Bang Chan Height Novels & Stories

"Once you touch me, you're mine!" Yan ang mariin kong sinabi sa fiancé ng stepsister ko. Ako si Grace Cutanda, 25 years old — isang babaeng walang pakialam sa mga taong nasasaktan ko. Mas pinili kong maging matigas at walang puso dahil 'yan ang nagligtas sa akin mula sa mga mapanlinlang na tao. Nagbago ang lahat nang magpakasal ang aking dad sa isang oportunistang babae. Sa isang iglap, ang tahimik naming buhay ay napuno ng kasinungalingan at pagkukunwari. Kasama niya ang anak niyang tila perpektong babae sa mata ng lahat — si Bianca. Pero alam ko ang totoo. Sa likod ng kanyang mala-anghel na mukha ay isang babaeng sanay mang-agaw at manira. Hindi siya nagdalawang-isip na ipakita kung paano siya paborito ng lahat, habang ako ang laging nasa tabi, tila isang anino. At ngayon, ang fiancé niyang si Andrew — isang successful na businessman na may mapanuksong titig at nakakapanghinang presensya — ay parang isang gantimpala na ipinagyayabang niya. Pero sa tuwing nagtatama ang mga mata namin ni Andrew, para bang may lihim na pagnanasa at pagtataksil na bumabalot sa pagitan namin. Alam kong mali. Pero bakit tila ako ang mas nanaisin niyang piliin? At sa huling pagkakataon, binalaan ko siya. "Once you touch me, you're mine." Ngunit handa ba akong akuin ang mga magiging konsekwensya ng mga salitang binitiwan ko?

Si Veronica Smith, isang dalagang matalino at mabait mula sa probinsiya, ay nagpunyagi upang maiahon ang kanyang pamilya. Ngunit ang isang aksidente ay magbabago ng lahat, matapos tulungan ang matandang si Venus, inialok siya ng kasal kay Jarred Heart, isang matagumpay at napakasupladong CEO, at guwapong apo ni Venus. Wala sa plano ni Veronica ang magpakasal sa isang estranghero, ngunit sa halagang isang milyong piso para sa operasyon ng kanyang ama, pinirmahan niya ang kontrata—bawal mainlove, bawal makakaalam ang kanilang kasal, at bawal makialam sa buhay ng bawat isa. Ngunit sa kabila ng lahat, lihim na nahulog ang loob ni Veronica kay Jarred, habang para kay Jarred, ang kanilang relasyon ay isang simpleng kontrata lamang. Habang papalapit na ang araw ng annulment, nagsisimulang magbago ang lahat—may bagong manliligaw si Veronica, si Kenny Bill, isang katrabaho na may tapat na pag-ibig para sa kanya. At doon, nagising ang puso ni Jarred na mahal na pala niya si Veronica. Pero para kay Veronica, nagsimula nang mag-give up, natatakot na madurog ang kanyang puso. Maagaw pa ba ni Jarred si Veronica mula kay Kenny, o tuluyan na bang magkakahiwalay ang kanilang mga landas? Ang isang kasal na nag-umpisa bilang isang kontrata, magtutuloy kaya sa isang tunay na pagmamahalan?

Gumuho ang mundo ni Mallory nang matuklasan niya ang kanyang pagbubuntis! Ang ama? Ang kilalang propesor sa pinapasukan nitong unibersidad! Parang binuhusan siya ng malamig na tubig nang pinapili pa sa kanya ni Professor Leviste ang dalawang bagay na maaari niyang gawin…ipalaglag ang bata, o ikasal siya rito. Hindi niya alam kung saan nanggaling ang lakas ng loob upang pumayag siyang ikasal siya rito pero hindi niya naman kayang ipagkait sa bata ang pagkakataong lumaking walang ama. Sa isang iglap, ang simpleng estudyante na si Mallory ay naging “Mrs. Leviste” — asawa ng isang lalaking kilala sa katalinuhan ngunit may pusong tila yelo. Ngunit, pagkatapos ng pag-iisang dibdib ng dalawa ay magkahiwalay silang natutulog at magkahiwalay na nabubuhay sa parehong bubong. Hanggang sa isang gabi na kumatok si Theodore sa kanyang pintuan, yakap ang isang malaking unan. "Nasira ang heater sa kwarto ko," paliwanag pa nito sa malalim na boses na may bahid ng kahihiyan. "Pwede…pwede bang dito muna ako matulog ngayong gabi?" Walang nagawa si Mallory kundi ang pumayag. Isang gabi na naging dalawa... na naging araw-araw. Sa ilalim ng iisang bubong, matutuklasan kaya nila ang tunay na kahulugan ng pag-ibig, o mananatili silang bilanggo ng kasunduan na pinasok nilang pagkakamali?

