CHAPTER 6: INSTANT WIFEY

Kasabay ng opisyal na pagtanggap kay Zseya bilang bagong empleyado ng Zamora Legacy, isang lihim na pangyayari ang hindi alam ng karamihan sa mga empleyado, ikakasal na siya sa mismong may-ari ng kompanya.

She’s soon to be Zseya Arguelles—Zamora.

Sa isang maliit na hall ng city hall, pormal silang nakatayo sa harap ng isang hukom. Simple lang ang kasuotan ni Zseya—isang cream-colored na dress na hanggang tuhod. Si Drayce naman, naka-black button-down at dark slacks. Wala sa itsura nilang ikakasal sila… pero andoon ang tension sa hangin.

“Wait, seryoso kayo rito?” tanong ni Kaelion habang nakatayo sa gilid nila, halatang pinipigilang matawa. “Akala ko prank ’to, bro.”

“Does this look like a prank to you?” malamig na sagot ni Drayce sa kaibigan, hindi man lang lumingon.

Napakamot si Kaelion sa batok. “Well… medyo?” Nahatak lang talaga siya rito.

Napangiti nang tipid si Zseya pero hindi na nagsalita. Pinipilit niyang hindi mapansin ang kaba sa dibdib niya. Ibang klase ang eksenang ’to—hindi ito ang kasal na naisip niya noon. Pero hindi rin ito ang lalaking basta mo lang makikilala kung hindi pinahintulutan ng kapalaran.

Sa dulo ng seremonyas, pormal nang inanunsyo ng judge, “By the power vested in me, I now pronounce you… husband and wife.”

Nakuha ni Kaelion ang eksaktong moment kung saan hawak ni Drayce ang kamay ni Zseya habang seryoso silang nakatingin sa isa’t isa. Sa caption ng litrato, agad siyang nagtype—

“GUYS. HINDI ‘TO PRANK! MAY ASAWA NA SI D! #SecretWedding”

At ipinadala agad ni Kaelion sa group chat ng barkada.

Samantala hindi na hiningi ni Drayce ang you may kiss the bride.

Pero bago pa man tuluyang tumalikod si Zseya, bumulong si Drayce, “From now on… you’re mine, Mrs. Zamora…”

Tumaas ang balahibo niya at tila napakislot siya sa paos na boses nito.

Sa hallway ng city hall, napapailing si Kaelion habang kasabay ni Drayce sa paglalakad.

“Okay, seryoso nga. Hindi na biro. Damn. Nag-asawa ka nang hindi mo man lang kami sinabihan nang mas maaga. And your bride… your employee?”

Hindi nagsalita si Drayce.

Ngunit habang nakatalikod si Zseya at inaayos ang suot niya, napatingin si Kaelion sa kaibigan niya. Doon niya lang napansin—may ngiti si Drayce.

It’s not simple smile. Ngiting may sikreto ‘yon. At doon niya lang naisip... Hindi lang ito kasal para kay Drayce— it’s more than that.

Pagkatapos ng kasal, tahimik silang magkasamang lumabas ng city hall, habang si Kaelion ay umalis na rin, naiiling at natatawa pa rin sa bilis ng pangyayari.

Sa sasakyan ni Drayce, doon sila unang nakapag-usap nang masinsinan.

“Where will I stay?” tanong ni Zseya, mahinahon ngunit halata ang kaba sa boses.

Tahimik si Drayce habang nakatingin sa unahan ng kalsada, saka marahang sumagot, “You’ll stay with me. My place is safer.”

Hindi na sumagot si Zseya. Hindi niya alam kung ano ang mararamdaman—takot, kaba, o excitement? Pero bago pa man siya lamunin ng kung anu-anong emosyon, inabot sa kaniya ni Drayce ang isang maliit na box na itim.

Pagbukas niya, isang itim na credit card ang naroon. Simple pero elegante. May pangalan niya na nakaukit sa ilalim.

“Ano… ito?” tanong niya, hindi makapaniwala.

