CHAPTER 2

CHAPTER 2

Pagkarating ng bagong kasal sa reception nila ay ni hindi man lang tinitingnan ni Athena si Lucas dahil totoong naiinis siya rito dahil sa sinabi nito kanina sa kanya at bukod pa roon ay bigla rin siyang nakaramdam ng pagkailang dito.

Sa totoo lang ay napakagwapo naman talaga ni Lucas at kung titingnan mo ito ay hindi mo aakalain na napakalayo ng agwat ng edad nila ni Athena dahil napakabata talaga nitong tingnan.

Napansin naman ni Lucas ang ikinikilos na iyon ni Athena kaya naman napabuntong hininga na lamang talaga siya at saka niya hinawakan ang kamay nito at saka ikinawit sa kanyang braso.

“Umayos ka nga ng pagkilos mo Athena kung ayaw mong ipahiya ka ng iyong ama ngayon kapag nakita ka niya na ganyan ang ikinikilos. At isa pa, ano ba kasi ang isinisimangot mo r’yan? Hindi na lang talaga natanggal yang pangungunot ng noo mo at nadaig mo pa ang pasan ang mundo sa simangot mong iyan. Para sabihin ko sa’yo hindi ka naman na lugi sa akin dahil maganda naman ang lahi ko at kaya ko rin naman na bigyan ka ng magandang lahi at bukod pa roon ay kaya ko rin naman na ibigay ang luho mo,” mahinang sabi ni Lucas kay Athena nang hindi na talaga siya nakatiis sa pagsisimangot nito.

Simula kasi ng biruin ito kanina ni Lucas hanggang sa makarating sila roon sa kanilang reception ay nakasimangot na lang talaga si Athena at hindi tumitingin sa kanya.

Nanlaki naman ang mata ni Athena dahil sa sinabi na iyon ni Lucas  at hindi niya akalain na hindi pa pala ito tapos sa pang aasar sa kanya. Hindi rin talaga niya akalain na marunong din pala itong magsalita ng ganon dahil ang akala niya ay palagi lamang etong seryoso sa buhay at hindi pwedeng biruin.

“Tsk. Hindi ko naman akalain na may sapak ka rin pala sa utak. Ang akala ko pa naman ay sa matinong tao ako ipapakasal sa akin ng aking ama yun pala ay sa isang lalaki na may pagkamayabang pala niyo ako ipinakasal,” sabi ni Athena at saka niya inirapan muli ang kanyang asawa.

Mahina naman na natawa si Lucas dahil sa sinabi na iyon ni Athena dahil binibiro lamang naman niya ito at hindi niya akalain na seseryosohin nito ang kanyang sinasabi. Gusto lang naman sana niyang gumaan ang loob nito sa kanya pero mukhang napikon naman ito. Bigla tuloy siyang natuwa na pagtripan ito.

“Tigil tigilan mo yang pag irap mong iyan dahil baka patirikin ko yang mata mo sa kama,” biro pa niya rito. 

Hindi naman makapaniwala si Athena sa sinabi na iyon ni Lucas at talagang nanlaki ang mata niya habang nakatingin dito.

“Bastos!” mahinang sabi ni Athena.

“Ang mabuti pa ay pumasok na tayo sa loob dahil hinihintay na tayo ng ating mga bisita. Ayusin mo rin yang pagkilos mo dahil nakakahiya kung may makakita sa’yo na nagkakaganyan ka. Baka mamaya ay kung ano na ang isipin nila sa atin. Mamaya na lamang tayo mag usap ng masinsinan dahil kailangan pa nating harapin ang ating mga bisita. Siguro naman ay ayaw mong ipahiya ka ng iyong ama sa harap ng maraming tao ngayon,” sabi pa ni Lucas at hindi na niya pinansin pa ang pagkapikon na iyon ni Athena.

Bigla namang natigilan si Athena sa sinabi na iyon ni Lucas. Kilalang kilala na kasi niya ang kanyang ama at mabait naman talaga ito pero iba rin talaga itong magalit dahil wala itong pakialam sa paligid nito kapag galit ito at ipapahiya ka talaga nito kahit pa maraming tao sa paligid ninyo.

Napabuntong hininga na lang talaga si Athena dahil kailangan niyang ikalma ang kanyang sarili dahil ayaw niyang makita na magalit muli ang kanyang ama lalo na ngayon na napakaraming tao roon.

Muli namang hinawakan ni Lucas ang kamay ni Athena at saka sila sabay na pumasok sa loob ng venue ng kanilang reception. Sinalubong pa nga sila ng masigabong palakpakan ng lahat ng naroon.

