قلوب حائره

الفصل الثالث عشر:

​وقف ليث عندما حاولت يقين سحب يدها عدة مرات من يده، وهي تطلب أن يترك يدها:

— سيب إيدي لو سمحت!

​ولكنه لم يرد عليها، بل وزاد من قبضته على يدها، فنظرت له بانزعاج:

— أنا قولت لحضرتك سيب إيدي.. بقول لك سيب إيدي!

​وقف ليث وهو في قمة غضبه:

— ممكن أعرف أنتِى بتعملي إيه هنا؟! وليه ما عنديش خبر بخروجك؟!

​غضبت يقين من أسلوبه المتسلط ونظرت له بتحدٍ:

— وجودي هنا ده شيء ما يخصش حضرتك.. وبعدين ليه تعرف بخروجي؟! كنت أبويا ولا أخويا ولا يمكن جوزي وأنا ما أعرفش؟!

​كاد ليث أن يفقد أعصابه، لولا تدخل خالد وسجى في الوقت المناسب. ذهب خالد باتجاه ليث وهو يحاول تهدئة الوضع:

— في إيه يا ليث؟! إيه اللي حصل؟!

​ذهبت سجى باتجاه يقين واحتضنتها بحنان:

— أنا آسفة يا يقين إني تأخرت عليكِى .

​نظرت لهم يقين نظرة خاطفة، ثم تركتهم وذهبت، فجرت وراءها سجى وهي تنادى عليها:

— استني يا يقين.. يابنتى استني!

​وقفت يقين وهي تنظر لها برجاء:

— سجى، لو سمحتِى أنا عاوزه أروح دلوقتي.

— طيب تمام، يلا بينا.

​قالتها سجى وذهبوا. غضب ليث من تصرف يقين، ولكن وجود خالد لفت انتباهه واستغرب وجوده معهم فى هذا المكان وظن أنه جاء لمقابله يقين فسأله بترقب:

— أنت كنت هنا ليه؟!

— كنت هنا بسبةحوار كده

حوار ايه؟؟.

مش أنا قايلك إني رايح مشوار وهقولك عليه لما أجي؟!

اه

تمام أنا هنا علشان الموضوع ده.

​انزعج ليث، وظن أن خالد أعجب بيقين. وأنه جاء لمقابلتها ومعرفه شعورها نحوه.والان هويريد منه أن يطلقها لكي يتزوجها!.إنزعج ليث بشده بمجرد التفكير في الامر .ولم يعرف لماذا انزعج من هذه الفكرة، ولكنه صمت. لحين الوصول إلى سبب وجود خالد في نفس المكان الذي تواجدت فيه يقين.

— بس أنت جيت هنا ليه يا ليث؟!

— كنت في ميعاد مع عميل وشفت اللي حصل.

​نظر له خالد باستغراب:

— اه صحيح هو أيه للي حصل؟!

— شفت واحد زبالة بيتعرض للهانم وبيحاول يتحرش بيها.

​انزعج خالد وهو يرد:

— نعم؟!

​وعندما رأى ليث انزعاج خالد، ظنه بسبب إعجابه بها.

— حصل خير.. الحمد لله إنك كنت موجود ودخلت في الوقت المناسب.بس ليه دايقت يقين هى مالها .ماهى اكيد مش هى اللى خلته يدايقها كده اكيد يعني.وبعدين البنت ماشاء الله ملتزمه جدا ولبسها كويس.يعنى هى عامله اللي عليها.تنهد خالد وسكت قليلا ولكنه نظر الى ليث بتوتر خفيف قائلا.. المهم يا ليث في موضوع أنا عاوزك فيه، ويا ريت نكون هنا بعيد عن الشغل لأن الموضوع ده بصراحة مش هينفع في الشغل ابدا.وانا مش عاوز تأخير أكتر من كده.انا خلاص جبت أخرى

​انزعج ليث من خالد وأراد أن يقتله الآن لتفكيره في يقين.كما يعتقد هو .وهو يعلم أنها زوجته حتى ولو كان زواجاً شكلياً إلا أنها تحمل اسمه الآن، ولكنه بطبعه شخص غير مندفع، وأراد أن يسمع كلام خالد قبل إصدار حكمه، وخصوصاً أن خالد له مكانة خاصة عنده، كما أنه أحترم رغبة خالد في إخباره بحقيقة ما يريد أو ما يشعر.

​فرد عليه بهدوء وترقب يسأله:

— خير يا خالد؟!

