أحببت سيدي

في أحدي قاعات المؤتمرات الشهيرة و الفخمه يجلس اكبر رجال الأعمال والمستثمرين لحضور المزاد العلني القائم علي أحدي الشركات و تشتعل المنافسة بينهم الجميع يحارب علي الفوز بذلك المزاد مهما كان التمن

احد رجال الأعمال : مليون جنيه

شخص آخر : مليون ونص

شخص ثالث : ٢ مليون جنيه

ليخرج صوت رجال الأعمال الشهير محمد الحديدي ليسكت الجميع و يؤكد لهم أن المزاد لن ينتهي الا لصالحه

محمد الحديدي : ٣ مليون جنيه

ينظر فقد كان يعلم بأن عدوه اللدود لن يضيع فرصة مثل هذه ليغضبه و يحاول أذلاله أنه خالد الصياد

خالد الصياد : ٥ مليون جنيه

المزايد :- حضرتك مشارك في المزاد

خالد الصياد :- مشارك بأسم احمد عبدالله

المزايد :- ايوه مظبوط ..... ٥ مليون مين يزود ٥ مليون مين يزود

شادي الحديدي :- بابا مش هنزود هنسيبه يكسب مش كل مره

محمد الحديدي :- مفيش معانا سيولة للكل ده هيكسب زي كل مره

شادي الحديدي :- لحد امتي هنفضل ساكتين

محمد الحديدي :- مش هنطول ليه اخر ليه اخر

المزايد :- الا اونا الا دو الا تريه انتهي المزاد مبروك خالد بيه

بدأ جميع رجال الأعمال في الخروج من القاعه باستثناء محمد الحديدي و ابنه شادي الحديدي و خالد الصياد و معه احمد عبدالله

خالد الصياد :- اي يا محمد بيه هتمشي من غير ما تباركلي

محمد الحديدي :- ازي همشي من غير ما اقولك مبروك

خالد الصياد:- معلش بقا مقدرتش اقعد هادئ و اسيبك تبيع و تشتري في السوق براحتك انا عارف انك عاوز الشركه دي قوي و كنت ناوي تنافسني بيها بس معلش بقى خيرها في غيرها

محمد الحديدي :- انا مش عارف ليه حاسس ان نهايتك قربت يابن حكيم

خالد الصياد و ملامح وجه لا تفسر شئ و كأنها كهف للغموض و عيونه التي ترسل ليلا بادرا :- حكيم بيه الصياد يا خدام

محمد الحديدي و قد تخلله الغيظ و الغضب لكن تحكم بنفسه لكي لا يظهر ضعفه :- عيب يا خالد تقول كدا علي جوز امك المفروض اني في مقام ابوك بردو

خالد الصياد :- معلش تاني امي مين و جوزها مين ... انا امي ماتت من سنين أما اللي بتتكلم عليها دي اكيد خدامه زيك زيها عن اذنك لازم امشي مبحبش اتعامل مع خدامين

شادي الحديدي بصراخ عالي و غضب شديد :- اخرس بقا انت فاكر نفسك مين علشان تغلط في امي و ابويا فوق لنفسك يا خالد الصياد و ارجع لحقيقتك اللي بتهرب منها بس بردو انا عذرك واحد أمه سبته و هو عيل صغير اكيد لازم يبقى كدا

خالد الصياد :- انا كمان عذرك واحد اتربي علي رجل واحده خاينه و أبوه راجل زباله و طماع لازم يبقى كدا

شادي الحديدي :- اخررر......

محمد الحديدي :- شادي يلا بينا من هنا اصل المكان بقا خانقه اوي

خرج خالد و معه صديقه احمد ركب كل منهم سيارته متجهين الي شركه الصياد ...في سيارة خالد السوداء الفاخره يجلس خالد في الخلف يرتدي نظارته السوداء التي تخفي عينيه أو ربما تخفي تلك قطرات الدموع التي رست علي خديه كلما تذكر كلمات شادي التي تجبره علي العوده الي الماضي الذي يحاول دائما اخفاءه في نجاحه المبهر و قوته و شدته التي لا يظهر سواهما عليه ظل خالد يفكر حتي قاطع تفكيره صوت رنين هاتفه الذي أعلن عن اتصال من السيده فاطمه مربيته الخاصة

