KABANATA 1.2

Sina Hunter at Avery ay isang kilalang ginintuang magkasintahan sa industriya. Alam ng lahat na si Avery, ay minamahal ni Hunter. Gayunpaman, isang biglaang aksidente, tatlong taon na ang nakalilipas ang nag-iwan kay Hunter sa isang vegetative state, at bigla ding naglaho na parang bula si Avery.

Nang panahong iyon, ibinalik siya ng pamilyang Carter mula sa kanayunan at pinilit siyang pakasalan si Hunter, na nasa isang vegetative state noon.

Nang malaman niyang si Hunter Carlson pala iyon, ang Hunter Carlson na matagal na niyang minamahal,hindi na ito nagdalawang isip at kusa niya itong pinakasalan.

Pagkatapos ng kanilang kasal, si Hunter ay isang lantang gulay sa loob ng tatlong taon. Sa loob ng tatlong taong iyon, inalagaan niya ito araw at gabi, nanatili sa bahay, walang naging sosyal na buhay, at inilaan ang sarili sa pagpapagamot nito. Siya ay naging isang maybahay na umiikot sa kanya, at kalaunan ay nagising ito.

Kumuha si Ayla ng lighter at sinindihan ang kandila.

Isang mahinang liwanag ang sumilay, at nakita ni Ayla ang sarili sa salamin sa harap niya, isang maybahay sa kanyang palaging kupas na itim at puting damit, makaluma at hindi kaaya-aya. Parang manang.

At si Avery, na naging Prima Ballerina sa nakalipas na tatlong taon, ay napakabata, masigla, at maganda.

Siya ang pangit na pato.

Si Avery ay isang maputi at magandang sisne.

Pagkagising ni Hunter, nakipagbalikan siya sa sisne, iniwan ito, ang pangit na pato.

Hindi siya mahal ni Hunter, pero mahal niya si Hunter.

Sinasabing ang unang umibig sa isang relasyon ay nakatadhana nang matalo, at ngayon ay labis siyang natalo ni Hunter Carlson.

Namuo ang mga luha ni Ayla habang hinipan niya ang mga kandila.

Muling nalubog sa walang katapusang kadiliman ang buong villa.

Maya-maya lang, biglang sumilay ang dalawang maliwanag na ilaw sa harap ng sasakyan mula sa labas, at mabilis na huminto ang Rolls-Royce Phantom ni Hunter sa labas.

Napapikit dahil sa biglang liwanag si Ayla, nakabalik na nga talaga siya.

Akala niya hindi ito uuwi ngayong gabi.

Di nagtagal ay bumukas ang malaking pinto ng villa, at isang gwapo, matipuno at marangal na pigura, ang pumasok sa tanawin. Nakauwi na si Hunter Carlson.

Ang pamilyang Carlson ay isang aristokratikong pamilya sa Taguig. Si Hunter Carlson, bilang tagapagmana ng pamilyang Carlson, ay may kahanga-hangang talento sa negosyo mula pagkabata. Nakakuha siya ng dalawang master's degree mula sa Harvard sa edad na 16. Kalaunan, inilista niya ang kanyang unang kumpanya sa Wall Street at gumawa ng pangalan para sa kanyang sarili. Pagkatapos bumalik sa Manila, opisyal niyang pinangasiwaan ang negosyo ng pamilyang Carlson at naging pinakamayamang tao sa Taguig.

Pumasok si Hunter, ang kanyang malalim at mapang-akit na boses ay may bahid ng pagiging maalalahanin, "Bakit hindi nakabukas ang mga ilaw?"

*click*

Inabot niya ang kamay at binuksan ang wall lamp.

Napapikit sandali si Ayla dahil sa liwanag, at nang idilat niya itong muli, tumingin siya kay Hunter. 

Si Hunter ay nakasuot ng isang itim na suit. Siya ay gwapo at namumukod-tangi. Ang kanyang perpektong ratio mula ulo hanggang paa, kasama ang kanyang likas na pagiging maalalahanin at mayaman, ang dahilan kung bakit siya ay pinapangarap ng hindi mabilang na mga babae at sosyalista tuwing gabi.

Tumingin sa kanya si Ayla at sinabing, "Kaarawan mo ngayon."

Nanatiling walang ekspresyon ang gwapong mukha ni Hunter habang tamad na sumulyap sa hapag-kainan gamit ang kanyang gwapong mga mata. "Huwag mong sayangin ang oras mo sa susunod. Hindi ako kumakain nito."

Kumunot ang noo ni Ayla at nagtanong bilang tugon, "Wala ka bang pakialam sa mga bagay na ito, o ayaw mo akong makasama?"

Sumulyap si Hunter sa kanya, ngunit parang walang pakialam ang ekspresyon nito, parang ayaw niyang sayangin ang oras sa kanya. "Isipin mo kung ano ang gusto mo."

Pagkatapos niyang sabihin iyon ay tumakbo na siya pataas.

Palagi na niya itong tinatrato ng ganito.

Hindi niya kailanman makuha ang puso at atensyon nito.

Tumayo si Ayla at tiningnan ang gwapo at matipunong likod nito, sabay sabing, "Kaarawan mo ngayon, at gusto kitang bigyan ng regalo."

Hindi tumigil o lumingon si Hunter. "Hindi na kailangan."

Ngumiti si Ayla, ang kanyang mapupulang labi ay dahan-dahang kumukurba pataas. "Hunter Carlson, let’s get a divorce." 

Nakahakbang na si Hunter sa hagdan nang bigla itong huminto. Lumingon siya, ang kanyang malalim at itim na mga mata ay nakatitig sa kanya.