Novelas web e historias de Independent y Office Relationship

Si Lucky Zeppelin Diego ay isang simpleng babae na kilala sa kanyang matinding kamalasan. Sa edad na dalawampu't dalawa, pangarap lamang niyang magkaroon ng maayos na trabaho upang matulungan ang kanyang pamilya. Ngunit sa araw ng kanyang job interview, isang hindi inaasahang aksidente ang nangyari nang mabuhusan niya ng kape ang batang billionaire CEO na si Tianzon Yeovil Devon. Akala ni Lucky ay tuluyan nang nasira ang kanyang pagkakataon, ngunit laking gulat niya nang siya pa mismo ang matanggap bilang executive assistant ng binata. Habang magkasama silang nagtatrabaho, hindi nawawala ang mga aksidente, asaran, at misunderstandings sa pagitan nila. Sa kabila ng kanilang magkaibang mundo, unti-unting nahulog ang loob nila sa isa't isa hanggang sa naging lihim silang magkasintahan. Ngunit hindi lahat ay masaya sa kanilang relasyon. Si Elisha Montenegro, ang ambitious at manipulative na childhood friend ni Tianzon, ay handang gawin ang lahat upang maagaw ang binata. Gumawa siya ng mga kasinungalingan at pekeng ebidensya upang palabasing ginagamit lamang ni Lucky si Tianzon para sa pera at may lihim itong relasyon sa kanyang best friend na si Zachary Villanueva. Dahil sa mga intriga, naniwala si Tianzon sa mga kasinungalingan at tuluyang sinaktan ang babaeng pinakamamahal niya. Sa sobrang sakit ng loob, umalis si Lucky papuntang Singapore upang magsimula ng panibagong buhay, hindi alam ng binata na buntis siya sa kanilang anak. Makalipas ang limang taon, bumalik si Lucky sa Pilipinas bilang isang matagumpay na CEO ng sarili niyang kumpanya. Ngunit muling guguluhin ng tadhana ang kanilang buhay nang makita ni Tianzon ang isang batang kamukhang-kamukha niya. Sa muling pagtatagpo nila, handa ba niyang maibalik ang tiwala at pagmamahal ng babaeng minsan niyang sinaktan?

Akala ni Isabel, isang ordinaryong business assignment lamang ang magdadala sa kaniya sa Manila. Tatlong linggo lang siyang mananatili roon—tatlong linggong trabaho, bagong karanasan, at pagkakataong patunayan ang sarili sa isang lugar na malayo sa kaniyang nakasanayang buhay sa Bukidnon. Ngunit hindi niya inaasahang makikilala niya si Adrian Laurent, ang matagumpay at makapangyarihang CEO ng Laurent Holdings. Sa likod ng kaniyang malamig na tindig at seryosong personalidad, unti-unting natuklasan ni Isabel ang isang lalaking marunong magmalasakit, rumespeto, at magpakita ng damdaming hindi niya inaasahan. Sa bawat araw na magkasama sila, mas nagiging mahirap para kay Isabel na ituring na simpleng trabaho lamang ang kanilang pagkikita. Ngunit may hangganan ang kanilang oras sa Manila. Sa araw ng kaniyang pag-alis, nangako si Adrian na hindi niya hihilinging manatili si Isabel—hihilingin lamang niyang bumalik ito. At sa kabila ng takot sa isang relasyong magsisimula sa magkabilang panig ng mundo, nangako rin si Isabel na bibigyan niya ng pagkakataon ang kanilang namamagitan. Pagbalik ni Isabel sa Bukidnon, sinubukan niyang ipagpatuloy ang kaniyang simpleng buhay. Ngunit hindi ganoon kadaling kalimutan ang lalaking nakilala niya sa Manila. Sa kabila ng distansiya, patuloy na lumalalim ang kanilang ugnayan. Subalit hindi lahat ng kuwento ng pag-ibig ay nagsisimula sa malayang pagpili. Unti-unting natutuklasan ni Isabel ang mga lihim sa buhay ni Adrian. May isang babaeng matagal nang inaasahang magiging asawa nito, may kasunduang ginawa ang kanilang mga pamilya, at may kondisyong iniwan ang yumaong ama ni Adrian na maaaring magbago sa kinabukasan ng Laurent Holdings. Ngayon, kailangang harapin ni Adrian ang isang mahirap na pagpili: ang kinabukasang matagal nang inihanda para sa kaniya, o ang babaeng kusang-loob niyang piniling mahalin. hanggang saan kayang lumaban ni Isabel para sa isang pag-ibig na nagsimula sa Manila, sinubok ng distansiya, at ngayo'y nanganganib dahil sa isang lihim na hindi niya inaasahan?

