Chapter 6

"Make sure na mapagkatiwalaan at malinis ang lalaking ipadala mo dito, understand?" Bilin ni Jaira sa manager.

"Yes po, ma'am, right away!" Agad na tumalikod ang manager at nagmamadaling lumabas na.

Nanlaki ang mga mata ni Jaira nang makita ang pinsan na nakatayo sa sofa at nagsasayaw eh wala namang music.

"C'mon, boys, let's dance!" Gumiling si Faredah at hinubad ang suot na blazer.

"Nabuang na!" Naibulalas ni Jaira, natutunan niya ang ganoong salita sa ina na tubong probinsya. "Tumigil ka at baka matumba ka, hindi kita kayang salohin!"

"Taksil kang hayop ka!"

"P*ta!" Napamura si Jaira at tinuturo na siya ng pinsan at hawak pa ang isang bote ng alak. Nag aalala siya na baka maibato iyon sa kaniya. " mukha ba akong tukmol?" Tukoy niya sa boyfriend ng pinsan.

"Ano, mag deny ka pa? Kitang-kita ng magaganda kong mga mata kung paano mo kabayuhin ang malanding iyon!" Ibinato ni Faredah sa kung saan ang hawak na bote.

"Ahhhh! Tarantang tumakbo si Jaira palayo sa pinsan sa takot na sa kaniya tumama ang ibinato nito. Ngunit bigla siyang nauntog naman sa kung saan.

"Okay ka lang?"

Mabilis na bumitaw si Jaira mula sa pagkahawak sa braso ng lalaki. Doon pala siya nabunggo. "Ikaw na ba ang napili ng manager at pinadala dito?"

Sa una ay clueless ang binata pero agad ding tumango.

"What is your name?" tanong muli ni Jaira sa binata. Guwapo ang lalaki at makisig. Hindi na lugi ang pinsan niya kung sakali. Mabango din ito at malinis tingnan, puwedeng irampa at ipagmalaki.

"Blake." Maiksing tugon ng lalaki at napatingin sa dalagang nasa itaas ng sofa.

"Okay, Blake, nakita mo ang babaing iyan?" Tumango ang binata. "Pinsan ko iyan at siya ang aalagaan mo. Gawin mo ang lahat upang makalimutan niya ang gagong boyfriend niya!" May diin ang huling sinabi ni Jaira.

Umangat ang isang sulok ng labi ni Blake at hindi hiniwalay ang tingin sa babaing lasing.

Napatikwas ang kilay ni Jaira nang mahuli kung paano titigan ng lalaki ang pinsan niya. Mukhang naramdaman ng pinsan niyang may nakatingin dito at tumingin sa gawi nila. Napangisi siya nang makitang ngumiti si Faredah sa lalaki.

Mabilis kumilos si Blake nang makitang gumiwang ang dalaga sa kinatayuan nito. Bago pa ito mahulog ay nasalo niya ang katawan nito. "Easy!"

"Wow, ikaw na ba ang binibili kong lalaki?" tuwang tuwa na pinisil ni Faredah ang pisngi ng guwapong lalaki.

Natawa si Jaira nang makita ang pangungunot ng noo ng lalaki. Ang weird naman kasi ng pinsan niya ay gustong bumili ng lalaki.

Tinapik niya sa balikat ang lalaki at nagbigay instruction. "Kung ano man ang nakita mo ngayong gabi at sa mga mangayayari pa ay hindi dapat makalabas, understand?"

"Pinsan mo siya at lasing pero ipaubaya mo sa taong hindi mo kilala?"

Natigilan si Jaira at napatitig sa lalaki. Para kasi hindi ito gigolo kung manalita. "Babayaran kita ng malaking halaga para sa trabahong ito. Samahan mo lang siya ngayon pero hindi mo gagalawin."

"Hindi mo ba alam na maaring mapahamak ang kaibigan mo na basta mo na ipinagkakatiwala sa hindi mo kilala at lalaki pa?"

Napasimangot si Jaira at nasemunan pa siya ng lalaki. May point naman ito pero—natigil siya sa pag iisip nang biglang magsalita ang pinsan niya.

"Hey, may pera kami na pambayad sa serbisyong kinukuha namin sa isang tulad mo. Kung ayaw mong mapagsilbihan ang tulad ko, then umalis ka at maghahanap ako ng iba!"

Nag igtingan ang mga panga ni Blake at hindi natuwa sa idea ng dalaga na kukuha ng ibang lalaki upang pagsilbihan ito.

"Pasensya ka na sa kaibigan ko, broken hearted kasi kaya siya nagkakaganyan. Kahit ngayon lang kita nakilala ay may tiwala ako sa management ninyo dito. Alam mo nman tiyak ang trabaho mo kaysa personal na pangangailangan?" Seryusong turan ni Jaira.

Napabuntong hininga si Blake saka napatingin muli sa babaing nakayakap na sa baywang niya. "Ok, I will take care of her."