Init Ng Paghihiganti Mga Nobela at Kwento

Nang dahil sa pagkasawi ng mga magulang na parehong miyembro ng isang secret agency ay tumatak sa isip ni Veron Stacey Santibañez ang isang lihim na paghihiganti sa mga taong pumaslang sa mga mahal niya sa buhay. Upang magawa ang nais na paghihiganti ay pumasok rin siya bilang isang secret agent sa organisasyong pinagsisilbihan ng mga magulang noon. Kailangan niya ang organisasyon at ang mga nalalaman nito para maisagawa ang paghihiganti. Sa mga misyong kinakaharap ni Veron ay makikilala niya si Ynzo Abraham Tolledo. Ang makisig, guwapo, ngunit pinakamalaking malas na nakilala niya sa buong buhay niya. Ito ang lalaki na ubod ng yabang at saksakan ng glue na dikit nang dikit sa kaniya sa lahat ng oras. Hindi niya alam kung trip lang ba siya nitong paglaruan o talagang malakas lang ang sapak nito. Isa lang itong lalaking walang ibang kailangan kundi ang makahanap ng babaeng mapapangasawa dahil kung hindi ay wala raw itong mamanahin mula sa mga magulang ‘pag tuntong nito sa edad na tatlumpu. At sa lahat ng babaeng minamalas ay siya pa ang nakita nitong alukin ng kasal-kasalan para lamang makuha ang ninanais nitong mana. Akala ni Veron ay simpleng bagay lang ang inaalok ni Ynzo. Napag-alaman niyang malaki ang maitutulong ng lalaki upang makuha niya ang hustisyang inaasam-asam niya. Kaya kahit may mahal nang iba ay napilitan pa rin siyang kumapit sa patalim. Pareho naman silang makikinabang ni Ynzo sa kasalang iyon. Ngunit may isa sa mga kondisyon na kanilang napagkasunduan. No feelings attached. Ang lahat ng magaganap mula sa araw ng kasal hanggang sa matapos ang misyon ay walang halong damdamin o pag-ibig. Mapanindigan kaya nila ang pinasok na laro? O pareho silang mapapahamak sa mabilis na bala ng pag-ibig na tatama sa kanila?

Tinanggap ni Maribel Lopez ang maging other woman ni Calixto Condor dahil mahal niya ito. Hindi naman niya pinagsisihan ang naging desisyon dahil naging masaya siya sa piling ng lalaki, na hindi naglihim sa pagiging pinuno ng mafia. Kaya naman tumagal ang kanilang pagsasama hanggang sa magkaroon sila ng anak, na binuhay nilang limitado ang pakikisalamuha sa kapwa. Si Alexa, na lumaki at nagkaisip na may pribadong buhay. Pero dahil din sa pag-ibig ay binuksan ang sariling mundo para papasukin ang isang guwapong estangherong binata. Si Kaizer John Avila, na natagpuan niya sa gitna ng kalsada habang malakas ang buhos ng ulan. Walang malay-tao ang lalaki, na isa palang pinuno ng mafia. Bagay na nalihim sa kanyang kaalaman dahil malayo ito sa hitsura nito. Kahit may pasa ito sa pisngi at may sugat sa noo ay napaka-amo ng mukha. Kaya iniligtas niya ito sa naka-ambang sakuna at inalagaan hanggang sa gumaling. Inilihim sa kanya ni Kaizer John na ipinakidnap ito ng kalaban, na gustong makuha ang pagiging pinuno ng mafia. Kaya nanatili ito sa kanyang bahay hanggang sa gumaling. At lumakas. Bagay na naging dahilan kaya lihim na nakilala nito ang kanyang Ama na si Calixto Condor. Nagkaroon din ito ng pagkakataon na matuklasang si Alexa ang itinatagong anak sa labas ni Calixto, na batid na nagpakidnap dito. Kaya gumawa ito ng paraan para manatili pa ito sa kanyang bahay, na ang pakay ay gamitin siya sa paghihiganti sa sariling Ama. Mawawalan kaya ng saysay ang pagmamahal na iniukol ni Alexa para kay Kaizer John? Paano niya matutuklasang pinuno pala ng mafia ang iniibig na lalaki, na nais patayin ng kanyang Ama para mabawi dito ang kapangyarihan sa hinahawakang grupo? Wala nga kaya itong nararamdamang pag-ibig sa kanya at ang tanging mananaig ay ang paghihiganti?

