عتبه المجهول

الفصل العاشر:

​عندما وصل ليث أسفل منزلها، كان يسمع صوتها وهي تصرخ بأعلى قوتها. نزل من سيارته يركض إلى أعلى المنزل حتى يلحق بها، وخلفه يجري والده وحراسه. وقف يضرب على باب المنزل بقوة حتى كاد أن يكسره.

​جاءت صفاء تجري إليه وفتحت الباب وهي منزعجة:

— في إيه؟! مالك يا اللي على الباب مسروع كده ليه؟!

​وما إن فتحت الباب، زقها ليث بقوة حتى وقعت على الأرض، وذهب باتجاه الغرفة التي يصدر منها صوت يقين. وعندما دخل، وجد ذلك الحقير رامي يحاول أن يعتدي عليها، وهي تعافر بكل قوتها حتى تحاول حماية نفسها، وتصرخ باسم والدها وتدعو ربها أن يحفظها.

​عندما رأى ليث هذا المنظر المرعب، ركض باتجاهه وركل ذلك الحقير رامي بقدمه ليبعده عنها، ثم ذهب إليها وغطاها بغطاء السرير جيداً.

​دخل زاهر فوجدها بتلك الحالة فحزن لأجلها كثيراً، أما ليث فأمسك برامي وظل يضرب به بكل غل وقوة حتى إنه كاد أن يقتله بين يديه.

​حاولت صفاء التدخل وهي تصرخ عليهم بأعلى صوتها:

— يا لهوي! أنت بتعمل إيه؟! أنت مين وبتعمل إيه؟! ومين أداكم الحق أن أنتم تتهجموا علينا بالشكل ده؟! وكمان تضرب ابني؟! وتدخل على البنت كده دي خطيبة ابني! إزاي تدخل عليها كده؟!

​رمى ليث رامي على الأرض وهو يلهث بقوه من شدة عصبيته، وكان ينظر لها نظرة غضب وحقد وكره شديد:

— خطيبته إزاي معلش؟! دي مراتي! إيه خاطب واحدة متجوزه؟! إزاي بقى إن شاء الله؟!

​صدمت صفاء وابنتها مها، وفي تلك اللحظة كان جميع الجيران قد تجمعوا في المنزل ليروا ما يحدث. نظرت صفاء بعينين زائغتين وهي لا تصدق ما تسمعه:

— كذب! حصل إمتى ده يا أخويا؟! إيه اتجوزت البنت من ورانا ومن ورا أبوها كمان؟!

​وقف زاهر وهو ينظر لها بأعين معتمة من الغضب:

— لا طبعا، أبوه الله يرحمه كان عارف، وهو اللي جوزها لابني بنفسه، وكان فرحان ده، بس إنا كنا مخبيين لحد ما ابني يرجع من السفر بالسلامه ويخلص من كل المشاكل اللي عنده، والحمد لله اهو جه بالسلامه وخلص كل شيء.. ودلوقتي جاي علشان ياخد مراته، يقوم يلاقي ابنك المصون بيعتدي عليها بالشكل المهين ده، وأنتِ قاعد بره ولا همك!

​نظرت له صفاء بذهول:

— يعني ايه حسن جوز بنته من ورايا؟! طب ليه؟!

​زأر زاهر بغضب وهو ينظر لها ويضغط على يديه:

— هو أنتِ سبتِى المشكلة الأساسية في أنك سايبة ابنك بيعتدي على البنت وقاعدة بره ولا عندك أي فكرة، وبتقولي هو ليه حسن جوز البنت من وراكي؟!

​توترت صفاء قليلاً ولكنها ردت باندفاع:

— ما حصلش! البنت من ساعة ما أبوها مات وهي بتجيلها نوبات صراخ وخوف، ولما عرضتها على دكتور قال لي سبيها تفرغ كل طاقة الحزن اللي جواها علشان تقدر ترجع زي طبيعتها في الأول خالص.. ولما دخل رامي ما عرفتش إنه دخل عندها، وحتى لو دخل أكيد هو كان بيحاول يهديها مش أكتر!

​ابتسم زاهر بسخرية وهو ينظر لها:

— يا سلام! وهي خرجت بقى معك بنفسها وراحت للدكتور، ولا هو جه هنا شافها بنفسه؟! وحتى لو اللي أنتِ بتقولي عليه ده حصل وعندها نوبه حزن وصدمة والدكتور قال لك فعلا خليهاتطلع اللي جواها، تقومي تسيبيها لوحدها كده؟! وكمان إيه صفة ابنك علشان يدخل وهو يهديها؟!

