Chapter 47: Trap

  Tangan-tangan ni Liah ang kaniyang pana at alam niyang nasa tabi niya si Lala, tahimik siyang lumabas ng kaniyang silid. Hindi siya mapakali simula nang makita niya ang mga lobong kausap ng ama ni Laura. Pamilyar sa kaniya ang mga lobong iyon. Iyon ang mga lobong nakita niya na bumisita noon sa kanilang kaharian. Nais niyang matukoy kung ano ang kanilang plano, at bakit nila kausap ang ama ni Laura. Nang nakalabas na siya ng palasyo ay agad na nilabas niya ang kaniyang wand at tinawag si Lala. Ilan sandali pa, ang wand ay nag-iba na nang anyo, at bumungad si Lala, na tila tinatamad at antok na antok pa.

“Lala, ano ba?” inis na tanong ni Liah sa kaniyang pantas.

“Teka, ito na―mag-aanyong ibon na po.” Ilang sandali pa ay nag-anyong ibon si Lala. Agad naman sumakay si Liah sa likod ni Lala. Alam ni Liah ang amoy ng mga lobong ‘yong at kung kailangan niyang gumamit ng portal ay gagamitin niya, p