“Your credit card,” sagot ni Drayce. “No limit. Gamitin mo kahit kailan, kahit saan. You're my wife now. Hindi kita papayagang mawalan o mahirapan. Ever again.”

Napatitig si Zseya sa card, at unti-unting napuno ng luha ang mga mata niya. Wala siyang masabi. Wala pa siyang nakilalang tao na ganito magpakita ng suporta at tiwala, kahit pa kasal lang nila ay nagsimula sa kasunduan.

Sa kabilang banda…

Habang magkasama silang kumakain sa isang tahimik na restaurant, biglang tumunog ang cellphone ni Drayce.

Nang sagutin niya, isang pamilyar at mabigat na boses ang narinig niya sa kabilang linya.

“DRAYCE! TOTOONG IKAW BA ’TO?! MAY PINADALA SA AKING LITRATO NG KASAL MO!”

Napakurap si Drayce. Nilingon niya agad si Zseya, na abalang nagbubukas ng menu. Tumikhim siya at tumalikod.

“Lolo… I was going to tell you—”

“HUWAG MO AKONG MA-‘LOLO’ D’YAN! HINDI KA MAN LANG NAGPAALAM! NAG-ASAWA KA NA?! SINO ’YANG BABAE NA ’YAN?!”

“Calm down, Lolo—” sabi niya sa mas mahinang tono.

“Magkita tayo. Bukas. Sa bahay. Dalhin mo siya.”

At bago pa siya makatanggi, ibinaba ng matanda ang tawag.

Napatingin siya kay Zseya. Hindi niya alam kung ipapaalam ba niya agad o ipagpapaliban.

“Get ready, you will meet my grandfather tomorrow.” sambit ni Drayce.

Napakagat sa ibabang labi si Zseya. “Okay.”

“Damn those lips.” bulong ni Drayce.

“Ha?”

“Nothing. I said, ‘it’s just quick.”

Kinabukasan, nakahanda na si Zseya, suot ang isang simple ngunit eleganteng blouse at slacks. Halata ang kaba sa kilos niya, lalo na't sinabi ni Drayce na pupunta sila sa bahay ng Lolo nito, ang kilalang mahigpit, mapanghusga, at dominante sa pamilya Zamora.

Sa loob ng sasakyan, tila balisa si Drayce. Hindi siya sanay na magpaliwanag, lalo na sa matanda niyang Lolo. Ayaw niyang ipakita si Zseya roon, dahil baka masaktan lang ito.

Pero hindi niya rin pwedeng iwasan.

Pagdating nila sa malawak na mansion ng Zamora patriarch, ay pinapasok kaagad sila nang makilala ang kotse ni Drayce.

“Lolo…” bungad ni Drayce nang pumasok sila.

Sa gulat niya, hindi galit ang sumalubong sa kanila… kundi isang masayang ngiti mula sa matanda. Nasa terrace ito, nakaupo at nakangiti, habang pinapalamig ang tsaa.

“Ahh! Ito ba si Zseya? Ang ganda naman pala ng napangasawa mo, iho!” lumapit agad ang matanda at inabot ang kamay ni Zseya.

“Good morning po,” sagot ni Zseya, magalang ngunit halatang ninenerbyos.

“Come, come. Maupo kayo. Dito kayo sa tabi ko,” anang matanda.

Tahimik lang si Drayce. Bakit parang ang bait ni Lolo ngayon? Nagkatinginan pa sila ni Zseya, at parehong litong-lito.

“Alam mo, matagal ko nang gustong magkaroon ng apo sa tuhod,” ani Lolo habang nakatingin sa kanilang dalawa. “Ngayon na kasal na kayo, pwede niyo nang simulan 'yan! Bigyan niyo na ako ng apo!”

Halos mabulunan si Drayce sa sariling laway.

“Lolo—what?!”

“Bakit?” kunot-noong tanong ng Lolo. “Hindi ba’t normal lang naman sa bagong kasal ’yon?”

Numula ang pisngi ni Zseya, at tila pinipigilan niyang mapahiya, habang si Drayce naman ay namutla sa kinauupuan.