WARNING: R+18 Dahil sa malubhang karamdaman ng kanyang ina, napilitan si Trina na pumalit bilang kasambahay sa kilalang pamilya Aravazon. Doon niya nakilala ang kanyang amo, isang ubod ng istrikto at misteryosong lalaki, kilala bilang halimaw sa mundo ng negosyo, ang bilyonaryong Russian na si Ark. Dahil ang tanging pinagkakatiwalaan ni Ark ay ang ina ni Trina, wala siyang nagawa kundi tanggapin ang dalaga sa kanyang tahanan. Ngunit sa paglipas ng mga araw, unti-unti siyang nahuhulog kay Trina, isang bagay na alam niyang hindi dapat mangyari. He’s thirty-six, wala pang naging asawa o seryosong karelasyon, habang si Trina ay dalawampu’t lima pa lamang, no boyfriend since birth. Ang tanong, magustuhan din kaya siya ni Trina? O tuluyan niya itong itataboy dahil sa laki ng agwat ng kanilang edad at sa mga sandaling nagdudulot ng init sa pagitan nila?

DE GUIA SERIES 1: The Hate List Magpapakasal na ang boyfriend of 5 years ni Erin - pero hindi siya ang bride. At ang mang-aagaw na pakakasalan, isusuot ang pangarap niyang wedding gown! Sa ibang pang balita, na-promote ang ex-bestfriend niyang two-faced. Nabigyan ng entrepreneurial award ang ex-boss niyang kontrabida. At lumalapad ang waistline niya! Nang asarin siya ng daigdigan, parang sasabog na bulkan si Erin. Isinumpa niyang lintek lang ang walang ganti! Ito ay isang kuwentong punumpuno ng galit, paghihiganti, kapalpakan at nagwawalang hormones. Na may kasamang isang masugid na lalaking nangangako ng katakam-takam na abs kay Erin - si Adam. Will she get to the end of her hate list or will she cross out everything and find the love of her life beside her?

Isang pagkakamali. Isang gabi. Isang sikreto. ​Para kay Cassidy Alcasid, si Rafael Monteverde ang kaisa-isang lalaking minahal niya nang patago sa loob ng tatlong taon. Pero para kay Rafael—ang ruthless at cold na CEO—si Cassidy ay isa lamang efficient secretary na pwedeng palitan. ​Ngunit dahil sa isang maling keycard, nagbago ang lahat. Isang gabi ng init ang nauwi sa isang puting sobre at tseke na tila bayad sa isang hamak na "service." Ngayong ikakasal na si Rafael sa isang mayamang heiress, balak na sanang tumakas ni Cassidy bitbit ang kanyang resignation letter... at ang anim na linggong sikreto sa kanyang sinapupunan. Pero paano ka makakatakas kung ayaw kang bitawan ng lalaking hindi marunong tumanggap ng salitang "ayoko"?

My Baby’s Daddy Is My Ruthless Boss (SPG) Matapos mahuli ni Arch. Alex Reyes ang fiancé niyang may relasyon sa sarili niyang best friend sa mismong engagement party nila, isang gabi ng alak, galit, at kahinaan ang tuluyang sumira sa maayos niyang buhay. Sa gabing pilit niyang kinakalimutan, nakilala niya ang isang delikadong estrangherong nagdala sa kanya sa isang gabing puno ng init, tukso, at padalos-dalos na desisyon. Akala ni Alex, mananatili na lang iyong isang pagkakamali na hindi na niya muling babalikan. Pero ilang linggo matapos ang gabing iyon, natuklasan niyang buntis siya. Takot na muling masaktan at iwan, pinili niyang mawala nang tahimik at palakihing mag-isa ang batang dinadala niya. Anim na taon ang lumipas, muling nagkrus ang landas nila nang matanggap si Alex sa pinakamakapangyarihang kompanya sa bansa. Ngunit sa unang araw pa lang niya sa trabaho, parang gumuho agad ang mundo niya. Dahil ang ruthless billionaire CEO na haharap sa kanya ay walang iba kundi si Azrael Laurent. Ang lalaking nakasama niya sa gabing hindi niya malimutan at ang ama ng kanyang anak. Hindi alam ni Alex na matagal nang hinahanap ni Azrael ang babaeng nakasama niya six years ago. Kaya nang matuklasan nitong si Alex pala ang babaeng iyon at ang batang kasama nito ay sarili niyang anak, hindi siya nagdalawang-isip na angkinin ang dalawa. Handa siyang pakasalan si Alex, protektahan ito, at tulungan sa paghihiganti laban sa mga taong sumira rito. Ngunit higit pa roon, determinado si Azrael na gawin ang lahat para tuluyang mahulog sa kanya ang babaeng matagal na niyang hinahanap. Pero hindi ganoon kadaling magtiwala si Alex. Lalo na sa isang lalaking kilala sa pagiging malamig, dominante, at mapanganib. Magiging sapat kaya ang pagmamahal para paghilumin ang sugatang puso ni Alex?