خالد بابتسامة :- كالعاده موجوده علشان تخرجيني من وجعي ...الو

فاطمه :- الو يا خالد بيه هاا طمني عملت ايه

خالد :- كالعاده كسبت المزاد و حرقت دم محمد الحديدي دخلت ليه علي اخر لحظه و كان هيبقى المزاد ليه بس انا خطفته منه و قدام عينيه

فاطمه :- يعني عملت اللي في دماغك و ارتحت مش تنسي بقا تيجي بدري انهارده علشان حكيم بيه انهارده عيد ميلاده

خالد :- يفرق في رأسه اووووف نسيت خلاص ماشي انا هطلع علي الشركة اخلص شوية حاجات بسرعة و اجي بسرعة

فاطمه :- ماشي يا خالد بيه مع السلامه

خالد :- سلام

في قصر الصياد من افخم القصور الموجودة في القاهره او في الوطن العربي كله قصر أقل ما يقال عنه أنها قطعه من الجنه في الأرض من ينظر إليه يشعر و كأنه ينظر لوحة فنية مصنوعة من الذهب الخالص و من ينظر إلي حديقة القصر يشعر و كأنها في أحدي الغابات فهناك كل انواع الاشجار و الازهار حتي تلك التي لا تنبت في مصر توجد في حديقه قصر الصياد في داخل القصر الاثاث الحديث من جهة و من جهة أخرى تجد الاثاث العتيق الفخم

فاطمه:- يلا بسرعه يا بنات انا كلمت خالد بيه و هو شوية و هيكون هنا لازم كل حاجه تكون مظبوطه و مترتبه قبل ما يوصل فاهمين

الخادمات:- فاهمين يا ست فاطمه

فاطمه :- طب يلا علي شغلكم و انت يا عم صابر عملت ايه في الجنينه

عم صابر الجانيني :- كل حاجه تمام مفيش و الجنينه ظبطها و بقت زي الفل

فاطمه :- تمام يا عم صابر اتفضل علي شغلك

ليخرج صوت هو احب الاصوات علي قلب فاطمة أنه صوت ابنتها المشاكسه ايات

ايات :- و هل يا ترى فاطمه هانم قلقانه كدا ليه

فاطمه :- وهل الهانم لسه صاحيه و نسيت علاج حكيم بيه

ايات :- لا مش نسيت بس حكيم بيه أمرني اني اخر الدواء شوية انهارده علشان الدواء دا بيخليه ينام وهو كان عاوز يفضل صاحي علشان يقعد مع سبع البرومبه بتاعكم

فاطمه:- كدا عيب اسمه خالد بيه و يلا فورا اطلعي على اوضة حكيم بيه اديله الدواء و فورا انزلي روحي اوضتك قبل ما خالد بيه يوصل فاهمه علشان مش يشوفك ولا يلمحك

ايات :- حاضر مش هيشوفني ولا يلمحني عن اذنك

فاطمه:- راحه علي فين يا بنتي اوضة حكيم بيه من هنا يا مسطولة مش من المطبخ شغلي دماغك بقا في حاجة غير بطنك

ايات :- علي فكرة انتي كدهون علي طول ظلماني انا رايحه الجنينه اجيب ورد لي حكيم بيه يلا بقا انتي اللي بتتكلمي كتير اوي اهو و العفريت هيطب علينا و احنا لسه واقفين يلا باي

فاطمه:- بابتسامة ربنا يهديكي و يخليكي ليا يا بنتي و يحميكي من كل شر

بعد بضع دقائق في غرفة حكيم بيه بيسمع صوت خبط علي الباب ليخرج صوت رجل من داخل الغرفة ليسمح للطارق بالدخول

ايات:- انهارده عيد ميلاد عيد ميلاد احلي حكيم و صلي صلي صليييي علي النبي صلي صلي و لولولي لي و هيصه 💃💃💃💃💃💃😂😂😂

