KABANATA 20

"Kaya mo bang ituro ang physical education, Ma'am?" Tiningnan pa ako nang mariin ng principal.

Wala naman akong choice. Kahit hindi ako sporty na tao ay kaya ko naman sigurong pag-aralan at ituro ang P. E

"Kakayanin po, Ma'am." Ngumiti pa ako nang malapad upang ipakitang determinado ako.

"Okay, Ma'am. Start ka na po bukas. Kulang po kasi kami sa guro para sa subject na iyon. Hindi po kalakihan ang sweldo pero tumataas naman po."

She shakes my hands. Gumaan ang pakiramdam ko na makababalik ako sa pagtuturo. Kahit hindi ako pinapagastos ni West ay nakahihiya pa ring maging palamunin niya.

"Thank you po, Ma'am." Ngumiti siya at nakiselfie pa bago ako hinayaang makaalis.

Malawak ang school at kada building ay tigdalawang palapag. Marami-rami ang mga estudyante at halatang may kaya sa buhay. Tulad sa dati kong school ay halo ang mga estudyante. Simula elementary hanggang senior high school.

Napaupo ako sa waiting shed malapit sa guard. Nag