part 3

لم يبتسم أحد لهذه الموافقه.،لم يهنّئ أحد وكأن هذا المفروض عليهم بالفعل

او ممكن لأن الجميع كان يعلم… أن ما بدأ الآن، ليس زواجًا رومانسيا

بل معركة جديدة، لكن هذه المرة، معركه تحت سقفٍ واحد.

وبين جدران مدينةٍ بعيده، لا مكان فيها للهروب

في اليوم التالي

لم يكن الطريق قصيرًا ولا الرحلة مريحة ولا حتي الأنفاس تطاق

امتدّت السيارة تشقّ طريقها بين مساحاتٍ واسعة من الأراضي، حيث بدأت ملامح المدينة تختفي تدريجيًا، لتحلّ محلها حقول صامتة، وبيوت متباعدة، وهدوءٌ لم تعتد عليه.

جلست ليلى بجانب النافذة، تحدّق في الخارج دون أن ترى شيئًا.

أما ياسر، فكان يقود بصمتٍ تام، وكأن الكلمات بينهما أصبحت عبئًا لا داعي له.

لم يتبادلا حديثًا، ولا حتي النظرات منذ انطلاقهما.

وكأن كلٌّ منهما، يحاول تأجيل الواقع.

الواقع الذي فرض عليهم البقاء سنه سويا في بيت واحد بل سرير واحد حتي

“هنوصل قريب ولا لسه كتير ؟”

قالتها أخيرًا، دون أن تنظر إليه، وكأنهت تقطع الصمت المفروض عليه

“بعد عشر دقائق.”

جاءه صوته جافًا، وكأنها هي من غصبته علي هذا الواقع

لذا لم تستطع أن تصمت بل تسائلت

" انت بتكلمني كده لي "

نفخ خذيه في ملل ثم أجاب

" بتكلم اواي، بتكلم زي الناس "

ولكنها نفت برأسها مجيبه

" لا بتكلمني كأني انا اللي هموت ونتجوز مثلا علي فكره انا كمان مغصوبه "

فناظرها بعدم تصديق مجيبا

" وانا أمتي قولتلك انك نفسك تتجوزيني، متقلقيش انا عارف كويس انك مش بطقيني زي ما انا مش بطيقك بالظبط "

كان من المفترض أن تمر عليها كلماته مرور الكرام، ولكن لا تعلم لما آلمتها تلك الحقيقه، حقيقه أنه لا يحبها ولا يطيقها كما قال هو بلسانه

لذا عادت إلى صمتها.

ثم همست، بالكاد تُسمع:

“اي كل الطريق ده، دول بينفونا بجد .”

لم يرد.

لكنه… لم ينكر أنه يشعر بنفس الشعور

بعد دقائق… توقفت السيارة.

رفع ياسر عينيه… ونظر أمامه.

“وصلنا.”

نزل أولًا.

ثم فتحت هي الباب ببطء.

وقفت تنظر للبيت…

لم يكن كما توقعت.

كان قديمًا، نعم… لكنه واسع، محاط بأرضٍ شاسعة، كأنها تنتظر من يوقظها من سباتها.

جدرانه باهتة… نوافذه مغلقة… والصمت حوله… ثقيل.

“معقوله هو ده البيت ؟”

سألت، بنبرة لا تخلو من الخيبه والانزعاج من كل هذا الخلو

“هو ده اللي اتبقي من كل حاجه .”

هكذا كان رده وكأنه يذكرها ب لماذا هم هنا

—

سارت خطوات قليلة… ثم توقفت عند الباب.

“انت جيت هنا قبل كده؟”

تسائبت بفضول اكبر

واجابه هو بهدوء وهو ينظر بأنحاء المنزل

“مرة… من سنين طويله جدا، جيت مع بابا وعمي.”

فأجابت هي

" شكله غريب اوي عننا "

فأجابها بسخريه التقطتها سريعا

“زي ما احنا كمان غريبين عن بعضنا "

لم تعلّق حتي وهي تراه بفتح الباب الخاص بغرف النوم.

صريرٌ خافت من الابواب… كأن المكان يعترض أن يقتحمه أحد بعد كل تلك السنوات

دخلا.

الهواء في الداخل كان مختلفًا، غريبا كما قالا من قبل

ساكنًا… باردًا… يحمل رائحة زمنٍ لم يُمسّ منذ طويل، رائحه الهجران والفراق

المتوقع والمؤجل بينهم

تقدّمت ليلى ببطء، تنظر حولها ثم اردفت

" عايز تجهيزات عشان نعرف نعيش فيه .”

فاضاف هوو موافقا علي حديثها

“زي ما المشروع ما محتاج شغل كبير برضوا ”

“هو اي المحاصيل اللي عايزه تتورع بالظبط انا نسيت اسأل؟”

هكذا تسائلت

ثم استدارت نحوه أخيرًا تنتظر إجابته

توقّف.

ثم قال:

“الأراضي المحيطة بالبيت عايزه تتزرع ورود معينه للتص

“وانا وانت اللي هنهتم ب الورد ؟"

كان سؤالها ساخرا فلم يجيب عليه

بل أكمل

“مس كده بس متنسيش المشاريع المعماريه، عايزين يبنوا تلت عماير هنا في ابعد ارض عشان يسكن فيها العمال بعد كده في المشاريع اللي جايه بما انهم خلاص مش هيهجروا الأرض تاني "

اقترب من النافذة، بعدما انهي حديثه وفتحها.

دخل الضوء أخيرًا.