Habang naglalakad naman papunta sa unahan ang dalawa ay napansin naman ni Athena ang kanyang ama na titig na titig sa kanya kaya naman napalunok na lamang talaga siya ng sarili niyang laway at saka siya pilit na ngumiti sa kanilang mga bisita na karamihan sa mga naroon ay hindi naman niya kilala.

Agad naman na sinimulan ang programa ng reception ng kasal nila Lucas at Athena. Pilit na lamang na nag enjoy si Athena roon kahit na ang totoo ay nalulungkot siya dahil natali na siya sa isang kasal na hindi naman niya ginusto at isa pa ay wala na rin namang magagawa pa ang pagmumuryot niya na iyon dahil kasal na sila ni Lucas.

Maya maya pa ay naging abala naman na ang lahat sa kanilang mga pagkain at maging ang bagong kasal ay kumain na rin muna dahil kailangan pa rin nilang mag ikot sa kanilang mga bisita na naroon.

Habang abala silang kumakain na dalawa ay bigla namang lumapit sa kanilang pwesto ang ama ni Athena na si Timothy kaya naman biglang napaayos ng kanyang pagkakaupo si Athena.

“D-Dad,” nauutal pa na sabi ni Athena.

Tumikhim naman si Timothy at saka siya tumayo malapit sa kanyang anak.

“Umayos ka Athena. Nakita ko ang pinakita mong ugali kanina. Ayaw mo naman siguro na mapahiya ngayon sa harap ng maraming tao,” mahinang sabi ni Timothy sapat na para marinig ng kanyang anak.

Napalunok naman ng sarili niyang laway si Athena dahil sa sinabi na iyon ng kanyang ama at talagang bigla siyang kinabahan ng dahil doon.

Bumuntong hininga naman si Lucas dahil narinig niya ang sinabi na iyon ni Timothy kaya naman tumikhim na siya upang maagaw ang atensyon nito.

“Ako na ang bahala sa anak mo. Hayaan mo na siya sa akin at kapag hindi ko na kaya ang ugali niya ay magsasabi na lamang ako sa’yo. Pero sa ngayon ay kaya ko pa naman ang ugali ng iyong anak. At isa pa gusto mo ba na parehas masira ang pangalan natin ngayon dahil kapag ipinahiya mo siya ngayon ay damay din ang pangalan ko. Kaya ang mabuti pa ay bumalik ka na roon at mag enjoy ka na lamang din,” sabat naman na ni Lucas at saka siya tumingin kay Athena na nakayuko na lamang ang ulo.

Naipilig naman ni Timothy ang kanyang ulo dahil sa sinabi na iyon ni Lucas at saka siya tumingin sa kanyang anak.

“Ayusin mo yang ugali mo Athena. Wag mo kaming ipahiya rito ngayon. Mga kilalang tao ang mga bisita ninyo ngayon kaya makisama ka kung ayaw mong mapahiya,” baling ni Timothy sa kanyang anak.

Hindi naman nagsalita si Athena at tanging pagtango lamang ang naging tugon niya rito.

“At ikaw naman,” baling ni TImothy kay Lucas. “Baka nakakalimutan mo na ako ang ama ng iyong asawa. Kaya matuto ka ring gumalang sa akin,” seryosi naman na sabi ni Timothy sa kanyang kaibigan.

Nagulat naman si Lucas sa sinabi na iyon ni Timothy at bigla nga siyang napangisi ng dahil doon.

“Oo nga pala. Kamuntik ko ng makalimutan. Ano ba ang gusto mong itawag ko sa’yo? Dad? Papa? What do you think?” pang aasar ni Lucas sa kanyang kaibigan.

“Siraulo,” sagot ni Timothy at saka niya sinamaan ng tingin si Lucas bago niya tinalikuran ang mga ito.

Natawa naman si Lucas sa inasta na iyon ng kanyang kaibigan dahil ang sarap lang nitong asarin pero bigla rin talaga siyang napaisip kung ano ang itatawag niya rito ngayon dahil byenan na niya ito ngayon.

Samantalang si Athena naman ay nagulat sa biro na iyon ni Lucas sa kanyang ama at talagang pigil na pigil din niya ang kanyang sarili na matawa dahil sa naging tanong na iyon ni Lucas sa kanyang ama. Bigla rin tuloy siyang napaisip na  ano nga ba ang itatawag ngayon ni Lucas sa kanyang ama ngayong asawa na niya ito gayong magbestfriend ang mga ito noon pa man.