Si Madison Georgette Fortunato ay isang dalawampung taong gulang na ulila na lumaki sa ampunan. Sa murang edad, natuto siyang mabuhay mag-isa habang pinagsasabay ang pag-aaral, pagiging coffee shop crew, at freelance modeling para lamang mabayaran ang renta at mabuhay nang maayos. Tahimik at simple lang sana ang mundo niya—hanggang sa makilala niya si Lucian Charles Stryker, isang batang bilyonaryong sanay makuha ang lahat ng gusto niya. Gwapo, makapangyarihan, ngunit mapanakit at wasak ang pagkatao. Nagsimula ang lahat sa isang gabing puno ng alak, musika, at matatamis na salita. Isang gabing hindi nila akalaing magiging simula ng magulong pag-ibig. Sa kabila ng babala ng utak niya, unti-unting nahulog si Madison sa lalaking puno ng sikreto at kasinungalingan. Ngunit habang lalong lumalalim ang relasyon nila, unti-unti ring nabubunyag ang madilim na katotohanan tungkol kay Lucian—ang pamilya nito, ang ibang babaeng ipinapakilala bilang kasintahan, at ang mundong hindi kailanman magiging para sa isang simpleng babae tulad niya. Hanggang sa isang gabi, tuluyan siyang nasaktan at piniling lumayo. Bitbit ang wasak na puso at isang sikretong hindi alam ni Lucian… umalis si Madison habang dala-dala ang anak ng bilyonaryo.Pagkalipas ng ilang taon, muli silang pagtatagpuin ng tadhana. Ngunit sa pagbabalik ni Madison, handa pa bang mahalin ni Lucian ang babaeng iniwan niya noon—o muli niya lamang itong sisirain?

Alex ang mayamang pangalawang henerasyong tagapagmana ng prestihiyosong pamilyang Ambrose, sa wakas ay natapos na ang kanyang pitong taong mahabang programa sa pagsasanay sa kahirapan. Minsan ay isang milyonaryo ay hinubaran siya ng kanyang kayamanan upang malaman ang halaga ng pera at pagsusumikap. Ngayon, nabawi na niya ang kanyang pagiging milyonaryo. Ngunit sa wakas ay makakatagpo na ba ng kaligayahan at pag-ibig si Alex ngayong mayaman na ulit siya? Tunay bang ginto ang lahat ng kumikinang? Sa muling pagpasok ni Alex sa mundo ng kayamanan at pribilehiyo, dapat niyang i-navigate ang mga hamon ng pagkakasundo ng kanyang mga nakaraang karanasan sa kanyang kasalukuyang katotohanan. Nagbago ang mga tao sa paligid niya, at ganoon din siya. Ang mga dating kaibigan at bagong kakilala ay susubok sa kanyang integridad, habang ang mga potensyal na pag-iibigan ay magtatanong sa kanya ng tunay na kahulugan ng pag-ibig at kaligayahan. Samahan si Alex sa kanyang paglalakbay nang matuklasan niya na ang kayamanan lamang ay hindi makakabili ng pinakamahalagang bagay sa buhay. Makakahanap ba siya ng tunay na kaligayahan at pag-ibig, o ang mga bitag ng kayamanan ay magdadala sa kanya sa landas ng kawalan ng laman at kababawan? Tuklasin ang mga kumplikado ng kanyang buhay sa isang kuwento ng pagbabago, pagtuklas sa sarili, at paghahanap ng tunay na katuparan.