— أنت عارف أنا بحبك إزاي، وربنا عالم إني مش بخونك ولا حتى أقدر أخون ثقتك فيا.. بس القلب بقا، وأنت عارف إن القلب مش بيعرف الصح من الغلط.. والحمد لله أنا لحد دلوقتي ما عملتش أي حاجة غلط،أنا عارف إن يمكن وجودى هنا النهارده معاها هنا من غير ما اقولك غلط.بس أنا حبيت أعرف شعورها ناحيتي علشان لما أقولك أكون متأكد من شعورها ورأيها.

​ظل ليث ساكناً وفضل السكوت حتى ينتهي خالد من كلامه:

— أنا كنت واعد نفسي إني مش هتعامل معاها غير لما أبلغك وأخد رأيك وأمشي رسمي وبالأصول.. بص يا صاحبي، أنا بحب سجى، ومن زمان جداً!

​وعندما سمع ليث اسم "سجى"، تكلم بفرحة مكتومه:

— أنت بتقول مين؟!

​توتر خالد للحظة وظن أن ليث قد انزعج، ولكنه أكمل:

— بقولك سجى!

​تنفس ليث الصعداء وابتسم في داخله، وأحس بارتياح داخل قلبه أن الأمر يخص أخته وليست يقين.

اكمل خالد:

— أنا عمري ما خنت ثقتك يا ليث، مع إني من زمان وانا بحبها وبموت فيها بس كنت عارف أنها لسه صغيرة، ده غير بعدي عنها كل الفترة اللي فاتت وكنت فاكر إني كده اكيد هنساها وهي أكيد هتحب حد من سنها وترتبط بيه.. بس بصراحه عمرى ماقدرت انساها.ودايما كانت في بالى وقلبى وعقلي دائما مشغولين بيها هى وبس.وقلبي كان بيقع في رجلي لما كانت تكلمك من هنا خوف من أنها تكون لقيت حد حبيته وخلاص حلمي هيكون ضاع، خصوصاً أنه بالرغم من كل البعد اللي حصل أنا حسيت إن حبها في قلبي كبر ،و هي ما كانتش بتفارق خيالي وأنا هناك وكانت بتكبر وحبها بيكبر في قلبي.

​نظر ليث إلى خالد بثبات وفرحه :

— أنت قولتلها الكلام ده؟!

— بصراحة لأ.. أنا أول مرة أكلمها في حبي ليها كان النهارده، علشان حبيت أعرف رأيها قبل ما أجي وأقولك علشان ما كنتش عاوز افضل أحلم على الفاضي، بس الحمد لله طلعت هي كمان بتحبني.. بس أنا برده ما قولتش ليها عن كل اللي في قلبي من ناحيتها، أنا حبيت بس أبلغك الأول، وكمان أخطبها وأكتب كتابي عليها علشان ساعتها أعرف وأقدر أطلع كل اللي جوايا ليها.. بس دلوقتي ده كل اللي جوايا وأنا مستني رأيك.

​وقف ليث واحتضن خالد وهو يقول بابتسامة عريضة:

— ألف مبروك يا صاحب عمري! أنا مش هلاقي حد أحسن منك لأختي ولا هلاقي حد يحبها كده.. ربنا يفرح قلبك وقلبها، وما تقلقش أنا هكلم بابا في الموضوع، استعد أنت بس!

​كانت سعادة خالد لا توصف وكان يبتسم بسعادة:

— بس بسرعة، علشان أنا بسبب اللي حصل النهارده وفرحتي لما عرفت بحبها ليا وموافقاتك.. مش قادر أوصفلك سعادتي وحابب هي كمان تحس السعادة دي بس مش هعرف أعيشها السعاده دى... ساعدني الهي يوفقك أنت ويقين.

​صمت ليث ولا يعرف لماذا أحس بالفرح عندما دعا له صاحبه وجمعها معه في جملة واحدة، ولكنه رفض الفكرة وهو يقول:

— طيب يلا يا أخويا علشان عندنا شغل كتير، يلا على شغلنا الأول وبعدين نبقى نشوف موضوع الست سجى اللي قلبت كيانك وأنا ما كنتش أعرف.. كان نفسي أعرف مين هي ست الحسن اللي خطفت قلبك بس أنت كنت برنس الصراحة ما أخدتش بالي أنها هي!

— والله يا صاحبي أنا كنت بعاني سنين علشان أقدر أحافظ عليها وعلى حبها جوه قلبي.

​ابتسم ليث على مدى عشق صديقه لأخته، وتمنى بدخله حياة سعيدة لهما، وأخذ خالد وذهبوا إلى العمل.

