Chapter 16

        Mabilis na kumalat sa kanilang lugar ang ganap sa pamilya Trevino. Hindi man tsimoso at tsismosa ang mga tao sa kanila, batid niyang nakaabot na rin sa kaalaman ng kanyang mga magulang at kapatid ang pangyayari.

     Kasalukuyan silang nasa hapag kainan at nag - aalmusal. 

     "How's your sleep anak?" tanong ng ama sa kanya.

      "Okay lang naman po." aniya sa pagitan ng pagsubo ng pagkain. Pilit niyang nilulunok ang pagkain kahit ang totoo, wala talaga siya sa mood kumain.

       Napasulyap naman siya sa kanyang kapatid na kagaya ng ina ay nakamasid sa kanyang ginagawa. Agad itong umiwas ng tingin at nagkunwang busy sa pagkain.

       Hindi man sabihin ng mga ito, ramdam naman niya sa nakikisimpatyang tingin ng mga ito ang malasakit sa kanya. Mas lalong naging attentive sa kanya ang mga magulang maging ang kanyang Kuya Achil