Chapter 5

“Doc, may sakit ho ba ako?” tanong ko sa doktor dahil sa labis na pag-aalala. 

“Wala kang sakit, Mrs. Mackenzie, kaya ka hinimatay dahil buntis ka. Congratulations!” masayang sambit ng doktor. Narinig ko pa siyang pumalakpak.

“A-ako? Buntis? Doc, totoo ba talaga?” tanong ko dahil hindi ko naman nakikita. 

Hindi pa rin matanggal-tanggal ang kaba at takot ko sa tuwing may mga pagkakataon na hindi ako sigurado dahil lang sa hindi ko makita ang lahat ng nasa paligid ko. 

“Heto ang result ng iyong physical examination, Mrs. Mackenzie, you are 8 weeks pregnant. Ire-refer kita sa OB na kakilala ko para mabigyan ka ng tamang gamot.” sabi ng doktor na inilagay sa kamay ko ang papel. 

Kaagad namang kinuha sa akin ni Ate Miracle ang inabot na papel na naglalaman ng results ko. 

“Naku Ma’am Aisza, congratulations po! Talagang buntis kayo!” bulalas ni Ate Miracle at sa tono ng pananalita niya ay masaya siya kaya napanatag na din ako. 

“Finally, may tagapagmana na ho si Sir Marco!” dagdag pa nito. 

Napangiti ako at hinawakan ang aking sinapupunan. Masayang-masaya rin ako. Sa wakas, magkakaroon na rin kami ni Marco ng isang supling na siyang magpapatatag ng pagmamahalan namin. 

Nang araw din na iyon ay nagpatulong ako sa mga maids na ihanda ang mga paboritong pagkain ni Marco gaya ng kare-kare at bicol express. 

Kahit na wala akong makita at mahirap para sa akin na gawin ang mga bagay-bagay ay pinilit ko para mapasaya ang asawa ko pag-uwi niya. 

Nang maiayos na ang lahat ay naligo na ako. Inayos ang aking sarili, nagbihis ng maganda at nagpabango. 

Saka ako naupo sa hapag kainan para hintayin siya. 

Ang papel na nagsasabing buntis ako ay nakalatag sa lamesa sa gilid ko. Naka fold iyon ng maayos. 

Hanggang sa lumipas ang tatlong oras. 

“Ma’am, mukhang gagabihin ho ata si sir ngayon. Tinawagan niyo na ho ba siya?” tanong ni Miracle. 

“Hindi pa, pero sige… susubukan kong tawagan.” 

Kinuha ko ang cellphone ko at sinimulang magpindot ngunit nagulat ako nang hindi si Marco ang sumagot. 

“Hello? Aisza? napatawag ka? may nangyari ba?” 

Nagulat ako sa narinig kong boses sa kabilang linya. Bumalot ang takot sa aking buong katawan. Ang father-in-law kong si Mr. Cain Mackenzie. 

“M-Mr. Mackenzie?” 

“Yes? may kailangan ka ba?” 

“Wa-wala po, pasensya na ho kayo, mali ho ako ng natawagan. Tatawagan ko po kasi sana si Marco.” 

“Bakit? wala pa ba dyan ang anak ko?” 

“Wala pa po eh… hindi pa umuuwi. Naghanda po kasi ako ng mga paborito niyang pagkain.” 

“Bakit? anong meron?”

“May importante po kasi akong sasabihin sa kanya.” 

“Kung hindi pa siya makakauwi, mauna ka nang kumain at matulog. Masama sa babae ang nagpupuyat.” malamig na sambit niya sa kabilang linya. 

Ngunit… habang kausap ko siya ay may mga naririnig akong hindi kaaya-aya katulad ng (Boss, naligpit na po namin…)

(Malinis na po, Boss, nagawa namin ang trabaho…)

(Boss, hindi na po makakapagsalita iyon, naligpit na namin.)

(Boss, pinapatanong po ng kapatid niyong si Sir Silas kung kailan daw ang shipment ng mga illegal?)

“O-opo, dad, papatayin ko na po ang tawag, pasensya na po… baka nakaistorbo po ako sa inyo. Ingat po kayo sa business trip niyo.” 

Pagkasabi ko niyon ay kaagad kong pinatay ang tawag. Gumapang ang takot sa aking buong katawan. Ano ba talagang klaseng trabaho ang meron si Mr. Mackenzie? at saka… nakakahiya! Sa dami ba naman ng matatawagan ko ay ang father-in-law ko pa! 

