Chapter Thirty-two

LAMAN pa rin ng isip ni Hannah ang nakita kanina habang pauwi na siya ng bahay. Mabuti na lang dahil Sabado ngayong araw, kaya kahit magpakalunod siya pag-iisip, walang problema.

Sigurado siyang nakita na niya ang lalaking kasama ni Samantha. Pero hindi niya maalala kung saan! At bakit ito nakikipaghalikan sa ibang lalaki? Wala na ba sila ni Rafael?

Natigilan siyang bigla nang may maisip. Hindi kaya... niloloko nito si Rafael? She's cheating on him!

Nakaramdam siya ng inis para sa babaeng haliparot na iyon. May pinagdadaanan na nga si Rafael, pinagtataksilan pa niya!

Muli sana siyang maglalakad, pero naalala niya bigla ang malaking brown envelope na naglalaman ng mga larawan. Dahil sa nakita kanina, hindi na tuloy niya nabuksan ang mga larawan. Excited pa naman siyang makita ang pictures nila ni Rafael.

Nagpatuloy si Hannah sa paglalakad habang binubuksan ang brown envelope. Bumungad sa kaniya ang ilang mga kuha nila ni Rafael sa araw ng kanilang kasal—and as expected, reality slaps her so hard.

Hindi sila bagay dalawa. Para silang beauty and the Beaste. Of course, siya si Beast, at si Rafael ang magandang lalaking pinakasalan siya. Napakaguwapo nito sa suot nitong puting tuxedo, para itong prinsipe na labag sa loob na ikinakasal sa katulad niya.

Labag sa loob dahil halata sa mga larawan na ayaw ni Rafael sa kasal na iyon. Muli siyang bumuntong-hininga. Naalala niya ang pag-uusap nila kagabi. Alam niyang alam talaga ni Rafael na sa kaniya iyong photo album. Matalino ito, kaya siguradong hindi nito paniniwalaan ang ganoong kawalang kuwentang kasinungalingan.

Hindi kalayuan mula sa kinatatayuan niya, tanaw na ang bahay ni Rafael. Muli niya sanang ipapasok ang mga larawan sa loob ng envelope, pero napansin niya ang isang litrato ni Rafael. Kasama nito sa larawan si Samantha, nakapulupot ang kamay ng higad sa braso nito.

Nasaktan siya nang makitang nakangiti si Rafael. Iyon lang yata ang picture na nakangiti ito at mukhang masayang-masaya.

Mabigat ang loob na ibinalik niya sa loob ng envelope ang mga pictures saka pumasok sa bahay. Kahit naman anong gawin niya, mas lamang pa rin talaga si Samantha. She's beautiful and sexy, and a super model in America.

Bigla niyang naalala noong kumalat ang balitang ikakasal na sila ni Rafael. Pilit itinago ng lahat ang identity niya dahil may ilang tagahanga o warfreak fans sina Samantha at Rafael ang nagalit. Sa sobrang galit ng mga ito, pinagbantaan pa nilang hahanapin siya.

"Mga baliw," bulong na lang niya sa sarili.

"Hannah!" Nagulat pa siya nang marinig ang malakas na boses ni Rafael. Mabilis siyang lumingon at nakita itong kalalabas lang ng sariling sasakyan.

"Rafael! Ginulat mo naman ako!" Magkasalubong na ang mga kilay niya nang lapitan ako. Mukhang bad mood na naman ito dahil napakadilim ng mukha niya. "May dalaw yata," bulong pa ng isip ko.

"Where have you been? I've been calling you but your cell phone's off! Pumunta ako sa coffee shop na pinagtatrabahuhan mo, pero sarado! Ano ba'ng nangyayari sa 'yo? Are you avoiding me again, Hannah?" Sunod-sunod ang mga tanong nito nang tuluyang makalapit sa kaniya.

Napatda naman si Hannah. Nagtatakang sinipat niya ang buong mukha ni Rafael. Ano ba ang nakain ng lalaking ito? Medyo hindi halata na galit na galit na naman ito. Nakita kaya nito si Samantha na may kasamang iba?

Sana! Sana mag-away na sila nang bonggang-bongga at tuluyan nang maghiwalay. Kahit hindi maging sila ni Rafael sa huli, nako! Magpapa-party talaga siya kapag hiniwalayan ni Rafael ang cheater na iyon!