Hindi akalain ni Victoria na isang patibong pala ang lahat upang makatakas ang kapatid sa isang responsibilidad na hindi nito kayang panindigan. Nasira ang buhay ni Victoria sa kagagawan ng isang estranghero dahil na rin kay Victorina. Nawala ang lahat sa kanya at nagbunga pa ang isang gabing pagniniig nila. Tiniis ni Victoria ang lahat para sa mga anak. Pagkalipas ng limang taon, lihim siyang umuwi sa Pilipinas kasabay ang bantang pagbabayarin ang lahat ng taong may kagagawan ng kanyang pagdurusa. Samantalang mahigpit ang pangangailangan ni Xander ng bagong sekretarya, isang istriktong CEO ng Mondragon Textile Company. Malamig ang pakikitungo nito sa kahit kanino maliban kay Victoria na bagong salta. Sa unang pagkikita nila ay may kung anong tibok ang naramdaman niya dito. Hanggang magkaroon ng car accident si Victoria. Doon niya nakita ang batang lalaki na kamukhang – kamukha niya. Pagkagising ni Victoria mula sa comatose estate ay pinapirma siya ng CEO sa isang marriage contract. Sa kabila ng pagkabigla ay pumayag ito ngunit mas matindi pa sa bomba ang kanyang nalaman. Siya ang ama ng kanyang kambal. Gustuhin man niyang tumakas sa poder ng CEO ay hindi niya magawa dahil sa laki ng utang na loob nito. Mananatili bang utang na loob ang lahat o susubukan niyang mahalin si Xander kabila ng kanyang paghihiganti? Palalayain ba ni Xander si Victoria at bubuuin ang kanilang pamilya?

Sa loob ng anim na taon nilang pagsasama, walang ginawa si Zia kung hindi ang maging mabuting may bahay at suportahan ang negosyo ng kaniyang asawa. Matapos niyang matuklasan ang matagal ng pagtataksil ni Ace, ang kaniyang asawa, nagpasya siyang ayusin muli ang kaniyang karera at bawiin ang kung anumang nararapat para sa kaniya. Buo na ang loob niyang makipag-diborsyo. Gayunpaman, naniniwala si Ace na ang pisikal na pagtataksil ay isang kasalanang mapapatawad pa kaya't ginawa niya ang lahat para mabuong muli ang tiwala ni Zia pero huli na ang lahat. Habang nalulunod sa galit at sakit ay aksidenteng nakaniig ni Zia si Zayn Alexander Evans, ang makapangyarihan at dominanteng bilyonaryo na siyang tiyuhin din ng kaniyang taksil na asawa. Ipinahanap siya nito pero ibang babae ang nagpakilala rito at sa takot na mabunyag ang kanilang aksidenteng kasalanan, nanatiling tahimik si Zia hanggang sa tuluyan na siyang nakaalis sa kasal na unti-unting sumasakal sa kaniya. Matapos makamit ang kalayaan, pagbibigyan ba ni Zia ang kaniyang sariling maging masayang muli sa piling ng tiyuhin ni Ace? Paano kung alukin siya nito ng kasal? Hahayaan niya bang isipin ng ibang tao na kaya siya nakipaghiwalay sa kaniyang asawa ay dahil nais niyang pakasalan ang tiyuhin nito? Ang lalaking walang awa at malamig sa lahat ngunit sobrang maalaga at malambot ang puso pagdating sa kaniya.

Si Althea ay isang simpleng dalaga na hindi inaasahan ang magiging kapalaran niya—napunta sa isang kontrata na magiging fiancée ng isang milyonaryong si Dominic. Sa una, iniisip niya na ito ay basta trabaho lang, isang paraan para matulungan ang pamilya at makaligtas sa mga utang. Ngunit habang lumalalim ang kanilang pakikisalamuha, napapansin ni Althea ang kakaibang init at tensyon sa pagitan nila. Si Dominic, malamig at kontrolado sa harap ng iba, ay nagiging iba kapag magkasama sila—malapit, mapang-akit, at minsan ay halos aminin ang nararamdaman niya. Sa bawat araw, lalong nagiging mahirap para kay Althea na pigilan ang damdamin niya para sa lalaking iyon. Ang kontrata ay tila ba unti-unting nagiging mahigpit na gapos, ngunit sa likod nito ay nagkakaroon ng pagkakataon ang dalawang puso na magtagpo. Ngunit paano kung ang pagmamahal ay nakatali sa kasinungalingan ng kontrata? Paano haharapin ni Althea ang mga tukso, selos, at emosyon na hindi niya inaasahan? At si Dominic, handa na bang aminin ang lahat ng nararamdaman niya, o mas pipiliin niyang panatilihin ang kontrol at itago ang puso niya sa mundo? The Billionaire’s Unwanted Fiancée ay isang kwento ng slow-burn romance, mga lihim ng puso, at unang halik na puno ng kilig at tensyon—isang gabay sa paglalakbay ng dalawang pusong tila ba hindi dapat magsama, ngunit hindi kayang iwasan ang isa’t isa.