Kinapa ko ang isang baso na may lamang tubig sa gilid ko at ininom iyon. 

“Miss Aisza, okay lang ho ba kayo?” tanong ni Ate Miracle. 

“Oo, okay lang ako.” 

“Natawagan niyo ho ba si sir Marco?” tanong niya ulit pero… hindi ko na sinubukang tawagan pa si Marco. 

Late na rin at siguro ay talagang kailangan niyang mag overtime sa trabaho kaya naman…

“Ate Miracle, kakain na ako, hindi ko na hihintayin si Marco,” saad ko na yumuko. 

Inihanda nila ang pagkain ko. Tama ang sinabi ni Mr. Mackenzie, kailangan ko nang kumain at pagkatapos ay matulog. Hindi ko pwedeng pabayaan ang sarili ko dahil buntis ako. 

Ramdam nilang lahat ang lungkot ko at alam kong naaawa sila sa akin ngunit wala naman silang magagawa. 

Nangako sa akin si Marco, ngunit maging siya ay hindi kayang panindigan ito ng maayos. 

Sa tuwing uuwi siya ay naging napakalamig ng trato niya sa akin. Na para bang hindi niya ako asawa pero naiintindihan ko dahil… sino ba namang magkakagusto sa babaeng bulag? 

Alam ko na iyon sa simula pa lang ngunit pumayag akong magpakasal sa kanya sa pag-asang paninindigan niya ang lahat ng mga ipinangako niya sa akin pero… mukhang totoo ngang sa umpisa lang magaling ang mga lalaki. 

Nang matapos akong kumain ay nagpasama na ako kay Ate Miracle sa kwarto ko. 

Naghilamos at nagsuot na ako ng silk nightgown ko at naghanda na para matulog. Inihiga ko ng maayos ang katawan ko sa kama at hinila ang comforter. Papikit na ako ngunit hindi pa man ako lubusang nakakatulog ay narinig kong bumukas ang p***o.

“Sino yan? Marco, ikaw na ba yan?” 

“Oo, Aisza.” narinig kong saad ni Marco. 

Napangiti ako at bumangon. 

“Marco, pwede ka bang lumapit sa akin? may sasabihin akong importante.” 

“Pasensya na ah, pagod ako, kung anuman yang sasabihin mo, please, make it quick.” malumanay ngunit malamig na sabi ni Marco at lumapit para yakapin ako. 

“Marco, buntis ako!” masayang sambit ko sabay ipinakita sa kanya ang papel na naglalaman ng physical examination ko. 

“Ano?!” tanong niya na animo’y naguguluhan. 

“Nagpasama ako kay ate Miracle kanina sa doktor diba? I called you and guess what! ang sabi niya ay buntis daw ako at 8 weeks na!” 

Padabog na kinuha sa akin ni Marco ang papel ngunit nagulat ako nang maramdaman ko ang pagsakal niya sa leeg ko. Isinandal niya ako sa pader habang marahas na hawak ang leeg ko. Hindi na ako halos makahinga. 

“Hayop kang babae ka! paano ka nabuntis?! eh hindi naman kita hinahawakan?! pinaglololoko mo ba ako?! sinong ama niyan?! hindi ako magpapalaki ng bastardo sa pamamahay ko!” sigaw ni Marco na galit na galit. 

“Pe-pero… s*xu*lly active tayo, diba?” mahinang sagot ko dahil hawak niya pa rin ang leeg ko. 

“Tanga ka ba?! paano ako makikipag*ex sayo? eh palagi akong pagod sa trabaho?! kanino ka nakikipag*ex?! huh?! sagutin mo ako, Aisza! sinong ama niyan?!” singhal ni Marco na naiinis na. 

“I… ikaw…” nagsimulang tumulo ang mga luha ko. Binalot ako ng takot. 

“Hindi ako ang ama niyan dahil simula nang ikasal tayo, kahit isang beses ay hindi kita hinawakan!” nanggagalaiti na sa galit si Marco sa tono ng pananalita niya at hindi ko malaman ang gagawin. 

Simula pa lang ng honeymoon namin ay hinahawakan niya na ako… bakit niya itinatanggi ngayon ang mga maiinit na sandaling pinagsaluhan namin?