الفصل 91

كان المطعم هادئًا، والموسيقى الخفيفة تعزف في الخلفية. جلس مجد ورفايف على طاولة بالقرب من النافذة، وأمامهما كوبان من العصير. كانا يتحدثان بينما ينظر كل منهما إلى الآخر بابتسامة

رفايف: لسه مو قادرة أصدق... بكرا عرسنا.

مجد: وأنا كل شوي بحس إني عم أحلم.

رفايف: كنت مفكرة إن هاليوم مستحيل يجي.

مجد: وأنا كنت مستعد أستنى عمري كله مشان هاللحظة.

تبتسم رفايف بخجل إن شاء الله كل شي يمر على خير.

مجد: إن شاء الله... أهم شي إنك تكوني معي.

يمسك يدها برفق.

رفايف: بس بصراحة... قلبي مو مرتاح على أمير.

مجد: وأنا كمان. اللي عرفه عن حياته مو سهل أبدًا.

رفايف: الله يقويه... لأنه كل يوم بينصدم بشي جديد.

مجد: أمير قوي، ونور واقفة جنبه، وإن شاء الله بيتجاوز كل هالظروف.

رفايف: معك حق... بس بكرا ما لازم نحكي قدامه بهالموضوع.

مجد: أكيد لا. بكرا يوم فرح، وما بدي حدا يعكر علينا أو عليه.

يصمتان للحظة، ثم ينظر مجد إليها مبتسمًا

تعرفي... بكرا رح تصيري مرتي.

رفايف: تضحك بخجل وأنت رح تصير زوجي.

مجد: من أول يوم شفتك فيه تمنيت هاللحظة.

رفايف: وأنا الحمد لله وافقت عليك.

مجد: الحمد لله... لأنك أجمل شي صار بحياتي.

يرفع يدها ويقبلها برفق

مجد: بوعدك إني ضل جنبك، وأحافظ عليكي طول العمر.

رفايف: وأنا بوعدك إني ضل معك بالسهل والصعب، وما أتركك أبدًا.

داخلي – قصر عائلة الدنيز – مساء

كان القصر هادئًا، والخدم ينظفون الصالة الرئيسية استعدادًا لليوم التالي. توقفت سيارة أمير أمام القصر، فنزل منها بهدوء، وصعد درجات المدخلمر بجانب إحدى الخادمات التي كانت تنظف الأرض

أمير: يعطيكم العافية.

الخادمة: الله يعافيك يا أمير بك.

أكمل طريقه وصعد إلى غرفته

داخلي – حديقة قصر عائلة الدنيز – في الوقت نفسه كانت زينب تجلس في الحديقة، تمسك كأس عصير وتشرب منه، وهي شاردة الذهن. اقتربت منها إحدى الخادمات

الخادمة: زينب خانوم.

زينب: نعم؟

الخادمة: إنتِ طلبتي مني أول ما يوصل أمير بك أخبرك... هلع وصل ودخل غرفته.

زينب: تمام، فيكي تروحي.

وضعت كأس العصير على الطاولة، ونهضت بسرعة، ثم اتجهت إلى غرفة أمير

وقفت زينب أمام الباب، وأخذت نفسًا عميقًا، ثم طرقت الباب

أمير: تفضل.

دخلت زينب وأغلقت الباب خلفها

كان أمير يقف أمام المرآة يخلع سترته، فنظر إليها باستغراب شو القصة؟ لأول مرة بتدقي الباب قبل ما تدخلي.

زينب: حبيت اتعلم الأدب.

أمير: طيب... شو بدك؟

تقترب زينب منه خطوة خطوة أنا جيت قولك... إني بحبك.تقترب أكثر، ثم تعانقه فجأة

زينب: أنا بدي إياك.

يبعدها أمير عنه بسرعة بعدي عني.

زينب: لا... ما راح أطلع من غرفتك.

يتنهد أمير بضيقإذا هيك... إنتِ ضلي هون، وأنا اللي راح أطلع.