حكيم:- بس يا بت يا بكاشه و بعدين دا عيد ميلادي مش فرح العمده 😂😂😂

ايات :- اي يا كيمو انهارده عيد ميلادك و بنحتفل يا حج الله 😂

حكيم:- اممم علشان كدا متشيكه و لابسه اللي علي الحبل و جايبه ورد

ايات انت فاكر أن دي اللي على الحبل لا خالص دي اقل حاجه عندي جايبها من العتبه مول 😂😂😂

حكيم بابتسامة و يكاد يموت من الضحك :- يخربيتك انتي و لمضتك دي والله انتي اللي مهونه عليا العيشه اللي انا عايشه دي

ايات:- والله يا حكيم بيه انا بعمل اللي عليا علشان احاول انسيك مصيبتك السوداء اللي اسمه خالد دا انا عارفه قمر و فرفوش زيك يجيب العفريت دا ازي 👿👿

حكيم بصوت يتخلله الحزن :- مش تحكمي علي خالد يا ايات من شباك اوضتك اللي بتشوفيه منه ولا من الكلام اللي بتسمعيه من الخادمين خالد غير كدا خالص بس ...💔💔

ايات:- وصلنا عند النقطه المحظورة يلا علشان تاخد الهواء و اساعدك تجهز قبل ما يوصل خالد بيه و بعدين انهارده عيد ميلادك مفيش زعل خالص ضحك و بس

حكيم :- يلا يا لمضة هانم قبل ما يوصل العفريت و يلمحك و ساعتها اووووووووو الوادع يا ايات هانم 😂😂👿

ايات :- هه انا مش بخاف منه اصلا هو مش محتاج غير حد يوقف في وشه و يخرسه بس انت و ماما اللي خافيني عنه سبوني عليه و انا اعمل منه عجينه 😂😂💪💪💪

حكيم :- مش عارف ليه حاسس انك هتقلبي كتكوت مبلول اول ما تشوفيه 😂😂

ايات انا أبدا انتم اللي مش عاوزين تخلوني اخد فرصتي و أقابله و أعلمه الأدب 😂💪

ضحك حكيم بشده و ابتسمت ايات لكنها تعلم بأن ذلك الشعور بداخلها و تلك الأحلام التي تزعج نومها هي دليل كبير علي خوفها الشديد منه انها حقا تموت رعبا منه لذلك تحاول دائما أن تبقي خفية عن انظار ذلك العفريت

في شركة الصياد وصل احمد بسيارته و خلفة وصلت سيارة خالد الصياد لينزل السائق فورا يفتح الباب لخالد ليطل خالد من سيارته ذلك الشاب الوسيم الذي يسرق عيون جميع الفتيات ...يدخل خالد الشركه و معه احمد ليقف جميع العاملين بانتظام و كأنهم تماثيل امام خالد كل منهم يتمنوا أن تمر دقائق مروره علي خير دون أن يرفد أحد أو يهين أحد ليقطع الصمت صوت خالد ليعلم الجميع أن تلك الدقائق لن تمر علي خير

خالد :- موظفة الاستقبال الموجودة هنا فين

لترد أحدي الموظفات :- امها تعبت و هي مش ليها حد غير امها علشان كدا راحت تشوفها و توديها المستشفى و ..

خالد:- يبقي تخليها عند امها مش تدخل من باب الشركة تاني و ازي تمشي من غير إذن

الموظفة:- هي خدت إذن من المدير التنفيذي

خالد:- المدير التنفيذي اها يحصلها و بكره الصبح يكون في موظفة جديده هنا و مدير تنفيذي تاني مفهوم يا احمد

احمد :- مفهوم يا خالد بيه

تحرك خالد حتي وصل إلي المصعد متجه الي مكتبه و بمجرد أن تحرك المصعد حتي عادت الحياة الي الموظفين الذين تنفسوا الصعداء و هدأت قلوبهم قليلا ...وصل خالد الي مكتبه استقبلته السكرتيرة لارا امام المصعد

