شادي :- يبقا ناكل بقا يلا انا هطلب ليكي علي ذوقي لارا :- موافقة شادي :- يبقى متفقين هتطلبي لينا اي بقا لارا :- ههههه في فيلا الحديدي وصل محمد الحديدي وعرف من الخدم أن لقاء في الاوضه من الصبح و مش خرجت ولا كلت و فورا جري عليها محمد وهو ينظر إلي الصندوق أمامها فهو يعلم جيداً ما يخفيه هذا الصندوق :- لقاء حبيبتي مالك ليه فاتحه الزفت دا لقاء :- الزفت دا موجود علشان دائما يفكرني بكل اللي حصل مش يسمح ليا انسي كل اللي عملناه محمد :- لقاء اسمعيني هما اللي جبرونا أننا نعمل كدا ابوكي و حكيم هما السبب كانوا عاوزين يفرقونا و احنا بنحب بعض و مش نقدر نعيش من غير بعض و بعدين احنا حاولنا أننا نهرب و نبعد من غير مشاكل ابوكي اللي وقف في طريقنا و ضربك و خلاكي تتجوزي حكيم بالغصب كل اللي احنا عملناه كان علشان حبنا هما السبب هما اللي غلطانين لقاء :- احنا قتلنا يا محمد و كنا هنقتل مره كمان لكن فشلنا محمد :- بس واطي صوتك انا كنت بحميكي و بحمي ابني اللي كان في بطنك و انتي كنتي بتنقذي حياتي من ابوكي احنا عملنا كدا علشان شادي و علشان نبقي احنا التلاته مع بعض و بعدين احنا خدنا عقابنا عشر سنين من عمرك ضاعت مع حكيم و ابنه خالد .. خالد اللي اتولد في بوقه معلقه دهب و انتي كنتي جمبه و أبوه جمبه أما شادي كان لوحده كانت بتمر علينا ايام من غير ما ناكل لحد ما وصلنا لمكانا دلوقتي. لقاء :- احنا مش غلطان هما اللي غلطانين هما السبب صح محمد :- صح ..يلا قومي خدي دش و فوقي و تعالي علشان نخرج نتغدي و افرجك علي البيوتي سنتر بتاعك لقاء :- حاضر الماضي بيخبي ذكريات مؤلمه دائما بيكون شايل اسرار لو خرجت ممكن تدمر الدنيا حكيم جواه اسرار خفيها عن خالد علشان يحميه أما لقاء و محمد فعندهم اسرار لا يمكن لحد انه يتوقعها صندوق لقاء القديم شايل جواه دم و خيانه و سرقه و ظلم و جرح لقاء و محمد بيقولوا أن جرايمهم بسبب أنهم بيحموا حبهم لكن معقول اللي بيحب ممكن يقتل ممكن القلب اللي شايل جواه حب ممكن يشل غل و حقد و دم القدر نصر محمد و لقاء زمان لكن معقول هينصرهم دلوقتي هيحميهم من طوفان الصياد وهل القدر نفسها اللي جمع ايات و خالد رغم عنه هيقدر أنه يجمع قلوبهم و يبدل السواد لنور و هل القدر هيقبل الحزن اللي سكن حكيم طول السنين دي ولا هيبدل حاله و هل القدر هيفضل سايب سالي وسط الوجع و الجرح ولا هيعوضها في يوم من الايام ....... # بقلم ليل
Latest chapter
أحببت سيدي روايه أحببت سيدي