Mataas ang pangarap ni Irish sa buhay: makapagtapos ng kolehiyo sa Maynila at maging hotel manager. Kahit ang kapalit no’n ay ang paglaki ng distansya sa relasyon niya kay Gavriel—ang tagapagmana ng pinakamalaking azucarera sa bayan ng Don Galonzo. Ngunit mapaglaro ang mundo. Hindi man niya ipinagpalit ang pangarap sa pag-ibig, ang pag-ibig din pala talaga niya ang sisira sa pangarap. Nang mabalitaan niyang nawalan ng trabaho ang mga magulang dahil kay Gavriel, agad siyang bumiyahe pabalik sa Don Galonzo. Hindi niya alam, puro sorpresa ang dadatnan niya. Iyon din pala ang araw ng flight ni Gavriel patungong States. Sinubukan niya itong habulin, ngunit nang makita ang lalaking may kahalikan sa kotse nito, doon siya nagising sa katotohanan. Ang tanging iniwan ni Gavriel kay Irish ay… ang mga batang nasa sinapupunan niya. Kaya hindi niya alam ang mararamdaman nang makita ang lalaki, anim na taon ang lumipas, sa hotel na sinimulan niyang pasukan pagkatapos mag-drop out sa kolehiyo. At ang mas nakagulantang sa kaniya, kasama nito ang kambal na anak na tinago niya kay Gavriel—sinusubuan si Nathalie at pinatutulog si Nathaniel sa executive nitong opisina! Mapipigilan kaya ni Irish ang muling pagpasok ng dating kasintahan sa buhay nilang tatlo, o tuluyang magtatagumpay ang bagong CEO na hulihin ang kiliti niya?

Minsan ng nagpakababa si Sofia para sa pamilyang Zaldivar—pinalitan niya si Margareth sa pag-aalaga sa nabulag nitong nobyo na si Spiel Ralvan. Minahal niya ito ng palihim at umalis ng walang hinihinging kapalit nang bumalik si Margareth. Ngunit lahat ng mga ginawa niya, ay hindi pa pala sapat dahil tinangka pa siyang ipapatay ni Margareth Zaldivar para tuluyan siyang mawala sa buhay ng mga ito. Pitong taon ang nakalipas, napilitan bumalik si Sofia sa Maynila—sa mundo ng mga taong pilit niyang kinakalimutan. Ngunit, sa pagkakataong ito ay hindi na siya ang dating Sofia na papayag na api-apihin dahil sa utang na loob. Hindi na siya ang dating Sofia na matatakot dahil mapera at maimpluwensya ang mga taong umapi sa kanya lalo pa’t tila nakuha niya ang buong atensyon ni Spiel Ralvan. Nababaliw sa kanya ang lalaki, handang gawin ang lahat ng gusto niya kahit pa kalabanin nito ang pamilya ng dating asawa.

