ARUNA LOVE : TUNANGAN KAKAK TIRIKU

"ARE YOU DAMN CRAZY?!"

Namula ang pisngi ni Czarina sa hiya dahil sa lakas ng sigaw ni Zayden, ang kanyang asawa. Napatingin ang karamihan ng tao sa gawi nila.

Sa kabila ng bulungan, ay nanginginig pa rin sa takot at sa lamig si Czarina habang balot na balot ng tuwalya.

"Nakita mo na ang ginawa mo? If you want to die, die alone. Huwag kang mandamay ng ibang tao," galit na sabi ni Zayden. Madilim ang mukha nito at hindi na kinokontrol ang sinasabi.

"Bro, stop it, you're scaring her--"

Itinulak ni Zayden ang kamay na humarang sa kanya kay Czarina. Kinakabahan ang babae sa mga mata ni Zayden, na animo'y handa siyang saktan ano mang oras.

Namumula na ang pisngi at ilong ni Czarina at mukha na itong kaawa-awa pero walang pakielam doon si Zayden.

"Zi--" nanginginig na sabi ni Czarina.

"Stop calling me with that name!" Dumagundong sa buong area ng pool ang boses ni Zayden. "Hanggang kailan ka ba magiging ganito, ha? Bakit ba lagi mo nalang sinasaktan si Chloe? May masama ba siyang ginawa sa'yo?"

Umiling-iling si Czarina. Sumisikip ang dibdib niya at naluluha na siya sa dire-diretsong matatalim na salita ni Zayden. Gusto niyang ipagtanggol ang sarili pero tila sarado na ang utak ng lalaki para pakinggan pa siya.

"Hindi ko siya tinulak--"

"Oh, come on!" His brows drew together. "At ano sana ang nangyari? We were all here. Alam namin na kayo lang ang dalawang nandito kanina. Alam kong hindi tatalon si Chloe diyan o ipapahamak ang sarili niya dahil takot siya sa tubig. And you also know that!"

"Zi--"

Hinila ni Zayden ang braso ni Czarina palabas ng resort. Nagpumiglas ang babae.

"Magso-sorry ka ngayon din kay Chloe. You're being unreasonable, Czarina."

Nalaglag ang panga ni Czarina sa narinig. Kumuyom ang dalawang kamao niya at sa mga sandaling iyon ay nahirapan siyang huminga.

Hindi niya tinulak si Chloe. Nakikipagtalo ito sa kanya kanina at nagtangka ang babae na itulak siya sa pool. Czarina is afraid of waters. Noon ay hindi siya takot maski gaano kalalim pero mula noong mangyari ang kidnapping incident four years ago, deep waters and pools scared her to death.

Sa sobrang kaba nito kanina ay nahila niya ang kamay ni Chloe upang hindi siya tuluyang mahulog pero nahila niya ito pababa.

Doon nagsimula ang pagtatalo nilang mag-asawa ngayong gabi. Zayden always favor Chloe. Sa buong tatlong taon ng pagsasama nilang mag-asawa, maraming beses na nito pinaramdam sa kanya na mas importante si Chloe sa kanya.

"Hindi ako magso-sorry kasi wala naman akong kasalanan sa kanya," matapang na sagot niya pero may luha ang mga mata. Hindi iyon gaanong kita ni Zayden dahil basa ang mukha ng babae at kaaahon lang sa pool.

'Natatakot din ako, Zi. Paano naman ako?' aniya sa isipan habang nakatingin sa lalaking mahal na mahal niya.

Ilang beses na ba niyang pinili si Zayden? At sa dami ng beses na iyon ay ni minsan hindi iyon binalik ng lalaki sa kanya.

Kanina, ang lahat ng tumulong sa pag-rescue sa kanila at pangunahin na roon si Zayden, ay kay Chloe nagpunta.

"Really? Are you gonna be like this? Alam mong takot siya sa tubig, and yet, ginawa mo pa rin? Ganyan ka na ba talaga ka-desperada?"

His words struck her. Parang sinagasaan ang puso niya sa mga narinig. Nanghihina pa rin siya dahil sa takot pero mas nanghihina siya sa mga naririnig mula kay Zayden.

Malungkot ang mga mata na sinalubong niya ang galit na mukha ni Zayden.

"I'm your wife, Zi," malungkot na sabi niya kasabay ng isang luhang tumulo sa kanyang kaliwant mata. Kinagat niya ang ibabang labi bago tinagilid ang mukha at pasimpleng pinunasan iyon. "Pero mas nagiging asawa ka pa sa kanya. Do you loathe me that much?"

"Oh, so gagamitin mo pala ang wife-card mo ngayon? You're really a brat, Czarina. Tinulak mo sa pool at muntik na malunod si Chloe, pero heto ka at inirarason na asawa kita--"

"Hindi ko iyon nirarason," agad na sagot niya. "Sinasabi ko lang na sana pakinggan mo rin ako. After all, I am your wife, Zi."

"Zayden," pag-correct nito. "Sinabi ko ng 'wag mo akong tinatawag sa pangalan na iyan, 'di ba? Are you deaf? At kung asawa ang usapan, alam mo ang dahilan kung bakit tayo kinasal. This marriage is purely business and it's because of you. Kung hindi dahil sa pamilya ko, matagal ng tapos ito."

Czarina bit the insides of her cheeks. Pinipigilan niya ang mga luhang gustong lumabas mula sa kanyang mga mata. Masyado na siyang mahina sa mata ni Zayden at ayaw niya ng mas magmukha pa siyang mahina lalo..

"Mahal mo ba talaga siya?" marahang tanong niya sa lalaki. Hindi niya alam kung kakayanin niya bang marinig ang sagot nito pero tinanong niya pa rin.

"Alam mo ang sagot diyan," sambit ni Zayden. Nakatunghay siya sa babaeng emosyonal ang mukha sa kanyang harapan. Nakakaawa ang itsura nito.

Mahuhulog na sana siya sa patibong nito kung hindi niya lang naalala ang ginawa nito kay Chloe. Chloe almost died because of her. Kung dati ay maliliit na pranks lang ang ginagawa niya para saktan si Chloe, ngayon ay tila sumobra na ito.

May phobia si Chloe sa tubig dahil niligtas nito noon si Zayden sa masasamang tao. He was taken by a group of men. Nakita iyon ni Chloe at sinundan sila gamit ang motor. Tumawag kaagad ng tulong ang babae sa mga pulis at sa huli ay nakatakas si Zayden at ito ang napahamak.

She was thrown on the ocean. Nakatali ang kamay at paa kaya hindi nito mailigtas ang sarili niya. She got scars on her body.

Mula noon ay pinangako ni Zayden na aalagaan niya ang babae. Pero nagulo ang lahat ng iyon nang ipilit ni Czarina na siya ang maikasal kay Zayden. At ang Hart family ay gustong-gusto ang anak ng mga Laude. Doon nagsimulang magulo ang mga buhay nila.