خالد :- انا عاوزه اقولك اني ب.....ايات :- عاوز تقول ايه اتفضل يا خالد بيه الخدامه سامعه و جاهزه تنفذ الاؤمر خالد:- ايات من فضلك اسمعي انا مش عاوز اؤمر ولا حاجه و انتي مش خدامه ولا حاجه دلوقتي انتي مراتي و حب...ايات :- خلاص كل واحد فيهم مشغول في حته كفايا تمثيل يا خالد بيه انت مش محتاج دلوقتي انك تتصرف كويس مع الخدامه تقدر تؤمرني براحتك و انا هنفذ و مش هقولك غير ال ٣ كلمات اللي بتحب تسمعهم انا تحت امرك خالد :- طيب اديني فرصه اني افهمك و اقولك اللي عاوز أقوله ليكي ايات :- قول يا خالد بيه اؤمر ما انت اتجوزتني علشان تؤمر و تذلني و تكسرني ولا هتسجن اخويا و تدمر حياتنا خالد :- انا لما قولتلك كدا انا كنت بكذالخادمه :- خالد بيه في واحد علي الباب عاوزك حضرتك و رافض أنه يدخل قال عاوزك لخمس دقايق بس خالد:- عن اذنك يا ايات شويه و هاجي علشان افهمك كل حاجه خرج خالد باتجاه باب القصر تتبعه الخادمه حتي وصل و وجد عامل توصيل ينتظر بالخارج خالد :- افندم انا خالد الصياد عامل التوصيل :- خالد بيه انا اسف علي ازعاج حضرتك بس في واحد باعت ليك الورد و قال إني لازم اسلمه لحضرتك في ايدك و مش حد تاني ال
أحببت سيدي روايه أحببت سيدي
في أحدي الحواري القديمه وصلت سيارة خالد و معه حكيم و احمد الي العمارة التي يسكن بها سليمان خالد :- اشمعنا انهارده يعني حكيم :- مش عاجبك نروح عادي جدا كدا كدا انا مش هيخس عليا حاجه خالد :- لا و علي اي يلا بينا احمد :- عمو حكيم عاملنا بأسلوب احسن من كده انت مش لاقينا علي باب جامع و بعدين احنا مش قليلين بردو حكيم :- مين اللي جاب الواد ده معانا خالد :- والله ما اعرف اهو عيل لازقه وخلاص احمد :- لا انتم لو فاكرين انكم تعرفوا تعملوا حاجه من غيري تبقوا غلطانين ايوه انتم من غيري تغلبوا خالد :- يا بني مش تنفخ اوي كدا علشان انا عارف اللي فيها حكيم :- بس كفايا شغل عيال و رنوا الجرس يلا مش هنبات علي السلم (رن خالد جرس الباب مره و اتنين لكن مفيش اي رد )خالد :- غريبه سليمان فين احمد :- ممكن يكون خرج راح في اي حته يجيب اي حاجه مثلا خالد :- لا لما جبته هنا كلفت واحد أنه يشوف كل طلباته علشان هو مش يخرج و مش يكون في أي خطورة على حياته زي ما بابا طلب مني احمد :- اومال هيكون فين مش تعرف اي حاجه يا عمو حكيم :- لا مش عارف هو زمانه جاي دلوقتي مفيش داعي لكل دا هو مش صغير و اكيد عارف هو بيعمل اي
أحببت سيدي روايه أحببت سيدي
حكيم :- مش هتسلم علي ايات خالد :- طبعا هسلم عليها اذيك يا ايات عامله ايه مد خالد ايده لآيات علشان يسلم عليها و هي كمان مدت ايديها اول ما خالد مسك أيدها سحبها بسهولة الي حضنه ضمها بقوه و لم يفلتها رغم كل محاولاته في جعله يتركها ايات بكسوف شديد :- لو سمحت ابعد عني خالد :- ابعدي انتي احمد :- ما توسع يا بني انت بتحضن اي احنا صعايده و ممكن ندبحك هنا حسام :- بس يلا يا رزل انت كلها بكره و هتبقي مراته احضن يا خالد و انا ماسكه ليك اهو خالد :- لو سبته مش هيقدر يعمل حاجه ظلت ايات تحاول أن تخرج من حضن خالد إلا أن كل محاولاتها فشلت تمام لاتكتشف مدي ضائلتها مقارنه بخالد فالكاد كانت تصل إلي صدره وهي تدري الكعب ايات :- لو سمحت ممكن تسبني خالد :- انا مش ماسكك علي فكرة عاوزه تبعدي ابعدي ايات ؛- يعني مش هتسبني خالد :- لا مش هسيب سيبي انتي لو عاوزه ضربت ايات خالد ضربه قويه علي قدمه جعلت خالد يفلتها من الصدمه و أبعدت عنه فورا و ركضت نحو المطبخ تختبئ هناك لحقت بها سالي و فاطمه سالي :- ايوه الناس اللي اتحضنت بقا بالذمه في واحده تلاقي القمر دا يحضنها و تمشي فاطمه :- بس يا مقصوفة الرقبه عيب كدا
أحببت سيدي روايه أحببت سيدي
(في بور سعيد أمام ميناء بور سعيد )الظابط :- جاهزين يا شباب احمد :- ايوه جاهزين أن شاء الله حسام :- اللجنه وصلت ولا لسه الظابط :- بخصوص اللجنه في لجنه جديده جت غير اللجنه اللي وكيل النيابة طلب انها تيجي و تفحص الشحنه احمد :- لجنه اي دي الظابط :- دي لجنه بيقولوا أن خالد بيه باعتها و معاها أمر قانوني حسام:- كويس بردو احمد :- حضرتك كل حاجه جاهزة زي ما اتفقنا الظابط :- طبعا يا احمد بيه دلوقتي انتم تقدورا تدخلوا و انا هروح علشان اتابع شغلي احمد :- اتفضل حضرتك مشي الظابط علشان يكمل في الخطه اللي حطوها علشان يمسكوا الشخص اللي بدل العينه اللي اتفحصت احمد :- عصام نفذ اللي اتفقنا عليه انا عندي احساس كبير أن العينه اتبدلت قبل ما تروح للجنه حسام :- احنا المفروض متفقين مع الظابط يا احمد بلاش تورطنا احمد :- انا مش هعمل حاجه غلط كل الحكايه اننا هنعمل كمين نعرف مين اللي وراء الحكايه دي مش دي فكرتك حسام :- ما دا اللي احنا اتفقنا مع الظابط عليه يبقا احنا المفروض نمشي حسب الخطه علشان مش نعمل ايه غلطه فاللي عمل كدا يهرب و خالد ينضر احمد:- انا مش هقف اتفرج و انا عارف ان في حد بيخطط ياذئ
أحببت سيدي روايه أحببت سيدي
لقاء :- مين مين هنا ميييين .... ااااااه لا لا مش معقول لا مستحيل سليمان :- طول ما ربنا موجود مفيش حاجه اسمها مستحيل يا لقاء هانملقاء :- انت مش موجود انا بهلوس انا مجنونه و بهلوس انت مش موجود انت مت من سنين و مفيش ميتين بيرجعوا تاني انا مش خايفه منك انت مش موجود ايوه مش موجود سليمان :- بس انا مش مت انا اتقتلت فاكرة حتي عيالي الصغار قتلتوهم مش رحمتوهم و الجنان دا رحمه ليكي يا لقاء و انتي مش تستحقي الرحمة لقاء :- مش انا اللي قتلتك محمد ايوه انا قولتله يديك فلوس أو يخوفك بس مش يقتلك والله قولت ليه بلاش يقتلك هو مش سمع كلامي انا مليش ذنب والله سليمان ؛- مهما حاولتي تهربي من حسابك عمرك ما هتقدري تهربي يا لقاء عمرك ما هتقدري تهربي لقاء :- بس انا مليش دعوه بابا هو السبب في كل حاجه لو كان جوزني محمد مش كان كل دا حصل والله هو السبب في موته و موت المحامي و موتك و في كل حاجه حصلت انا مليش ذنب محمد قالي اني مليش ذنب بابا هو السبب سليمان :- لازم تتحاسبي يا لقاء لازم تتحاسبي يا لقاء لازم تتحاسبي لقاء :- لا انا مش ليا دعوة بحاجة انا مش غلطت انا عملت كدا علشان حبي و علشان ابني ؤساخرج سليمان
