الفصل الواحد والعشرون

وفى غرفة صفاء

نراها تجلس تفكر كثيرا بعدما سمعت أول جزء من حديثهم لتدرك أنها على خطأ تماما

تجلس وهى تبكى بشدة لتذكرها مواقف كان ينبغى أن تكون فيها الأم لكنها كانت زوجة الأب بل أسوأ من ذالك

تذكرت إحدى المواقف

فلاش باك

قيصر (وهو طفل ) : ماما ! انا عايز آكل

صفاء : أنا مش فاضيه دلوقتى روح خلى الخدامه تحط لك الأكل

قيصر : بس انا عايزك انتى يا ماما

صفاء : يووه!! قلت لك مش فاضيه قاعده مع صحباتى روح خلى الخدامه تحط لك الأكل

انصرف قيصر الصغير بقلب محطم

وبعد قليل من الوقت

صفاء : نعمه يا نعمه تعالى هنا

نعمه : نعم يا ستى

صفاء : هو قيصر أكل

نعمه : لأ مرضيش ياكل

صفاء : عنه ما اكل

باك

زادت دموعها وتمنت فى مثل هذا اللحظه أن تعود بالزمن للماضى وتصلح كل ما فعلته وأن تستمع بكل جزء صغير من طفولة أبناءها

دخل على حجاج وهى بتلك الحالة

حجاج : طلعنا غلطانين يا صفاء ؛ معرفناش ناخد بالنا من اولادنا ولا نخليهم يحبونا

روحى اعتذرى من ابنك يا صفاء

صفاء بدموع: مش هيسامحنى

حجاج : مستحيل يسامحنى انا وانتى ويعاملنا عادى كأب وأم لكن اطلبى منه السماح ومع الوقت هيسامحنا خالص

نظرت له صفاء وهى تفكر بكلامه لتخرج من الغرفه عازمة على أن تصالح ولدها

سمع قيصر كلام توبه وقرر أن يتقرب من أخوته، هو يحبهم ويسعى لمصلحتهم ولاطلما كان باله مشغول بهم ، على الرغم من أن سيلين كانت تعامله معاملة سيئه إلا أنه كان يحبها كثيرا ، ومايا التى كانت لها مكانة فى قلبه رغم أنه لم يظهر مشاعره تجاههم ؛ وهذه هى المشكلة فالقيصر يحب .... يعشق ....دون أن يظهر مشاعره ، فمشاعره الخلابه تلك تعجز عن الخروج ، ويحك أيها القارىء وكيف تخرج وهى مشاعر القيصر فلو خرجت لفاضت الأرض وسكانها ، فهذا هو القيصر

وصل قيصر أمام غرفة مايا أراد الدخول لكن تردده منعه من ذالك وقرر العودة وبينما هو على وشك الرجوع التقى بتوبه لتقول : قيصر أعمل إللى قلبك يقولك عليه ، سيبك من عقلك إللى بيقولك انت قيصر ومينفعش تعمل كده

فى النهاية انت مش بس القيصر أنت أخ وابن وزوج وقريبا هتكون أب

دق قيصر اخيرا على باب غرفة مايا بعد تردد وصراع طويل بداخله ، أذنت له مايا بالدخول

فدخل تحت تشجيع توبه وبقت توبه فى الخارج تراقب الأمور كيف تسير

دخل قيصر فوجد مايا وسيلين تجلسان ويبدو أنهم كانو فى حلقة حفظ القرآن الكريم

تطلع إليهم فوجدهم ينظرون إليه والصدمه باديه على ملامحهم ، صدمه ... دهشة ... تلك هى المرة الأولى التى يخطو فيها قيصر خطوة واحده بداخل غرفة إحدى إخواته

خرج صوت مايا أخيرا لتقول بتوتر : خير يا قيصر محتاج حاجه ثم تابعت بخوف : طب حد فينا عمل حاجه غلط

لعن نفسه بداخله ألهذه للدرجه كان دنىء لدرجة أن أخته تعتقد أنه يريد شىء أو سيعاقبهم على شىء

تطلع إلى باب الغرفه وكأنه يستمد القوة للحديث فأشارت له تلك الواقفه خلف الباب فقال قيصر موجهها كلامه لإخوته : هو انا يعنى لازم اكون عايز حاجه عشان أدخل غرفة حد من أخواتي

مايا : لا طبعا خالص والا ايه يا سيلين

سيلين : أه مايا معاها حق

وقف قيصر أمامهم ليتابع حديثه قائلا : انتو عارفين انا جاى هنا ليه

تطلعت الأختان الى بعضهم وعلى وجوههم علامات الإستفهام لتقولا معا : لا مش عارفين

قيصر : تعرفو إن انا طول عمرى وانا بحبكم جدا وكنت بسعى ورا مصلحتكم ولحد الآن برضو مفيش حاجه اتغيرت ؛كنت بحاول أخليكم مختلفين عن الأشخاص إللى هنا ؛ كنت بحاول أبعدكم عن أخلاق مدام صفاء وعن حجاج ، كنت عايزكم تكون مختلفين وبعاد عن تصرفاتى انا كمان ؛ كنت عايزكم تكونو فى جو مختلف غير ده ، يمكن انتو عشتو طفولة حلوة شوية عنى لكن انا مكنش عندى طفولة أصلا

كانت حقوقى منتهكه ومكنتش عايزكم تغلطو وتعملو أفعال غلط ؛ أى نعم أنا كنت بنصحكم بس بطريقة القسوة والعنف والجفاف العاطفى

