#12:

"Mag usap tayo."

Tumigil sina Amaya at Sonia sa paglalakad ng makasalubong nila si Richard.

Pababa na sana sila para bumili ng pananghalian at hindi naman nila inaasahan na pupuntahan pa talaga ni Richard si Amaya.

"Wala na tayong pag uusapan pa." balak sanang iwasan ni Amaya si Richard ngunit mabilis na umangat ang kamay ni Richard at nahawakan siya sa braso at napigilan sa paglampas niya dito.

"Kapag sinabi kong mag usap tayo, mag uusap tayo." nasa tono ni Richard ang galit na humigpit pa ang pagkakahawak nito sa braso niya.

"Bitawan mo ang kaibigan ko, kuya Richard." pumagitna naman si Sonia sa pagitan nila at pilit na kinakalas ang pagkakahawak ni Richard sa kanya.

"Huwag kang makialam dito, Sonia."

"Anong huwag makialam. Kaibigan ko si Amaya at wala kang karapatang pilitin siya na kausapin ka kung ayaw niya. At kung hindi mo siya bibitawan ay tatawagan ko ngayon din si Tito Kent at sabihin sa kanya na hinaharass mo si Amaya." mahabang sumbat ni Sonia sa pinsan.

Inilabas ang cellp