​بكت صفاء بتمثيل وهي تدعي الحزن:

— أعمل إيه بس يا ناس؟! مش كفاية الراجل مات وسابني وأنا لسه محروقة على فراقه، وكمان ساب لي بنته وحالتها بالشكل ده؟! البنت لما بتصرخ بتقطع قلبي ومش بقدر أبقى جنبها خالص، ففضل بره وقلبي بيفضل محروق عليها وعلى اللي أصابها.. وأنا اللي طلبت من ابني يدخل يهديها لأنه خطيبها وهي بتحبت وبتسمع كلامه!

(يا لهوي يا ولية يا كذابة.. ده أنتِ قرب يطلع لك قرون من كثر الكذب!)

​كان ليث ينظر لها نظرة تحرقها، فهو يعلم كذبها تماماً، ولكنه أراد أن ينهي هذا الموضوع عند تلك النقطة حتى لا يكتشف أمرهم.

​نظر ليث إلى الأعلى وهو يخبط على كفيه بقله حيله:

— برضه هتقول خطيبها؟! بصي يا حاجة، البنت دي تبقى مراتي على سنة الله ورسوله، ماشي؟! وبموافقتها وموافقة أبوها.. حضرتك بقى مش عارفة ابقي روحي أسألي عمو حسن هو ليه خبي عليا، ده أمر ما يخصنيش.. أنا جاي النهارده أخد مراتي وبس.

​نهض رامي وهو يهجم على ليث بتهور:

— نعم تاخد مين يا عم..؟!

وسرعان ما سكت بسبب نظرة ليث المرعبة له، ولكنه أكمل بعد سكوته:

— إحنا إيه اللي يثبت لنا أنك مش جاي تنصب علينا وتخطف يقين قدام عينينا؟!

​نظر له ليث نظرة شر وهو يقترب منه، وأمسك عنقه بين يديه حتى كاد أن يخنقه، هدده وعينه تلمع بالغضب:

— أوِعَ اسمها يجي على لسانك مرة ثانية، علشان لو اتكرر هخرج روحك دي بإيدي!

​كان يمرره وهو يضغط بيده على عنق رامي حتى كاد أن يختنق فعلا وأزرق وجهه، فصرخت صفاء وهي تجري عليه وتحاول أن تحرر ابنها من قبضه ليث:

— يا لهوي! سيب الواد! سيب ابني! سيبها هيموت في إيدك.. حرام عليك!

كانت تحدث ليث وهي تحاول أن تزيحه من مكانه، ولكنه وكأنه لصق بتلك الأرضية لا يهزه شيء.

​نظر لها ليث بسخرية:

— ابنك علميه من النهارده ملوش دعوة بيها نهائي، عشان لو قرب منها أو قرب من أي حاجة تخصها، هتصرف تصرف مش هيعجبك ولا هيعجبه!

​ارتعبت صفاء من نبرته ونظراته، وظلت تهز رأسها خوفاً على ابنها الذي اقترب من حافه الموت وهو ما زال ضاغطاً على عنقه:

— حاضر.. ماشي.. بس سيبه.. سيبه.. سيبه حرام عليك هيموت!

​أطلق ليث يده من على عنق ذلك الحقير، وجرت صفاء تحضن ابنها الذي كان يسعل محاولاً استنشاق الهواء والأكسجين الذي منعه ليث من الوصول إلى رئتيه بسبب قبضته الحديدية.

​ظلت صفاء تمسح على ظهر ابنها وتطمئن عليه، ولكنها نظرت بحقد إلى ليث:

— بس مش معنى إني مش هخلي ابني يسيبها إني موافقة باللي أنتم بتقولوا عليه ده.. أنا مش مصدقه أن موضوع الجواز ده حقيقي وأن حسن فعلا جوز بنته من ورايا!

​اقترب منها زاهر وهو يضع يده في جيب جاكيته وأخرج منها ورقة وقام بفتحها، وكانت هذه قسيمة زواج يقين وليث منذ أكثر من شهر:

— دي قسيمة جواز ابني ومراته، والتاريخ واضح أنه قبل ما حسن يتوفى أو حتى يتعب بوقت قليل.

​جلست صفاء وهي غير مصدقة ما يحدث حولها:

— طيب ليه؟! ليه يخبي عليا؟! ده كان بيقول لي كل حاجه!

​— يا ست صفاء، الموضوع محدش يرفه غيري أنا وحسن وليث ويقين والماذون والشهود وبس.. وكنا ناويين نعلن بعد رجوع ابني من السفر بس للأسف حسن توفى، علشان كده حضرتك ما عرفتيش.

​نظرت صفاء إلى يقين بغل وحقد.. حتى أنتِ كنتِ عارفة؟!

ولكن عندما نظر الجميع إلى يقين، كانت في حالة لا ترثى لها؛ فكانت ترتعش بقوة ولم تعي بما يحدث حولها، وكانت تتملل في فراشها وهي تردد بعض الكلمات التي لا يسمعها أحد غيرها.

