KINABUKASAN masakit ang ulo ni Zarina nang magmulat siya ng mata. Agad sumalubong sa kaniya ang madilim niyang kuwarto dahil natatabingan nang makapal na kurtina ang bahagi ng bintana at pinto niya sa balkonahe. Tumagilid pa siya sa pagkakahiga at kinapa ang cellphone sa gilid ng kaniyang kama. Binuksan niya ‘yon para tiningnan kung anong oras na ng mga sandaling ‘yon. Pasado alas dos na ng hapon pero pakiramdam niya ay kulang pa rin siya sa tulog. Hindi niya alam kung anong oras siya nakatulog kanina basta alam niya ay mag-uumaga na ‘yon. Dahil sa sama ng loob niya nahirapan siyang makatulog agad. Hindi na rin niya nagawang pumasok sa school dahil hindi siya nagising sa alarm na naka-set sa phone niya. Ang pinagdadasal na lang niya na sana si LC naman ang pumasok ngayon para makopya niya ang notes nito. Umupo siya sa kama at hinilot-hilot ang sentido. Dinaig pa niya ang nag-exam kagabi dahil sumasakit ang ulo niya sa walang katapusan na sermon ng Mommy Carol niya tungkol sa nangyari

Tinalikuran siya ni Zarina at ipinikit pa nito nang mariin ang mga mata bilang palatandaan na ayaw na siya nitong makausap.Nagpakawala siya ng isang buntong-hininga at isa pang sulyap ang ginawa niya sa dalaga bago binuksan ang makina ng sasakyan para pasibadin.Habang nagmamaneho ay binuksan niya ang FM Radio para magkaroon ng kaunting ingay man lang sa loob ng sasakyan. Nakakabingi ang katahimikan na pumagitan sa kanila ni Zarina.Patuloy lang siya sa pag-drive kahit kumakalam na ang sikmura niya dahil sa gutom. Buhat pa kagabi ay wala siyang matinong kain at tulog dahil sa guilt na nararamdaman niya.Alam niya na nakagalitan nang husto si Zarina dahil hindi pa man siya tuluyang nakakalabas ng pinto narinig na niya agad ang malakas na boses ni Tita Carol para pagalitan si Zarina. Gusto niyang bumalik sa loob at bawiin ang lahat ng mga sinabi niya ngunit agad niyang pinigilan ang sarili. Katwiran niya kailangan na ni Tita Carol na pagsabihan si Zarina baka kasi hindi lang ang lalaki

"I thought you had washed your face. Bakit parang may muta ka pa?”Mabilis pa sa alas kuwatro na naitulak niya si Antoine palayo sa kaniya at mabilis na tumalikod.Kinapa ni Zarina ang mata pero wala naman siyang makapa na muta na sinasabi nito.Niloloko ba siya nito?Inis na nilingon ang lalaki na nangingiting nakatingin sa kaniya.Ang mata nito ay nanunudyo na tila aliw na aliw sa ginawa nitong kalokohan sa kaniya.“Sayang-saya ka?” tanong niya na may kasamang irap sa lalaki.Isang malutong na tawa ang pinakawalan nito at naglakad palapit sa kaniya. Inakbayan siya nito sa balikat na mabilis niyang iniwas ang sarili at naglakad palayo rito.“Don’t!” Gigil niya pang saway sa lalaki ng sumunod ito sa kaniya.“What?” tatawa-tawa pa nitong wika na hinila pa ang kamay niya para hindi na siya makalayo.“Akala mo nakakatawa ‘yon?”“Let’s eat. Im sure, na gutom na gutom ka na dahil kahapon ka pa walang kain.”Biglang parang nagparamdam ang tiyan niya dahil kumulo ‘yon nang malakas na nagpaka

PAGKAPASOK na pagkapasok pa lang ni Antoine sa loob ng treehouse ay isang impit na tili ang pinakawalan ni Zarina. Halos sabunutan na niya ang maganda at mahabang buhok dahil sa inis niya sa sarili. Parang gusto niya tuloy hilingin na magkaroon ng isang superpower na puwedeng magbalik ng oras at baguhin ang mga nangyari kanina. Dahil kapag nagkataon na mayroon siyang superpower na ganoon ay babalik siya sa oras na kung saan hindi pa niya nasasabi ang salitang nabitawan niya. GOSH! Ang tanga! Ang tanga mo, Zarina Eunice! Ano 'yong mga pinagsasabi mo, kanina? Pagalit niyang tanong sa sarili. Napasapo siya ng ulo at napahilamos siya ng mukha. Halo-halo ang nararamdaman niyang emosyon. Pakiramdam niya mawawalan siya ng ulirat dahil sa nangyari. Bakit kasi may nalalaman pa kasi siya na ang English ng malaki ay BIG? Obvious tuloy na iba ang gusto niyang ipakahulugan doon. Napahawak siya sa batok na at hinimas-himas ‘yon. Shock! Papaano siya haharap sa lalaki ng hindi baba ang tingin ni

GUSTONG kumawala ng pagtitimpi ni Antoine nang agaran na tumugon si Zarina sa halik niya sa kung papaano lang nito alam. Bawat galaw ng labi niya ay sinasabayan ni Zarina na lalong nagpapawala sa kaniyang katinuan. Ang mata nito nanatiling nakapikit nang mariin habang ang dalawang kamay nito ay nakakapit nang mahigpit sa magkabilang hem ng t-shirt niya na para bang doon kumukuha ng lakas.Kung susundin ni Antoine ang gusto ng katawan niya. Bubuhatin niya si Zarina papasok sa loob ng kuwarto at ihihiga sa kama para pagsawain ang sarili, katulad ng mga babaing naka-fling niya sa America. Pero hindi niya kayang gawin ‘yon sa dalaga lalo pa’t alam niyang iba ito sa mga babaing nakakasalamuha niya. Kahit na ang totoo ay kagabi pa siya naligalig nang husto kay Zarina ng ipinulupot nito ang dalawang braso sa batok niya at iniabot nito ang labi niya para gawaran ng banayad na halik.Kaya nga gusto niyang pagtawanan ang sarili dahil kung siya ay lulugo-lugo at walang sapat na tulog dahil sa gi