البارت الحادى والخمسون

بعد فصول تلك الليلة المخملية، وفي غمرة لحظتهما الرومانسية التي جاهدت ليلى بكل ما تملك من دلالٍ وأنوثة طاغية أن تجعلها مُرضية لأيمن ومُذيبة لآخر حصون عقله، استكانت بين أحضانه كقطة وادعة. استرسلت بأنفاسٍ هادئة، منتظمة، دافئة فوق صدره العاري، قبل أن ترفع وجهها الكحيل وتهمس برقة تقطر عسلًا مسمومًا

- بقولك إيه يا حبيبي… يا نور عيني…

طبع أيمن قبلة رضا وشغف طويل على جبينها، وخرج صوته دافئاً، مأخوذاً بسحرها

– إيه يا قلب وروح أيمن من جوة؟ تمنى وأنا أنفذ.

ابتسمت ليلى ابتسامة ساحرة، ومالت لتطبع قبلة خفيفة، مموهة على وجنته، ثم قالت بنعومةٍ مقصودة، مغلفة بالحذر والخوف المصطنع

– اشترِي الشقة التمليك الجديدة دي بإسمي أنا… أنا خايفة من أمك بصراحة يا أيمن، وقلبي مش مطمن. إنت طيب ونيتك صافية، وشايف بنفسك الحية بنتها ممكن يأثروا عليك في أي وقت بكلمتين ودموع تماسيح ويخلوك تبيعها، عشان يعني يقولوا لك الفلوس دي ورثنا ولينا حق فيها هي وسمر… تضعف إنت قدامهم بحنيتك دى، ونرجع إحنا تاني لدوامة الهم والنكد

شرد أيمن قليلًا في عتمة الغرفة، وكأن الفكرة الثقيلة قد وقعت على رأسه بغتة لتكشف عن وهد سحيق، قبل أن تُفيقه من شروده لمسات أصابعها الناعمة المشتعلة وهي تداعب خصلات شعره وصدره بعقد صفقات الأنوثة. تردد صوته المنهك، وحاول المقاومة بضعف

– إزاي بس أكتب الشقة كلها بإسمك يا ليلى؟… أنا يعني… معزش عنك حاجةخالص، والأصول بتقول…

لم تدع ليلى له فرصة ليرتب كلماته؛ إذ بدّلت ملامحها في ثانية واحدة إلى حزنٍ كاسف مصطنع، والتمعت عيناها بدموع جاهزة، وحاولت الابتعاد عن أحضانه والتملص من قبضة يده بجفاء مبرمج

– إنت مش مأمّني يا أيمن؟ بعد كل اللي عملته واستحملته عشانك وعشان بيتنا لسه بتشك فيا؟ دا أنا بعمل كل ده لمصلحتك ولمصلحة ابننا يزن عشان نأمن مستقبلنا من غدر أهلك. وبعدين يعني… هو أنا غريبة؟ كل حاجة ملكك في الآخر، الشقة دي ملكك، وحتى أنا وروحي ملكك إنت وبس.

مدّ يده بلهفة وخوف من صدودها ليجذبها إلى صدره مرة أخرى، لكنها أفلتت منه بذكاء، وأدارت وجهها نحو الحائط مغمغمة بمرارة

– خلاص يا ابن الناس، انسى إني قولت حاجة، واعمل اللي إنت عاوزه واللي يريح أمك وأختك.

شدّها إلى صدره هذه المرة بقوة وعنف وعاطفة جياشة، ونبرة صوته خرجت حاسمة، متهورة، وكأنه ينحر بها آخر صراع داخلي وعقلي يربطه بأهله وأصوله

– خلاص بقى، فكّي زعلِك، إنتِ مفيش في الدنيا زيك قمّاصة كده.. … هكتبها بإسمك يا سِتّ ليلى في الشهر العقاري، ولا تزعلي نفسك. بس ادعي لنا بقى ربنا يسهل ونعرف نلاقي قرشين نفرشها بيهم، الفلوس يدوب على قد الطوب.