"Pinalaki kita ng napakaraming taon, kung hindi mo bibigyan ng bahay at pera ang kapatid mo, kalimutan mo nalang ang pamilya natin!" sigaw ng mala monster na mama ni Queenilyn Sanchez na walang ibang mahalaga sa kaniya kundi pera. Sa murang edad ay nakaranas ng kalupitan si Queenilyn sa mismong nagsilang sa kaniya sa mundo. Dahil dito ay napadpad siya sa isang mayamang binata na iniwan ng kaniyang girlfriend matapos maaksidente at hindi na tinuloy ang kasal, si Lexber Griffin. Nang malamang bumalik na ang babaeng papakasalan sana noon ay agad niyang inalok si Queenilyn para mag-asawa sila. Ano kaya ang balak ni Lexber?Paghihiganti lang ba sa kaniyang ex-fiancee ang agaran niyang pag-alok kay Queenilyn ng kasal o sadyang mahal niya ang batang dalagang ito?

Punong puno ng puot si Melanie Vergara. Kung akala ng pamilya ni Blake Ortega na naubos ng mga ito ang lahi niya, malaking pagkakamali nila ito dahil nagbabalik siya para singilin ang mga ito. Nag-antay lang siya ng tamang tiyempo para umiksena. At nakakita na nga siya. Nilaslas niya ang mga gulong ng sasakyan ni Blake bago siya sumugod dito to the rescue. Iisa lang ang kanyang mithiin- si sirain niya ang lahat ng operation ni Blake pero ililigtas niya rin ito kunwari. Two birds in one stone kumbaga. Ang di lang niya pinaghandaan ay ang karisma ni Blake. Makalaglag panty pala ang kaguwapuhan nito. Paano na lang ang paghihiganti niya kung bawat lapit ni Blake sa kanya ay nanginginig ang kanyang laman sa excitement?

Sa loob ng isang gabi, nawala ang lahat kay Tala Valerio. Ang kanyang dangal, ang kumpanyang pinaghirapan, at ang lalaking akala niya ay pakakasalan niya. Nahuli niya ang kanyang fiancé at sariling kapatid sa isang akto ng kataksilan na naging dahilan ng kanyang pagpapatalsik sa sariling pamilya. Habang basang-basa sa ulan at walang matakbuhan, isang itim na sasakyan ang huminto sa kanyang harapan. Sa loob nito ay ang lalaking pinaka-kinatatakutan ng kanyang ama—ang bilyonaryong si Rocco De Silva. ​May alok si Rocco: Isang bagong buhay, proteksyon, at ang pagkakataong mapabagsak ang mga taong sumira sa kanya. Ang kapalit? Kailangan niyang maging pag-aari nito at magpanggap bilang fiancée. ​Tatanggapin ba ni Tala ang kasunduan kung ang kabayaran ng kanyang paghihiganti ay ang sarili niyang puso?

Isang kasal na walang pag-ibig—iyon lang ang turing ni Hunter kay Ayla. At nang muling bumalik ang kanyang unang mahal, wala siyang pagdadalawang-isip na iwan si Ayla at burahin ang lahat ng mayroon sila. Pero hindi lahat ng iniwan ay nananatiling mahina. Muling bumangon si Ayla, hindi na bilang biktima kundi bilang isang babaeng handang gumanti. Ngunit habang papalapit siya sa kanyang layunin, isang tanong ang unti-unting bumabalot sa kanyang puso—paghihiganti ba talaga ang gusto niya… o ang patunayan na siya ang dapat pinili? Sa laban ng nakaraan at kasalukuyan, ng pag-ibig at galit—hanggang saan kayang sirain ni Ayla ang isang taong hindi naman siya minahal? At kapag dumating ang huli, sino ang tunay na matatalo?