LEXIE ZIMMERMAN- Isang simpleng babae na puno ng dignidad, nangangarap ng isang simpleng buhay na may kapayapaan ngunit mahirap para sa kan’ya na makaalis sa poder ng mga Terorista. Ang unang misyon ni Lexie ay patayin si Cedric ngunit dahil sa maling impormasyon na natanggap niya, nabigo ang kanyang misyon. Sa halip na patayin si Cedric, iniligtas pa niya ito. Idineklarang traydor sa kanilang grupo ang dalaga, dahilan kung bakit gusto siyang patayin ng mga kasamahan niyang terorista. CEDRIC HILTON- Sa edad na 34 ay naging matagumpay sa buhay, siya ang batang bilyonaryo na naging Governor ng Montenegro City. Naging obsessed sa babaeng nagligtas ng kanyang buhay. Hindi tumigil ang binata sa paghahanap sa dalaga hanggang sa natagpuan niya ang pamilya nito. Pwersahan niyang ipinakasal sa kanya ang dalaga, ngunit isang pagkakamali ang naging desisyon ng binata dahil ang babaeng pinakasalan nito ay ang identical twin ni Lexie, si Chloe Tanner. Ano ang gagawin ni Cedric kung malaman niya na ang babaeng kinahuhumalingan ay isang Terorista? May pag-asa pa bang magkatuluyan ang dalawa, gayong kasal na ang binata sa kakambal ni Lexie? Ano ang mangyayari kapag nagsama sa iisang bubong ang supladong Governor at ang makulit na dalagang Terorista? Siguradong babaligtad ang mundo mo dito. Samahan n’yo akong pasukin at tuklasin ang mundo ni Lexie Zimmerman at Cedric Hilton sa “Don’t Mess with Me.”

Hulog ng langit kung ituring ni Evie si Amora. Dumating ito sa buhay niya kung saan nasa gitna siya ng kagipitan. Pero sa tuwing nagtatama ang mga tingin nila ng ama nitong si Russell ay impyerno ang hatid niyon sa kanya— init na nagmumula sa kung saang hindi niya maintindihan. Mommy kung tawagin siya ni Amora gayong yaya lang naman siya nito. Paano kung ang susunod na offer sa kanya ni Russell ay hindi na bilang nanny ng anak niya? Paano rin kung sa paglipas ng panahon, hindi na siya kilalaning 'mommy' ni Amora? ----- Ang batang si Amora ay lalaking puno ng galit kina Evie at Russell. Hindi na siya ang inosenteng bata, kundi siya ay magiging si Gray, isang matapang at nakakatakot na nilalang. At tulad ni Evie ay magiging 'nanny' rin siya ng isang makapangyarihang mafia lord. Sa paglipas ng panahon ay magiging mortal silang kaaway. May pag-asa bang magkapatawaran o mananaig ang kasamaan? ---- Si Alliyah, isang batang naging parte ng misyon ni Gray na siiyang dahilan kung bakit lalambot ang pusong bato nito. Ngunit paano kung magaya si Alliyah kay Gray? Lumaki na puno ng pagkamuhi sa kanya. Anong gagawin ni Gray para maisalba ang batang nagpamulat sa kanya? ---- Tatlong babaeng may iba't ibang kwento pero may iisang tapang at prinsipyo. Mananaig ba ang kabutihan o aapaw ang kasamaan?