Novel & Cerita Web Tragedy Regret

Akala ko, kahit anong mangyari, hindi niya ako makakalimutan. He was the boy who grew up beside me the boy who became my best friend, my first love, and the person I believed would stay in my life forever. Pero isang aksidente ang nagbura sa lahat ng alaala niya tungkol sakin. Years later, bumalik siya. Not as the boy I used to know, but as a powerful CEO cold, arrogant, and completely unfamiliar. At higit sa lahat, may girlfriend na siya. Para sa kanya, stranger lang ako. Pero para sa akin, siya pa rin ang taong minahal ko nang buong puso. Naalala ko ang bawat pangako niya. Bawat secret na kami lang ang nakakaalam. Bawat sandaling pinaniwala niya akong kami hanggang dulo. Pero paano kung ako lang ang nakakaalala ng love story namin? Can I make him fall in love with me again? Or kailangan ko bang tanggapin na minsan, kahit gaano kalalim ang pagmamahalan... may mga alaala talagang hindi na bumabalik.

Minsan, naniwala si Psyche Cuangco na nasa kanya na ang lahat—isang asawang mahal niya, isang matalik na kaibigang pinagkakatiwalaan niya, at isang pamilyang akala niya ay tunay na kanya. Ngunit sa edad na trenta, gumuho ang lahat nang matuklasan niyang may lihim na relasyon ang asawa niyang si Jack Madrigal at ang kanyang pinakamalapit na kaibigan na si Vivienne Ocampo, asawa naman ng makapangyarihang businessman na si Thaniel Orion Sy Razon. Alam na ni Thaniel ang pagtataksil ng kanyang asawa, ngunit may sarili siyang planong hindi niya ipinapaalam kaninuman. Sa gitna ng sakit at betrayal, nadiskubre rin ni Psyche ang mga lihim tungkol sa kanyang pamilya. Ang lalaking nagpalaki sa kanya ay maaaring hindi niya tunay na ama. Ang pagkawala ng kanyang ina ay may nakatagong katotohanan, at ang mana na para sa kanya ay maaaring matagal nang ninakaw. Ngunit bago pa niya tuluyang mabunyag ang lahat, isang trahedya ang tuluyang nagtapos sa kanyang buhay. Isang maulang gabi, sinubukan ni Thaniel na iligtas si Psyche. Hindi niya alam na nilagyan na pala ni Vivienne ng lason ang kanyang inumin. Sa kabila ng unti-unting pagkawala ng kanyang lakas, tumanggi siyang iwan si Psyche. Pareho silang namatay. Ngunit hindi roon nagtapos ang lahat. Nagising si Psyche limang taon sa nakaraan, sa edad na dalawampu't lima. Bitbit ang lahat ng alaala ng kanyang unang buhay, determinado siyang baguhin ang kanyang kapalaran, ilantad ang mga traydor, at bawiin ang lahat ng nararapat sa kanya. Akala niya, siya lang ang nabigyan ng pangalawang pagkakataon. Nagkakamali siya. Dahil nakabalik din sa nakaraan si Thaniel—at may sarili siyang lihim na kailangang protektahan. Dalawang buhay ang nagwakas sa iisang gabi. Dalawang kaluluwa ang nagbalik sa nakaraan. Ngunit isa lang ang nakaaalam na hindi siya nag-iisa.

Si Athena Buenaventura ay nasaktan nang matuklasan niyang maaaring hindi naging totoo ang pagmamahal sa kaniya ni Akhiro Fuentes. Ang mas masakit, ang sarili niyang kakambal na si Alexa ang sangkot sa panlilinlang na sumira sa tiwala niya. Nang mabunyag ang katotohanan sa likod ng mga cookies at sticky note, sumabog ang matagal nang kinikimkim na galit, selos, at sakit. Sa gitna ng kanilang paghaharap, muntik nang mahulog si Athena sa hagdan—isang sandaling nagpaunawa kay Akhiro kung gaano siya kalapit na tuluyang mawala sa buhay nito. Nailigtas man niya si Athena, hindi ito nangangahulugang maililigtas din niya ang pag-ibig na siya mismo ang sumira. Ngayon, kailangan ni Akhiro na patunayan na higit pa sa mga salita ang kaniyang pagsisisi at na tunay ang pagmamahal niya kay Athena. Ngunit matapos ang lahat ng kasinungalingan, kaya pa bang magtiwala si Athena sa lalaking minsang dumurog sa kaniyang puso? Darating ang araw na matututuhan ni Akhiro ang pinakamapait na aral—na may mga pag-ibig na dumarating lamang kapag huli na ang lahat?