​أما يقين التي رجعت مع سجى وكانت حزينة جداً على حالها وغضبانة على تحكم ليث بها، وأرجعت أسلوبه الفظ إلى جلوسها معهم في نفس المنزل، وكرهت كل ما حدث معها حتى جعل هذا الشخص السيئ من وجهة نظرها يتحكم بها، ولكنها كانت تقول لنفسها أنها حرة نفسها ولن تسمح له بالتحكم بها مهما حدث.

​وعندما وصلت السيارة التي تنقلهم ووقفت أمام باب المنزل، نزلت يقين بدون كلام ودخلت دون رد فعل، وذهبت إلى غرفتها لكي ترى ماذا سوف تفعل حتى تتخلص من تحكم هذا الشخص المتسلط. سكتت سجى التي كانت ترى حزنها ودموعها، وأرادت السكوت حتى تهدا يقين تماماً ثم بعد ذلك تذهب وتتحدث معها وتحاول أن تجبر بخاطرها.

​نزلت وراءها، وكان والدها يجلس في حديقة المنزل ورأى يقين وهي تدخل المنزل بسرعة ويبدو عليها الحزن، فنظر إلى ابنته وهو ينادي عليها:

— سجى!

​ذهبت سجى إلى والدها وجلست بجواره، فسألها زاهر باستغراب:

— مالها يقين يا سجى؟! شكلها زعلانة!

— مش عارفة.. هي كانت واقفه لوحدها وأنا كنت بعيد شوية مع خالد، وبعدين لقيت أبيه ليث جه وعمال يزعق وضرب واحد وشدها ومشي وشدوا مع بعض شوية.. وبعدين هي أصرت إننا نمشي ونروح، وطول الطريق وهي بتعيط وزعلانة ومش راضية تتكلم.

— وبعدين بقا في ليث؟! إيه هو مش عارف يسيطر على نفسه شوية لحد ما البنت تتعود على الوضع الجديد؟!

— والله يا بابا مش عارفة، أنا زعلانة عليها وهي شكلها حزين قوي وعاوزه أطلع لها بس خايفة وبقول أسيبها شوية.

— لا سيبيها شوية تهدا بس وأنا هطلع أتكلم معاها وأراضيها.

— ماشي يا بابا، هطلع أنا أرتاح شوية في أوضتي.

— ماشي يا حبيبتي اطلعي.

​صعدت يقين إلى الغرفة وأخذت صورة أبوها وأمها وظلت تبكي وتشكي لهما:

— ليه يا بابا سبتني لوحدي؟! أنا بقيت وحيدة قوي وما بقاش ليا ظهر وكل شخص بقى يجي يتحكم فيا شوية!

​كانت تقول ذلك ببكاء شديد، ولكنها بعد فترة قليلة سكتت واستغفرت ربها على ما قالته:

— يا رب دبرني.. يا رب أنا مش قادرة خلاص!

اللهم دبر لى أمرى فإنى لا أحسن التدبير

​وظلت تبكي وهي تحضن صورة والدها وأمها. وبعد مرور فترة طويلة على هذا الحال، تعبت ونامت.

​وفي نهاية اليوم، عاد ليث من عمله بعدما أنهى دوامه، وكان ما زال في الطريق يفكر بها وفي كلامها له، وكان متضايقاً جداً من رفضها لوجود علاقة تربطه بها. فحدث نفسه بغضب:

— ما تولع! هو أنا يعني اللي هموت عليها قوي؟! أهي جوازة اتدبست فيها وخلاص، وهي طول ما هي على ذمتي لازم تحترم رجولتي وتتعامل على الأساس ده، ولازم تحترم قراراتي وما تخرجش من غير أذنى ولا تتصرف من نفسها!

​أما زاهر، فبعد مرور فترة طويلة صعد إلى غرفة يقين حتى يتحدث معها ويطيب خاطرها، وقام بالخبط على الباب. وكانت يقين ما زالت نائمة، ولكنها استيقظت على خبط الباب فردت بنعاس:

— مين؟!

— ممكن أدخل يا بنتي؟!

​اعتدلت يقين في جلستها ووضعت حجابها على رأسها بإحكام وهي ترد:

— اتفضل يا عمو.

​دخل زاهر وجلس أمامها ونظر لها بحنان:

— أنا عارف إنك زعلانة من تصرفات ليث معاكى، بس والله هو طيب جداً ومش بيكون قاصد أنه يأذيكِى بالكلام، هو بس مندفع وعصبي ومش بيقدر يتحكم في نفسه.. علشان خاطري ما تزعليش منه.

— أنا طبعا خاطر حضرتك على راسي، وجميلك فوق راسي من فوق، ولو فضلت العمر كله أحاول أرد لك الجميل ده مش هيكفيك حقك!

