الفصل 10

واللي يشوفها يقول بتضحك لحد بعتلها كومكس مجاملة ولا قالها نكته حلوة ولا اتغزل مثلا في جمالها (وبرودها وابتسامتها بتتصنعهم بمهارة عالية برأس مرفوع وبهمس كله تحدي : ماشي هيما براحتك، بس مش انا اللي انهزم بسهولة )

كانت قاصدة تستفزة وتبين له إنه مش فارق معاها يسيبها ويرفض ياخدها معاه البيت

وفعلا نحجت وبجدارة عالية ، هيما قاعد متغاظ جدا، نيران الدنيا كلها بتاكل فيه ، هيموت ويعرف سبب ابتسامتها! والأهم لمين بتضحك

بيهمس بينه وبين نفسة : أقوم دلوقت اكسرها تلفونها على دماغها !

بقي هي دي اللي كنت شايل همها ؟ وقاعد بحاسب في نفسي وقال ذوتها زيادة عن اللزوم ، اتاريها ولا على بالها (هنا بيجز على سنانة ) بس لو أعرف بتضحك ليه ؟ ولمين ؟

هموت من غيرتي عليها

العاشق الغيور يرد عليه : طيب متقوم يا هيماتشوف بتكلم مين ؟

هيما العنيد المغرور : لاااا مش قايم تكلم اللي تكلمه ، ولا يهمني

هي أصلا مش بتكلم حد ( هنا بيطمن نفسه ويهديها ) أنت ناسي يا هيما إن كل اللي على صفحاتها ستات زيها ، وده كان طلبك منها مفيش راجل على صفحتك الشخصية لا تقوليلي زميلي ولا دكتور زيى ، مفيش راجل غيري في حياتك كلها وهي وفقت أنت في الأمان متخافش ، وفاء قاصدة تغيظك

بس على مين براحتها !

قام راح عندها وسط دهشتها سند بايدة على كرسيها ، ميل برأسه باسها من جبينها وقالها ببرود مماثل برودها : تصبحي علي خير يا حبيبتي (غضب عنه مقدرش يبعد ) عدا وقت ، بصعوبة بعد عنها وعيونه عليها مش رحمه ضعفها

هيما لسه ساند على كرسيها بايدة مبعدش سنتي متر واحد وده موترها جدا

رفعت رأسها بتبصله ثواني وتاهت ودابت منمنه، غمضت عيونها وتمنت المزيد منه لأ ده كمان طلبته بترحيب حار لما غمضت عيونها وقربت منه

وبدعوة صريحة بتدعيه يقرب أكتر

وهو مصدق ولسة هيلمسها ، مامته كانت بتصلي خلصت وخرجت وهي بتقول : انت لسة هنا يا هيما؟

الإتنين هنا بعدو عن بعد بخضه وأرتباك

هيما هنا بسرعة باسها من جبينها وقال : تصبحي على خير ،أهو ماشي

مامتة ضحكت وبمشاكسة : يا واد لما أنت هتموت عليها كده متاخدها معاك (هنا أتكلمت بغيظ مصطنع ) ليييه بس العند اللي وارثة من المرحوم ابوك ، معرفتش تورث منه حاجة عدله ! ده أبوك كان يتحط على الجرح يطيب

(هنا اتنهد بحب ) الله يرحمك يا محمد ويغفرلك

هيما ووفاء : آمين يا رب

هيما بص ل وفاء بعتاب وكمل : معلش يا حجة ده كان طلبها ، وأنا يعز عليا ارفضلها طلب !

وحكاية إن هموت عليها ومش هقدر أبعد ولا أبعد نفسي عنها ، هي عارفه ده كويس

ورغم كده طلبت البعد ده!!

تصبحوا على خير سابهم ونزل قبل ميضعف قدام دموعها اللي بتلمع في عيونها بس نزل وسمحتلهم هما كمان ينزلو

حماتها فتحتلها حضنها ووفاء مصدقت وترمت فيه مش بس هي لا رمت معاها همومها ووجعها منه وبتدأت تشكي لحماتها وهي بتعبط كل اللي بيحصل معاهم

حماتها بعد مسمعت منها بتهديها : طيب بس بس

متبقيش عبيطه

بتعيطي ليه عايزة أعرف؟ ابني محبش في الدنيا دي كلها غيرك وده المهم

الباقي مشاكل بتحصل وهتحصل طول محنا عايشين

طلعتها من حضنها وهي بتتنهد بشتياق ل أيام عدت ومضت عليها سنين والنهاردة بس افتكرتها كلها بحلوها ومرها : مشاكلكم دي نفس مشاكلنا زمان أنا والمرحوم ابوة

وفاء بصتلها بستفهام

مامت هيما خدتها وقعدت على الكنبة وقعدتها قصادها : اااه يا بنتي اللي بيعملوا هيما معاكي دلوقتي فكرني باللي كان بيعمله المرحوم ابوة

نفس كلامة .. نفس جبروتة .. نفس تحكماته ... نفس رجولته وشهامته .. نفس عزة نفسه وكرامتة (بصتلها بعتاب)

بس أنا غيرك ، بالعكس كنت بفتخر بيه وبعزة نفسه قدام أهلي، وأقولهم مش عايز فلوسكم

مش حابب يمد أيده ليكم سيبوه هو حر

ده لما كان المرحوم أبويا يحب يساعده بأنه يديلوا فلوس ولا مثلا يملالي التلاجة بتاعتي،

مهو ده اللي كان بين أيده، (ضحكت بشىء من السخرية ) محنا ناس على قدنا مش في غناكم طبعا إحنا مستورين وبس مش زيكم طبعا

يعني أبويا أخره كان يملالي التلاجة بتاعتي ، يجبلي حاجات البقالة كلها من سكر زيت رز سمنه كده يعني ، واحيانا كان يديني فلوس في أيدي، وكان بيجيب هدوم ل أولادي أنا كمان وساعات ل محمد

بس ده كله معجبش محمد وكان بيرفضه دايما

بس أنا ولا مرة غصبته على حاجة ، هو حر في بيته يمشية زي مهو عايز

من حقة يحس إن هو الراجل هنا في بيته وهو وحده اللي بيصرف عليه ومكفيه

عمري ماقلتله دي فلوس أبويا أنا وولادي أولى من مرات أبويا وعيالها من راجل تاني

لااااا أبدا بالعكس ، كنت كل مكان يرفض مساعدة أبويا ليه وفلوسة اللي بقدماله وهو في عز احتاجية ليها ، كان يكبر في نظري أكتر وأكتر

وهيما طلعله فى عنده وعزه نفسه ياريت تحاولي تفهمي طبعه وتتقبليه بصدر رحب مش غصب عنك تتقبليه بحب ورضاء

لو عملتي ده ،عمرك بعد كده مهتشتكي منه

ولا هيبقي في بينكم مشاكل زي اللي بتحكيها دي

وفاء اتنهدت وهزت رأسها بحاضر وهي لسه مش مقتنعه بالمبدأ الغريب ده