​وعندما راها ليث اقترب منها بسرعة ووضع أذنه على فمها، وحاول زاهر أن يسيطر على تلك الحالة العصبية التي تعاني منها ولكنه لم يقدر، فنظر إلى ابنه بخوف وهلع:

— شيلها بسرعة يا ليث، ويلا على المستشفى!

​حملها ليث بسرعة شديدة بعد أن ستراها جيداً حتى لا يرى أحد منها أي شيء حتى وجهها، وقام بالخروج من الغرفة، ولكن حاول رامي اعتراض طريقه ومنعه من الخروج بيقين، قام ليث بضربه بقدمه حتى أسقطه أرضاً، وعندما حاول القيام مرة أخرى منعه رجال ليث من المقاومة.

​نزل ليث يركض وخلفه والده ورجاله، فتح له أحد الرجال باب السيارة وركب بها وأمره بالقياده باسرع ما يمكن، وبالفعل اخذها إلى المستشفى ومعه والده.

​وعندما وصلوا نزل وهو يحملها ويركض إلى الداخل، وعندما راه الممرضين وهو يدخل ويجري بتلك الطريقة أحضروا له سرير نقال، فقام بوضع يقين عليه وهو ينظر لهم:

— فين الدكتور؟! أنا عايز دكتور حالا!

​وفي تلك اللحظة جاء الطبيب وهو ينظر إلى يقين بتفحص وامر الممرضين بأخذها إلى غرفة الطوارئ. أمسك ليث يده وهو ينظر له:

— يا ريت تطمنا بسرعة وتشوف مالها!

​هز الطبيب راسه بعملية وذهب خلف يقين التي أخذها الممرضون. جلس زاهر بقله حيله على الأريكة الموجودة في رواق المستشفى وهو يضع رأسه بين يديه ويشعر بالقلق والحزن على حال تلك الفتاة. عندما رأى ليث حال والده اقترب منه وجلس بجواره ووضع يده على كتف والده:

— اهدى يا بابا، أكيد هتبقى كويسه، هي أكيد حصل لها كده بس بسبب الضغط العصبي اللي تعرضت له مش أكتر.

​هز زاهر رأسه وهو ينظر إلى السماء بأعين راضية:

— يا ريت يا ابني.. أنا خايف يكون الحيوان ده قدر يعمل معها حاجة! البنت دي لو حصل لها حاجة أنا مش هقدر أسامح نفسي ولا هقدر أواجه أبوها لما أموت.

​— ما تقولش كده يا بابا، ربنا يديك طوله العمر.. اطمن، هي أكيد هتبقى كويسة.

​وفي تلك اللحظة خرج الطبيب من غرفة الطوارئ، فذهب إليه ليث وزاهر سريعاً. نظر ليث إلى الطبيب بتفحص:

— خير يا دكتور.. طمنا!

وأكمل زاهر وهو ينطق برجاء:

— طمنا يا دكتور.. البنت عامله إيه؟!

​تحدث الطبيب بعملية ووجه غاضب:

— ممكن أعرف إيه صلة القرابة بينكم؟!

نظر زاهر وهو يشاور على ليث:

— ده يبقى جوزها، وأنا أبقى في مقام أبوها.

​انزعج الطبيب وهو ينظر إلى ليث بحقد شديد وهو يكمل بعملية:

— طيب إحنا لازم نعمل محضر دلوقتي حالا!

​انقبض وجه زاهر وهو يجيب بانزعاج:

— محضر إيه؟! ممكن لو سمحت تفهمنا إيه اللي حصل والبنت عامله إيه؟!

— هتفهموا لما البوليس يجي!

​تنهد ليث بعصبية واقترب منه وهو يمسك الطبيب من ملابسه وكاد أن يضربه:

— بقول لك إيه، قولنا في ايه دلوقتي لحسن قسما بربي لو ما اتكلمت لكون مكسر المخروبة دي فوق دماغك!

​اقترب زاهر من ابنه وأمسك يده وهو ينظر له بتحذير:

— ليث! سيبه فوراً!

— حضرتك مش سامع بيقول إيه؟!

— قلت سيبه فوراً!

​وبالفعل تركه ليث وهو ينظر له نظرة كادت أن تحرق هذا الطبيب وأرعبته. اقترب زاهر من الطبيب وهو ينظر له برجاء:

— ممكن لو سمحت تفهمنا في إيه؟! إحنا هنموت من القلق على البنت.

— البنت تعرضت لمحاوله اغتصاب، وده باين جداً، وده عرضها لصدمه عصبيه حادة.. أنا أديتها حالياً حقنه مهدئة بس هي لازم تفضل معنا شوية لحد ما نطمن عليها، ومحاوله الاغتصاب دي لازم يتعمل لها محضر وفوراً!

​اقترب منه ليث وهو ينظر له نظرة صارمة:

— وحصل لها حاجة؟!