لارا :- صباح الخير خالد

خالد:- في مواعيد مهمه انهارده

لارا :- ايوه يا فندم في ميعاد مع موظفين الضرائب و ميعاد مع المحافظ

خالد :- دول احمد اللي هيحضره انا نص ساعة و هنزل

لارا:- في مواعيد تانيه كتير يا خالد بيه

خالد:- اظن اني قولت اني هنزل بعد نص ساعة فدا معناه أن كل المواعيد دي هتتلغي

لارا:- بس يا خالد بيه

احمد:- لارا علي مكتبك و نفذي اؤمر خالد بيه فورا

لارا :- تحت امرك عن اذنكم

احمد:- مالك يا خالد اوعي تسمح لكلام الاتنين دول يهزك

خالد:- مفيش حاجه تهزيني بس انت اكتر واحد عارف انا مريت بايه

احمد:- بس انت قدرت تعدي من كل حاجه مريت من كل حاجه وقفت على رجلك رجعت شركة ابوك اللي كانت أفلست و حولتها امبراطورية كبيرة عالميه كل حاجه بقت احسن انت اللي بنيت كل دا لوحدك انسي يا خالد انسي

خالد:- مش هينفع انسي انسي ازي و انا كل ما شوف محمد افتكر اللي خانت ابويا لما اتشل و خدت فلوسه اديتها لخدامه انسي ازي و انا كل يوم لازم اشوف شادي و افتكر لما سابتني و انا عيل صغير و راحت اتجوزت و خلفت و ربت و كبرت شادي بيه و انا اللي شلت الهم من و انا عيل اتبهدلت و اتمرمطت مش هينفع انسي يا احمد الا لما اخلص حقي و حق ابويا

احمد :- ناوي على ايه الخطوه الجايه

خالد:- الخطوه الجايه محمد الحديدي اللي هيعمله مش انا اسمع انهارده عيد ميلاد ابويا هتخلص كل الشغل انهارده يا احمد

احمد:- تمام يا صحبي كل سنه وهو طيب هروح انا علي مكتبي علشان اخلص الشغل

خالد :- احمد الموظفه اللي انا رفدتها شغلها في فرع الشركه في اسكندريه و اديها شقه في مساكن العمال بتوعنا اللي هناك و ابعتلها فلوس علشان امها التعبانه بس كالعاده مش عاوز حد يعرف و المدير التنفيذي انقله اي شركة كمان

احمد وهو يبتسم فهو يعرف بأن صديقه ليس الشخص المخيف القاسي الذي يراه الجميع :- حاضر يا خالد عن اذنك

خالد :- استني انا هنزل معاك يلا

في قصر الصياد لازلت ايات في غرفة حكيم يجلسان معا و يضحكان و لم تشعر أن الوقت قد مر و إن خالد قد وصل إلي القصر

حكيم :- ايات خالد وصل يلا بسرعة انزلي علي اوضتك يلا

ايات:- يلهوي اروح فين كدا هقابله و كدا هقابله اعمل ايه

حكيم:- انزلي بسرعة و اخرجي من المطبخ يلا

ايات :- حاضر

لكن فقد تأخر الوقت فعلا فقد وصل خالد الي داخل القصر و وصل السلم ليتصدم بجسم صغير كاد أن يسقطه أرضا

انها ايات تنظر إلي عين خالد و عيونها ممتلئة بالدموع أما خالد فكان مصدوم انها المرة الرابعة التي يقابل فيها نفس البنت و تهرب منه بسرعة كبيرة دون أن يمسكها و تختفي كأنها أحدي الجنيات

خالد:- اتعدلي وقفي انتي مين و بتعملي هنا اي

ايات وهي تبكي :- ا ..ايا.....

ليخرج صوت حكيم يصرخ ليترك خالد ايات و يركض الي غرفة ابيه ليترك ايات الباكية متجمده كأنها تمثال علي السلم لتاتي أحدي الخادمات تمسك بها

ايات بتنهد :- عاوزه اروح اشوف حكيم بيه ماله

الخادمه اهدي يا بنتي تروحي فين بس لو شافك تاني هيفضل يحقق و يزعق و انتي مش محمل كل دا يلا روحي بسرعة علي اوضتك قبل ما ينزل تاني

لتركض ايات الي غرفتها باكيه اما خالد وصل إلى غرفة حكيم و ....