— إيه اللي أنتِى بتقوليه ده يا يقين؟! أنا كده أزعل منك.. جميل إيه بس؟! أنتِى بنتي، واللي حصل ده واجبي وأي حد تاني لو كان مكاني كان هيعمل كده.

— لا يا عمي مستحيل.. لو في حد مكان حضرتك مستحيل كان هيعمل كده.. أنا بس مش عايزه حضرتك تزعل من اللي أنا هقوله، أنا حابة أمشي من هنا، أنا مش مرتاحة هنا خالص!

​وفي تلك اللحظة كان ليث قد وصل إلى المنزل وصعد إلى غرفته لكي يبدل ملابسه ويستريح، ولكنه وجد باب غرفتها مفتوحاً والنور مشتعلاً وهناك حديث بينها وبين والده. فذهب ليرى ويسمع ماذا يدور بينهم، وعندما اقترب من الباب سمع رغبتها في الذهاب من المنزل وأنها تفضل الرجوع إلى منزل والدها.

​ولكن قبل دخوله، رد زاهر عليها بهدوء:

— هتروحي فين بس يا بنتي؟! بيت أبوكى لسه مرآت أبوكى هي وابنها هناك، وأنا مش هقدر أمن عليكِى معاهم.

ردت يقين:

— بس...

​ولم تستطع إكمال جملتها بسبب دخول ليث وهو يقول بغضب:

— إيه؟! عاوزه ترجعي لهناك؟! علشان تكوني مع مرآت أبوكي وابنها؟! إيه.. كان على بالك اللي عمله فيكي الكلب اللي اسمه رامي فعاوزه ترجعيله؟! وأهو المره اللي فاتت لقيتي اللي يحوش عنك، المره الجاية أكيد مش هتلاقي اللي يرحمك والكل هيقول إنكى أنتِى اللي راجعله برجلك .. يبقى الكلام ده كان على كيفك! صح ولا إيه؟!

​وقفت يقين بصدمة وصرخت به بعصبية وعنف:

— أنا.. أنا مسمحلكش تقول عليا كده! مش معنى إنك أنقذتني من كارثة المره اللي فاتت إنك ليك الحق تتحكم فيا بالشكل ده.. ما فيش أي حكم بيقول علشان عملت معايا معروف إنك تتكلم معايا بكيفك، ولا حتى يديك الحق انك تتحكم فيا! أنا أهون عليا أخرج الشارع ولا إني أفضل هنا.. اهون عليا الموت ولا إني أحس إني حد مش مرغوب فيه!

​كانت تتحدث والدموع تسقط من عيونها بغزارة، وكاد ليث أن يتكلم ويرد عليها لولا تدخل والده:

— ليث! لو سمحت ولا كلمة تانية.. اتفضل أخرج بره!

— أنا خارج، بس الأفضل إن حضرتك تتكلم معاها وتفهمها الوضع علشان أنا مش هستحمل كدة كتير، علشان مش حابب أتصرف تصرف مش هيعجبها ولا هيعجب حضرتك.

​قال جملته وتركهم وخرج وهو في قمة غضبه، وكان صوته عالياً حتى إن سجى جاءت على صوته. بكت يقين بحرقة وحزن وجلست وهي تضم وجهها بين يديها. جرت سجى عليها وهي تضمها بحنان وظلت تحاول تهدئتها:

— خليكِى معها يا سجى، وحاولي تخليها تهدا علشان أنا عاوز أتكلم معها بس لازم تكون هادية وقتها.

— حاضر يا بابا.

​نزل زاهر وشعر بثقل على قلبه بسبب سوء معاملة ليث مع يقين وكثرة الخلافات بينهم، وقام بالاتصال على خالد حتى يتواصل مع ليث ويبقى معه حتى يهدا، ولكن لم يستطع خالد الوصول إلى ليث لأنه قام بإغلاق هاتفه.

​مرت تلك الليلة على الجميع بصعوبة وحزن؛ ظلت يقين تبكي دون توقف طوال الليل، وظلت سجى معها تحاول تهدئتها وكانت حزينة على حالها وحال أخوها. ظلت يقين تبكي حتى غفت من كثرة البكاء، ونامت معها سجى في الغرفة.

وحاول خالد الوصول إلى ليث عده مرات ولكن بدون جدوى..ولم يرد أخبار زاهر بعدم وصوله إلى ليث خوفا على صحته..ظل ليث مختفيا باقى النهار وعاد في الساعات الأخيرة من الليل وكان سكران .صعد الى الاعلى ووقف قليلا أمام غرفه يقين بدون حراك ولكنه ذهب أخيرا إلى غرفته ورمى جسده على السرير ونام فورا

​يتبع