كانت نظرة ليث إلى الطبيب نظرة ذات مغزى، وفهم الطبيب معنى كلامه. فأجاب بحقن وحقد:

— يعني حضرتك مش عارف؟!

​ضغط ليث على شفته السفلى وهو ينظر له بفقدان سيطرة:

— أنت فعلا شكلك كده عاوزني أكسر دماغك!

​تنهد الطبيب بياس:

— لا الحمد لله ما حصلش حاجة، بس دي محاولة واضحة جداً وباين أثرها على جسم البنت وده لازم عليه عقاب!

​نفخ ليث من الراحة وتنهد زاهر أيضاً وفهم أن الدكتور يظن أن ليث هو من فعل ذلك بيقين. نظر زاهر إلى الطبيب بشكر وأسف:

— شكراً جداً لحضرتك يا دكتور، وحابب بس أوضح حاجة معينة علشان نحل سوء الفهم، لأن الموضوع مش زي ما حضرتك فاهم.. البنت تعرضت لحادث وإحنا كنا خايفين عليها وابني لسه مضغوط بسبب اللي حصل.. حضرتك لازم تعذره وتقدر موقفه لأنه خايف على مراته.

​فهم الطبيب متحدثاً بأسف وهو ينظر إلى ليث:

— أنا أسف جداً لحضرتك.. بس دي حالة مزعجة وأنا اعتبرتها بنتي وكنت متضايق جداً علشانها.

​نظر له ليث بانزعاج:

— شكراً على حضرتك.. بس احتفظ بموقف حضرتك لنفسك، أنا هخرج بمراتي من هنا . موضوع أنك عاوز تجيب الشرطة علشان حقها، فإنا راجل قوي وأقدر أجيب حقها كويس جداً، أنا مش عاجز عشان استنى حد فيكم يجيب لي حقي!

​كان يتحدث وهو يغلي من الغضب والعصبية، ولكن تدخل زاهر محاولاً تهدئة الوضع:

— إحنا آسفين يا دكتور، بس معلش خلي الموضوع سري، الحمد لله إنه عدى على خير، وأرجوك تتفهم حالة ابني.

​نظر ليث إلى والده بياس وغضب وذهب من أمامه حتى لا يقتل ذلك الدكتور وخرج بعيداً. نظر الطبيب إلى زاهر وهو يضم فمه بياس:

— أنا فعلاً آسف عن اللي حصل وأسف عن سوء ظني.. بس المريضة محتاجة فعلاً تفضل معنا وتفضل تحت المتابعة.

— أنا متشكر جداً لحضرتك، مقدر وجهة نظرك، بس يعني قلنا لو هي محتاجة أي متابعة إحنا نقدر نجيب ممرضة في البيت وهي تقدر تعتني بها، لأن ابني طالما قال هتخرج يبقى مش هيرضى بغير كده.

​تنهد الطبيب بياس:

— طالما تقدروا توفروا الممرضة ليها في البيت وتعتني بها كويس، فأنا ما عنديش أي مشكلة، أنا هتابع الحالة كويس جداً وهديكم أمر بالخروج حالا.

نظر له زاهر بشكر:

— تمام، متشكر جداً لحضرتك وأسف مرة تانيه على تصرف ابني.

— ما فيش اعتذار ولا حاجة، وأنا اللي أسف جداً.. عن إذنك.

​كان ليث يجلس خارجاً يفكر في وضع يقين عندما رأى ذلك اللعين يعتدي عليها، وأقسم أن يأخذ قلب ذلك الوغد ويطعمه للكلاب. وفي تلك اللحظة رن هاتفه برقم خالد فرد عليه وهو يتنهد بعمق:

— ألو.

— إيه يا ليث، عامل إيه؟!

— بخير والحمد لله.

— عملت إيه مع عمي في حالة البنت؟! هتجيبها إمتى؟! عشان لو احتجتني أكون معاك.

— لا، إحنا فعلاً جبناها.

— إمتى وإزاي وإيه اللي حصل؟!

​حكى له ليث عما حدث وعن مكانهم في الوقت الحالي. هتف خالد بصدمة:

— يا لهوي! كل ده حصل؟! وهتعمل إيه دلوقتي في الحقير اللي اسمه رامي ده؟!

— مش عارف.. بس كل اللي في بالي إني مش هرحمه!

— طيب أنا هاجيلك على المستشفى حالا.

— لا، تعال على البيت، إحنا شوية وهنروح.

— طيب ماشي.

​وأغلق معه الخط ودخل إلى المستشفى لكي يطمئن وينهي الأمر، فوجد والده قد أتم كل شيء وقام بتوجيه أوراق خروج يقين من المستشفى، وكانت تقف بجواره فتاة. فنظر لها ليث ثم نظر إلى والده:

— مين دي؟!

— دي الممرضة اللي الدكتور جهزها علشان تعتني بيقين في البيت.

— طيب تمام، في حاجة تانية ولا كده خلاص؟!

— لا يا ابني، كل حاجة خلاص نقدر نتحرك.

​هز ليث رأسه وهو يتمتم:

— تمام.

وذهب وحمل يقين وخرج بها، وخرج وراءه والده والممرضة وذهب إلى المنزل. وعندما دخل بها جاءت سجى تجري عليهم وهي مستغربة. نظرت سجى إلى يدي ليث التي تحمل يقين وهي تسال بتعجب:

— مين دي يا أبيه؟!

​نظر لها والدها وهو يأمرها بحب:

— مش وقته دلوقتي يا حبيبتي، خلي الداده تجهز الأوضة اللي جنب أوضة ليث.

هزت سجى رأسها بتعجب واستغراب:

— حاضر يا بابا.

وذهبت لكي تفعل ما أمرها به والدها.

​نظرت زاهر إلى ليث الواقف وهو يحمل يقين:

— خذها يا ابني طلعها أوضتك خليها ترتاح لحد ما الأوضة الثانية تخلص.

​لم يتكلم ليث، ولكنه صعد بها إلى الأعلى دون أي كلام، وذهب وراءه والده والممرضة. ولكن قبل أن تلحق بهم سجى جاء خالد، فذهبت تسلم عليه بود وحب:

— إزيك يا سجى، عاملة إيه؟!

— بخير، وحضرتك عامل إيه؟!

— كويس.. ليث جه؟!

— أه، ومعاه بنت شايلها وهي نايمة.. تعرف مين دي؟!

​تنهد خالد بيأس:

— هتعرفي كل حاجة في وقتها.

هزت سجى رأسها بعدم اقتناع وهي تطلب منه أن يجلس وصعدت هي إلى الأعلى.

​قام ليث بوضع يقين على السرير برفق وخفة، ونظر لها نظرة خاطفه وتركها ونزل وهو يغلي من الغضب. أما زاهر فطلب من سجى إحضار ملابس خفيفة تناسب يقين، كما طلب من الممرضة والداده وسجى أن يساعدوا يقين في تبديل ملابسها بملابس سجى التي أحضرتها. وبالفعل قاموا بمساعدة يقين، أما هو فنزل إلى الأسفل.

​نزل ليث إلى الأسفل وجلس بغضب بجوار خالد، وكان والده قد لحق به. نظر خالد إلى ليث وهو يسأله باهتمام:

— ناوي على إيه يا ليث؟!

​لم يرد ليث، ولكن رد زاهر بإصرار وحكمة:

— ما نقدرش نعمل حاجة دلوقتي، لأن في قضية ثانية شغالة ولازم يكون فيها إثبات، بس كل ده متسجل صوت وصورة عند الحكومه وهما متابعين كل حاجة، وخلاص إن شاء الله فاضل تكة صغيرة ويقعوا كلهم، وساعتها هنقدر نجيب حق حسن وحق يقين من الناس دول.

​رفع ليث رأسه وهو ينظر إلى والده وتنهد وهو يمسح على وجهه:

— بس حقي أنا اللي هجيبه قبل ما الحكومة تاخد حقها!

— ليث لو سمحت، الوقت ده مش هينفع فيه تهور، إحنا لازم نساعد الحكومة علشان تقدر تخلص شغلها ونخلص من القضية دي.

— مين قال بس إني هعطلكم؟! أنا لو في أي فرصة أو مساعدة مني تخليهم يخلصوا القضية دي بسرعة أنا مستعد، بس برده حقي أنا هاخده!

​نظر له زاهر بضيق واستغراب:

— مش فاهم، حقك إزاي يعني؟! أنا مش شايف حد ضايقك!

​تنهد ليث بغضب وهو يمسح بوجهه:

— بغض النظر عن أن حضرتك لبستني البنت اللي فوق دي وخلتني شلت مسؤولية وحوار مش بتاعي.. بس مش أنا اللي يسمح أن حد ياخد أو يلمس حاجة تخصه، حتى الحاجه دي أنا كارهها ومش عاوزها أو حتى مش طايق وجودها.. حتى لو كانت الحاجة دي بالنسبة لي مجرد شيء تافه حقير، بس اسمها في الآخر بتاعتي، ومش مسموح لأي حد يلمسها بدون إذن مني!

​غضب زاهر من تشبيهات ليث على يقين، ولكنه أراد أن يتحلى بالهدوء فهو يعلم غضب ابنه وهو لا يريد تعقيد الأمور:

— حاول تحافظ على غضبك يا ليث وبلاش غلط في البنت، هي مالهاش ذنب.. ومن اللحظة دي يا سيدي خلاص اعتبر نفسك خارج القصة، أنا بس كنت عاوزك علشان أقدر أخد البنت من وسط الكلاب دول، وشكراً لأنك ساعدت أبوك في حاجة زي كدة، وخلاص يا سيدي تقدر تعتبر نفسك بره القصة والليلة دي كلها!