يفتح الباب ويخرج من الغرفة

تبقى زينب وحدها، ويشتعل غضبها

ليش؟! ليش عم تعمل فيي هيك؟

تبدأ برمي الأغراض وتحطيم كل ما يقع أمامها، ويتردد صوت تكسير الزجاج في الغرفة

تتوقف عدة سيارات شرطة أمام بوابة القصر، وينزل منها الضباط، ومعهم كلاب بوليسية مدربة. يتحرك الجميع بسرعة نحو بوابة القصر

داخلي – مكتب مصطفى – في الوقت نفسه

يدخل سنان مسرعًا وهو يلهث)

مصطفى بك!

المصطفى: شو صار؟

سنان: الشرطة تحت!

المصطفى: شو؟!

سنان: أحمد... ونور... ومعهم عدد كبير من الضباط والكلاب البوليسية.

يقف مصطفى مصدومًا، ثم يخرج بسرعة من مكتبه

كان أحمد يقف عند مدخل الحديقة، وخلفه الضباط، بينما وقف مصطفى أمامه بغضب

المصطفى: شو هاد؟ بأي حق داخلين على قصري؟

أحمد: معنا أمر تفتيش.

المصطفى: بتسمحلي أشوفه؟

يعطيه أحمد ورقة التفتيش

يفتح مصطفى الورقة ويقرأها، ثم ينظر إلى أحمد

المصطفى: تفضلوا.

يشير أحمد إلى الضباط

يا شباب... فتشوا القصر كله.

الضباط: حاضر.

يتفرق الضباط في جميع أنحاء القصر،

حديقة القصر – بعد دقائق

فجأة يبدأ أحد الكلاب البوليسية بالنباح عند مكان معين في الأرض.

نور: أحمد... الكلب عم يشير لهون.

أحمد: افتحوا المكان.

يتقدم أحد الضباط، ويزيح الغطاء الحديدي المخفي

نور: في مستودع تحت الأرض!

ينظر أمير إلى مصطفى عمي... شو هاد المستودع؟

المصطفى: مستودع قديم... منحط فيه أغراض القصر.

أحمد: أنا راح أنزل.

ينزل أحمد الدرج، ويبدأ بتفتيش المستودع

ينظر حوله، فلا يجد أي صناديق أو مخدرات، لكن يلاحظ قطعة صغيرة مكسورة من قلم رصاص على الأرضيخرج منديلًا من جيبه، ويلتقط القطعة بحذر، ثم يضعها داخل جيبه دون أن ينتبه أحد.يصعد إلى الأعلى

نور: لقيت شي؟

ينظر أحمد إلى أمير للحظة، ثم يعود بنظره إلى نور لا... ما في شي.

يتنفس مصطفى الصعداء، ويبتسم بخبث وهو يحدث نفسه بصوت منخفض

: لو كانوا وصلوا قبل ساعة... كنت حبستهم جوّا المستودع وسكرت عليهم، وخليتهم يموتوا فيه.

أحمد: يلا يا شباب... انتهى التفتيش، خلونا نرجع.

يخرج الضباط والكلاب البوليسية من القصر، بينما يبقى مصطفى واقفًا يراقبهم بابتسامة خبيثة، وقد أخفى ارتياحه من نجاته في اللحظة الأخيرة.

كانت الشقة هادئة بعد يوم طويل ومتعب. دخل أحمد وهو يبدو مرهقًا، بينما كانت يسمين تجلس على الأريكة تراقبه بابتسامة

أوف... نحنا لسا متزوجين جديد، وإنت كل يوم تاركني لحالي.

أحمد: يبتسم بتعب والله يا يسمين أنا تعبان كتير اليوم... بدي آخد دوش، وبعدها منقعد نحكي براحتنا.

يسمين: طيب... شو بتحب أطلب أكل؟

يتجه أحمد نحو الحمام اطلبي متل ما بدك، أنا موافق على أي شي.

يسمين: تمام.

يدخل أحمد إلى الحمام ويغلق الباب، بينما تمسك يسمين هاتفها، وتفتح أحد تطبيقات طلب الطعام، وتبدأ باختيار الأطباق وهي تبتسم