บททั้งหมดของ The Billionaire's Rewritten Vow: บทที่ 11 - บทที่ 20

Salubong pa rin ang dalawang kilay ni Marco kahit hindi na niya kausap si Kara sa telepono. Hindi niya maintindihan ang sarili kung bakit mabigat sa pakiramdam na marinig na umiiyak ang babae. Wala naman dapat siyang pakialam sa nararamdaman ni Kara at ayaw rin niyang ma-attach sa babae kaya nga nang magising siya kinaumagahan matapos may mangyari na naman sa kanila ay minabuti niyang umalis agad at hindi umuwi sa apartment.Maghapon siyang sinusundot-sundot ng kanyang konsensiya sa naging asal sa bagong asawa kaya nakiusap siya sa kanyang ina para kamustahin ang babae at sabihin na lamang na may emergency siya sa Pilipinas. Nagulat din siya na hindi sinabi ni Kara sa kanyang mama na hindi siya nagpaalam na aalis. Isang bagay na lalong nagpakonsensiya sa kanya.Kaya nang matanggap niya ang mensahe ni Kara na nais siyang makausap, naisip niya na mayroong hindi magandang nangyari kaya agad niya itong tinawagan.“Siyempre! Responsibilidad mo, pinakasalan mo eh!” parang tanga niyang pakik

Mula sa basement parking ng Hotel Nikolai ay sumakay ng elevator si Kara. Pipindutin na sana niya ang button M kung nasaan ang restaurant nang may sumagi sa kanyang alaala nang makita ang P sa button panel. Nagsalubong ang mga kilay niya at saka nagsimulang uminit ang kanyang mukha. Ito ang elevator na sinakyan nila ni Marco noong gabing lasing na lasing siya at sa unang pagkakataon ay may nangyari sa kanila. Pumikit siya sa pagbabakasakaling may maalala pa ngunit naramdaman niya ang pagsasara ng pinto kaya napilitan siyang idilat ang kanyang mga mata at mabilis na pinindot ang M bago pa malagpasan ang kanyang pupuntahang palapag. Napangiti siya nang maalala kung paano niya nagisnan ng araw na iyon ang guwapong mukha ni Marco na para bang nililok nang maingat ng Bathala upang maging perpekto. Mula sa katamtamang kapal ng kilay nito, mga matang parang laging nangungusap, katamtamang tangos ng ilong at saktong kapal ng labi na malambot at masarap halikan. Nangingiting napahawak si Kara

Salubong ang mga kilay at nagtatangis ang bagang ni Marco nang lumabas ng restaurant. Hindi niya pinansin ang receptionist na malapad ang mga ngiting bumati sa kanya dahil nais niyang makausap ng lalaki sa lalaki si Victor. Hindi niya maintindihan ang sarili kung bakit gusto niyang sapakin ang lalaki sa inis. Kung kanina ay tahimik lamang siyang nagmamatiyag pero tila may kung anong nasaling sa kaloob-looban niya nang makitang umiiyak si Kara. Anong karapatan ng mga Deschanel para patuloy na saktan ang kanyang asawa? Palapit na si Marco kay Victor na tahimik na nag-aabang sa isang elevator nang eksaktong bumukas ang isa pa at iluwal noon si Axel na agad tinawag ang atensyon ng kanyang pinsan. “Bro! I’ve been looking for you for ages!” eksaheradong pagbati ni Axel kaya napalingon si Marco sa kanya. Nang makitang si Axel lamang ang nagsalita ay binalikan niya nang tingin si Victor ngunit nakapasok na ito sa isang bumukas na elevator. “Paakyat ka sa penthouse mo?” tanong ni Axel na ha

Iniangat ni Kara ang tingin mula sa iniinom na strawberry and cream frappe patungo sa pinanggagalingan ng tinig habang patuloy na s********p sa straw. Napalunok si Axel sa nakitang hitsura ni Kara pakiramdam niya ay biglang uminit sa loob ng coffee shop gayung fully air conditioned ito. Nagulat naman si Kara nang makita si Axel kaya huminto ang babae sa pag-inom at dumiretso nang pagkakaupo habang si Miles ay curious na nagpapalit-palit nang tingin sa matipunong lalaki sa kanyang likuran at sa kanyang kaibigan na ngayon ay seryoso na ang mukha. Tumikhim muna si Axel bago nagsalita. “My team is now overwhelmed reviewing all your company’s accounts and financial statements, and here you are just dating around.” Tumaas ang isang kilay ni Kara sa narinig. Ang sabi ng lalaking ito noong huli silang nagkabangga ay ire-rekomenda na nito sa CEO na itigil na ang negosasyon. Wala ring nasabi ang kanyang daddy na nagpatuloy ang team nina Marco. Lihim na natuwa si Kara, dahil kung patuloy na b

Ang plano ni Kara na gumising ng maaga ay hindi nangyari kinabukasan. Alas-tres pasado na siya nagising at namumugto ang kanyang mga mata sa kakaiyak magdamag. Masakit din ang kanyang ulo kaya tumayo lamang siya para uminom ng tubig at saka bumalik din siya agad sa pagtulog. Hindi niya napansin ang missed calls ni Miles sa kanya.Nang sumunod na araw ay ginising siya nang kumakalam niyang sikmura. Doon lamang niya napagtanto na wala siyang kinain kahapon. Nanghihina siyang tumayo at tinungo ang kusina. Kinuha niya ang isang box ng non-fat fresh milk sa refrigerator at nagsalin sa isang baso. May nakita rin siyang sliced wheat bread sa ref kaya kumuha na rin siya ng dalawang piraso at saka isinalang sa microwave ng 30 seconds para lang uminit ito.Dinala niya ang mga iyon sa mesita sa balkonahe at saka sumalampak sa pang-isahang couch at doon dahan-dahang kumain habang pinapanood ang mga nagtataasang gusali sa paligid. Nang mabusog ay hinugasan niya ang kanyang pinagkainan at saka muli