“الخطة هي تحويل جزء منها إلى مشروع إنتاجي… وجزء آخر إلى تطوير عقاري.”

ف نظرت إليه، بدهشة خفيفة:

“ده مشروع ضخم.”

“وعشان كده احنا هنا .”

قالها بهدوء غريب

قبل أن يكمل بعيون شرسه بالتحدي

" بتفكري تنسحبي ولا اي "

وعندما التقطت هي تلك النبره، ناظرته بسخريه

" انت عارف اني مش بنسحب من حاجه "

فسكت لا يتحداها اكتر

ثم قالت هي بتنهيده " هو انت بجد موافق ومقتنع ب كل ده؟”

فالتفت إليها ثم اقترب يسألها

" عندك اختيار تاني !

“بس انت كنت ممكن ترفض كل ده وتسافر زي ما كنت بتتمني ديما "

هذا ما ردت به هي

“وانتي كمان كان عندك نفس الاختيار .”

كان هذا حديثه التي وجدته مستفز

ابتسم ابتسامة خفيفة… لكنها لم تكن لطيفة.

“إذًا احنا اللي شبه بعض اكتر مما بنتصور.”

“لا.”

قالتها بحدة.

“انا وانت مختلفان جدا ”

هذا ما أدلت به وهذا ما كانت مقتنعه به تماما

اقترب خطوة، اربكتها ولا تعلم لماذا

“بجد؟”

فأجابت هي بثبات تحاول أن تظهره

“أنا مش بفرض نفسي علي اللي حوليا ومش بضغطهم.”

تصلّب في مكانه وبعدها أجاب

“وأنا مش يتظاهر بالكمال، واني الشخص اللي عارف كل حاجه ”

اشتعلت عيناها بغضب رهيب ثم أكملت

“على الأقل انا مش ببوظ كل حاجه في اخر خطوه واخترت افكار جديده في الهوا عشان اثبت الي حوليا أن انا المختلف اللي أفكاري رهيبه ”

سكت.

ثانية.

تنجح في إسكاته

ثم قال بصوتٍ منخفض:

" انتي شايفاني كده بجد "

كان يتأمل اجابه مختلفه، أن تنفي ما قالته، أن تشعره أنها تري فيه الخير ولو قليلا ولكنها أكدت الأمر أكثر

“ اه ده اللي شايفاه"

فأجابها وقد بدأ يتحرك من أمامنا

“يبقي انتي عاميه ومش بتشوفي كويس ”

فنفت برأسها ترمي الخطأ عليه

“انت اللي مش فاهمني ولا بتحاول تخليني افهمك ”

ارتفع صوتها.

لأول مرة.

في نهايه حديثها، كأنها تثور علي هذا الصمت الذي رماه هو بينهم لسنوات بدون مبرر وبدون رغبه منها

وهو ناظرها مره اخري واجاب

“انتي اللي مش بتدي فرصه لحد لا يفهمك قصدوا ولا يفهمك يا ليلي !”

كان اسمها منه، شئ اخر، شئ لم تشعر به منذ مده

وكأنه لحن مختلف، لحن اعتادت سماعه قديما جدا، ولكن منذ سنوات

حرمت منه

وبدون أن تجيب تلك المره

تقدّم هو خطوة أخرى…

أصبحت المسافة بينهما خطيرة.

“كنتِ دائما شايفه نفسك الاولي في كل حاجه، ومفكرتيش في مره تبصي ليا انا أو تبصي انا شايفك ازاي "

وهكذا انتهي نقاشهم، بعدما ادخلها في فرضي عارمه في أفكارها، انتهي

هذا النقاش الحاد والعتاب الخفي بينهم

.

“أنا أكرهك.”

قالتها بوضوح وهم يتمشيان في الأرض ويتفقدوها

وهو بوضوح أيضا وبلا تراجع ولا استسلام ولا اي اظهار لما أحدثت تلك الكلمه في صدره وقلبه أردف بعدما نظر إليها… طويلًا.

“عارف.”

فاكملت مؤكده علي حديثها بلا رحمه

“وده مش هيتغير مهما حصل .”

فأجابها بإصرار هو ايضا

“ولا انا عايزه يتغير اصلا .”

سكتت، اخرصها ك العاده بهدوءه وبروده

ثم أدارت وجهها بعيدًا.

“الجوازه دي مش هتنجح خالص"

جمله اخري تضيفها

فأجابها ك العاده بكلمه قصيره

“ احنا مش متجوزين عشان ننجح هو مش اختبار تالته ابتدائي"

اقترب خطوة أخيرة، بعيون عالقه

صوته أصبح أخفض:

“ولا انتي عايزه تكملي معايا كل حياتك، قولي متتكسفيش.”

سقط الصمت بينهما.

ثقيلًا… خانقًا.

نظرت حولها مرة أخرى.

البيت المهجور الأرض الغير صالحه

الصمت الثقيل وعبثه هو الغير منطقي

ثم همست: " ده اللي انت بتحلم بيه "

فضحك بسخريه " أو ده اللي انتي عايزاني احلم بيه "

وفي تلك اللحظة…

لم تكن تفكر في المشروع.

ولا في الخسارة.

بل في حقيقة واحدة فقط:

أنها… ستعيش مع الشخص الذي قضت عمرها تحاربه.

تحت سقفٍ واحد.

ولم يكن أيٌّ منهما يعلم…

أن هذا السقف… سيشهد ما لم يكونا مستعدّين له.

ممكن غضب أو صدام

وقريبًا جدًا، شيء آخر…

خطر بكثير!!