SIGHWRITES
Isang kasal na nagsimula sa kontrata. Isang pag-ibig na hindi kailanman napagkasunduan.
Si Calianna Salvador ay isang babaeng sanay lumaban para sa sarili. Hindi siya naghahanap ng mayamang lalaki, hindi nangangarap ng marangyang buhay, at lalong hindi naniniwalang ang kasal ay maaaring maging solusyon sa lahat ng problema.
Ngunit nagbago ang lahat nang ialok sa kanya ni Jacob Finn De Marco, isang malamig at makapangyarihang billionaire CEO, ang isang kasal na may malinaw na kasunduan: walang pag-ibig, walang pakikialam sa personal na buhay ng isa't isa, at walang obligasyong manatili kapag natapos na ang kontrata.
Para kay Calianna, isa lamang itong kasunduan. Isang pagkakataong magsimulang muli at makalayo sa mapait na nakaraan.
Ngunit hindi niya inaasahang may isang batang babae palang unti-unting magpapabago sa kanyang mundo—si Hazel, ang anim na taong gulang na anak ng yumaong kapatid ni Jacob, na nagsimulang tumawag sa kanya ng Mommy.
Sa paglipas ng panahon, ang malamig na tahanan ni Jacob ay napuno ng tawanan, lambing, at mga alaalang hindi kailanman kasama sa kanilang kontrata. At ang lalaking nangakong hindi iibig ay siya ring unang natutong magselos, mag-alala, at matakot na mawala ang babaeng minsan niyang itinuring na bahagi lamang ng isang kasunduan.
Ngunit paano kung ang nakaraan ni Calianna ay muling bumalik? Paano kung ang mga taong pinagkatiwalaan niya ang siya palang sisira sa kanilang pagsasama? At paano kung dumating ang araw na kailangan na nilang harapin ang katotohanang ang kanilang kasal ay may hangganan?
Kapag natapos na ang kontrata, pipiliin pa rin kaya nilang manatili sa isa't isa?
Dahil minsan, ang pag-ibig ay hindi kasama sa kasunduan. Ngunit maaari itong maging dahilan upang piliin mong manatili—kahit wala ka nang obligasyong gawin iyon.
38