Semua Bab ARMANI 1: FRACTURED HEART (ELIJAH): Bab 1 - Bab 3

ARAW NG LUNES AT UMUUGONG ang hangin na sinasabayan ng malakas na buhos ng ulan dahil sa bagyong Mario. Isa ang bayan ng San Guillermo sa malubhang tinamaan. Sabado pa lamang ay isinara na ang main road na papasok sa bayan kung saan madadaanan ang malaking tulay na nag-uugnay rito at sa katabing bayan. Buwan ng Hulyo kaya sunod-sunod ang pagpasok ng bagyo sa Pilipinas. At isa ang Isabela sa paboritong daanan ng mga bagyo. Wala na ring supply ng kuryente sa lugar dahil sa mga nagtumbahang malalaking puno na tumama sa mga kable at may mga poste ring nagtumbahan dahil sa lakas ng hangin. Walang tigil ang pagbuhos ng malakas na ulan simula pa noong isang araw kaya malambot na rin ang lupa na naging dahilan para magkaroon ng kaliwa't-kanang pagguho ng lupa at baha na rin sa mababang bahagi ng bayan. "Oh, this can't be happening..." sapo ang ulo na bulalas ni Governor Hillary Lardizabal habang ang mga mata ay nakatutok sa labas ng salaming bintana ng kanyang pribadong opisina sa unang

"HMMM..." tumatango-tango na usal ni Elijah habang marahang iniikot ang kanyang paningin sa loob ng apat na sulok na bahagi ng silid. Isa iyong make-shift office na nasa ikalawang palapag ng lumang administrative building ng munisipyo ng San Guillermo. Ipinasadya iyon ni Mayor Aguilar para may magamit sila sa kanilang operasyon. Ang unang palapag ay gagawing bodega para sa mga relief goods na paparrating na rin sa umagang iyon. May ilan na rin namang mga pribadong organisasyon ang nagpa-abot ng tulong pero dahil ang Sirens Alliance ay hindi lamang pagbibigay ng mga relief goods ang gagawin ay binigyan sila ng sariling lugar ng pamahalaan ng San Guillermo. Bukod kasi sa mga goods ay mayroon ding sariling medical team sina Elijah na parating na rin. "So this is where we are going to stay while we are here in San Guillermo. " aniya bago tumingin kay Katrice na kararating lang kagabi. So, what do you think, Kat? " untag niya sa babaeng nagkibit lang ng balikat. "This is nice.