​وقف ليث بغضب وهو ينظر له بأعين معتمة:

— أنا أسف، بس أنا مش لعبة في إيد حضرتك.. وقت ما يكون ليك مزاج تحط ليث في الخطه غصب عنه ومن غير الرجوع له يبقى تمام، ولما يكون خلاص وتحس أن دور ليث خلص تقوله شكرا واخرج بره الموضوع! بص يا ولدي العزيز.. حضرتك جوزتني البنت اللي فوق دي وخلتني ألبس ليلة وأتحمل مسؤولية مش بتاعتي ودخلتني جوه الموضوع بكيفك وبرضاك قولت ماشي، بس خروجي من الليلة دي هيكون على كيفي أنا وبرضايا أنا، تمام؟!

​وعندما انتهى، خرج من أمامه وهو يغلي كالبركان. نظر زاهر إليه بحزن ويأس. حاول خالد تهدئه الوضع فتحدث بقلق:

— معلش يا عمي، حضرتك عارف هو بس متعصب من اللي حصل، بس أكيد لما يهدى هيراجع نفسه.

​تنهد زاهر بألم وهو ينظر له:

— عارف يا حبيبي.. بس معلش قوم خليك معاه، وأوعى تخليه يعمل حاجة يأذي بيها نفسه أو يعقد الدنيا.

​وقف خالد وهو ينظر له بطاعة:

— حاضر يا عمي اطمن.

​وبالفعل ذهب مسرعاً خلف ليث الذي رآه يركب سيارته ويخرج بها من باب المنزل. حاول خالد اللحاق به ولكنه لم يستطع، فركب خالد سيارته وذهب خلفه.

​أما عند تلك الملعونة صفاء وابنها رامي، فكان رامي يسعى ذهاباً وإياباً من الغضب، فلقد تم تخريب خطته مرة أخرى وتم أخذ يقين منه، فهو يدرك أن خطته قد أفسدت إلى الأبد. اشتد غضبه وهو يدرك هذا الأمر وكان يشد شعره إلى الخلف بقسوة:

— أنا خلاص هتجنن! ده كان فاضل لحظة واحدة وكنت هقدر أوصل للي أنا عاوزه بس برده ما فيش فايدة!

​تنهد قليلاً من الغضب ثم أمل:

— الناس دي أكيد بتكذب، وأنا شاكك في موضوع الجواز ده كله وحاسس أنها خطة علشان يخطفوها مني!

​نظرت له صفاء بغضب وعدم إدراك للموقف:

— بس الراجل وراني القسيمة!

— مزورة.. أكيد مزورة!

— يا ابني أنا شفتها بنفسي ومتاكدة أنها سليمة.

​نظرت مها التي كانت تقف وهي تقلم أظافرها بفمها، وانزعجت من وجود شخص بوسامه ليث وإنقاذه ليقين، واشتد غضبها عندما علمت أنها زوجته:

— يعني إيه صفقة يقين كده خلاص ضاعت؟! يا خسارة، أنا كان نفسي أذلها وأستفيد منها.. دي كانت هتجيب فلوس حلوة، بس مش مهم، تغور في داهية تتعوض مع حد تاني.. إحنا كده نقدر نتعامل في البيت براحتنا ونستفيد من كل حاجة فيه.. البيت هنا بعيد عن عين الحكومة ومش مكان مكشوف أو مجروح، هنقدر نشتغل ونحط شغلنا فيه بكل اطمئنان وأريحية.. أنا بس كل اللي غايظني أن واحدة حقيرة زي اللي اسمها يقين تتجوز واد مز زي اللي اسمه ليث ده!

​نظر لها رامي نظرة غضب، ثم أمل وهو يقوم:

— لا، أنا هبلغ وهاخدها!

​وقفت صفاء أمامه وهي تمنعه بحدة:

— يا لهوي هات بلغ! هو أنت يا ابني عاوز تفتح عيون الحكومة علينا؟! اعقل يا حبيبي وسيبها تغور في ستين داهية وفي غيرها مليون، وبلاش تكون سبب في تدميرنا وتدمير شغلنا!

​هدأ رامي قليلاً وجلس وهو ينظر بعيداً:

— خلاص بلاش حكومه.. أنا هخطفها!

​جلست صفاء وهي تنظر له وتتنهد بقله حيله:

— لو عرفت تعملها أبقى اعملها.. بقولك ايه بقى، انسى وفوق كده خلينا نشوف مصلحنا ونكبر شغلنا.

​نظر لها رامي نظرة لم تفهمها وتركها وخرج بتهور. حاولت صفاء منعه ولكن لم تعرف، فأمسكت مها وهي تنظر لها بسخرية:

— سيبك منه وتعالي.. هو اكيد مش هيقدر يعمل حاجه، هو آخره يزعق وخلاص.