Limang taon. Iyon ang panahong ibinigay ni Marisse sa isang malaking architectural project na pinaghirapan niyang buuin mula sa simula. Pero sa isang iglap, lahat ng sakripisyo niya ay inangkin ng sarili niyang boss at dating kasintahan. Hindi pa roon natapos ang lahat. Inakusahan pa siyang nagbenta ng kumpidensyal na mga dokumento, dahilan para masira ang kanyang reputasyon at tuluyang mawala ang career na matagal niyang pinaghirapan. At habang pilit niyang pinipigilang tuluyang bumagsak, nakikipaglaban naman sa buhay ang kanyang ina sa ospital. Wala nang natira kay Marisse. Wala siyang trabaho, pera, o sinumang mapagkakatiwalaan. Hanggang sa makilala niya si Vaughn Tiongson, isang makapangyarihang bilyonaryong may sarili ring problemang kailangang solusyonan. Isang pekeng relasyon ang naging sagot sa problema nilang dalawa. Si Vaughn ang magbibigay ng proteksyon at tutulong kay Marisse na linisin ang kanyang pangalan. Kapalit nito, kailangan niyang gampanan ang papel ng babaeng kayang bihagin ang puso ng isang bilyonaryo. Simple lang ang usapan. Walang totohanan. Walang emosyon. At higit sa lahat, walang iibig. Pero paano kung sa bawat halik, yakap, at sandaling magkasama sila, unti-unting nagiging totoo ang lahat? Habang mas lumalalim ang kanilang relasyon, mas maraming lihim ang nabubunyag. At sa likod ng mga kasinungalingan, may katotohanang posibleng sumira sa kanilang dalawa. Dahil minsan, ang pinakamapanganib na laro ay ang larong hindi mo namamalayang puso mo na pala ang nakataya. Kapag natapos ang kontrata, kaya pa kaya nilang magpanggap na walang nangyari? O pareho na silang mahuhulog sa bitag na sila mismo ang gumawa?

"Isang gabing hindi niya inaasahan, isang lalaking hindi niya dapat magustuhan." Matapos ang ilang taong pagsasakripisyo para sa asawa niyang si Marcus, natuklasan ni Clara na hindi lang ito nagtaksil sa kanya kundi inangkin pa ang mga proyektong siya mismo ang gumawa. Pagod na siyang magtiis, kaya nagdesisyon siyang tapusin na ang lahat. Pero ang hindi niya inaasahan, ang isang gabing nagpakalasing siya sa isang underground club para makalimot ay mauuwi sa isang gabing kasama ang bilyonaryong tiyuhin ng asawa niya na si Ethaniel Villaroman. Habang pilit na kinakalimutan ang nangyari sa gabing iyon, sinisikap ni Clara na simulan ulit ang career niya bilang corporate strategist. Nagpadala siya ng resume sa pinakamalaking kumpanya sa bansa, na pag-aari mismo ni Ethaniel. Sa gitna ng mga pagtatangka ni Marcus na pigilan siyang tuluyang umalis at ng mas madalas na pagkikita nila ng malamig at misteryosong CEO, determinado si Clara na bumangon at patunayan ang sarili. Sa pagkakataong ito, hindi niya kailangang gumawa ng eskandalo para makaganti. Gusto lang niyang patunayang kaya niyang talunin ang mga taong minsang umapi sa kanya. Paano ka tuluyang makakawala sa isang kasal na matagal nang sira kung ang lalaking hindi mo inaasahang makilala ay siya ring taong mas lalo pang magpapagulo sa buhay mo?

Pagod na si Avril sa sunod-sunod na problema sa pera at sa ex niyang niloko siya. Ang gusto na lang niya ay tahimik na buhay habang unti-unti niyang binubuo ang pangarap niyang magkaroon ng sariling negosyo. Pero nagbago ang lahat nang aksidente siyang makabangga ang bilyonaryong si Stefan Yñiguez. Si Stefan naman, may sarili ring problemang kailangang ayusin. Para makuha ang posisyong nakalaan para sa kanya, kailangan niyang patunayan sa pamilya niya na seryoso na siya sa isang relasyon. At dahil pareho silang may kailangan sa isa't isa, nagkasundo silang magpanggap na magkasintahan sa loob ng anim na buwan. Simple lang ang usapan—pera kapalit ng pagpapanggap. Walang feelings, walang personalan, at walang komplikasyon. Pero paano kung ang simpleng kontrata ay mauwi sa araw-araw na asaran, hindi inaasahang pagseselos, at mga sandaling unti-unting nagpapalapit sa kanila? Sa iisang bubong, mas mahirap palang sundin ang mga patakarang sila mismo ang gumawa. Hanggang kailan nila kayang sabihing pagpapanggap lang ang lahat kung unti-unti na silang nahuhulog sa isa't isa?