"Iniiwasan agad? Rafael naman, busy lang ako." Inirapan niya ito bago lumapit sa hagdan.

"Wala ka bang pasok? Bakit sarado ang coffee shop n'yo?" Sumunod si Rafael sa likuran niya.

"No class. It's Saturday, hello? Saka, may pinuntahang importante si Ma'am Cristy kaya—" Hindi niya naituloy ang sinasabi nang bigla siyang hawakan ni Rafael sa baywang at kinabig paharap dito.

"Don't ever do that again, Hannah. Masiyado kang maagang umaalis at hindi ka man lang nagpaalam sa akin! Nag-aalala ako!"

Hindi niya nagawang sumagot agad. Nakatingin lang siya sa pulang-pulang mukha ni Rafael. Para itong kamatis na nasobrahan sa hinog, sa madaling salita, overripe tomato. Hindi tuloy niya napigilan ang sarili na hindi matawa.

Lalong lumalim ang kunot sa noo ni Rafael nang makita ang reaksiyon niya. Kagat-labi tuloy siyang nagpigil ng tawa. Naiilang siyang dumistansiya rito.

"Huwag ka nang magalit—" Natigilan siya sa pagsasalita nang maramdaman niya ang matigas na pader sa kaniyang likod. Kakaatras mula kay Rafael, hindi tuloy niya napansin ang dingding ng kusina.

Napangiti naman si Rafael. Lalo siyang nilapitan nito para ma-corner. "Palamigin mo ang ulo ko. Init na init ako dahil sa iyo."

Halos matulala siya sa mga sinabi ni Rafael. Mataman itong nakatitig sa kaniya at halos gahibla na lang ang layo ng mukha nila sa isa't isa. Panay baba pa ng tingin nito sa mga labi niya na para bang . . . pinagbabalakan na naman siyang halikan.

No!

"Rafael?" Pilit niya itong nginitian. Kahit pa gustong tumalon ng puso niya palabas ng kaniyang dibdib, nagawa niyang maging kalmado sa harap nito.

Marahan niya itong itinulak sa matitipuno nitong dibdib. Subalit napasinghap siya nang bigla nitong hinuli ang kamay niya. Hinila siya ni Rafael palapit dito nang hindi tinatanggal ang pagkakatitig sa mukha niya.

"Yes, Hannah?" Sa sobrang lapit ng mukha nila sa isa't isa, amoy na amoy na niya ang mabango nitong hininga. Gumagamit ito ng mouthwash kaya ang fresh ng hininga nito, parang gusto niyang tikman.

Ay, shit! Nababaliw na naman siya!

Hindi siya nagpahalatang apektado siya sa ginagawa ni Rafael, kaya sinalubong niya ang mga mata nito.

"I have a surprise for you!" masigla niyang sabi na ikinangiti nito. Bumaba pa ang paningin nito sa bandang ano niya . . . doon, sa may kuweba.

Bastos talaga!

"Pipirmahan ko na ngayon din ang kontrata! Exciting, isn't it?"

Mabilis na naglaho ang ngiti sa mukha ni Rafael. Parang bula na bigla itong naglaho. Nag-isangguhit pa muli ang mga kilay nito.

"Ang saya, `di ba? Finally, pumayag na ako!" Nginitian niya ito nang malapad.

Ramdam niya ang pagkirot ng puso niya, pero kailangan niya itong gawin para hindi na siya umasa pa kay Rafael. Hindi sila nababagay. Kailangan niyang itanim iyon sa kaniyang utak.

"Nalimutan ko kasi, e. Sorry, huh?" Tinitigan niya nang mabuti ang mga mata ni Rafael. Inaasahan niyang liliwanag iyon at kikislap sa sobrang saya.

Matagal din itong hindi nakapagsalita. Tahimik siyang pinagmamasdan, na para bang tinatantiya kung seryoso siya o hindi. Makalipas ang ilang segundo ay ngumiti ito. Ngiting hindi abot sa mga mata.

"Let's not talk about that for now, Hannah. Hayaan na muna natin matapos ang anim na buwan."

Natigilan siya sa narinig. Totoo ba ang mga narinig niya? O pati pandinig niya, pinaglalaruan na rin siya? Hindi siya makapaniwalang tinanggihan ni Rafael ang bagay na iyon. Is he sick? May lagnat ba ito?

"Pero bakit?"

Banayad itong ngumiti bago kinuha ang kamay niya. "Dahil gusto ko."