كنت بعاملكم بطريقه متدلش ان احنا اخوات لكن انا من جوايا كان نفسى أصرخ وأقول ان احنا اخوات؛ كان نفسى فى حاجات كتير أوى

كان نفسى لما أختى تقع فى مشكلة تفكر فيا انا اول حد ، كان نفسى ان أختى لما تختار شريك حياتها تيجى وتقولى

وقف قليلا عن الحديث ونظر لهم فوجد عينهم مليئه بالدمع وبالفعل سقطت قطرات الدموع على وجوههم تم تابع قائلا : كان نفسى ما اشوفش الدموع دى فى عيونكم بس للأسف انا اللى صنعتها بنفسى وكنت السبب

نظرت إليه الفتيات وفجأة جرو ناحيته وارتمو بأحضانه وسط دمعاتهم الساخنه فأخاهم ولأول مرة يخبرهم بمقدار حبه لهم حتى وإن لم يفصح عن كل مشاعره إلا أنه تحدث وأخبرهم ولو بالقليل

فى تلك الأثناء كان عدى يمر من أمام الغرفه فوجد توبة تقف خلف الباب كان على وشك الحديث ولكن أشارت له توبة بمعنى اسكت

سكت وتطلع للداخل ليرى ماذا هناك فرأى ذالك المشهد العاطفى حيث قيصر يحتضن أخواته

أدمعت عينه هو الآخر ؛ نظر قيصر ناحية الباب فوجد عدى يقف ودموعه تأخذ مجراها هى الأخرى على خديه لينادى عليه قائلا : تعالى يا عدى

دخل عدى بخطوات ثابته يقدم خطوة ويأخر خطوتين، لا يعلم كيف سيكون موقفه بجانبهم ، هل سيعتبرونه أخا لهم أم ماذا ؟

وصل أخيرا إلى قيصر ليقوم قيصر باحتضانه هو الآخر قائلا : مهما كان فأنا اخوك انت كمان

زاد عدى فى بكائه فكم تمنى مثل هذه اللحظه فى يوم من الأيام، كم تمنى مثل هذا الأخ

أخذهم قيصر جميعا فى أحضانه وشكلوا جميعا مع بعضهم اتحاد قوى ؛ الدموع ..... الشهقات.. هى سيدة الموقف ليقول قيصر مازحا فى محاولة لتغيير الأجواء : خلاص بقى عياط دا انا قميصى باظ خالص وتوبه هتولع فيا

تطلعو له بصدمه ليضحكو على مزحته تلك

ليقول :تعرفو انا مكنتش جاى لوحدى انا جيت و معايا توبه وهى كانت واقفه قدام الباب تشجعنى وتلاقيها دلوقتى واقفه ورا الباب وبتعيط ثم نادى عليها قائلا : ادخلى يا توبه

دخلت وبالفعل كانت الدموع تشق طريقها هى الأخرى لتسرع إليها كلا من مايا وسيلين يحتضناها ليقولا: شكرا يا توبة ؛ شكرا جدا رجعتى لنا اخواتنا

توبة بدموع: الشكر لله حبيباتى ؛ كله حصل بفضل الله تعالى

تحدث عدى مازحا فى تلك اللحظه قائلا : إبعدو عن مرات اخويا هتموتو الطفل قبل ما نشوفه... ضحك الجميع عقب كلامه وقيصر الذى ابتسم ابتسامة جميلة وهذه المرة ليست ابتسامة مكر ولا ابتسامة دهاء ولا حتى ابتسامة تهكم بل هى ابتسامه كانت قابعه بقلبه تنتظر من يخرجها فأخرجتها ملاكه توبه

كان قيصر على وشك الخروج من الغرفه حتى نادى عليه عدى قائلا : قيصر

التفت إليه القيصر فأكمل عدى حديثه قائلا: مش انت قولت انك سندنا، واخونا الكبير، ولو عايزين أى حاجه نطلبها منك

قيصر وقد فهم مخزاه بذالك الإستدراج العاطفى الذى يفعله فقال قيصر : قول عايز ايه يا عدى مفيش داعى للمقدمات

عدى: عايز اتجوز، انا خللت والله وخلاص بقى عايز اتجوز وارتاح

ضحكت الفتيات عليه ليقول قيصر بمكر : وعايز تتجوز مين

نظر عدى إلى توبه ثم قال : اخت مراتك ، عائشه

صفقت الفتيات مايا وسيلين بسعاده بخلاف توبة التى كانت مندهشة لكن بداخلها فرحة فإن حدث هذا ستكون أختها معها بنفس البيت كما أن عدى شخص محترم وسيقدم لها كل ما تحتاجه

قال قيصر أخيرا : ماشى هكلم الحاج عبدالله ونشوف رأيه دى بنته

عدى : اشمعنا يعنى هنكلمه دلوقتى انا عايز أتجوز خلال يوم زى ما عملت انت

قيصر : هو دا إللى عندى ، لما نكلم الحاج عبدالله الأول

سيلين : شكلك مستعجل يا دودى

مايا : كلها يومين بس

عدى موجهها كلامه إلى قيصر : بس بسرعه عشان انا على أخرى، أحسن ما اعمل لكم فضيحه هنا

ضحك الجميع من طريقة كلامه تلك بخلاف قيصر الذى تركهم وتوجه للخارج ليذهب إلى الشركه واصطحب معه عدى لتبقى الفتيات وحدهم

..................