Xanthie Que Azcona has spent years trying to build a better future for her family's farm. But keeping the business alive becomes increasingly difficult as their organic products struggle to find buyers willing to pay a fair price. With the farm's future uncertain, Xanthie travels to Japan to present a business proposal that could give their products a chance in the market. After weeks of preparation and a journey across the ocean, her proposal is rejected without proper consideration. As if her professional failure isn't enough, Xanthie discovers that her girlfriend has betrayed her and is now pregnant by someone else. Heartbroken, humiliated, and exhausted from trying to hold everything together, Xanthie spends a night at a nightclub, hoping to forget her problems—even if only for a few hours. There, she meets Tynan Zobel de Ayala, a thirty-one-year-old businessman who has little interest in commitment and no intention of letting anyone into his carefully controlled life. Neither wants promises or questions the morning after. What begins as a one-night stand is supposed to remain a memory between two strangers. But fate has other plans. Tynan is the CEO of Verdant Earth Corporation, a company searching for reliable suppliers of organic products. When Xanthie's proposal eventually reaches his desk, he discovers that the woman he spent the night with is the same woman whose business opportunity was dismissed by another businessman. Now, Xanthie needs a fair chance to save her family's farm, while Tynan must separate his professional judgment from the feelings he never intended to develop. She wants a business partner, not a rescuer. He wants to keep their relationship uncomplicated, but he soon discovers that some nights leave behind more than memories.

Apat na taong pinanatili ni Beatrice "Bea" Elizalde ang pader sa pagitan nila ng kaniyang cold at ruthless CEO—si Severino "Reno" Legazpi. Para sa kaniya, si Reno ay ang demanding boss na kailangang paglingkuran nang perpekto, habang siya naman ang indispensable secretary na walang puwang para sa emosyon. Subalit sa isang gabi ng matinding kapahamakan at pagkasira ng mundo ni Bea, nawala ang pormal na distansya. Ang isang gabing puno ng matagal nang pinipigilang pagnanasa ay nagbukas ng isang mapanganib na ugnayan na hindi na kayang burahin ng kahit anong patakaran ng opisina o kontrata. Dahil sa takot na mawala ang kaniyang dignidad at career, ginawa ni Bea ang lahat para umasta na parang walang nangyari kinabukasan. Ngunit hindi sanay si Reno na tinatanggihan—at lalong hindi niya hahayaang magpanggap ang babaeng nagmamay-ari na ng kaniyang isip. Hanggang kailan kayang labanan ni Bea ang nakakalason ngunit nakakahumaling na alindog ng kaniyang boss? At hanggang saan ang kayang gawin ni Reno para lang hindi makatatakas sa kaniyang mga kamay ang kaniyang paboritong sekretarya?

Akala ni Camille Reyes, sapat na ang pagmamahal para mapanatili ang isang pagsasama. Pero matapos ang halos tatlong taon ng pagiging asawa ni Adrian Villareal, siya rin ang babaeng kailangang pumirma sa mga papeles para tuluyan na silang maghiwalay. Wala na siyang balak habulin ang lalaking matagal nang sumuko sa kanilang relasyon. Ang gusto na lang niya ay makahanap ng trabaho, magkaroon ng sariling matutuluyan, at buuin ulit ang buhay na nawala sa kanya habang sinusubukang iligtas ang kanilang pagsasama. Pero hindi niya inaasahang ang kumpanyang papasukan niya ay pag-aari ng pamilya ni Adrian. Ngayong kailangan niyang patunayan ang sarili niya sa trabaho, hindi niya puwedeng hayaang maapektuhan ng personal nilang problema ang mga desisyon niya. Lalo na ngayong may mga bagay sa kumpanya na kailangan niyang suriin, at si Adrian mismo ang isa sa mga taong kailangan niyang harapin. Para kay Camille, malinaw na ang isang bagay: hindi na siya babalik sa dating relasyon nila dahil lang minsan silang naging mag-asawa. Pero paano kung ang lalaking pumirma sa katapusan ng kanilang pagsasama ay siya ring lalaking hindi niya basta maiiwasan?

Gusto lang naman maayos ni Jarima ang bank account niya. Nang aksidente niyang matawagan ang Malacañang at ma-meet ang presidente ng Pilipinas at ang bestfriend nito.