الحلقه 7

بعد مرور أسبوع، كانت حالة أميرة بقت مستقرة، وبقت تتقبل والدتها، بل إن كل لحظاتهم مع بعض رجعت لذاكرتها، واتقبلت كل أسرتها تقريبًا، ورجعت للحالة اللي كانت عليها قبل الحادثة، بس السبب اللي كان ورا اللي حصلها عقلها رافض يفتكره بكل الطرق، زي ما هو رافض يبعد عن سليم. هي مكنتش فاكرة كل حاجة عنه، بس مكنتش بتحب إنه يبعد عنها ولو للحظات قليلة.

كانت قاعدة في أوضتها في المصحة، سانده بضهرها على حضن والدتها، بتلعب في تليفون أمها وبيتابعوا مع بعض آخر أخبار السوشيال ميديا.

ريهام وهي بتضم ضهر بنتها بسعادة، وأخيرًا رجعت لحضنها: "حبيبتي، إيه رأيك نخرج من هنا؟"

رفعت عينيها ليها وهي على نفس الوضع: "هنروح فين يا مامى ؟"

ريهام: "همممم أي حتة، أنتِى أول مرة تيجي مصر، نخرج لأي مكان ديت بين الام وبنتها."

أميرة: "هممم طيب، بس سليم هيكون معانا؟"

ريهام ضحكة: "حبيبتي دكتور سليم عنده شغل، مش فاضي لينا احنا وبس."

أميرة: "خلاص، نستنى لما يخلص وبعد كده نخرج كلنا ."

ريهام: "أنتِى بقيتي متعلقة بيه أوي."

أميرة: "آه جدًا جدا يا مامي."

ريهام: "حاسة إنك بتحبيه؟"

أميرة: "حاسة إني أعرفه من زمان، بس مش قادرة أحدد شوفتة فين قبل كده متأكده ده مش اول لقاء بينا"

ريهام: "همممم، إجابة سؤالي ده عند دكتور سليم نفسه."

قامت أميرة فجأة: "مامي، تعالي ننزل تحت نقعد في الجنينة، وناخد سالي معانا."

ابتسمت ليها ريهام بحب، وبعدين حطت إيديها على خد بنتها بحب: "كل طلبات أميرة قلبي أوامر."

ابتسمت ليها أميرة، وبعدين قامت بسرعة على الدولاب، وقعدت تدور على حاجة تلبسها.

أميرة بحيرة: "مامي، أنا مش عارفة هلبس إيه!"

راحت ناحيتها ريهام بابتسامة، وبدأت تساعدها في الاختيار.

ريهام: "لسه زي ما أنتِى، مش بتعرفي تختاري لبسك لوحدك."

أميرة: "همم لا مش كل الوقت، أنا بختار بس لبس الحفلات، لكن لبس الخروج صعب أوي."

اختارت ليها ريهام جيب بيضا وتوب وردي.

.. انتى بتحبى النوع ده من الهدوم؟

أميره: "رائع يا مامى، حبيت الاستايل."

باسِت خد والدتها وراحت للحمام بسرعه علشان تلبس الهدوم.

حطت ريهام إيديها على خدها وابتسمت، قطعها رنة تليفونها، راحتله وكان المتصل والدها.

ريهام: "ألو."

شريف: "أنا جايلك على المصحه."

ريهام: "خير فى حاجه حصلت؟ يا بابا "

شريف: "أنا حابب أطمن على أميره وأقضى معاها شوية وقت البنت بعيده عن عينى بقالها كتير ."

ريهام بابتسامه: "كويس إحنا هنكون فى جنينة المستشفى يا حبيبى فى انتظارك"

شريف: "تمام."

خلصت أميره لبس وخرجت من الحمام.

أميره بابتسامه: "مامى إيه رأيك؟ حلو عليا"

ريهام: "هممم عاوزه الحقيقه ولا أكدب عليكى؟"

أميره: "الحقيقه طبعًا بكره الكدب."

ريهام: "قمر أوى بس فى حاجه ناقصه."

أميره: "زى إيه؟"

ريهام: "نظبط شعرك مثلًا."

أميره: "أوكى."

وراحت للسرير وقعدت عليه.

ريهام: "لأ جنب المراية تعالى."

هزت راسها وراحت معاها.

وقفت ريهام تسرحلها شعرها الطويل أوى، اللى واصل لفوق خصرها بشويه.

بعد شوية...

ريهام: "بس كده أميرتى القمر جهزت."

باسِت أميره خدها.

"انتى اللى قمر يا فراشتى "

حضنتها ريهام بحب وهى باصة للسما وبتشكر ربنا على رجوع أمان قلبها ليها، لأن البنت دى هى أمان قلبها وهدوء حياتها.

راحوا لبرا الأوضه، لكن ريهام رجعت علشان تجيب تليفونها.

كان جاسم بيدور على جنا لأنها تايهه منه، لكن جمال اللى كانت واقفه سانده على الحيطه شد عيونه، فوقف يبصلها.

لحظته أميره.

أميره: "هاى فى حاجه بتبصلى كده ليه؟"

جاسم: "هااا أحم لأ آسف مافيش حاجة."

جه سليم وبصلهم.

سليم بعد ما قرب من أميره: "فى إيه؟"

أميره بنفى: "مفيش."

خرجت ريهام.

ريهام: "يلا يا حبيبتى، إيه ده دكتور سليم جيت إمتى؟"

جاسم: "عمتو ريهام."

بصتله وبعدين ابتسمت.