رفعت حاجبيها بتعجب مبالغ فيه، ونظرت إليه بدهشة متعمدة وذكية وهي تعتدل فوق الفراش

– نفرشها من جديد؟ ونرمي فلوس في الأرض؟ طب ما الفرش بتاعنا كله موجود وزي الفل هناك…

سألها وعقله لا يستوعب كيف سيفعل ذلك، ولا يفهم مقصدها

– موجود فين؟ في شقة أمي؟ وهناخده إزاي؟

اعتدلت ليلى في جلستها بكامل ثقتها، وصار صوتها النعساني قبل قليل أكثر ثباتاً، حدةً وتخطيطاً

– ليه يا حبيبي؟ هو إنت ناوي تسيب حاجتنا وجهازنا وشقا عمرنا لأختك سمر وأمك؟ تطلع الست سمر تاخده وتقعد على حاجتنا وتتمتع بفرشي بعد ما اتطلقت من خالد وخربت بيتها بغلها؟ ومش بعيد بكرة ولا بعده أمك تجوزها في شقتنا وعلى عفشنا وإحنا نتمرمط

نفد صبر أيمن تماماً من سيرة المشاكل، وتذكر طرد والدته له، فقال بحدّة مكتومة وهو يضغط على أسنانها

– وهناخد حاجتنا وعفشنا إزاي بقى من تحت ضرس أمي؟ ما إنتِ شُفتي وعايشتي بنفسك اللي عملته أمي والفضايح والجيران، وطردتنا برة بالهدوم اللي علينا والمفاتيح معاها

ابتسمت ليلى ابتسامة بطيئة، لئيمة، انفرجت فيها شفاها عن ثقة مطلقة تقشعر لها الأبدان، وقالت بنبرة تفيض دهاءً مريراً

– سيب المأمورية دي عليا... أنا هقولك الخطة بالملي وهنعمل إيه بالظبط ومن غير ما حد يحس بينا.

وفي تلك اللحظة بالذات، في عتمة الغرفة، لمعت عيناها الواسعتان بوميض انتصارٍ جديد، كاشفاً عن فجر مؤامرة كبرى ستقتلع شقة الزوجية من أيدي عائلة فاطمة في وضح النهار وبقوة القانون.

✨✨✨✨✨✨✨

حضر أيمن وليلى في الموعد المحدد إلى منزل والدة سلمى، بعدما هاتفتهما على عجل وأخبرتهما بوجود شقة لُقطة في الطابق المالي لها، معروضة للبيع بداعي السفر. كانت ليلى في أقصى درجات حماسها، التمعت عيناها الكحيلتان ببريق جائع، وجعلت تتلفت حولها في ردهات البناية وكأنها ترى المكان ملكًا خالصًا لها بعقدٍ أبدي قبل أن تطأه قدمها.

وقفت ليلى تعدل حقيبتها بنفضة خفيفة، وقالت بحماس جارف وصوت متهلل وهي تستعد للنهوض

- يالا يا خالتي.. يالا بينا قوام نروح نتفرج عليها قبل ما حد يسبقنا وناخدها

نهضت السيدة الكبيرة بالفعل من مقعدها، وعدلت شالها، لكنها توقفت فجأة عند عتبة الصالة وكأن فكرة تحذيرية داهمت عقلها في اللحظة الأخيرة. التفتت إلى أيمن، وصوّبت نحوه نظرة خبيرة مبطنة بوقار السن، وقالت بنبرة هامسة تخلو من المواربة

- بقولك إيه يا ابني… الأرض دي ليها عيون والحيطان ليها ودان، والمنطقة هنا صغيرة. بدل ما تروح برجلك الشقة دي وحد من معارف والدتك أو جيرانها يشوفك داخل وطالع، ويروح ينقل لها الكلام ويقول الحاجة فاطمة ابنها بيشتري، ونرجع ندخل تاني في موال المشاكل والغل اللي ما بيخلصش… أنا بقول داري على شمعتك تقيد يا ضنايا، وامشي في السليم.

