Code Blue: In Love

Dalawang pusong pinagtagpo ng tadhana sa isang hindi inaasahang pagkakataon. Sa unang pagkikita pa lamang nila, nahulog na ang loob ni Irish Montenegro kay Dr. Jordan Villanueva, ang seryoso, dedikado, at pinakamahusay na doktor sa kanilang bayan. Isang simpleng pagtatagpo sa ospital ang naging simula ng paghanga ni Irish sa lalaking hindi n’ya akalaing magiging pinakamahalaga sa kan'yang buhay. Sa paglipas ng panahon, mas naging madalas ang kanilang pagkikita. Mula sa mga simpleng usapan, sabayang pag-inom ng kape, at mga pagkakataong hindi nila inaasahang magkakasama, unti-unting nabuo ang isang espesyal na samahan. Hindi alam ni Irish na dahan-dahan na ring nahuhulog ang loob ni Jordan sa kan'ya. Ngunit nagbago ang lahat nang bumalik si Nicole, ang dating nobya at first love ni Dr. Jordan. Determinado itong bawiin ang doktor at hindi tinigilan ang panggugulo sa kanilang dalawa. Upang tuluyan na silang tigilan, napagdesisyunan nina Jordan at Irish na magpanggap na mag-asawa. Habang pinaninindigan nila ang kanilang pagpapanggap, mas lalo namang naging totoo ang kanilang nararamdaman. Ang mga kilos na dati'y bahagi lamang ng plano ay nauwi sa tunay na pagmamahalan. Ngunit nang akala nila’y sa wakas ay magiging masaya na ang lahat, isang trahedya ang sumubok sa kanilang pag-iibigan. Naaksidente si Irish at malubhang nasugatan. Ginawa ni Dr. Jordan ang lahat upang mailigtas ang babaeng pinakamamahal n’ya. Habang nakikipaglaban si Irish para sa kan'yang buhay, hindi maiwasang sisihin ni Jordan si Nicole, dahil naniniwala s’ya na ang walang tigil nitong panggugulo ang nagtulak sa mga pangyayaring nauwi sa aksidente. Sa pagkakataong ‘yon, napagtanto ni Jordan na hindi sapat ang pagiging mahusay na doktor kung ang taong pinakamamahal n’ya ang nasa bingit ng kamatayan. Dahil minsan, ang Code Blue ay hindi lamang laban para sa buhay, kundi laban din para sa pag-ibig na muntik ng mawala