ريهام: "إزيك يا جاسم؟ إنت هنا ليه؟ يا حبيبى "

جاسم وهو باصص لأميره اللى كانت باصة لسليم: "كنت هنا مع صاحبتى بتزور صاحبتها."

ريهام: "آه طيب سلملى على سامى وخالتو نوال وعمى شاكر."

هز راسه ليها.

سليم: "مدام ريهام واخده أميره على فين؟"

أميره بابتسامه: "على الجنينه تعالى معانا."

سليم وهو بيبعد إيديها عنه: "تؤ عندى شغل روحى انتى مع مامتك واقضى وقت كويس."

كشرت بوشها وعقدت إيديها قدام صدرها.

ريهام بحنان: "حبيبتى دكتور سليم هيخلص وييجى ورانا، صح يا دكتور؟"

سليم وهو بيهز راسه: "زى ما مامتك قالت أنا هاجى."

ابتسمت ومسكت إيد والدتها وهى بتهز راسها.

ودعت ريهام جاسم اللى كان لسه واقف قدامهم، ومشيت هى وأميره تحت نظرات جاسم المصدومه. عمره ما تخيل إن بنت عمته دى قمر للدرجادى.

جاسم: "عسل أوى بقى، هى دى اللى كانت فى غيبوبه؟ وجنا واقفه على رجليها حظوظ."

وبعدين راح علشان يكمل تدويره على جنا.

     ♡:--------------®----------------:♡

فى الجنينه الخاصه بالمصحه.

ريهام: "مالك، بتفكرى فى إيه يا حبيبتى؟"

أميره: "مامى، انتى تعرفى الشاب اللى كان فوق ده منين؟"

ريهام: "ليه، انتى تعرفيه؟"

أميره برفض: "لأ، أول مره أشوفه، بدليل إنى مش فكراه خالص."

ريهام بابتسامه: "ده يبقى ابن أنكل سامى، انتى عرفاه."

أميره: "آه عرفاه، بس مشوفتش ابنه قبل كده."

ريهام: "لما نروح قصر جدو هتشوفى وتتعرفى على كل العيله."

أميره بنفى: "لأ، أنا مش هسيب المستشفى دى خالص."

ريهام: "ليه؟ انتى بقيتى كويسه."

أميره: "خلاص، أنا ممكن أرجع عيانه عادى، بس سبينى هنا."

ريهام بخوف: "هشششش، لو بتحبينى بلاش الكلام ده، أنا مش عاوزه أسمعه تانى."

أميره بعد ما حضنتها: "أوكى يا مامى، بس متزعليش بس بردو مش همشى من هنا."

ريهام: "قوليلِى بقى، مش عاوزه تسيبى المستشفى ليه؟"

أميره: "مش هقدر أبعد عن سليم."

ريهام: "ليه؟"

أميره: "مش عارفه، بس مش هبعد عنه أبدًا."

ريهام بتنهيده: "خلاص، نبقى نشوف الكلام ده بعدين."

جايلهم صوت مألوف لأميره.

شريف بابتسامه: "أنا شايف إن حبيبتى القمر أميره بقت كويسه أوى النهارده."

ابتسمتله أميره وراحتله وحضنته بسعاده.

أميره: "جدو، وحشتنى."

حضنها هو كمان بحب، فهى بقت أغلى ما يملك، وكان دايمًا نفسه يشوف ابتسامتها اللى بتنور حياته.

شريف: "حبيبتى."

وباس جبينها بحب.

سامى: "عامله إيه دلوقتى يا ريهام؟"

بصتله باستغراب، لأنها مكنتش واخده بالها من وجوده.

ريهام: "إنت جيت إمتى يا سامى؟"

سامى: "جيت مع عمى."

راحتله أميره ومدت إيديها ليه.

أميره: "هاى أنكل سامى انا اميره بنت القمر اللى هناك دى ."

ابتسم وسلم عليها.: انتى كمان مش اقل من ريهام فى الجمال

اميره بمرح: تشكرات شكرات

شريف: "كنتوا رايحين مكان؟"

ريهام: "لأ، بس أميره كانت حابه تنزل تقعد هنا شوية وأنا جبتها."

سامى: "أنا شايف إنها لازم تروح البيت وتمارس حياتها طبيعى."

اتغيرت ملامح أميره للغضب.

أميره: "لأ، لأ، لأ، أنا مش هروح أى مكان، مش هسيب المستشفى دى."

قرب منها شريف ووقف قدامها.

شريف: "وحبيبة جدو القمر، ليه مش حابه تروحى البيت؟"

أميره: "علشان سليم مش هيكون هناك."

شريف باستغراب: "دكتور سليم؟ هممم... طيب ده الطبيعى، هو عنده شغله وحياته، هياجى معانا يعمل إيه؟"

أميره: "أنا شغله، وأنا حياته، أنا مش عاوزه أبعد عنه، أنا هفضل هنا."

سامى: "حبيبتى، دكتور سليم هو اللى قالك كده؟"

بصتله ريهام بعدم رضا، لكنه وجه كلامه لأميره.

أميره: "لأ، أنا مش صغيره، وبعرف أخد قراراتى لوحدى انا كبيره مامى اتكلمى .

جدو، لو مش هيكون سليم معايا، مش هتحرك من هنا."

بص شريف لريهام، فردتله النظره بيأس.

شريف: "أنا هبقى أشوف الموضوع ده بعدين."

أميره بدوخه خفيفه: "مامى، راسى وجعانى."

سندتها ريهام بخوف: "مالك يا حبيبتى؟"

سامى بغضب: "هو فين دكتور سليم؟ مش لازم يكون معاها؟"