يتطلع إليها أيمن بدهشة حقيقية لم يُخفها، وانعقد حاجباه بقلة حيلة

- يعني إيه يا حجة؟ ما هو أنا اللي هدفع وأنا اللي لازم أشوف بعيني الشقة اللي هعيش فيها

تبسمت السيدة ابتسامة هادئة، داهية، وردت بحكمة مجربة

- يعني نروح أنا وليلى نشوفها ونقلبها، وكده كده صاحبة الشقة ست زينا وهتأخذ راحتها معانا في الكلام. نتفرج على التقسيم والمنافع، ولو عجبت ليلى ودخلت دماغها، تخلص فيها هي وتكتب العقد بإيدها، ولا من شاف ولا من دري.. لحد ما تنقلوا حاجتكم بالسلامة

ساد صمت مؤقت؛ صمت يتأمل فيه أيمن الفكرة التي طرحتها تلك السيدة. بدا مترددًا، يقلب الأمر في رأسه، وكأن رجولته وكبرياءه يحاولان الاعتراض على فكرة الاختباء، دون أن يجد كلمات تسعفه وسط حصار الديون والمشاكل.

لمحت ليلى بطرف عينها ذلك التردد، وخشيت أن يفسد رجوعه خطتها للاستحواذ على ملكية الشقة، فمالت نحوه بجسدها برقة متناهية، وتحدثت بنبرة تقطر زهدًا ومثالية لإقناعه

- لا يا خالتي، إيه اللي بتقوليه ده؟ دي شقته هو وشقى عمره، ولازم يختارها هو بنفسه ويشوف طوبها، أنا يدوب بساعده بس ومليش كلمة فوق كلمته.

كانت ليلى تردد كلماتها تلك بهدوء ومظلومية أمام أم سلمى، وفي الوقت نفسه، امتدت يدها الخفية تحت الطاولة لتمسك بكف أيمن المرتعش وتضغط عليه بقوة وضغطات خفيفة محسوبة؛ تذكره بلمساتها بعلقة سمر وفضيحة الطرد من البيت. كانت تراقب تأثير ضغطاتها على ملامحه، وتنتظر النتيجة بصبر الأفاعي.

أتت اللمسات مفعولها السحري؛ فارتخت أسارير أيمن وابتسم أخيرًا كأن حملًا جباليًا قد أزيح عن صدره المنهك، وقال براحة واستسلام تام

- أنا شايف إن رأي الحجة صح وأصول برضه يا ليلى… روحوا إنتوا الحريم مع بعض، ولو تمام وعجبتك الشقة وتقسيمها، تعالي خدي الفلوس منى واكتبي العقد بإسمك وتوكلي على الله.

التمعت عينا ليلى بوميض انتصار خاطف، بريق حاد كالنصل أخفته سريعًا تحت جفونها الخفيضة، بينما رقص قلبها وتردد داخلها بسعادة مكتومة كادت تخرج في زغرودة

- حلو ده أوي.. الشقة بقت في جيبي وبقيت صاحبة ملك

نهض أيمن من مقعده وهو ينفض ثيابه ويقول

- أنا هقعد على القهوة اللي على أول الشارع الرئيسي قريب من هنا، أول ما تخلصوا معاها رني عليا على طول

ثم ضحك بمرارة واستسلام للواقع

- ما هو ميصحش أستناكم هنا في الصالة لوحدي... الناس تقول ايه

ردت والدة سلمى بصدق ودعاء وهي تفتح له الباب

- مع السلامة يا بني، ربنا يسهل لك الصعب ويجعلها فاتحة خير عليكوا.

يغادر أيمن البناية مطأطأ الرأس، وما إن يبتعد خطوتين عن الممر حتى ظهرت سلمى من خلف ستارة المطبخ، حيث كانت تتابع اللعبة كلها بانبهار واهتزاز شديد من فرط دهاء صديقتها. اقتربت من ليلى بخطى سريعة، وهمست بدهشة لاعة وهي تضرب كفًا بكف

- إيه ده يا بنتي؟! يخرب بيتك داهية... ده إنتِ لو ساحراله وعملاله عمل على مش هيسمع كلامك بالعمى ده ويسيب لك الجمل بما حمل

ابتسمت ليلى بفخر عارم، وعدلت من ياقتها، ثم مالت على أذن سلمى وهامست بفحيح مخيف: