Chapter Six: Dilemma

"Jane ang gulo ng isip ko!" ani Alexa sa matalik na kaibigan na si Jane.

Nandito siya ngayon sa bahay ng kaibigan dahil pinilit niya na dito siya ihatid ni Luis.

Noong una ay ayaw na ayaw talaga ng lalaki pero sa huli napilit rin niya ito nang sabihin niya na gusto muna niya na pag-isipan ang alok nitong kasal.

Ang totoo sinabi lang naman talaga niya iyon para papayapain ang init ng ulo ng lalaki. Daig pa kasi nito ang bata na nagkakasumpong kapag patuloy niyang sinasabi na hindi niya pakakasalan ito.

"Magulo nga iyang pinasok mo Bessy! Eh sino ba kasi ang nagsabi sa'yo na ibigay mo iyang bataan mo doon sa mayamang lalaki na iyon?", ani Jane.

Humalukipkip siya at itinukod ang kamay sa baba. Mula sa bintana ay natatanaw niya ang mga batang masayang naglalaro sa labas.

"Mabuti pa sila Jane walang problema!"

"A sus! Madali lang naman kasi ang solusyon diyan sa problema mo eh!", mataray na ani Jane.

"Ano?!"

"Pakasalan mo na lang si Luis Antonio dela Merced! Hindi naman talaga problema iyan mayaman naman iyon at guwapo, daig mo pa ang nanalo sa loto di ba?", tumayo ang babae at kunway pumunta sa maliit na kusina.

May dala na itong sandwich at orange juice pabalik saka inabot iyon sa kaibigan.

"Jane, hindi ko siya mahal!"

"At sino naman ang mahal mo si Jake pa rin? Oo nga pala kaya mo nga pala binenta ang sarili mo na ngayon ko na lang nalaman ha ay dahil diyan sa lalaki na iyan! O e ano? Ano naman ang napala mo ngayon? Sa halip na ipagpatayo ka niya ng monomento pinalayas ka pa!", pinaikot ni Jane ang mata at matalim na tiningnan si Alexa.

"Jane nagawa ko lang naman iyon dahil ayokong mawala si Jake! Hindi kaya ng konsensya ko! Mula nang maulila ako sila na ang kumupkop sa akin!", ani Alexa na hilam ng luha ang mga mata.

"Yun na nga di ba? Sana naman kung hindi ka niya matanggap bilang kasintahan hindi ka naman sana itinaboy na parang wala kayong pinagsamahan!"

"Paano na ako ngayon Jane? Hindi ko alam kung tatanggapin pa ba ako ng private school na pinapagtrabahuhan ko knowing na disgrasyada ako!"

Lumapit si Jane at niyakap nang mahigpit ang kaibigan. Hinaplos halos niya ang likod ni Alexa upang papayapain ito dahil alam niya na hindi makakabuti sa kalagayan ng babae ang labis na sama ng loob dahil sa nagdadalang tao ito, baka ma apektuhan pa ang baby sa sinapupunan ng kaniyang matalik na kaibigan.

Kumuha so Jane ng tissue at ibinigay iyon Kay Alexa.

"Maghanap ka na lang siguro ng ibang trabaho Bessy, kaya lang saan naman? Kailangan mo talaga ngayon ng trabaho dahil magkaka-anak ka na!"

Hinaplos ni Alexa ang impis niyang sinapupunan at nakaramdam siya ng awa para sa sarili at para sa kaniyang anak.

Pakiramdam niya hindi pa man niya naisisilang ang bata ay kinamumuhian na ito ni Jake. Ngunit si Luis.... ang mayamang lalaki na nakabuntis sa kaniya handa nitong ibigay ang lahat para sa kaniyang anak.

Handa si Luis na pakasalan siya upang maipagkaloob niya nang ganap ang sarili niyang pangalan sa bata.

Hindi pa man naisisilang ang kaniyang anak ay gusto na itong mahalin at pangalagaan ng sarili nitong ama.

Naisip niya ang kaniyang mga paghihirap nang tuluyan na siyang maulila sa mga magulang. Naging mabuti ang nanay ni Jake sa kaniya dahil binihisan, pinakain at pinag-aral pa nga siya ngunit sa kaniyang puso... sa kaloob loban niya ay patuloy pa rin siya nangungulila sa pagmamahal ng mga magulang niya sa kaniya.

Ayaw niya na maranasan iyon ng kaniyang anak. Ayaw niya na sapitin ng kaniyang anak ang lahat ng hirap na naranasan niya.

Tama ba na pakasalan niya si Luis alang-alang sa magandang buhay na naghihintay sa kaniyang anak?

Tiyak na magiging kumportable ang buhay ng bata, Isa sa pinaka mayaman na tao sa bayan nila si Luis.

Ngunit siya paano na siya?

Magagawa ba niyang ipagkaloob ang sarili nang paulit-ulit sa lalaki kahit hindi naman niya ito minamahal?

Wala siyang ideya kung anong uri ng pagkatao mayroon ang isang Luis Antonio dela Merced.

"Jane ano ba ang dapat kong gawin? Nalilito ako, natatakot rin ako na baka totohanin ni Luis ang sinabi niya na kukunin niya ang anak ko at ilayo niya ito sa akin sa oras na hindi ako pumayag sa gusto niya!", naiiyak na ani Alexa.

"Bessy, hindi kaya mas mainam na kung saan ka nadapa dun ka na lang din bumangon? I mean bigyan mo na lang ng magandang buhay yang bata na iyan. Isa sa pinaka mayaman sa bayan natin si Luis tiyak na ganda ang buhay mo at ang bata piling niya, di ba? kalimutan mo na lang si Jake total wala na rin naman siya pakialam sa'yo at sa bata kahit na alam naman niya na nagawa mo lang iyon para sa kaniya. Kausapin mo si Luis alamin mo ang totoong plano niya at saka ka mag desisiyon!",mahabang paliwanag ni Jane kay Alexa.

"Isa lang ang sigurado ko Jane hindi maaring ilayo ng kahit na sino ang batang ito sa akin, kahit pa ng sarili niyang ama!"