أحببت سيدي روايه أحببت سيدي
شادي :- هيجنن عليكي بس مش حرام خالد يشوفك بيه و لا نظرت له ايات باحتقار و قررت ألا تجيبه و أردت المغادرة الا أنه امسك بيدها رغم عنها و أوقفها ايات :- سيب ايديا يا حيوان انت ازي تتجرأ و تمسكني ابعد عني شادي :- مش هقدر ابعد و الله دا انا مصدقت اقرب ليكي بقولك اي انا عندي شليه في الساحل خيال ما تيجي نقضي يومين هناك و نعيش شويه حلوين و تاخدي اللي انتي عايزاه ايات :- يا زباله يا قذر والله العظيم لاعلمك الأدب لو شايف نفسك راجل سيب ايديا و انا هوريك حسابك شادي :- طيب حاضر هسيبك بس تديني بوسه الاول اي رايك اش معنا خالد يعني هو احسن مني في أي ما تجربيني والله هنسيكي خالد في ليله واحده ايات :- خالد اللي انت بتتكلم عليه دا لو كان موجود هنا كان زمانك مرمي زي الكلب مش بتنطق و مش بعيده تبوس رجله علشان يسيبك عايش شادي :- بس خالد مش هنا بقا يا حرام سجنته ليكي ايات :- وعلشان كده جتلي اصل لو خالد كان برا عمري ما كنت هشوف وشك المقرف دا شادي :- اي يا حلوه هو خالد بيدفع كتير للدرجادي ايات :- ايوه بيدفع كتير اوي شادي :- طب ما انا اقدر ادفع احسن منه مليون مره ايات :- إذا كان كدا يبقي نتفق انت قو
أحببت سيدي ذكرى ماضية
روايه أحببت سيدي الفصل الحادي عشر لقاء :- طيب قول سلام اهلا اي حاجه ولا إللي فيه عيب مش بيبطله حكيم :- السلام بيتقال للناس اللي تستاهل مش واحده ذيك لقاء بغيظ:- ابعد ابنك عن حبيبي و ابني يا حكيم حكيم :- اقصدك ابعد خالد ابنك عن الخدام بتاعي اللي كنتي بتخونيني معاه و ابنك اللي خلفتيه في الحرام من
أحببت سيدي هدوء العواصف
روايه أحببت سيدي الفصل العاشر في المساء الجميل في أحد افخم المناطق في القاهرة الجميلة تزينت إحدى البنايات لتبدو كالعروس يوم زفافها بين أصحابها لقد بذل العمال و الموظفين الكثير والكثير من الجهد ليبدو هذا المكان بهذا الجمال لإرضاء السيدة لقاء صعبة الارضاء من الأساس جاءوا الضيوف من الطبقات الراقية أ
أحببت سيدي لا تحزني
روايه أحببت سيدي الفصل التاسع سالي :- ماما .... ماما ... ايات ماما مش بترد عليا مش عارفه مش بترد عليا ليه ايات وهي تحتضنها :- حبيبتي انتي مؤمنه بالله و بقضاءه و دا نصيبها خلاص هي راحت لربنا قولي اللهم أجرني في مصيبتي و اخلفني خير منها سالي :- لا لا لا آيات مينفعش لا انا هعيش لمين بعدها يا ايات
أحببت سيدي مدوية
روايه أحببت سيدي الفصل الثامن احمد :- يلا اخرجي اخلصي ايات :- اااااااااااه احمد :- ايات مالك حصل اي فاطمه :- مالك يا بنتي حصلك اي يا ايات ايات :- الحقيني يا ماما الحقيني دخلت فاطمه الحمام لي ايات و احمد فضل مستني برا و اول ما دخلت لقت ايات مرميه علي الارض و المرايا واقعه و متكسرة و جسم ايات