​خرج رامي بتهور وهو ينوي حقاً محاولة اختطاف يقين، وذهب إلى مكان مشبوه، وعندما جلس ذهبت إليه مجموعة من الفتيات اللواتي لم يعرفن طريق الله، يلبسن ملابس تكشف أكثر مما تستر، وهن اللاتي قال الله عنهن بأنهن كاسيات عاريات. كان رامي يشرب بينهم وهو يشرب الخمر بشراسة، وظل هكذا وشيطانه يفعل برأسه الأفاعيل.

​أما سجى بعدما انتهوا من تبديل ملابس يقين، نزلت إلى والدها لكي تعلم ما الأمر ومن تلك الفتاه. وعندما نزلت وجدت والدها يجلس في بهو المنزل ويضع رأسه بين يديه ويبدو عليه الحزن والألم. اقتربت منه سجى بحنان وجلست بجواره ومسحت على يده برفق:

— مالك يا بابا حبيبي؟! إيه مزعلك؟!

​ابتسم زاهر وهو ينظر لها:

— لا يا حبيبي اطمني أنا بخير.. يقين عاملة إيه دلوقتي؟!

— كويسة بس لسه نايمة.. هي مين دي يا بابا؟! وإيه حكايتها؟! وليه جات عندنا؟!

​تنهد زاهر وهو يرجع بظهره إلى الوراء وينظر لابنته:

— هقول لك يا حبيبتي، بس معلش الأول بلغي الداده تعملي فنجان قهوة وكمان تجهز أكل صحي ليقين عشان لما تصحى تاكل حاجة كويسة، وبعدين تعالي علشان أعرفك بكل حاجة.

​ابتسمت سجى وهي تقف تفعل ما يأمرها به والدها، وظلت فترة وجاءت وهي تحمل كوب القهوة لوالدها:

— اتفضل يا بابا.. أحلى كوباية قهوة.

ابتسم زاهر لها وهو يأخذ منها الكوب. فنظرت هي حولها وهي تسأل بتعجب:

— أمال فين أبيه ليث وأبيه خالد؟!

​تنهد زاهر من الحزن ونفخ بياس على حال ابنه:

— خرجوا.

​عرفت سجى أن هناك خلافاً قد حدث بين والدها وأخاها، ولكنها ابتسمت وهي تجلس بجوار أبيها:

— احكي لي بقى مين يقين دي؟!

— يقين دي تبقى بنت عمك حسن الله يرحمه.

​ابتسمت سجى بفرحة:

— إيه ده بجد؟! دي يقين دي أحلوت قوي، أنا فعلا ما عرفتهاش خالص لما كانت بتيجي مع عمو حسن وهي صغيرة وكنا بنلعب مع بعض، كانت أمورة وكيوت!

​ثم قطبت بأسى وهي تتابع:

— بس ليه باين عليها التعب والحزن؟! قولي يا بابا إيه اللي حصل لها وليه حضرتك وأبيه ليث جبتوها هنا؟!

​تنهد زاهر بأسى:

— الحزن يا حبيبتي ده على باباها، وعلى حالها من اللي حصل لها.. اللي حصل لها كتير قوي، وجاءت معانا هنا لأنها دلوقتي تبقى مرات أخوكِى!

​وقفت سجى وهي تفتح عينيها من الصدمة والذهول تصرخ بصوت عالٍ:

— What؟! يعني إيه مرآت أخويا؟! واخويا مين ده اللي هي مراته؟!

​ضحك زاهر بخفة على ابنته:

— هو أنتِى عندك 10 أخوات هتتلخبطي فيهم يعني؟!

— أيوة أيوة أبيه ليث.. بس مراته إزاي وإمتى؟!

​تنهد زاهر وهو يجيب:

— هقول لك على كل حاجة.

​وبدأ يحكي لها عن كل ما تعرضت له يقين على يد زوجة أبيها وأولادها، ولكنه لم يذكر أي شيء عن الكاميرات ولا عن شكوكهم في تورط هؤلاء الناس بقضايا كبيرة، كما أنه لم يذكر أنهم سبب في قتل حسن، وكل ما ذكره لها هو معاملتهم السيئة لها وحزنها، وأن والدها كان خائفاً عليها بعد موته فاقترحوا تزويجها إلي ليث حتى يكون درعاً حامياً لها حتى تكبر وتريد الزواج فيطلقها ليث متى أرادت، كما قال لها عن محاولات اعتداء رامي عليها وذكر لها ما حدث اليوم.

​كانت سجى تسمع إلى والدها ودموعها تسقط حزناً على حال تلك الفتاة، وكانت تتمتم بين بكائها:

— كل ده حصل معاها؟! يا ربي حرام قوي وكثير!

