FOURTEEN

“Who’s that?” tanong ni Jacinta nang maibaba niya ang telepono.

Ito ang babaeng sinasabi ng kaniyang ama na i-date daw niya. Senator Conrad Quirino’s only daughter. Ang senador na may pinakamaugong na pangalan sa senado. At maugong din ang pangalang tatakbo bilang pangulo ng bansa sa susunod na halalan.

Nakakalokong napangiti siya sa sarili.

So, his father was now up to political clans. At talagang pinag-aralan nitong maigi kung kaninong angkan ito makikinabang. Hindi na talaga ito nagbago.

Napatingin siya sa babae.

“Nothing,” aniya at kinuha ang menu na iniabot ng waiter kanina.

Subalit wala sa nilalaman niyon ang isip niya. Na kay Yeisha iyon na katatawag lang.

Hindi niya mapigilan ang hindi mag-alala rito. Kung hindi siya nagkakamali nakaringgan niya ang paghikbi nito kanina.

Umiiyak ba ang babae? Pero bakit? May nangyari ba? May problema ba ito? Pero bakit siya ang tatawagan nito? Was it about her second ex-husband?

Sa naisip ay napahigpit ang pagkakahawak niy