Dreaming

Chapter 5

Carlo’s POV

Hinintay kong makasakay si Evie sa motor niya.  Humanga na naman ako dito dahil bihirang may makilala siyang ganito kagandang babae , pero isang rider ng big bike, walang pakialam sa hitsura at sa sasabihin ng mga tao.  Hindi katulad ng mga babaeng nakilala na niya, mga sophisticated at maarte.

Napakatalino ni Evie at skilled.  Kaya malamang maraming nagkakagusto sa kanya.

Nasabi ko sa sarili ko, "Grabe, iba talaga siya sa lahat. Kahanga-hanga siya."

Umorder na kami  at umupo na. Ang bango sa loob ng coffee shop, ang aroma nito, nakaka-relax na ambiance, acoustic music at friendly na mga barista.

Di ko maiwasang mapagmasdan si Evie.  Napakakinis ng balat nito, at kahit nakapulbos lang at napakasimple.   Mangingibabaw pa rin siya sa lahat ng babaeng nakilala ko na.  Natutunaw ako sa tuwing ngumingiti siya.  Ang sarap niyang panoorin.  Hindi kasi siya mapagkunwari. Ipinapakita niya ang kanyang pagiging natural pero napakalakas ng dating sa akin.

Hindi mo akalain na minsan ay mayroon kaming hindi magandang encounter sa isa't isa. Para kaming matagal nang magkaibigan o mapagkakamalang magkasintahan.   Mas maganda nga kung ganun. Sa loob-loob ko.   Napapatingin na lang ang ibang customer sa ganda niya.  May katangkaran din kasi ito. 

Marami na kaming napagkuwentuhan.  Tungkol sa aming mga trabaho at mga sakit sa ulo na mga empleyado.  Ako sa realty at siya naman ay sa construction, dahil Civil Engineer siya.  Halos magkadugtong naman ang aming negosyo, kaya may mga kilala siyang tao na pamilyar din ako.  Napakalalim ni Evie Gutierrez.  Gusto ko pa siyang makilala nang higit.  May chance kaya ako sa kanya?   Hindi muna ako magmamadali.  Bibigyan ko ng pagkakataon ang sarili ko na mabihag ng babaeng nasa harap ko.

Nagtatawanan kami at pinag-uusapan ang mga nakakahiyang nangyari sa amin.   Ang panggugulo ko sa meeting nila ni Andrew at maging ang nakakatakot na nangyari nung isang gabi sa parking lot habang pasakay na ito sa kanyang kotse

Tinanong niya ako

“If I may ask, Carlo, ano ang ginagawa mo doon noong gabing nakita mo ako sa parking? Akala ko nauna kang umalis.  Nakita kasi kitang umalis na sa resto.”

Napahawak ito sa kanyang dibdib at ngumiti.

"Talaga nakita mo ako?"

“Ikaw ha, sinusundan mo pala ako ng tingin,”biro ko.

“Naku, hindi ah, actually nagsisisi ako at hindi kita pinatid nung dumaan ka.  You almost blew my chance, kasi. Kaya. of course, I saw you off the resto,” sabay tawa nito

Natawa din ako sa sinabi niya

“Yes, paalis na ako, pero may tumawag kasi, kaya nag-stay muna ako sa kotse. Nagkataon lang, noong paalis na ako, nakita ko na may lalaking sumusunod sa iyo.  Kaya, hayun, the rest is history.” kuwento ko

“Salamat talaga, from the bottom of my heart.  It was a nightmare.  Mabuti na lang at andun ka.” sabi niya

Naproud naman ako sa mga sinabi niya.  Kaya sa tingin ko may plus points na ako sa kanya.

Ikinuwento ko pa.

“Honestly Evie, natakot din ako dun, medyo malaking tao din siya eh, hindi ko din alam ang gagawin ko kaya mabuti na lang nakasakay na ako sa kotse at may malakas na ilaw” sabay tawa ni Carlo

"Kaya iyon ang naisip kong paraan para mapigilan siya sa kung ano man ang plano niyang gagawin sa iyo," idinagdag ko pa.

"Hindi ko rin naman nakita ang hitsura ng lalaki, pero natakot na talaga ako para sa buhay ko." kuwento niya.

“Medyo nawala ako sa sarili ko for a moment; ang totoo, hindi ko na maalala ang mga detalye sa gabing iyon,” saad pa niya.

“You’ve been traumatized before, tama?”pagtatanong ko.

"Sorry for intruding, pero the way you responded that time after ang tagal mong mag-react," sabi ko.

Pero hindi na siya kumibo at iniba na lamang ang usapan. At dahil nahalata ko na ayaw na niya ang topic, nirespeto ko na lang siya at hindi na nagtanong pa.

Kahit sino naman ay magpa-panic kapag nangyari ang gayon.  Hindi iyon magandang maalala pa.  

Kaya nagkuwento na lamang ako ng ibang bagay.  Nakikinig siya nang mabuti sa akin at gayundin ako sa kanya.  Ang dami kong gustong sabihin. Gusto ko kasing makasama pa siya nang mas matagal.  Kaya ayaw kong matapos ang oras na ito.    Napakasaya ng puso ko.  At hindi ko itatanggi na mabilis ng nahuhulog ang damdamin ko sa kanya.