​ثم نظرت إلى والدها وهي تسأل بترقب:

— طيب وأبيه ليث عمل إيه وهو متقبل الموضوع؟!

— مش عارف، بس حتى لو هو مش متقبل عادي، هي كده كده فترة وهخليه يطلقها، بس هي هتفضل هنا لحد ما يجي ابن الحلال اللي يتجوزها، المهم أني قدرت أبقى قد المسؤولية وقدرنا نحميها من مصيبة كانت محتومة النهارده.

— فعلاً يا بابا، طيب وهي تعاملت مع أبيه ليث أزاى؟ وهل هي متقبلة فكرة الجواز دي؟!

— لا، هي ما تعرفش حاجة عن موضوع الجواز ده أصلاً، ويا ريت يا سجى بلاش نعرفها دلوقتي لحد بس ما حالتها تتحسن وأنا بنفسي هقولها.

​نظرت سجى إلى والدها بذهول وعدم فهم:

— تمام يا بابا أوكي.

​ابتسم لها زاهر وقام قبل رأسها:

— طيب يا بابا أنا هطلع دلوقتي أوضتي وهبقى أعدي عليها وأنا طالعة.

— وأنا كمان يا حبيبتي هطلع أطمن عليها علشان هدخل أنام.. يلا نطلع سوا.

​وبالفعل صعد زاهر مع ابنته ودخلوا إلى غرفة ليث التي ترقد بها يقين غائبة عن وعيها ومعها الممرضة تراقبها. وعندما دخلوا قامت الممرضة تقف باحترام لهم، اقترب زاهر من يقين وهو ينظر إلى الممرضة:

— حالتها إيه؟! ما بتفوقش خالص؟!

— لا يا فندم، هي إن شاء الله ممكن تفوق على الصبح.

— تمام إن شاء الله، خلي بالك منها كويس.. ولو احتجتي حاجة الغرف اللي جنبك دي أي واحدة فيهم خبطي عليها هتلاقينا موجودين.

هزت الممرضة رأسها وهي ترد:

— تمام.

​نظرت لها سجى وهي تخبرها:

— بصي، الغرفة اللي في آخر الطرقة لو احتجتي أي حاجه خبطي عليها هتلاقيني صاحية.

— تمام يا آنسة.

​وبعد أن اطمأن زاهر وسجى على يقين خرجوا وأغلقوا باب الغرفة خلفهم. نظر زاهر إلى ابنه وهو يمسح على كتفها بحنان:

— تصبحي على خير يا حبيبتي.

— وأنت من أهل الخير يا بابا.

​قبل زاهر رأس ابنته وذهب إلى غرفته وذهبت هي إلى غرفتها.

​أما ليث فذهب إلى إحدى الأماكن الليلية وجلس يشرب الخمر وهو منزعج للغاية، وعندما حاولت إحدى فتيات الليل التقرب منه عاملها بقسوة جعلتها تبعد عنه فوراً. ولم يستطع أحد الاقتراب منه، فالجميع يعرف من هو ليث الغرباوي وما هي طبيعة غضبه.

​ولكن بعد فترة جاء خالد إليه وجلس بجواره بصمت فهو لا يشرب الخمر أبداً، ثم نظر أمامه وهو يخاطب ليث:

— ناوي تعمل إيه؟!

— خالد لو سمحت أنا مش عاوز أتكلم في أي حوار.

— طيب تمام، طيب يلا نروح عندي.

— لا، أنا عاوز أبقى لوحدي.

— تعال معايا البيت، ويا سيدي خليك في الأوضة لوحدك وتأكد أني مش هتكلم معاك في أي حاجة إلا لو طلبت، تمام.. بس يلا!

​قام ليث دون كلام، وذهب خلفه خالد وعادوا إلى منزل خالد. ولكن عندما دخلوا إلى غرفهم في منزل خالد، بدأ تليفون ليث يطلق رنين ولكنه لم يرد، وكانت المتصلة سجى، وعندما تأكدت أن ليث لم يرد عليها قامت بالاتصال على هاتف خالد الذي ما إن رأى رقمه أجاب على الفور:

— ألو.. إزيك يا سجى، عاملة إيه؟!

— تمام.. هو أبيه ليث معاك؟!

— في حاجة يا سجى طمنيني؟!

​ردت سجى بدموع واضحة بصوتها:

— عماله أتصل على أبيه ليث مش بيرد، وفي حاجة مهمة!

​اعتدل خالد في جلسته وأجاب باهتمام:

— طيب قوليلي في ايه وأنا هعرفه.. هو دلوقتي متضايق وأنتِى عارفة هو بيبقى عامل إيه في عصبيته.

— تمام، بس أنتم لازم تيجوا حالا.. في حرامي في البيت، وأنا من ساعة ما شفته من البلكونه وأنا مرعوبة!

​يتبع